Jakobusi 3
3
Marawero ghokurudimi
1Mwayendhange, mbadi mwa kona kukara mwahe mwahongi. Yoyishi, mwa kona kudimuka eshi, atwe twahongi mbana tu tetera ndhango dhodhikuru, kupiterera hamweya. 2Muwingi wetu twahe, tu nerwanga parwingi. Ngeshi ghumweya ha dhiri kwirwa nokamanana temba, moyi ghana kughamba, aye ne gha yara, no yirama yendi yoyihe gha kona kuyiraghura. 3Tumu mutunwa tombi twa dhi pakanga twe. Ndani po sho dhi tu yuve. Natwe twa kona kuraghura yirama yadho yoyihe. 4Mu ghayare vene kuyikepa yishokuru eshi: ngambi kenge ya kara yikuru thikuma, mipepo dhi dha yipungithanga dha kara nongcamu thikuma. No yina kupwa kuvugha nokarapoghana kokuhe ku ghana kuhima thivughi. 5Kemo dyo rwa kara karo naro rudimi. Aro ne kapoghana. Ene rwa kara nongcamu dhodhikuru. Kadiroghana, kukona kutumeka dimuthitu dishokuru. 6Rudimi naro mudiro oghu wa yara ghuyi mukaye. Aro ne thipo thoyirama ethi tha shinya munu yomuhe. Aro, kutumeka moyo ghoghuhe, kutunda kumushamurukero kate kukufa, no runa kukutumeka kate kumudiro ghororuheya.
7Yoyihe yokuyenda, yokutuka, yokukokawa, ngambi yokuyogha no kehe rudhi royiyama, yina kupwa kughokitha kwamunu. 8Ene mbadiko munu yu gha kona kughokitha rudimi. Yoyishi, aro ne rwa kara no ghupata ghushipu no rwa yara ghuhungu. 9Norudimi tuna kukughitha twe Fumu no Wihetu. No karo norudimi, tuna kutukitha twe hanu awa ha pwire kutenda kunungu dhaNyambi. 10Mukanwa kofotji koko, mo dina kutunda difumanekero no matuka. Mwayendhange, mbadi ya kona kukara kemo. 11Divetu‐vetu, mbadi dya kona kupoposhitha meyu ghomawa no ghomasheshe mudiho dyofotji. 12Mwandenge, kuthitondo thoghukuyu, mbadi kwa kona kwima ndhwe, ngambi mandjomboro ghovinyu. Divetu‐vetu dyomasheshe, mbadi dya kona kureta meyu ghomawa.
Ghunya‐nyami ghokuwiru wa piterera ghopamuve, no ghunya‐nyami washadipinyi
13Poghadi papenu munya‐nyami no mukamaghano ndi? Ngeshi poghadi, gha kone kuyinegha payikara yendi yoyiwa no payitenda yendi, eyi yina kunongonona ghunongo wendi no ghunya‐nyami wendi. 14Ene ngeshi mwa kara nonya dhodhikuru no kukununeka mwathinda mumitjima dhenu, mbadi mwa kona kuhuna eshi, amwe ne mwanya‐nyami. Ngeshi kemo, mbadi muna kughamba ghushemwa. 15Ghunya‐nyami ghokenge yo, mbadi wa tunda Kuwiru. Ene pamuve wa tunda no mughunu no mumipepo dhodhimango. 16Yoyishi, oku kwa kara thivunganyi, no yitenda yoyihe yimango. 17Ene ghunyanyami ghu, Kuwiru wa tunda. Wa pira ghudhindo no karo wa thiraro, wa ghunongo, wa makuyuvero, wa yara thin̂eke no yirughana mwene, wa pira makutjakero no wa hungama. 18No ghuhungami, kughukesha mwa watendi hohakuni hothiraro.
Currently Selected:
Jakobusi 3: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Jakobusi 3
3
Marawero ghokurudimi
1Mwayendhange, mbadi mwa kona kukara mwahe mwahongi. Yoyishi, mwa kona kudimuka eshi, atwe twahongi mbana tu tetera ndhango dhodhikuru, kupiterera hamweya. 2Muwingi wetu twahe, tu nerwanga parwingi. Ngeshi ghumweya ha dhiri kwirwa nokamanana temba, moyi ghana kughamba, aye ne gha yara, no yirama yendi yoyihe gha kona kuyiraghura. 3Tumu mutunwa tombi twa dhi pakanga twe. Ndani po sho dhi tu yuve. Natwe twa kona kuraghura yirama yadho yoyihe. 4Mu ghayare vene kuyikepa yishokuru eshi: ngambi kenge ya kara yikuru thikuma, mipepo dhi dha yipungithanga dha kara nongcamu thikuma. No yina kupwa kuvugha nokarapoghana kokuhe ku ghana kuhima thivughi. 5Kemo dyo rwa kara karo naro rudimi. Aro ne kapoghana. Ene rwa kara nongcamu dhodhikuru. Kadiroghana, kukona kutumeka dimuthitu dishokuru. 6Rudimi naro mudiro oghu wa yara ghuyi mukaye. Aro ne thipo thoyirama ethi tha shinya munu yomuhe. Aro, kutumeka moyo ghoghuhe, kutunda kumushamurukero kate kukufa, no runa kukutumeka kate kumudiro ghororuheya.
7Yoyihe yokuyenda, yokutuka, yokukokawa, ngambi yokuyogha no kehe rudhi royiyama, yina kupwa kughokitha kwamunu. 8Ene mbadiko munu yu gha kona kughokitha rudimi. Yoyishi, aro ne rwa kara no ghupata ghushipu no rwa yara ghuhungu. 9Norudimi tuna kukughitha twe Fumu no Wihetu. No karo norudimi, tuna kutukitha twe hanu awa ha pwire kutenda kunungu dhaNyambi. 10Mukanwa kofotji koko, mo dina kutunda difumanekero no matuka. Mwayendhange, mbadi ya kona kukara kemo. 11Divetu‐vetu, mbadi dya kona kupoposhitha meyu ghomawa no ghomasheshe mudiho dyofotji. 12Mwandenge, kuthitondo thoghukuyu, mbadi kwa kona kwima ndhwe, ngambi mandjomboro ghovinyu. Divetu‐vetu dyomasheshe, mbadi dya kona kureta meyu ghomawa.
Ghunya‐nyami ghokuwiru wa piterera ghopamuve, no ghunya‐nyami washadipinyi
13Poghadi papenu munya‐nyami no mukamaghano ndi? Ngeshi poghadi, gha kone kuyinegha payikara yendi yoyiwa no payitenda yendi, eyi yina kunongonona ghunongo wendi no ghunya‐nyami wendi. 14Ene ngeshi mwa kara nonya dhodhikuru no kukununeka mwathinda mumitjima dhenu, mbadi mwa kona kuhuna eshi, amwe ne mwanya‐nyami. Ngeshi kemo, mbadi muna kughamba ghushemwa. 15Ghunya‐nyami ghokenge yo, mbadi wa tunda Kuwiru. Ene pamuve wa tunda no mughunu no mumipepo dhodhimango. 16Yoyishi, oku kwa kara thivunganyi, no yitenda yoyihe yimango. 17Ene ghunyanyami ghu, Kuwiru wa tunda. Wa pira ghudhindo no karo wa thiraro, wa ghunongo, wa makuyuvero, wa yara thin̂eke no yirughana mwene, wa pira makutjakero no wa hungama. 18No ghuhungami, kughukesha mwa watendi hohakuni hothiraro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986