Marko 10
10
Dø̀ngku vkang mvdaq we
Mat. 19:1-9
1Yesu nø we gùrwang kèní búngá:mì nø̀ Yordan Tìwàng kupa, Yuda gùrwang sv̀ng tuqá:mì. Vsv̀ng loksokrì nø vrá tiqkvt Àng yv́ngsv̀ng kø̀m ráì. Àngwà Àng wá yà dø, àngmaq sv̀ng shvngø:tnòe.
2Parisirì tiqmaq nø Àng sv̀ng vløtlv́m dì ráì nø̀, “Lvngàré tiqpè nø àng chø̀mmè nv̀ng vkang lòng dvráe má?” wa rø:tnòe.
3À:ngí àngmaq sv̀ng, “Moshií nàmaq sv̀ng kadø dèkv́m yv̀ngshà má?” a:lòe.
4Àngmaqí, “Àng chø̀mmè sv̀ng vkang kàru zíò nø̀ shvlo dv̀ng íe, wa nø̀ Moshií vkv́ng zí yà:ngà,” a:lòe. #Drd. 24:1; Mat. 5:31,32
5Yesuí àngmaq sv̀ng, “Nàmaq nøt èzaqnø̀ng rvt à:ngí dvkv́mkà welòng nàrua yv̀ngshà we íe. 6Ínìgø, muqlàng nv̀ng rvgaq nv̀mlat má:nò yv́ngkèní Gvrayí nø ‘lvngàré, svmaré mv́n yà:ngà.’ #Nnp. 1:27 7‘Wervtnø̀, lvngàré nø àngpè àngmè kèní rv́lshì dv̀ng, àng chø̀mmè nv̀ng vzø̀mvm nø̀, #Nnp. 2:24 8àngní nø tiqshing tiqgóng ívme.’ Wekvt kèní àngní nø vnígǿ mø̀íá:mì, tiqshing tiqgóng íá:mì. 9Wervtnø̀, Gvrayí dvhǿmshaq lòng sv̀ng kagǿí gø laq màdvka:ngò,” a:lòe.
10Àngmaq chø̀m vdòng sv̀ng gòngá:mì mèpvng, coqcv́nrìí vrá Àng sv̀ng wedang rø:tnòe. 11Yesuí àngmaq sv̀ng, “Àng chø̀mmè nv̀ng vkang nø̀ dvgá tiqmè ó shvzøngshìvm we kagǿ ínìgø, àng chø̀mmè sv̀ng vléò nø̀ dvchap mvrà wàò we íe. #Luk. 16:18 12Vrá, svmaréí gø àng chø̀mpè nv̀ng vkang nø̀ dvgá tiqpè ó shvzøngshìvm nìnø, à:ngí gø dvchap mvrà wàò we íe,” a:lòe.
Cv̀mrécèrì Yesu yv́ng shøla:tnà we
Mat. 19:13-15; Luk. 18:15-17
13Cv̀mrécèrì sv̀ng Yesuí laq shupma:tnò wa nø̀ àngmaqí Àng yv́ng shøla:tnà. Íwe, coqcv́nrìí àngmaq sv̀ng nga:nòe. 14Íwe Yesuí yv̀ng bǿà kvt, shv̀mná rí sórí àngmaq sv̀ng, “Cv̀mrécèrì Ngà yv́ng laq di ra, àngmaq sv̀ng mènàgámnø̀ngni. Pàwá wani Gvray móngdàn nø yadø í rì dvpvt íaòe. 15Ngàí jø̀ngjǿng vla:tnìni, kagǿ í nìgø cv̀mrécèí vtoò dø Gvray móngdàn sv̀ng mènàtonø̀ng nìnø we móngdàn sv̀ng góng mvlúnshì,” a:lòe. #Mat. 18:3 16Wedá:ngí Yesuí cv̀mrécèrì sv̀ng mvguqò nø̀ àngmaq mvdv̀m wur hapshì sórí shvmánaòe.#Mak. 9:36
Gùchàngré mvgàm tiqpè
Mat. 19:16-30; Luk. 18:18-30
17Wekvt rá Yesu nø tvrà dìlv́m búng daqì dvgvp, vsv̀ng tiqpè Àng yv́ng kvlv̀ng ráì nø̀, Àng mv́rdv̀ng pvnciq tushì sórí, “Shvla we svrapèá, dvciqlvpat gø̀nshaq lúnlv́m rvt, ngà kapà wá rànge má?” wa rø:tnòe.
18Yesuí àng sv̀ng, “Nàí Ngà sv̀ng pàwálv́m shvla we èvlà má? Shvla we nø Gvray tiqpè wa mø̀í nìnø dvgá màvl. 19Vsv̀ng shvt mvdaq, vsv̀ng svma dvchap mvdaq, kǿ mvdaq, mvdìng we shvkse wáshì mvdaq, vsv̀ng dvrè yúma mvdaq, nvpè nvmè sv̀ng vpǿ ràe, wa we dvkv́mkàrì sv̀ng nàí gø èsháòe,” a:lòe. #Bng. 20:12-17; Drd. 5:16-20
20Wepèí Yesu sv̀ng, “Svrapèá, yadv́ng pv̀n shvngbe nø cv̀mré ni kèní cv̀nò we íe,” wa vtá:nòe.
21Wekvt Yesuí àng sv̀ng shóngnø:tní dvjaqò nø̀, “Nà taq tiqpv̀n shini ràe. Èlovm nø̀ nà nàdá dv́ngte èna:mò dá:ngí dvshà rì sv̀ng èzíò. Wekvt muqlàng taqlapmø pø̀hvp èv́la dae. Wedá:ngí Ngà mèpvng ècv̀n ra,” a:lòe.#10:21 Àngké kàru tiqmaq taq “Wurgang baqshì nø̀ Ngà mèpvng ècv̀n ra,” wae. #Mak. 8:34; Mat. 10:38
22Wepè nø gvzà mvgàm we tiqpè íe. Wervt, Yesuí a:lò kà tá bǿà kvt, àng nøt dvshà sórí búngá:mì.
Mvgàmrérì Gvray móngdàn góng rvzaq we
Mat. 19:16-29; Luk. 18:18-30
23Yesuí gùrhøm sv̀ng yà:ngò sórí Àng coqcv́nrì sv̀ng, “Mvgàmrérì nø Gvray móngdàn gònglv́m pàshaqí rvzaq ráì,” a:lòe.
24Àng kà rvt coqcv́nrì nø rìràá:mì. Wervt Yesuí vrá àngmaq sv̀ng, “Cv̀mrérìé, Gvray móngdàn gònglv́m nø pàshaqí rvzaq ráì.#10:24 Àngké kàru tiqmaq taq “gv̀msùng vshé sv̀ng nøt vdǿnshì rì” wa kà màbá. #Shz. 62:10; 1Tm. 6:17 25Mvgàm tiqgǿ Gvray móngdàn gònglv́m lòng nø, còngmè shvni hwáng taq golawu tiqgo léshìlv́m lòng mvdv̀m té rvzaqe,” a:lòe.
26Wekvt Àng coqcv́nrì nø gvzà dàá:mì nø̀, “Íni, kagǿí nø chutchv́ng we lún daqe má?” wa tasv̀ng vrùnge.
27Yesuí àngmaq sv̀ng dvjaqò sórí, “Yalòng nø vsv̀ng lapkèní bǿn mvdaq. Íwe Gvray lapkèní nø wedø mø̀í. Gvray lapkèní nø pà gø bǿn daqe,” a:lòe.
#
Nnp. 18:14; Yob. 42:2 28Piterí Yesu sv̀ng, “Ku, nøngmaq nø vdáì rì shvngbe là:ngì nø̀ Nà mèpvng cà:nìe,” a:lòe.
29Wekvt Yesuí, “Ngàí jø̀ngjǿng vla:tnìni, Ngà dvpvt gø, Dvbùshv̀ngkà dvpvt gø, chø̀m, àngnvm àngchvngrì, àngpè àngmè, àngcèrì, mø̀íni rvmárì là:ngò gǿ nø, 30akvt bàn taq gø chø̀mrì, àngnvm àngchvngrì, àngmèmaq, àngcèrì, nv̀ng rvmárì tiqyá dvtv̀ng jø̀ngjǿng lúnlv́m íe. Vrá, dvki vrè we gø vhǿmlv́m íe. Tuq ra bàn taq gø dvciqlvpat gø̀nshaq lúnlv́m íe. 31Íwe, nv̀mlat rì mvme nø lv̀ngdø̀m rì ívme. Lv̀ngdø̀m rì mvme nø nv̀mlat rì ívme,” a:lòe.
Yesu shì nø̀ zun long dang méshø̀m kvt dvtáò we
Mat. 20:17-19; Luk. 18:31-34
32Yesuí tvrà cà:lò nø̀ àngmaq nø Yerusalem sv̀ng ngange. Weyv́ng kaq shø:lò rvt coqcv́nrì nø dà nø̀ Àng mèpvng cà:nò rì gø svree. Wekvt coqcv́n Tiqcé Vnípè kaq À:ngí tiqtong sv̀ng vrá shø:lò dá:ngí, À:ngí vhǿmlv́m rì dvtáòe. #Yoh. 11:16; Mak. 9:31 33“Ètánø̀ng, nøngmaq nø Yerusalem sv̀ng nga:ngìe. Weyv́ng, Vsv̀ng Àngcèpè sv̀ng nø shvrúngshú vjìrì nv̀ng dvrá svrarì kaq tvle bǿòe. Àngmaqí Àng sv̀ng dvshílv́m kà ra:tnò dá:ngí wv́ngzàrì kaq tvle bǿòe. 34Àngmaqí Àng sv̀ng dvshá dvcø a:lò nø̀, tø:lí vpíò nø̀, vdi:pmò dá:ngí shvt bǿò Ínìgø, vshø̀mni wani taq Àng zun longe,” a:lòe.
Yohan nv̀ng Yaku røtshì we
Mat. 20:20-28
35Zebedi àngcè Yaku nv̀ng Yohan nø Yesu yv́ng dì ráì nø̀, “Svrapèá, ngàní nvm dvpvt Nàí tiqpv̀n wáalv́m røtshì mvyǿshìe,” a:lòe.
36À:ngí, “Nàní dvpvt Ngàí pà lvwáashì ni?” wa rø:tnòe.
37Àngní nà:mí, “Nà móngdàn taq ngø̀rdvgùng nv̀ng èøp lú:ngò ke, ngànínvm sv̀ng Nà vbàngpa tiqpè, vgwépa tiqpè rúng dèzá:rò,” a:lòe.
38Yesuí, “Nàní pà èrøtshìshì we mèsháshò. Ngàí aq rà we dvshàlv́m gwìn kèní nàníí gø aq èngutshò má? Ngà sv̀ng èløpmvt we tìløp lòng taq løpshì èngutshò má?” a:lòe.
#
Mak. 14:36; Luk. 12:50; Rom. 6:3 39Àngní nà:mí, “Ngutshòe,” a:lòe.
Wekvt Yesuí, “Ngà aqlv́m gwìn kèní nàní gø jø̀ngjǿng aq rà longe. Ngà sv̀ng èløpmvt we tìløp lòng taq nàní gø løpshì rà longe. #Dzr. 12:2; Dtn. 1:9 40Íwe Ngà vbàngpa vgwépa taq rúnglv́m lòng zílv́m pè nø Ngà mvǿngà. Kagǿ dvpvt dvgǿaò nìnø, werì dvpvt wa íe,” a:lòe.
41Yaku nv̀ng Yohan røtshì kà sv̀ng dvgá coqcv́n tiqcépèí tá bǿà kvt, àngnínvm kaq shv̀mná ríe. 42Yesuí coqcv́nrì sv̀ng goò nø̀, “Wv́ngzà dvcì øpshú wáshì rì nø bashàrì sv̀ng øp mv̀rshà:mí shvnip shvna:lò nø̀ du gàmzø̀rìí nø vmíng vkv́ng zø̀:mò we sv̀ng nàmaqí èshánø̀nge. #Luk. 22:25-27 43Nàmaq nø wedø wáshì mvdaq. Nàmaq dvhø̀ taq ring mvyǿ gǿ nø dvzømshú lè wáshì ràe. #Mak. 9:35 44Nàmaq dvhø̀ taq vgo wáshì mvyǿ gǿ nø, shvngbeò vshuq wáshì ràe. 45Kadø íe wani Vsv̀ng Àngcèpè nø vsà:ngí dvzøm dvzv́rshìlv́m dì daqì we mø̀í. Vsv̀ng kaq dvzømlv́m nv̀ng mvme gǿ kaq chv́nglv́m dvpvt, Àng gø̀nshaq zíshìlv́m dì daqì,” a:lòe.
Nemàn Bartimiu dvba:nò we
Mat. 20:29-34; Luk. 18:35-43
46Àngmaq nø Yeriko wamà yv́ng tuq ráì. Vrá Yesu nø Àng coqcv́nrì ó loksok lokga nv̀ng tiqdø Yeriko wamà kèní búngá:mì dvgvp, Timiu àngcè Bartimiu tǿshì we røtnvm vsv̀ng nemàn tiqpè tvrà shvnvngø rung dae. 47Nazaretpè Yesu dì ráì we à:ngí tá bǿà kvt, “Dawi Pvlí Pvlaqpè Yesué, dvshá èzangàé,” wa vkiqe.
48Vsv̀ng mvmeí àng sv̀ng, “Dø màwá èvl!” wa nga:nòe. Íwe àng nø, “Dawi Pvlí Pvlaqpèé, ngà sv̀ng dvshá èzangàé,” wa dvshàshà vkiqe.
49Wekvt Yesu rip nø̀, “Àng sv̀ng ègovtnø̀ng,” a:lòe.
Àngmaqí nemànpè sv̀ng goò nø̀, “Shaqshaqwa èvl, èbúng, À:ngí nà sv̀ng ègoe,” a:lòe. 50Wepè nø àng mvdv̀m bèlaq dùng chut gu:rò dá:ngí tv̀m búng nø̀ Yesu yv́ngsv̀ng dì ráì.
51Wekvt Yesuí nemànpè sv̀ng, “Ngàí nà dvpvt pà wv́ngangnø̀ng má?” wa rø:tnò ke, nemànpèí, “Rabiá, ngà ne yvngshì mvyǿnge,” wa vtá:nòe.
52Wervtnø̀ Yesuí àng sv̀ng, “Èlovm. Nà kv́mnø:tní nà sv̀ng dèban bǿì,” a:lòe. Wela:ngí wepè neí yv̀ng lú:ngà nø̀, tvrà yv̀nggùng Yesu mèpvng cv̀n bǿà.
Currently Selected:
Marko 10: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 10
10
Dø̀ngku vkang mvdaq we
Mat. 19:1-9
1Yesu nø we gùrwang kèní búngá:mì nø̀ Yordan Tìwàng kupa, Yuda gùrwang sv̀ng tuqá:mì. Vsv̀ng loksokrì nø vrá tiqkvt Àng yv́ngsv̀ng kø̀m ráì. Àngwà Àng wá yà dø, àngmaq sv̀ng shvngø:tnòe.
2Parisirì tiqmaq nø Àng sv̀ng vløtlv́m dì ráì nø̀, “Lvngàré tiqpè nø àng chø̀mmè nv̀ng vkang lòng dvráe má?” wa rø:tnòe.
3À:ngí àngmaq sv̀ng, “Moshií nàmaq sv̀ng kadø dèkv́m yv̀ngshà má?” a:lòe.
4Àngmaqí, “Àng chø̀mmè sv̀ng vkang kàru zíò nø̀ shvlo dv̀ng íe, wa nø̀ Moshií vkv́ng zí yà:ngà,” a:lòe. #Drd. 24:1; Mat. 5:31,32
5Yesuí àngmaq sv̀ng, “Nàmaq nøt èzaqnø̀ng rvt à:ngí dvkv́mkà welòng nàrua yv̀ngshà we íe. 6Ínìgø, muqlàng nv̀ng rvgaq nv̀mlat má:nò yv́ngkèní Gvrayí nø ‘lvngàré, svmaré mv́n yà:ngà.’ #Nnp. 1:27 7‘Wervtnø̀, lvngàré nø àngpè àngmè kèní rv́lshì dv̀ng, àng chø̀mmè nv̀ng vzø̀mvm nø̀, #Nnp. 2:24 8àngní nø tiqshing tiqgóng ívme.’ Wekvt kèní àngní nø vnígǿ mø̀íá:mì, tiqshing tiqgóng íá:mì. 9Wervtnø̀, Gvrayí dvhǿmshaq lòng sv̀ng kagǿí gø laq màdvka:ngò,” a:lòe.
10Àngmaq chø̀m vdòng sv̀ng gòngá:mì mèpvng, coqcv́nrìí vrá Àng sv̀ng wedang rø:tnòe. 11Yesuí àngmaq sv̀ng, “Àng chø̀mmè nv̀ng vkang nø̀ dvgá tiqmè ó shvzøngshìvm we kagǿ ínìgø, àng chø̀mmè sv̀ng vléò nø̀ dvchap mvrà wàò we íe. #Luk. 16:18 12Vrá, svmaréí gø àng chø̀mpè nv̀ng vkang nø̀ dvgá tiqpè ó shvzøngshìvm nìnø, à:ngí gø dvchap mvrà wàò we íe,” a:lòe.
Cv̀mrécèrì Yesu yv́ng shøla:tnà we
Mat. 19:13-15; Luk. 18:15-17
13Cv̀mrécèrì sv̀ng Yesuí laq shupma:tnò wa nø̀ àngmaqí Àng yv́ng shøla:tnà. Íwe, coqcv́nrìí àngmaq sv̀ng nga:nòe. 14Íwe Yesuí yv̀ng bǿà kvt, shv̀mná rí sórí àngmaq sv̀ng, “Cv̀mrécèrì Ngà yv́ng laq di ra, àngmaq sv̀ng mènàgámnø̀ngni. Pàwá wani Gvray móngdàn nø yadø í rì dvpvt íaòe. 15Ngàí jø̀ngjǿng vla:tnìni, kagǿ í nìgø cv̀mrécèí vtoò dø Gvray móngdàn sv̀ng mènàtonø̀ng nìnø we móngdàn sv̀ng góng mvlúnshì,” a:lòe. #Mat. 18:3 16Wedá:ngí Yesuí cv̀mrécèrì sv̀ng mvguqò nø̀ àngmaq mvdv̀m wur hapshì sórí shvmánaòe.#Mak. 9:36
Gùchàngré mvgàm tiqpè
Mat. 19:16-30; Luk. 18:18-30
17Wekvt rá Yesu nø tvrà dìlv́m búng daqì dvgvp, vsv̀ng tiqpè Àng yv́ng kvlv̀ng ráì nø̀, Àng mv́rdv̀ng pvnciq tushì sórí, “Shvla we svrapèá, dvciqlvpat gø̀nshaq lúnlv́m rvt, ngà kapà wá rànge má?” wa rø:tnòe.
18Yesuí àng sv̀ng, “Nàí Ngà sv̀ng pàwálv́m shvla we èvlà má? Shvla we nø Gvray tiqpè wa mø̀í nìnø dvgá màvl. 19Vsv̀ng shvt mvdaq, vsv̀ng svma dvchap mvdaq, kǿ mvdaq, mvdìng we shvkse wáshì mvdaq, vsv̀ng dvrè yúma mvdaq, nvpè nvmè sv̀ng vpǿ ràe, wa we dvkv́mkàrì sv̀ng nàí gø èsháòe,” a:lòe. #Bng. 20:12-17; Drd. 5:16-20
20Wepèí Yesu sv̀ng, “Svrapèá, yadv́ng pv̀n shvngbe nø cv̀mré ni kèní cv̀nò we íe,” wa vtá:nòe.
21Wekvt Yesuí àng sv̀ng shóngnø:tní dvjaqò nø̀, “Nà taq tiqpv̀n shini ràe. Èlovm nø̀ nà nàdá dv́ngte èna:mò dá:ngí dvshà rì sv̀ng èzíò. Wekvt muqlàng taqlapmø pø̀hvp èv́la dae. Wedá:ngí Ngà mèpvng ècv̀n ra,” a:lòe.#10:21 Àngké kàru tiqmaq taq “Wurgang baqshì nø̀ Ngà mèpvng ècv̀n ra,” wae. #Mak. 8:34; Mat. 10:38
22Wepè nø gvzà mvgàm we tiqpè íe. Wervt, Yesuí a:lò kà tá bǿà kvt, àng nøt dvshà sórí búngá:mì.
Mvgàmrérì Gvray móngdàn góng rvzaq we
Mat. 19:16-29; Luk. 18:18-30
23Yesuí gùrhøm sv̀ng yà:ngò sórí Àng coqcv́nrì sv̀ng, “Mvgàmrérì nø Gvray móngdàn gònglv́m pàshaqí rvzaq ráì,” a:lòe.
24Àng kà rvt coqcv́nrì nø rìràá:mì. Wervt Yesuí vrá àngmaq sv̀ng, “Cv̀mrérìé, Gvray móngdàn gònglv́m nø pàshaqí rvzaq ráì.#10:24 Àngké kàru tiqmaq taq “gv̀msùng vshé sv̀ng nøt vdǿnshì rì” wa kà màbá. #Shz. 62:10; 1Tm. 6:17 25Mvgàm tiqgǿ Gvray móngdàn gònglv́m lòng nø, còngmè shvni hwáng taq golawu tiqgo léshìlv́m lòng mvdv̀m té rvzaqe,” a:lòe.
26Wekvt Àng coqcv́nrì nø gvzà dàá:mì nø̀, “Íni, kagǿí nø chutchv́ng we lún daqe má?” wa tasv̀ng vrùnge.
27Yesuí àngmaq sv̀ng dvjaqò sórí, “Yalòng nø vsv̀ng lapkèní bǿn mvdaq. Íwe Gvray lapkèní nø wedø mø̀í. Gvray lapkèní nø pà gø bǿn daqe,” a:lòe.
#
Nnp. 18:14; Yob. 42:2 28Piterí Yesu sv̀ng, “Ku, nøngmaq nø vdáì rì shvngbe là:ngì nø̀ Nà mèpvng cà:nìe,” a:lòe.
29Wekvt Yesuí, “Ngàí jø̀ngjǿng vla:tnìni, Ngà dvpvt gø, Dvbùshv̀ngkà dvpvt gø, chø̀m, àngnvm àngchvngrì, àngpè àngmè, àngcèrì, mø̀íni rvmárì là:ngò gǿ nø, 30akvt bàn taq gø chø̀mrì, àngnvm àngchvngrì, àngmèmaq, àngcèrì, nv̀ng rvmárì tiqyá dvtv̀ng jø̀ngjǿng lúnlv́m íe. Vrá, dvki vrè we gø vhǿmlv́m íe. Tuq ra bàn taq gø dvciqlvpat gø̀nshaq lúnlv́m íe. 31Íwe, nv̀mlat rì mvme nø lv̀ngdø̀m rì ívme. Lv̀ngdø̀m rì mvme nø nv̀mlat rì ívme,” a:lòe.
Yesu shì nø̀ zun long dang méshø̀m kvt dvtáò we
Mat. 20:17-19; Luk. 18:31-34
32Yesuí tvrà cà:lò nø̀ àngmaq nø Yerusalem sv̀ng ngange. Weyv́ng kaq shø:lò rvt coqcv́nrì nø dà nø̀ Àng mèpvng cà:nò rì gø svree. Wekvt coqcv́n Tiqcé Vnípè kaq À:ngí tiqtong sv̀ng vrá shø:lò dá:ngí, À:ngí vhǿmlv́m rì dvtáòe. #Yoh. 11:16; Mak. 9:31 33“Ètánø̀ng, nøngmaq nø Yerusalem sv̀ng nga:ngìe. Weyv́ng, Vsv̀ng Àngcèpè sv̀ng nø shvrúngshú vjìrì nv̀ng dvrá svrarì kaq tvle bǿòe. Àngmaqí Àng sv̀ng dvshílv́m kà ra:tnò dá:ngí wv́ngzàrì kaq tvle bǿòe. 34Àngmaqí Àng sv̀ng dvshá dvcø a:lò nø̀, tø:lí vpíò nø̀, vdi:pmò dá:ngí shvt bǿò Ínìgø, vshø̀mni wani taq Àng zun longe,” a:lòe.
Yohan nv̀ng Yaku røtshì we
Mat. 20:20-28
35Zebedi àngcè Yaku nv̀ng Yohan nø Yesu yv́ng dì ráì nø̀, “Svrapèá, ngàní nvm dvpvt Nàí tiqpv̀n wáalv́m røtshì mvyǿshìe,” a:lòe.
36À:ngí, “Nàní dvpvt Ngàí pà lvwáashì ni?” wa rø:tnòe.
37Àngní nà:mí, “Nà móngdàn taq ngø̀rdvgùng nv̀ng èøp lú:ngò ke, ngànínvm sv̀ng Nà vbàngpa tiqpè, vgwépa tiqpè rúng dèzá:rò,” a:lòe.
38Yesuí, “Nàní pà èrøtshìshì we mèsháshò. Ngàí aq rà we dvshàlv́m gwìn kèní nàníí gø aq èngutshò má? Ngà sv̀ng èløpmvt we tìløp lòng taq løpshì èngutshò má?” a:lòe.
#
Mak. 14:36; Luk. 12:50; Rom. 6:3 39Àngní nà:mí, “Ngutshòe,” a:lòe.
Wekvt Yesuí, “Ngà aqlv́m gwìn kèní nàní gø jø̀ngjǿng aq rà longe. Ngà sv̀ng èløpmvt we tìløp lòng taq nàní gø løpshì rà longe. #Dzr. 12:2; Dtn. 1:9 40Íwe Ngà vbàngpa vgwépa taq rúnglv́m lòng zílv́m pè nø Ngà mvǿngà. Kagǿ dvpvt dvgǿaò nìnø, werì dvpvt wa íe,” a:lòe.
41Yaku nv̀ng Yohan røtshì kà sv̀ng dvgá coqcv́n tiqcépèí tá bǿà kvt, àngnínvm kaq shv̀mná ríe. 42Yesuí coqcv́nrì sv̀ng goò nø̀, “Wv́ngzà dvcì øpshú wáshì rì nø bashàrì sv̀ng øp mv̀rshà:mí shvnip shvna:lò nø̀ du gàmzø̀rìí nø vmíng vkv́ng zø̀:mò we sv̀ng nàmaqí èshánø̀nge. #Luk. 22:25-27 43Nàmaq nø wedø wáshì mvdaq. Nàmaq dvhø̀ taq ring mvyǿ gǿ nø dvzømshú lè wáshì ràe. #Mak. 9:35 44Nàmaq dvhø̀ taq vgo wáshì mvyǿ gǿ nø, shvngbeò vshuq wáshì ràe. 45Kadø íe wani Vsv̀ng Àngcèpè nø vsà:ngí dvzøm dvzv́rshìlv́m dì daqì we mø̀í. Vsv̀ng kaq dvzømlv́m nv̀ng mvme gǿ kaq chv́nglv́m dvpvt, Àng gø̀nshaq zíshìlv́m dì daqì,” a:lòe.
Nemàn Bartimiu dvba:nò we
Mat. 20:29-34; Luk. 18:35-43
46Àngmaq nø Yeriko wamà yv́ng tuq ráì. Vrá Yesu nø Àng coqcv́nrì ó loksok lokga nv̀ng tiqdø Yeriko wamà kèní búngá:mì dvgvp, Timiu àngcè Bartimiu tǿshì we røtnvm vsv̀ng nemàn tiqpè tvrà shvnvngø rung dae. 47Nazaretpè Yesu dì ráì we à:ngí tá bǿà kvt, “Dawi Pvlí Pvlaqpè Yesué, dvshá èzangàé,” wa vkiqe.
48Vsv̀ng mvmeí àng sv̀ng, “Dø màwá èvl!” wa nga:nòe. Íwe àng nø, “Dawi Pvlí Pvlaqpèé, ngà sv̀ng dvshá èzangàé,” wa dvshàshà vkiqe.
49Wekvt Yesu rip nø̀, “Àng sv̀ng ègovtnø̀ng,” a:lòe.
Àngmaqí nemànpè sv̀ng goò nø̀, “Shaqshaqwa èvl, èbúng, À:ngí nà sv̀ng ègoe,” a:lòe. 50Wepè nø àng mvdv̀m bèlaq dùng chut gu:rò dá:ngí tv̀m búng nø̀ Yesu yv́ngsv̀ng dì ráì.
51Wekvt Yesuí nemànpè sv̀ng, “Ngàí nà dvpvt pà wv́ngangnø̀ng má?” wa rø:tnò ke, nemànpèí, “Rabiá, ngà ne yvngshì mvyǿnge,” wa vtá:nòe.
52Wervtnø̀ Yesuí àng sv̀ng, “Èlovm. Nà kv́mnø:tní nà sv̀ng dèban bǿì,” a:lòe. Wela:ngí wepè neí yv̀ng lú:ngà nø̀, tvrà yv̀nggùng Yesu mèpvng cv̀n bǿà.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.