Hakafilipi 2
2
1Ngeshi mwa wana mahengawero mwaKristusi. Nomatjokedhero ghomuruhakitho, makurupero ghopaMupepo, no mu kuhakathane ho mu pare pofotji. 2Mu rikanyithe keho yishamberera yange pakukupakerera pofotji: muruhakitho rofotji mutjima ghofotji, mukufa pofotji. 3Mwa kutendera yenu mwathinda, ngambi kukununeka, ene mukukumbirupitha, gha kone ghumweya kukutekera muyendhendi kupiterera thinda. 4Kadi yomuhe ghopapenu yu gha kona kukukutekera thinda. Ene gha kutekere hamweya karo.
Thitamenedhi thaJesus Kristusi
5Yighayara yenu yi kare pofotji mumwenu, thika di yakara karo mwaKristus Jesusi.
6Oyu gha karire muthishwi thaNyambi,
yipara yendi yarikanyine kwaNyambi,
mbadi gha kupambekire kughunyambi.
7Ene Aye, gha kumbirupithire
apa gha gha karire muthishwi thoghupika
no gha karire munu vene.
No apa gha hokokire mughunu,
8thinda gha kumbirupithire
pakukara ghutawedhi kate kukufa,
kemo, kufa ku kwapathikurushe.
9Yodigho Nyambi
gha mu kutekerire karo thikuma
no gha mu pire Dina
dyokupiterera mena ghomahe,
10eshi muDina dyaJesusi,
yomuhe ghomudiwiru
no ghopamuve
gha kuvame manwi,
11no kehe rudimi runongonone eshi:
“Jesus Kristusi ne Fumu!”
kudifumanekero dyaNyambi Wihe.
Hashimbi homunyenge ghokaye
12Mwahakwa, amwe mwa karire ghutawedhi kehe pano, apa na karire nenu. Thikuma ne mu kare ghutawedhi ngambi mbadipo me. Mu rughanene makomweneno ghenu nodikuto nowoma. 13Yoyishi Nyambi yo ghana kurughana mumwenu. Aye yo ghana kumuhimena no kumutenda eshi, mu rughane yihima yendi yokupongoka.
14Mu rughane yoyihe mbadi no ghushivana no ghukanunutha. 15Mu koneke eshi, mu kupongore mu kare noghuhunga. Mu kare hana Nyambi hokupira murandu mukatji kawanu hohayi no hamango. Mu tende mukatji kawo thinu yira hakamunyenge ghokaye. 16Pakutwara kughutho n̂ando dhomoyo Mudiyuwa dyomwiyero waKristusi, po mbo ni kara noyinu yokuninyamunitha. Yoyishi, ayo mbo yina kara eshi, kadi nyara‐nyara na rughanine no kadi nyara‐nyara na twamenine. 17Matawero ghenu ne muyambo mukukarera Nyambi. Ngambi ngo gha notokere po manyinga ghange yira muyambo ghoyinwa, ame na kushamberera mumwange. Kemo na kushamberera pofotji nenu mwahe. 18Pathinu thofotji mwa kona kushamberera namwe kemo, mu shamberere pofotji nange.
Matumeno ghawa Timoteghusi naEpafroditusi
19Ame na kurupera mwaFumu Jesusi eshi, ni kone kumutumena wangu Timoteghusi kukwenu, name karo ni kone kuhedhumuka mutjima wange, pa kuna yuva eshi, ngepi di mudi. 20Keho me, mbadi na wana ghumweya yu na dimuka thiwana. Shimengwa yodiye pithendi keho, yo mbo na gha yaritha dirura dyenu mughuhunga. 21Thingi thawo wahe kuna kukushanena dirura dyawo hathinda, kadi dyaJesus Kristusi. 22Ene namwe mwa yidimuka vene eshi, ngepi di ha mu kurupera yu Timoteghusi. Thika mwana nawihe, gha yuvithe pofotji nange mbudhi dhodhiwa. 23Ame na kurupera eshi, ni mu tume kukwenu wanguwangu. Oku na mono eshi ngepi di hana kunitenda. 24Yo na kukurupera name, ngeshi ku ghana himi Fumu, ngo name karo nothinda ngo mbo neya wangu kukwenu.
25Ame kughayra na kughayara eshi, ghuhunga thikuma kukwenu pakumutumena muyendhange Epafroditusi kukwenu. Yo murughani nange no mukayita muyendhange yu mwa ni tumenine kuno eshi, na gha ni ghamwene mumaghukukutu ghange. 26Aye kurura ghana kumurura roruhe no yina mu kashitha thikuma pakuyuva mwe yikorwa yendi. 27Shemwa, momu ghafe. Ene Nyambi, gha mu fererire n̂eke Epafroditusi. Keho kadi kukwendi pithendi keho, no kukwange karo eshi, maghana sho ni kare nothitukutjima. 28Ame kutuma na kumutuma wangu kukwenu, na mu mumone karo. Eshi mwa kuna kone kushamberera, name ho yi ni tunde yindhivi. 29Mu mu tambure moko mawadi yira muyendhenu mwaFumu no mu kutekere hanu thika kenge yo. 30Yoyishi pathirughana thendi thokwaKristusi, tho gha ningire eshi ghafere. Aye gha tapire moyo wendi thinda eshi, gha ni ghamwene, amwe ne mbadi mwa tapire moyo wenu mukunighamwena.
Currently Selected:
Hakafilipi 2: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakafilipi 2
2
1Ngeshi mwa wana mahengawero mwaKristusi. Nomatjokedhero ghomuruhakitho, makurupero ghopaMupepo, no mu kuhakathane ho mu pare pofotji. 2Mu rikanyithe keho yishamberera yange pakukupakerera pofotji: muruhakitho rofotji mutjima ghofotji, mukufa pofotji. 3Mwa kutendera yenu mwathinda, ngambi kukununeka, ene mukukumbirupitha, gha kone ghumweya kukutekera muyendhendi kupiterera thinda. 4Kadi yomuhe ghopapenu yu gha kona kukukutekera thinda. Ene gha kutekere hamweya karo.
Thitamenedhi thaJesus Kristusi
5Yighayara yenu yi kare pofotji mumwenu, thika di yakara karo mwaKristus Jesusi.
6Oyu gha karire muthishwi thaNyambi,
yipara yendi yarikanyine kwaNyambi,
mbadi gha kupambekire kughunyambi.
7Ene Aye, gha kumbirupithire
apa gha gha karire muthishwi thoghupika
no gha karire munu vene.
No apa gha hokokire mughunu,
8thinda gha kumbirupithire
pakukara ghutawedhi kate kukufa,
kemo, kufa ku kwapathikurushe.
9Yodigho Nyambi
gha mu kutekerire karo thikuma
no gha mu pire Dina
dyokupiterera mena ghomahe,
10eshi muDina dyaJesusi,
yomuhe ghomudiwiru
no ghopamuve
gha kuvame manwi,
11no kehe rudimi runongonone eshi:
“Jesus Kristusi ne Fumu!”
kudifumanekero dyaNyambi Wihe.
Hashimbi homunyenge ghokaye
12Mwahakwa, amwe mwa karire ghutawedhi kehe pano, apa na karire nenu. Thikuma ne mu kare ghutawedhi ngambi mbadipo me. Mu rughanene makomweneno ghenu nodikuto nowoma. 13Yoyishi Nyambi yo ghana kurughana mumwenu. Aye yo ghana kumuhimena no kumutenda eshi, mu rughane yihima yendi yokupongoka.
14Mu rughane yoyihe mbadi no ghushivana no ghukanunutha. 15Mu koneke eshi, mu kupongore mu kare noghuhunga. Mu kare hana Nyambi hokupira murandu mukatji kawanu hohayi no hamango. Mu tende mukatji kawo thinu yira hakamunyenge ghokaye. 16Pakutwara kughutho n̂ando dhomoyo Mudiyuwa dyomwiyero waKristusi, po mbo ni kara noyinu yokuninyamunitha. Yoyishi, ayo mbo yina kara eshi, kadi nyara‐nyara na rughanine no kadi nyara‐nyara na twamenine. 17Matawero ghenu ne muyambo mukukarera Nyambi. Ngambi ngo gha notokere po manyinga ghange yira muyambo ghoyinwa, ame na kushamberera mumwange. Kemo na kushamberera pofotji nenu mwahe. 18Pathinu thofotji mwa kona kushamberera namwe kemo, mu shamberere pofotji nange.
Matumeno ghawa Timoteghusi naEpafroditusi
19Ame na kurupera mwaFumu Jesusi eshi, ni kone kumutumena wangu Timoteghusi kukwenu, name karo ni kone kuhedhumuka mutjima wange, pa kuna yuva eshi, ngepi di mudi. 20Keho me, mbadi na wana ghumweya yu na dimuka thiwana. Shimengwa yodiye pithendi keho, yo mbo na gha yaritha dirura dyenu mughuhunga. 21Thingi thawo wahe kuna kukushanena dirura dyawo hathinda, kadi dyaJesus Kristusi. 22Ene namwe mwa yidimuka vene eshi, ngepi di ha mu kurupera yu Timoteghusi. Thika mwana nawihe, gha yuvithe pofotji nange mbudhi dhodhiwa. 23Ame na kurupera eshi, ni mu tume kukwenu wanguwangu. Oku na mono eshi ngepi di hana kunitenda. 24Yo na kukurupera name, ngeshi ku ghana himi Fumu, ngo name karo nothinda ngo mbo neya wangu kukwenu.
25Ame kughayra na kughayara eshi, ghuhunga thikuma kukwenu pakumutumena muyendhange Epafroditusi kukwenu. Yo murughani nange no mukayita muyendhange yu mwa ni tumenine kuno eshi, na gha ni ghamwene mumaghukukutu ghange. 26Aye kurura ghana kumurura roruhe no yina mu kashitha thikuma pakuyuva mwe yikorwa yendi. 27Shemwa, momu ghafe. Ene Nyambi, gha mu fererire n̂eke Epafroditusi. Keho kadi kukwendi pithendi keho, no kukwange karo eshi, maghana sho ni kare nothitukutjima. 28Ame kutuma na kumutuma wangu kukwenu, na mu mumone karo. Eshi mwa kuna kone kushamberera, name ho yi ni tunde yindhivi. 29Mu mu tambure moko mawadi yira muyendhenu mwaFumu no mu kutekere hanu thika kenge yo. 30Yoyishi pathirughana thendi thokwaKristusi, tho gha ningire eshi ghafere. Aye gha tapire moyo wendi thinda eshi, gha ni ghamwene, amwe ne mbadi mwa tapire moyo wenu mukunighamwena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986