Hakagalasiye 2
2
Madimukero ghaPaghulusi kwawapostoli hamweya
1Munyima dhomyaka dikumi, ho na yendire karo kuJerusalema. Ruyendo ru, naBarnabasi na yendire. Ko kupitura kwange Titusi. 2Nyambi gha yi ni hokwerire eshi, ni kone kuyenda. Popo kokuyuvitha me mbudhi mukatji kawahayidena. Ha ni dhi tapa kwawayendhange no na ghambire nawakamiti pithawo. Ame na shanine ghushemwa eshi, ni rughane nyara‐nyara, ngambi nyara‐nyara na rughanine.
3Ngambi kenge gha karire Titusi yu gha yendire nange, Muhirika, mbadi ha mu thinenekire kukumuken̂a. 4Ene pakarire hanu hamweya wa ha yi hakire. Hanu wa ne ha karire difurumeko mukatji kombunga. No ha tendire yira hatawi nawo. Thitambo thawo ne ha shanine kuna rondonona horo dhetu dhi twa wanine kwaKristus Jesusi, no kudhitunditha po eshi, tu kone kukara twapika wo. 5Kuyihima yawo, mbadi twa kutapire ko twe nokamanana temba. Kemo sho ghu mu ghamweno ghushemwa ghombudhi.
6Hakamiti hombunga — awa ha karire pakutanga, mbadi yinu kukwange. Nyambi mbadi gha kenga peghuru dhamunu — nawa hakamiti hombunga, mbadi ha ni wedherera ko kumbudhi dhi na yuvithire. 7Yoyi ha monine eshi, na kurupera muthirughana thange mukuyuvitha mbudhi kwaWajuda. Thika di gha mu pire naye Petrusi, mukuyuvitha mbudhi kwaWajuda. 8Yoyu Nyambi yofotji, oyu gha pakire Petrusi, mupostoli waWajuda. Yo gha ni tendire name mupostoli wawa ha dhira kukara Hajuda.
9Apa ha yi monine eshi Nyambi ghana nipa ngcamu dhi. Munyima popo Jakobusi, naKefasi, naJohannesi, awa ha monine yira maghundhi ghombunga, ko kutukwateka moko ghawo ghorudyo, name naBarnabasi, thidimukitho eshi twe ne twarughani nawo. Twa kuyuvire pofotji eshi, awo ne ha yuvithe mbudhi kwaWajuda. Atwe ne kwawahayidena. 10Ethi hepurire wo, eshi twa vurama hahepwe homukatji ketu. Thothirughana thorukakitho thi na kon̂wethwendha name karo.
Paghulusi ghana kumukanunutha Petrusi muAntiyokiya
11Apa gheyire Kefasi munyima kuAntiyokiya, na mwiman̂anyenine thishwaghameho. Yoyishi makwirero ghendi, gha kendhumukire thiwana. 12Kughutho ghokwiya ko haguva waJakobusi, Kefasi gha dire vene naWajuda hokudhira kutawa. Ene pakukuma ko hanu, gha shwaghire ko no gha karire kumutara ghofotji. Yoyishi gha yapire kwawayendhendi homaken̂eno. 13Hatawi hamweya hoHajuda, ha tangire kutenda difurumeko pofotji nendi karo. Ngambi Barnabasi naye gha karire mudifurumeko dyawo.
14Apa na monine eshi wo ne kuna kutunda mundhira dhoghushemwa dhombudhi dhodhiwa. Na ghambire kwaKefasi kughutho wawahe eshi: “Owe ne ghoMujuda, ene mbadi ghuna kurughani tha shime thitjo thaWajuda. Ngeshi ha ghu para ghothinda yira mbadi ghoMujuda, ngepi sho kone kupambeka hamweya wa ha dhira kukara Hajuda eshi, ha pare yira Hajuda?”
Ghuhunga ghomumatawero
15Atwe Twajuda kutunda kumushamurukero wetu ne, mbadi twayiharuri homwawahayidena. 16Ngambi kemo, twa dimuka eshi, munu ne mbadi gha wana ghuhunga pakukoneka muragho. Ene pakutawa mwaJesus Kristusi pithendi. Karo twa wanine matawero paKristus Jesusi. No dyo twa wanine ghuhunga pamatawero ghetu mwaKristusi. Ene mbadi pakukoneka muragho. Yoyishi mukukoneka muragho, mbadiko munu yu ghokuwana ghuhunga.
17Ngeshi muyishana yetu kughuhunga mwaKristusi, ya kara eshi natwe karo twayiharuri. Eyi, kuninga yina kuninga eshi, Kristusi ne gha kara muthirughana thomaharwero ndi? Mbadi kemo! 18Ene ngeshi ha ni tunditha po yitura‐po yomuragho, no kuyitura po karo. Na kutendi nothinda mureghi. 19Ene kukwange, ame ne nafa pamuragho eshi, ni kone kuparera Nyambi: Ame ne pofotji naKristusi ha ni pamarerire. 20Pan̂anyi‐n̂anyi, mbadi yame shime na kupara. Kristusi yo ghana kupara mumwange. Moyo ghu na kupara pano, mumatawero ghokwaMwana Nyambi na kupara, oyu gha ni neghedhire ruhakitho rwendi rokukwange, apa gha tapire moyo wendi kukwange. 21Ame, mbadi na kumwagha n̂eke dhaNyambi. Ngeshi ha wanena ghuhunga munu pamuragho, eyi ngo kuna kuninga eshi, Kristusi ne nyara‐nyara ghafire.
Currently Selected:
Hakagalasiye 2: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakagalasiye 2
2
Madimukero ghaPaghulusi kwawapostoli hamweya
1Munyima dhomyaka dikumi, ho na yendire karo kuJerusalema. Ruyendo ru, naBarnabasi na yendire. Ko kupitura kwange Titusi. 2Nyambi gha yi ni hokwerire eshi, ni kone kuyenda. Popo kokuyuvitha me mbudhi mukatji kawahayidena. Ha ni dhi tapa kwawayendhange no na ghambire nawakamiti pithawo. Ame na shanine ghushemwa eshi, ni rughane nyara‐nyara, ngambi nyara‐nyara na rughanine.
3Ngambi kenge gha karire Titusi yu gha yendire nange, Muhirika, mbadi ha mu thinenekire kukumuken̂a. 4Ene pakarire hanu hamweya wa ha yi hakire. Hanu wa ne ha karire difurumeko mukatji kombunga. No ha tendire yira hatawi nawo. Thitambo thawo ne ha shanine kuna rondonona horo dhetu dhi twa wanine kwaKristus Jesusi, no kudhitunditha po eshi, tu kone kukara twapika wo. 5Kuyihima yawo, mbadi twa kutapire ko twe nokamanana temba. Kemo sho ghu mu ghamweno ghushemwa ghombudhi.
6Hakamiti hombunga — awa ha karire pakutanga, mbadi yinu kukwange. Nyambi mbadi gha kenga peghuru dhamunu — nawa hakamiti hombunga, mbadi ha ni wedherera ko kumbudhi dhi na yuvithire. 7Yoyi ha monine eshi, na kurupera muthirughana thange mukuyuvitha mbudhi kwaWajuda. Thika di gha mu pire naye Petrusi, mukuyuvitha mbudhi kwaWajuda. 8Yoyu Nyambi yofotji, oyu gha pakire Petrusi, mupostoli waWajuda. Yo gha ni tendire name mupostoli wawa ha dhira kukara Hajuda.
9Apa ha yi monine eshi Nyambi ghana nipa ngcamu dhi. Munyima popo Jakobusi, naKefasi, naJohannesi, awa ha monine yira maghundhi ghombunga, ko kutukwateka moko ghawo ghorudyo, name naBarnabasi, thidimukitho eshi twe ne twarughani nawo. Twa kuyuvire pofotji eshi, awo ne ha yuvithe mbudhi kwaWajuda. Atwe ne kwawahayidena. 10Ethi hepurire wo, eshi twa vurama hahepwe homukatji ketu. Thothirughana thorukakitho thi na kon̂wethwendha name karo.
Paghulusi ghana kumukanunutha Petrusi muAntiyokiya
11Apa gheyire Kefasi munyima kuAntiyokiya, na mwiman̂anyenine thishwaghameho. Yoyishi makwirero ghendi, gha kendhumukire thiwana. 12Kughutho ghokwiya ko haguva waJakobusi, Kefasi gha dire vene naWajuda hokudhira kutawa. Ene pakukuma ko hanu, gha shwaghire ko no gha karire kumutara ghofotji. Yoyishi gha yapire kwawayendhendi homaken̂eno. 13Hatawi hamweya hoHajuda, ha tangire kutenda difurumeko pofotji nendi karo. Ngambi Barnabasi naye gha karire mudifurumeko dyawo.
14Apa na monine eshi wo ne kuna kutunda mundhira dhoghushemwa dhombudhi dhodhiwa. Na ghambire kwaKefasi kughutho wawahe eshi: “Owe ne ghoMujuda, ene mbadi ghuna kurughani tha shime thitjo thaWajuda. Ngeshi ha ghu para ghothinda yira mbadi ghoMujuda, ngepi sho kone kupambeka hamweya wa ha dhira kukara Hajuda eshi, ha pare yira Hajuda?”
Ghuhunga ghomumatawero
15Atwe Twajuda kutunda kumushamurukero wetu ne, mbadi twayiharuri homwawahayidena. 16Ngambi kemo, twa dimuka eshi, munu ne mbadi gha wana ghuhunga pakukoneka muragho. Ene pakutawa mwaJesus Kristusi pithendi. Karo twa wanine matawero paKristus Jesusi. No dyo twa wanine ghuhunga pamatawero ghetu mwaKristusi. Ene mbadi pakukoneka muragho. Yoyishi mukukoneka muragho, mbadiko munu yu ghokuwana ghuhunga.
17Ngeshi muyishana yetu kughuhunga mwaKristusi, ya kara eshi natwe karo twayiharuri. Eyi, kuninga yina kuninga eshi, Kristusi ne gha kara muthirughana thomaharwero ndi? Mbadi kemo! 18Ene ngeshi ha ni tunditha po yitura‐po yomuragho, no kuyitura po karo. Na kutendi nothinda mureghi. 19Ene kukwange, ame ne nafa pamuragho eshi, ni kone kuparera Nyambi: Ame ne pofotji naKristusi ha ni pamarerire. 20Pan̂anyi‐n̂anyi, mbadi yame shime na kupara. Kristusi yo ghana kupara mumwange. Moyo ghu na kupara pano, mumatawero ghokwaMwana Nyambi na kupara, oyu gha ni neghedhire ruhakitho rwendi rokukwange, apa gha tapire moyo wendi kukwange. 21Ame, mbadi na kumwagha n̂eke dhaNyambi. Ngeshi ha wanena ghuhunga munu pamuragho, eyi ngo kuna kuninga eshi, Kristusi ne nyara‐nyara ghafire.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986