Gétsutsuéô 7
7
Otangô asi Israêl te 144,000 oma
1Na va mbenene vane, me Jean nameena asi g’ôba anayi amavigédu na Nzambé na amabaka mitie gô dongu na gô ékoo na gésa na gésa satsinane. Amasikaméda dipunga dimaviga gô gésa na gésa na gôsibé ôpunga ta n’ovo ômavumbéa gô tsina na gô mbéye na gô éétété. 2Na nameena dôta môvo môsi g’ôba amaviga gésa géviga kômbéne amasumbéda ndémbo étubéda ina aNzambé, Kumu amonyo. Amaamugana na gôndé akedi anayi ameetsô ôtômu gôépanza tsinane na mbéye. 3Angô mbe: Nôvenga vita. Nômbiapanza tsinane na mbéye n’eetétée, tôpanga éémba ndémbô gô panza yayanzi aNzambé asô. 4Me Jean, namabeendu ôtangôe ane ahmeembo ndémbô étubéda ina aNzambé gô panza yaô. Otangôe te môkamovo na nzima dinayi yamitônisa mioma ma mitônisa minayi mioma. Ahmabaka ôtangôe ône gô mongo metso masi Israël. 5Ndémbône émeembo gô éongo éaJuda te nzimepo na mitônisa mibaé mioma, na gô éongo éaRuben te nzimepo na mitônisa mibaé mioma na gô éongo éaGad te nzimepo na mitônisa mibaé mioma. 6Na gô éongo éAser te mônongovo na gô éongo éaNaphtali te mônongovo na gô éongo éaManassé te nane, 7na éongô éaSiméon na éongo éaLévi, na éongo éaIssacar, 8na éongo éaZabulon, na éne éaJoseph na éne éaBenjamin, mongo metso te nane na ahmaduganéô ôtangôe.
Jean ameena géômbé gévôni
9Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga. 10Ameemba na gényônga mbe: Géôbogeo gémoobou we gémaviga gôndé Nzambé asô andé digaa gô gédigaa sokumaka. Na gémaviga dôta gôndé Môpaga éndombo. 11Asi g’ôba muetso amaseta mitie gô kôbangô agédigaa sokumaka na peeye na éôma énayi évégumani. Na ahngô ahmagudama va mbene agédigaa sokumaka diôsô yaô na gô tsina gôékuméda Nzambé. 12Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.
13Payi épo ameevôa me Jean mbe: ?Ane ahndé na mikanda miavembo yandaa? ?Ahviga gôni? 14Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga. 15T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô. 16Vandé ahngô vane ahsangookôdô nzaa na sôé. Omandee akômbéne na géviôviô sedi gésangoomba édenga ahngô. 17Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.
Currently Selected:
Gétsutsuéô 7: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Gétsutsuéô 7
7
Otangô asi Israêl te 144,000 oma
1Na va mbenene vane, me Jean nameena asi g’ôba anayi amavigédu na Nzambé na amabaka mitie gô dongu na gô ékoo na gésa na gésa satsinane. Amasikaméda dipunga dimaviga gô gésa na gésa na gôsibé ôpunga ta n’ovo ômavumbéa gô tsina na gô mbéye na gô éétété. 2Na nameena dôta môvo môsi g’ôba amaviga gésa géviga kômbéne amasumbéda ndémbo étubéda ina aNzambé, Kumu amonyo. Amaamugana na gôndé akedi anayi ameetsô ôtômu gôépanza tsinane na mbéye. 3Angô mbe: Nôvenga vita. Nômbiapanza tsinane na mbéye n’eetétée, tôpanga éémba ndémbô gô panza yayanzi aNzambé asô. 4Me Jean, namabeendu ôtangôe ane ahmeembo ndémbô étubéda ina aNzambé gô panza yaô. Otangôe te môkamovo na nzima dinayi yamitônisa mioma ma mitônisa minayi mioma. Ahmabaka ôtangôe ône gô mongo metso masi Israël. 5Ndémbône émeembo gô éongo éaJuda te nzimepo na mitônisa mibaé mioma, na gô éongo éaRuben te nzimepo na mitônisa mibaé mioma na gô éongo éaGad te nzimepo na mitônisa mibaé mioma. 6Na gô éongo éAser te mônongovo na gô éongo éaNaphtali te mônongovo na gô éongo éaManassé te nane, 7na éongô éaSiméon na éongo éaLévi, na éongo éaIssacar, 8na éongo éaZabulon, na éne éaJoseph na éne éaBenjamin, mongo metso te nane na ahmaduganéô ôtangôe.
Jean ameena géômbé gévôni
9Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga. 10Ameemba na gényônga mbe: Géôbogeo gémoobou we gémaviga gôndé Nzambé asô andé digaa gô gédigaa sokumaka. Na gémaviga dôta gôndé Môpaga éndombo. 11Asi g’ôba muetso amaseta mitie gô kôbangô agédigaa sokumaka na peeye na éôma énayi évégumani. Na ahngô ahmagudama va mbene agédigaa sokumaka diôsô yaô na gô tsina gôékuméda Nzambé. 12Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.
13Payi épo ameevôa me Jean mbe: ?Ane ahndé na mikanda miavembo yandaa? ?Ahviga gôni? 14Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga. 15T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô. 16Vandé ahngô vane ahsangookôdô nzaa na sôé. Omandee akômbéne na géviôviô sedi gésangoomba édenga ahngô. 17Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.
Alliance Biblique du Gabon (Bible Society in Gabon) 1983