1 Thessaloniciens 3
3
1T’ebandô veendi me mbe tsangoongôadô ésipa géôkô tsangô yana aTétee n’ami, namatasa gôésanéa memuene gô Athènes. 2Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga. 3Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô. 4Bangôani mbe vamaba me nagébaka n’anye, nameevéda anye mbe: Nôngeena gékuanô. Na te éne éeni anye. Anyene nôsabômu. 5T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.
6Timothée, ône abaki gôndé anye atsigi gôndé me n’atsatsee. Amanigôa we tsangône yanyô éagényônga gasipanye gô nzéa éaJésus émeetsanye mitémamie, na gandé anye na vitoo. Amanigôa me mbe anye nôseeba me ta na pesu. Timothée angô mbe: Mônongovo gaténdédewe asi Thessalonique na tsôvé mbe nôomba éenana, te n’ahngô agôténdéda te mônongovo, mbe nôomba éenana. 7Vane, gô tsina amaguga masô na panda yasô tsangône yanyô émakasôgéda we. Tôtsôkéa gôsanzeegedanye mabégô maJésus mameetsanye mitémamie. 8Tambô monyoe wami ôndé na tsoongo gôsipanye gô évambee éndéké n’anye na Kumu Jésus. 9Ti mônongoe agényônga gétsôkéa me va mbene aNzambé gô ébégôe éangô. Tsamenya mônongoe ôngamôkuméda me. 10Tôndé gôéduka Nzambé na môvinéné, na pitsi n’omanda mbe asingéa me noomba ébuéa na gôndé anye. Nanyôngéô étsimaméda mavo mabégô magétsapéôkô anye gô mane maJésus mameetsanye mitéma gématsumé paga.
11Nanyôngéô mbe Tétasô n’anyô Nzambé na Kumu asô n’anyô Jésus akônzéa me nzéane gôéviga gôéena anye. 12Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye. 13Vane Kumu Jésus angoodeda mitéma mianyô. Nôngaba n’etsimama gébé n’oési va mbene aTétasô n’anyô Nzambé vangaviga Kumu asô n’anyô Jésus na omedi muetso.
Currently Selected:
1 Thessaloniciens 3: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
1 Thessaloniciens 3
3
1T’ebandô veendi me mbe tsangoongôadô ésipa géôkô tsangô yana aTétee n’ami, namatasa gôésanéa memuene gô Athènes. 2Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga. 3Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô. 4Bangôani mbe vamaba me nagébaka n’anye, nameevéda anye mbe: Nôngeena gékuanô. Na te éne éeni anye. Anyene nôsabômu. 5T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.
6Timothée, ône abaki gôndé anye atsigi gôndé me n’atsatsee. Amanigôa we tsangône yanyô éagényônga gasipanye gô nzéa éaJésus émeetsanye mitémamie, na gandé anye na vitoo. Amanigôa me mbe anye nôseeba me ta na pesu. Timothée angô mbe: Mônongovo gaténdédewe asi Thessalonique na tsôvé mbe nôomba éenana, te n’ahngô agôténdéda te mônongovo, mbe nôomba éenana. 7Vane, gô tsina amaguga masô na panda yasô tsangône yanyô émakasôgéda we. Tôtsôkéa gôsanzeegedanye mabégô maJésus mameetsanye mitémamie. 8Tambô monyoe wami ôndé na tsoongo gôsipanye gô évambee éndéké n’anye na Kumu Jésus. 9Ti mônongoe agényônga gétsôkéa me va mbene aNzambé gô ébégôe éangô. Tsamenya mônongoe ôngamôkuméda me. 10Tôndé gôéduka Nzambé na môvinéné, na pitsi n’omanda mbe asingéa me noomba ébuéa na gôndé anye. Nanyôngéô étsimaméda mavo mabégô magétsapéôkô anye gô mane maJésus mameetsanye mitéma gématsumé paga.
11Nanyôngéô mbe Tétasô n’anyô Nzambé na Kumu asô n’anyô Jésus akônzéa me nzéane gôéviga gôéena anye. 12Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye. 13Vane Kumu Jésus angoodeda mitéma mianyô. Nôngaba n’etsimama gébé n’oési va mbene aTétasô n’anyô Nzambé vangaviga Kumu asô n’anyô Jésus na omedi muetso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983