Jacques 1
1
Ditimôgi
1Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.
Bakani gébé na paga na bakani n’eodo
2Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni. 3Nôsabômu mbe vasatsuma anye ngudi yaNzambé paga nôkékôa mane makanégu anye, nôndé gôékôndégu ôbibô. 4Ivô keneani mbe nôbibéda ti v’ekôdéô éabibéda. N’anye mbe nôngaba nômatsimamani na nômadugani gévéé ta n’ebégô évo. 5Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu. 6Ivô buedi mbe môma aduké na môtémee wetso, gébé na buétsé. One atsuma paga, agono na miyôkiyôki miamubu miyôkimédu n’opunga na gésa na gésa. 7Gôndé mômane amônongo ône gôédiia éne éduki angô Kumu, géndégégé. 8Môma nône andé na mitéma mibaé na mikebanganô gô éetso ééndangô.
Ebégô éosuga na éokiti
9Muana aTéta, ône asaba môma môvôni, eena buedi vabatédu angô na Nzambé. 10Na môma môvôni eena buedi vasugédu angô na Nzambé. Okiti ôngoota mônongovo goota nzôbé éamabunza. 11Kômbéne étsigéda ômandaa na géviôviô sedi gégaséda mabunzame. Nzôbé diaaga. Enyepee yaô éôta. Mônongovo ga gékiti adimbanédiô gô mane mayanzangô.
Ebémbu na ékanégu
12One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô. 13Vakanégu môma asoongôa éénda mbe: Te Nzambé akanégi me. Nzambé asakanégu na mane mabévani. Na amuene asakanéga môma. 14Ivô môma akanégu vadutu angô na gényônga samane mabévani mookô angô tsôvé. Akuba te gô mane manyimangô. 15Mônongovo gatsua môgeto émé évunda, na abôta te muana. Te mônongovo ga môtéma amôma ôtsua ényima ébévani na ôbôta te ébéva. Ebévee évunda, na ékôdéô éangô te ôwa.
16Ana aTéta amôtéma nômbiabômédu. 17Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani. 18Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.
Oôkôni na indakani
19Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga. 20Opisa amôma ôsakônza ébégô ganyôngéô Nzambé amuene gô étsimama éedi mbe ékônzu. 21T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.
22Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô. 23Okô môma ookô mabégô na asamakenea agono na môma abono gédimô sedi gô géeno. 24Na vamanangô ébono akea. Na angô eeba tsina na tsina éne ééni angô. 25Ivô ône abono gô mige na mitôma na ndongi yetsimama, te ndongi dikuséda môma g’ôvéga, abono na nzôô, atôneegeda éangô na andé na môvinéné asangeeba mane mookiô angô. N’angô eenda metso mookiô angô angeetsô na Nzambé mate gô môdigéôe wedi.
26?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene. 27One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.
Currently Selected:
Jacques 1: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Jacques 1
1
Ditimôgi
1Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.
Bakani gébé na paga na bakani n’eodo
2Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni. 3Nôsabômu mbe vasatsuma anye ngudi yaNzambé paga nôkékôa mane makanégu anye, nôndé gôékôndégu ôbibô. 4Ivô keneani mbe nôbibéda ti v’ekôdéô éabibéda. N’anye mbe nôngaba nômatsimamani na nômadugani gévéé ta n’ebégô évo. 5Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu. 6Ivô buedi mbe môma aduké na môtémee wetso, gébé na buétsé. One atsuma paga, agono na miyôkiyôki miamubu miyôkimédu n’opunga na gésa na gésa. 7Gôndé mômane amônongo ône gôédiia éne éduki angô Kumu, géndégégé. 8Môma nône andé na mitéma mibaé na mikebanganô gô éetso ééndangô.
Ebégô éosuga na éokiti
9Muana aTéta, ône asaba môma môvôni, eena buedi vabatédu angô na Nzambé. 10Na môma môvôni eena buedi vasugédu angô na Nzambé. Okiti ôngoota mônongovo goota nzôbé éamabunza. 11Kômbéne étsigéda ômandaa na géviôviô sedi gégaséda mabunzame. Nzôbé diaaga. Enyepee yaô éôta. Mônongovo ga gékiti adimbanédiô gô mane mayanzangô.
Ebémbu na ékanégu
12One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô. 13Vakanégu môma asoongôa éénda mbe: Te Nzambé akanégi me. Nzambé asakanégu na mane mabévani. Na amuene asakanéga môma. 14Ivô môma akanégu vadutu angô na gényônga samane mabévani mookô angô tsôvé. Akuba te gô mane manyimangô. 15Mônongovo gatsua môgeto émé évunda, na abôta te muana. Te mônongovo ga môtéma amôma ôtsua ényima ébévani na ôbôta te ébéva. Ebévee évunda, na ékôdéô éangô te ôwa.
16Ana aTéta amôtéma nômbiabômédu. 17Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani. 18Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.
Oôkôni na indakani
19Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga. 20Opisa amôma ôsakônza ébégô ganyôngéô Nzambé amuene gô étsimama éedi mbe ékônzu. 21T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.
22Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô. 23Okô môma ookô mabégô na asamakenea agono na môma abono gédimô sedi gô géeno. 24Na vamanangô ébono akea. Na angô eeba tsina na tsina éne ééni angô. 25Ivô ône abono gô mige na mitôma na ndongi yetsimama, te ndongi dikuséda môma g’ôvéga, abono na nzôô, atôneegeda éangô na andé na môvinéné asangeeba mane mookiô angô. N’angô eenda metso mookiô angô angeetsô na Nzambé mate gô môdigéôe wedi.
26?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene. 27One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.
Alliance Biblique du Gabon (Bible Society in Gabon) 1983