Galatie 4
4
1Tôkanéga ébégô édué gandé muanamômôgôô angaviagana n’okiti atétedi. Vagébaka angô agébaka muanéngé agono na môvéga. Buéyé nane, angô asabômu mbe éômee yetso, me te kumu éayangô. 2Vagébakangô muanéngé andé gô tsina otômu ane akenea angô na éômee éedi yetso. Adigaa gô tsina aô ngu na vangabuéa ndéône émabeenda tétedi g’ôgi edi amôyusumédu mbe: Nôétsa muanee wami mikuanyamie. 3Na wa n’anyô tôndé te mônongovo. Vamabaka wa n’anyô tôgébaka ga muanéngé tômabaka te avéga éesôga ébévani éatsengene. 4Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif. 5Ameenda nane te mbe muanedi angoobo wa n’anyô muetso tôndé gô tsina amige miaNzambé gômbe tôngaba asi mbumu éaNzambé, anedi apie.
6Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta. 7Vane gôndé anye gôsabadô môvéga. Môma na môma va gatse anyô nôndé te anedi. Vandé anye anedi anganôdugéda mônongovo gadugédu môma mikuanya mikenea angô gôndé anedi.
Paul amakebangana gôndé asi Galatie
8Va mbeego anye nôsimenya Nzambé. Nômabaka g’ôvéga ômatômu anye n’ene éyanza môma na mogo medi, éne égonédangô na Nzambé, ivô kaka Nzambé. 9Ivô ndéô nedué anye nôsabômu Nzambé. Béyé nane, éne éôtéa évôni te mbe ndéô nedué Nzambé asabômu anye. ?Ndéô nedué nôngoongôa énikéa égobeda ésôgee ébévani ésaba na ngudi nayee¿ Nônganika éengéa gôéba avéga nayee? 10Nôôtéa égobeda te mivo minya, te dipo ngonde, te dipo ndéô, te mivo mipuma. 11Me nakebangana gôndé anye. ?Eetsô émayanza me va gatse anyô éngaba te éabobo‐a?
12Ana aTéta asi mbumu éaNzambé, kokooni gôndé anye. Bakani gandé me gôébégô me dôta nandé g’anye. Anye nôsibévédé me ta n’ébégô évo. 13Anye nôsabômu ébandôe émeekéda me anye Tsangô Eamôsôba kukane éamapanga. Te vamabaka me n’ebeea. 14Vamabeea ôtôe wami ôdôô, émabaka gôékanéga anye. Na anye nôsikeenge me, na nôsikiné me. Eébéyée nane, nomakenea me ti eembe me te môsi g’ôba avigédéô na Nzambé va gatse anyô. Ti gangakeneanye Jésus‐Christ. 15Anye nômabaka na gényônga. ?Géé ti deo noo anye nôbé nayee? Me noongôa évovo ébégô édué gôndé anye. Anye mbe nômoongôaka aapata yasô, mbe nômayuua misome manyô nômeetsa me. 16?Ivô pitsi yedi nakogi môdudeo anyô te gôbeenda me anye mane mapie‐a?
17Gôndé avo oma namani énôévéda mbe te ane ahvooto anye na buembee waô, matasa maô masanyepa. Ene ébutahngô te gôéaaganéda wa n’anyô gômbe nôngaba na vitoo gô mane maô. 18Te buedi gôéba na gényônga gô mane mamisôba gô ndéô yetso‐nabéyee n’anye, tsabéyee n’anye. 19Anami amôtéma, nookô pievia gôndé anye ga ookô môgeto misongo miamuana ngu na vangabôtangô. Pievia éôkô me te ngu na ndéône éngagono anye n’amuene Christ. 20Me nootéa ényôngéô pepe édenganô va gatse anyô n’atsatsee gôévovo n’anye mene mabégô. Me nanôkebangana.
Ekanégéda éAgar na éaSara
21Beendani me ?anye nônyôngéô édigaa gô tsina éamige miaNzambé nôsookô éne éndé gô migemie‐a? 22Miangô mitônigôa mbe Abraham amabaka na anamôgôô abaé. Môvo amabôtu na môvéga. Môvo amabôtu na môgeto asibaké môvéga. 23Muanee amabôta Abraham na môvéga te gôédugéda mane mamanyima ôtô. Ivô muanee amabôta angô na môgetone asibaké môvéga te gôédugéda ôvanga aNzambé na Abraham. 24Mabégôme mane mandé te gégoni. Agetoe abaé ane ahgono na minongo mibaé mievamba. Môvo te Agar, na agono na môkôdi ôtetu mbe Sinaï. Anee abôtangô gô évambedi te avéga. 25Agar te gandé môkôdi aSinaï gô tsenge éArabie. Agar te gandé môsenge aJérusalem pitsi yedi ôndé g’ôvéga n’omedi muetso. 26Ivô Jérusalem éagô tsenge éag’ôba ésaba g’ôvéga. Yangô te yeene éasô n’anyô. 27Matendeo MaNzambé matônigôa mbe:
Tsôkéaka éwe môgeto agékômba ôsibôté muana.
Aamugana mindônga miagényônga éwe ôsamenya éamugana na misongo.
Gôébégô anee woo, éwe môgeto agépaga,
Angootéa anee andé na môgeto andé na mômi edi.
28Gôndé anye, ana aTéta asi mbumu éaNzambé, nôndé ana amabôtu g’ôvanga aNzambé mônongovo gamabaka Isaac. 29Va mbeego muana amabôtu gôédugéda mane mamanyima ôtô, amakuana muanee amabôtu gô ngudi yaGédidi SaNzambé. Na gôndé wa n’anyô te mônongovo deo noo. 30?Ivô Matendeo MaNzambé matônigôa nayee? Abraham amabeendu mbe: Patsa môgetone amôvéga na muanee wedi. Gôébégô muanee amôvéga asoongôa eetsô mikuanya mimatsika tétedi. One adiia mikuanya te muanee amôgetone asaba môvéga. 31Endé te nane ana aTéta. Wa n’anyô tôsaba gandé ana amabôtu na môvéga. Tôndé ana amabôtu na môgeto asaba môvéga.
Currently Selected:
Galatie 4: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Galatie 4
4
1Tôkanéga ébégô édué gandé muanamômôgôô angaviagana n’okiti atétedi. Vagébaka angô agébaka muanéngé agono na môvéga. Buéyé nane, angô asabômu mbe éômee yetso, me te kumu éayangô. 2Vagébakangô muanéngé andé gô tsina otômu ane akenea angô na éômee éedi yetso. Adigaa gô tsina aô ngu na vangabuéa ndéône émabeenda tétedi g’ôgi edi amôyusumédu mbe: Nôétsa muanee wami mikuanyamie. 3Na wa n’anyô tôndé te mônongovo. Vamabaka wa n’anyô tôgébaka ga muanéngé tômabaka te avéga éesôga ébévani éatsengene. 4Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif. 5Ameenda nane te mbe muanedi angoobo wa n’anyô muetso tôndé gô tsina amige miaNzambé gômbe tôngaba asi mbumu éaNzambé, anedi apie.
6Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta. 7Vane gôndé anye gôsabadô môvéga. Môma na môma va gatse anyô nôndé te anedi. Vandé anye anedi anganôdugéda mônongovo gadugédu môma mikuanya mikenea angô gôndé anedi.
Paul amakebangana gôndé asi Galatie
8Va mbeego anye nôsimenya Nzambé. Nômabaka g’ôvéga ômatômu anye n’ene éyanza môma na mogo medi, éne égonédangô na Nzambé, ivô kaka Nzambé. 9Ivô ndéô nedué anye nôsabômu Nzambé. Béyé nane, éne éôtéa évôni te mbe ndéô nedué Nzambé asabômu anye. ?Ndéô nedué nôngoongôa énikéa égobeda ésôgee ébévani ésaba na ngudi nayee¿ Nônganika éengéa gôéba avéga nayee? 10Nôôtéa égobeda te mivo minya, te dipo ngonde, te dipo ndéô, te mivo mipuma. 11Me nakebangana gôndé anye. ?Eetsô émayanza me va gatse anyô éngaba te éabobo‐a?
12Ana aTéta asi mbumu éaNzambé, kokooni gôndé anye. Bakani gandé me gôébégô me dôta nandé g’anye. Anye nôsibévédé me ta n’ébégô évo. 13Anye nôsabômu ébandôe émeekéda me anye Tsangô Eamôsôba kukane éamapanga. Te vamabaka me n’ebeea. 14Vamabeea ôtôe wami ôdôô, émabaka gôékanéga anye. Na anye nôsikeenge me, na nôsikiné me. Eébéyée nane, nomakenea me ti eembe me te môsi g’ôba avigédéô na Nzambé va gatse anyô. Ti gangakeneanye Jésus‐Christ. 15Anye nômabaka na gényônga. ?Géé ti deo noo anye nôbé nayee? Me noongôa évovo ébégô édué gôndé anye. Anye mbe nômoongôaka aapata yasô, mbe nômayuua misome manyô nômeetsa me. 16?Ivô pitsi yedi nakogi môdudeo anyô te gôbeenda me anye mane mapie‐a?
17Gôndé avo oma namani énôévéda mbe te ane ahvooto anye na buembee waô, matasa maô masanyepa. Ene ébutahngô te gôéaaganéda wa n’anyô gômbe nôngaba na vitoo gô mane maô. 18Te buedi gôéba na gényônga gô mane mamisôba gô ndéô yetso‐nabéyee n’anye, tsabéyee n’anye. 19Anami amôtéma, nookô pievia gôndé anye ga ookô môgeto misongo miamuana ngu na vangabôtangô. Pievia éôkô me te ngu na ndéône éngagono anye n’amuene Christ. 20Me nootéa ényôngéô pepe édenganô va gatse anyô n’atsatsee gôévovo n’anye mene mabégô. Me nanôkebangana.
Ekanégéda éAgar na éaSara
21Beendani me ?anye nônyôngéô édigaa gô tsina éamige miaNzambé nôsookô éne éndé gô migemie‐a? 22Miangô mitônigôa mbe Abraham amabaka na anamôgôô abaé. Môvo amabôtu na môvéga. Môvo amabôtu na môgeto asibaké môvéga. 23Muanee amabôta Abraham na môvéga te gôédugéda mane mamanyima ôtô. Ivô muanee amabôta angô na môgetone asibaké môvéga te gôédugéda ôvanga aNzambé na Abraham. 24Mabégôme mane mandé te gégoni. Agetoe abaé ane ahgono na minongo mibaé mievamba. Môvo te Agar, na agono na môkôdi ôtetu mbe Sinaï. Anee abôtangô gô évambedi te avéga. 25Agar te gandé môkôdi aSinaï gô tsenge éArabie. Agar te gandé môsenge aJérusalem pitsi yedi ôndé g’ôvéga n’omedi muetso. 26Ivô Jérusalem éagô tsenge éag’ôba ésaba g’ôvéga. Yangô te yeene éasô n’anyô. 27Matendeo MaNzambé matônigôa mbe:
Tsôkéaka éwe môgeto agékômba ôsibôté muana.
Aamugana mindônga miagényônga éwe ôsamenya éamugana na misongo.
Gôébégô anee woo, éwe môgeto agépaga,
Angootéa anee andé na môgeto andé na mômi edi.
28Gôndé anye, ana aTéta asi mbumu éaNzambé, nôndé ana amabôtu g’ôvanga aNzambé mônongovo gamabaka Isaac. 29Va mbeego muana amabôtu gôédugéda mane mamanyima ôtô, amakuana muanee amabôtu gô ngudi yaGédidi SaNzambé. Na gôndé wa n’anyô te mônongovo deo noo. 30?Ivô Matendeo MaNzambé matônigôa nayee? Abraham amabeendu mbe: Patsa môgetone amôvéga na muanee wedi. Gôébégô muanee amôvéga asoongôa eetsô mikuanya mimatsika tétedi. One adiia mikuanya te muanee amôgetone asaba môvéga. 31Endé te nane ana aTéta. Wa n’anyô tôsaba gandé ana amabôtu na môvéga. Tôndé ana amabôtu na môgeto asaba môvéga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983