1 Thessaloniciens 5
5
1Ana aTétee n’ami asi mbumu éaNzambé, nôsabutadô éoongu ndongi gôémenyedu ndéône na éyénzee éngabuéa mabégôme mane. 2Anyene nôsabômu mbe génikéô saKumu Jésus géngaba ga muisui aviga na pitsi. 3Vangeenda oma mbe: Tôndé ti buedi gô gétabé. Tôsabutadô sôma. Te vangabunzangana éetso tsina na tsina. Asangabusuga. Engaba ga gégôngôta géevéda môgeto mbe amahbôta. 4Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui. 5Anye oma aChrist nôndé oma andé gô gévede, na oma andé g’ômanda. Nôsaba asi évitsi na oma apitsi. 6Wa n’anyô tôsoongôa éeboga vio gandé avo oma. Tôndé oma eemba géembémba n’ekenge gébé gô édangi. 7Ane eebogani, éeboga te na pitsi. Ane andé n’edangi, adanga te na pitsi. 8Géé wa n’anyô tôndé oma agévede na tôndé ékenge gébé gô édangi. Gandé môgode aata ngoyi éamianga, tôaaténi mabégô maJésus masatsuma we paga mameetsa we mitémamie, na tôaaténi étondo. Gaata môgode gépôkôdô samianga gô môtse, tôaaténi géobogeo. Sangô te tsoongone éasô n’anyô étôebakanédani. 9Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa. 10Gôébégô Jésus‐Christ amawa gôndé wa n’anyô te mbe tôba monyovo n’edi. Vangavigangô tôwéyee, tôsawéyee, tôngaba monyovo n’edi. 11T’ebandô kasôgédanani na oodedanani anyene n’anyene gô mabégô mema geendanye na mbeego.
Ndongi yamôyusumédue na kômbôye
12Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa. 13Tubédakani angô géneega na étondo gôébégô éene éyanzangô. Digaani n’evamba éagétabé.
14Ana aTétee, we tônôongô ndongine mbe: Kenedani asi dakadaka. Sipédani ane adeeda mitéma. Keneani na divooti ane asaba na ngudi. Bakani n’obibô gôndé muetso. 15Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.
16Tsôkéakani gô ndéô yetso. 17Vovoni na Nzambé gédundé. 18Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.
19Gédidi SaNzambé gégono na soto. Nômbieeméda sangô. 20Nômieenza ndongi dipandôéduni diviga gôndé Nzambé. 21Vasani na tônegedani mabégô metso. Nôsevoa gôékenea mane mamisôba mandé na tsoongo. 22Aaganani na mabégô metso mabévani.
23Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô. 24One amanôsevoani andé na mavôma na asapenganani. Angamangôa éyanzee éedi gô mitéma mianyô.
25Ana aTétee n’ami asi mbumu éaNzambé, vovoni na Nzambé gôndé we.
26Sambanéani n’ana aTéta Nzambé na kômbô agéneega.
27Nanôgondo gô ina aKumu Jésus mbe kokooye anye, tangéani ana aTétee asi mbumu éaNzambé gésangô gegé.
28Te mbe mate maKumu asô n’anyô Jésus‐Christ mabaké gôndé anye.
Currently Selected:
1 Thessaloniciens 5: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
1 Thessaloniciens 5
5
1Ana aTétee n’ami asi mbumu éaNzambé, nôsabutadô éoongu ndongi gôémenyedu ndéône na éyénzee éngabuéa mabégôme mane. 2Anyene nôsabômu mbe génikéô saKumu Jésus géngaba ga muisui aviga na pitsi. 3Vangeenda oma mbe: Tôndé ti buedi gô gétabé. Tôsabutadô sôma. Te vangabunzangana éetso tsina na tsina. Asangabusuga. Engaba ga gégôngôta géevéda môgeto mbe amahbôta. 4Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui. 5Anye oma aChrist nôndé oma andé gô gévede, na oma andé g’ômanda. Nôsaba asi évitsi na oma apitsi. 6Wa n’anyô tôsoongôa éeboga vio gandé avo oma. Tôndé oma eemba géembémba n’ekenge gébé gô édangi. 7Ane eebogani, éeboga te na pitsi. Ane andé n’edangi, adanga te na pitsi. 8Géé wa n’anyô tôndé oma agévede na tôndé ékenge gébé gô édangi. Gandé môgode aata ngoyi éamianga, tôaaténi mabégô maJésus masatsuma we paga mameetsa we mitémamie, na tôaaténi étondo. Gaata môgode gépôkôdô samianga gô môtse, tôaaténi géobogeo. Sangô te tsoongone éasô n’anyô étôebakanédani. 9Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa. 10Gôébégô Jésus‐Christ amawa gôndé wa n’anyô te mbe tôba monyovo n’edi. Vangavigangô tôwéyee, tôsawéyee, tôngaba monyovo n’edi. 11T’ebandô kasôgédanani na oodedanani anyene n’anyene gô mabégô mema geendanye na mbeego.
Ndongi yamôyusumédue na kômbôye
12Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa. 13Tubédakani angô géneega na étondo gôébégô éene éyanzangô. Digaani n’evamba éagétabé.
14Ana aTétee, we tônôongô ndongine mbe: Kenedani asi dakadaka. Sipédani ane adeeda mitéma. Keneani na divooti ane asaba na ngudi. Bakani n’obibô gôndé muetso. 15Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.
16Tsôkéakani gô ndéô yetso. 17Vovoni na Nzambé gédundé. 18Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.
19Gédidi SaNzambé gégono na soto. Nômbieeméda sangô. 20Nômieenza ndongi dipandôéduni diviga gôndé Nzambé. 21Vasani na tônegedani mabégô metso. Nôsevoa gôékenea mane mamisôba mandé na tsoongo. 22Aaganani na mabégô metso mabévani.
23Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô. 24One amanôsevoani andé na mavôma na asapenganani. Angamangôa éyanzee éedi gô mitéma mianyô.
25Ana aTétee n’ami asi mbumu éaNzambé, vovoni na Nzambé gôndé we.
26Sambanéani n’ana aTéta Nzambé na kômbô agéneega.
27Nanôgondo gô ina aKumu Jésus mbe kokooye anye, tangéani ana aTétee asi mbumu éaNzambé gésangô gegé.
28Te mbe mate maKumu asô n’anyô Jésus‐Christ mabaké gôndé anye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983