I Corinthiens 16
16
Mane meetsô ôbiia gôndé ana aTéta
1Me Paul nanôongô pesu gôébégô éamane meetsô ôbiia gôndé asi mbumu éaNzambé gô Jérusalem. Indakani gamatôma me asi mbumu éaNzambé gô Galatie. 2Nyaa tsono wetso, môma na môma avagé na akenee amuene ôkabô adode ôndé kuanakue n’ene édiiangô. Gômbe vangaviga me tôsangadinga gôékôkanganéda dodeye dine. 3Vangatsiga me vandé anye nangakudéga omee amasevoa anye atsua dibiiaye yangô na gô Jérusalem. Nangakudéga n’ahngô gésangô te gémbégéa gétubéda mbe adua te asi mbumu éaNzambé. 4Okô nônyôngéyiô mbe na me nakea, tôngakea te wa n’ahngô muetso.
Ene émavanga Paul mbe angeenda
5Me Paul nangaseta pesu tsenge éaMacédoine gôéviga na gôndé anye gô Corinthe. 6Buétsé nangadinga n’anye ôkana apitsi buéyé mbe mbuuaye yetso nandé te gône. Vane nôngawedéa ékeda me na gô tungune énganyôngéô me ékea, tungu te tungu. 7Me tsanyôngéô éena anye mitie mitie. Okô Kumu Jésus anyôngéyiô, me nanyôngéô édinga n’anye.
8Ivô nagébaka na pitsi éva gô môsenge aEphèse ngu na gô ndéô éaPentecôte. 9Gôébégô me éva nadii ndéô éamôsôba. Ombee ôkukuéyiô me na voo gôéyanza buéyé mbe adudeoe andéké ayekani.
10Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus. 11Nômbiamôenza. Itsani angô mane manyôngéô angô akea môtôôe na gétabé, buta mbe abuéa na vandé me éva. Me neenéa angô na ana aTétee n’edi andé n’edi.
12Gôndé muana aTétee n’asô n’anyô Apollos, kuka yetso navovo n’edi mbe: Kiaka n’akoo ôkebuéa gô Corinthe. Ivô asanyôngéô ékea pitsi yedi. Buéyé nane angaviga na gôndé anye vangaba angô na ndéô.
Mabégô mamôyusumédu
13Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé. 14Gô éetso ééndanye, indakani n’etondo éaNzambé gô mitéma mianyô.
15Nôsabômu Stephanas na gévia sedi. Te angô amapanga ésingani gô tsenge yetso éaGrèce na ahngô amahdeekeda anguene gôéyanzéa asi mbumu éaNzambé. 16Nanôtôma, anee aTéta mbe nôgobeda ahngô na nôyanza éyanzevo n’ahnyô na muetso ane ahgono n’ahngô.
17Me natsôkéa gévigéô saStephanas na Fortunatus, na Achaïcus na gôndé me akasôgéda me ga te anye nôvigini. 18Ahmasuméda me môtéma mônongovo gamasumédahngô dôta mitéma mianyô. Nôndé buedi n’omee wanyô ane, tambô te buedi gôékenea ahngô.
19Asi mbumu éaNzambé andé gô tsenge éAsie anôkômbôa. Aquilas na Priscille n’asi mbumu éaNzambé awanya gô ebaô anôkômbôa n’etondo gô ina aKumu Jésus‐Christ. 20Ana aTéta n’anyô muetso andé éva anôkômbôa.
Sambanéakani anyene n’anyene kômbô étsimama éambumu éaNzambé.
21Nanôtendéa na môsavie wami Paul, mbe: Oô te me Paul nanôkômbôani.
22Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.
23Te mbe mate maKumu Jésus mabaké gôndé anye muetso.
24Môtémami ôbaké gôndé anye gô ina aJésus.
Currently Selected:
I Corinthiens 16: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
I Corinthiens 16
16
Mane meetsô ôbiia gôndé ana aTéta
1Me Paul nanôongô pesu gôébégô éamane meetsô ôbiia gôndé asi mbumu éaNzambé gô Jérusalem. Indakani gamatôma me asi mbumu éaNzambé gô Galatie. 2Nyaa tsono wetso, môma na môma avagé na akenee amuene ôkabô adode ôndé kuanakue n’ene édiiangô. Gômbe vangaviga me tôsangadinga gôékôkanganéda dodeye dine. 3Vangatsiga me vandé anye nangakudéga omee amasevoa anye atsua dibiiaye yangô na gô Jérusalem. Nangakudéga n’ahngô gésangô te gémbégéa gétubéda mbe adua te asi mbumu éaNzambé. 4Okô nônyôngéyiô mbe na me nakea, tôngakea te wa n’ahngô muetso.
Ene émavanga Paul mbe angeenda
5Me Paul nangaseta pesu tsenge éaMacédoine gôéviga na gôndé anye gô Corinthe. 6Buétsé nangadinga n’anye ôkana apitsi buéyé mbe mbuuaye yetso nandé te gône. Vane nôngawedéa ékeda me na gô tungune énganyôngéô me ékea, tungu te tungu. 7Me tsanyôngéô éena anye mitie mitie. Okô Kumu Jésus anyôngéyiô, me nanyôngéô édinga n’anye.
8Ivô nagébaka na pitsi éva gô môsenge aEphèse ngu na gô ndéô éaPentecôte. 9Gôébégô me éva nadii ndéô éamôsôba. Ombee ôkukuéyiô me na voo gôéyanza buéyé mbe adudeoe andéké ayekani.
10Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus. 11Nômbiamôenza. Itsani angô mane manyôngéô angô akea môtôôe na gétabé, buta mbe abuéa na vandé me éva. Me neenéa angô na ana aTétee n’edi andé n’edi.
12Gôndé muana aTétee n’asô n’anyô Apollos, kuka yetso navovo n’edi mbe: Kiaka n’akoo ôkebuéa gô Corinthe. Ivô asanyôngéô ékea pitsi yedi. Buéyé nane angaviga na gôndé anye vangaba angô na ndéô.
Mabégô mamôyusumédu
13Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé. 14Gô éetso ééndanye, indakani n’etondo éaNzambé gô mitéma mianyô.
15Nôsabômu Stephanas na gévia sedi. Te angô amapanga ésingani gô tsenge yetso éaGrèce na ahngô amahdeekeda anguene gôéyanzéa asi mbumu éaNzambé. 16Nanôtôma, anee aTéta mbe nôgobeda ahngô na nôyanza éyanzevo n’ahnyô na muetso ane ahgono n’ahngô.
17Me natsôkéa gévigéô saStephanas na Fortunatus, na Achaïcus na gôndé me akasôgéda me ga te anye nôvigini. 18Ahmasuméda me môtéma mônongovo gamasumédahngô dôta mitéma mianyô. Nôndé buedi n’omee wanyô ane, tambô te buedi gôékenea ahngô.
19Asi mbumu éaNzambé andé gô tsenge éAsie anôkômbôa. Aquilas na Priscille n’asi mbumu éaNzambé awanya gô ebaô anôkômbôa n’etondo gô ina aKumu Jésus‐Christ. 20Ana aTéta n’anyô muetso andé éva anôkômbôa.
Sambanéakani anyene n’anyene kômbô étsimama éambumu éaNzambé.
21Nanôtendéa na môsavie wami Paul, mbe: Oô te me Paul nanôkômbôani.
22Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.
23Te mbe mate maKumu Jésus mabaké gôndé anye muetso.
24Môtémami ôbaké gôndé anye gô ina aJésus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983