Luka 22
22
Yesu sv̀ng nvmlv́m Yuda búngá:mì we
Mat. 26:1-5,14-16; Mak. 14:1-2,10-11; Yoh. 11:45-53; 13:2,27-30
1Shvle Bóy tǿò we Zidòngsér Vmbóy tuq ráì. #Bng. 12:18-20 2Wedvgvp shvrúngshú vjìrì nv̀ng dvrá svrarìí Yesu sv̀ng kadøwa shvt lúnlv́m gvcvt vjø:nòe. Pàwá wani àngmaq nø bashàrì sv̀ng svree. #Luk. 20:19 3Wekvt coqcv́n Tiqcé Vnípè taq vbá we Ishvkarot tǿò pè Yuda yv́ng Satan zv́ngshìá:mì. 4Wekvt Yuda nø shvrúngshú vjìrì ó Noqngø̀m Tø̀ngnø vsóngshúrì yv́ng di nø̀, Yesu sv̀ng àngmaq kaq kadøwa tvlelv́m vrashìá:mì. 5Àngmaq dvbùá:mì nø̀ àng sv̀ng gv̀msùng zílv́m dv́naòe. 6Yuda gø nøt vrá nø̀, vsv̀ng loksokrì màvl dvgvp Yesu kaq àngmaq sv̀ng tvle lúnlv́m yuqyà we rvtø̀ láòe.
Shvle Bóy v́mrà láò we
Mat. 26:17-29; Mak. 14:12-25; Yoh. 13:21-30
7Shvle Bóy vyv̀ngcè shvt nø̀ núng rà we Zidòngsér V́mbóy àngni tuq ráì kvt, 8Yesuí Piter nv̀ng Yohan sv̀ng, “Shvle Bóy v́mpà nøngmaq v́mlv́m rvt dègø̀v́mshò,” a:lò nø̀ dvzá:ròe.
9Àngníí, “Kayv́ngø dvgø̀v́mshò ni má?” wa rø:tnòe.
10À:ngí, “Wamà sv̀ng ègòngv́mshì ke, chúng taq tì baqshì we vsv̀ng tiqpèí nàhømvtshìe. Àng zv́ngshìvm we chø̀m vdòng høq ècv̀n bǿshò. 11Wekvt chø̀m àngkàngpè sv̀ng, ‘“Ngà coqcv́nrì nv̀ng tiqdø Shvle Bóy v́mpà v́mlv́m zaqlè dǿng kayv́ng íe?” wa Svrapèí nà sv̀ng røtne,’ èvlshò. 12Wekvt à:ngí nàní sv̀ng mvdv̀m dvtv̀ng yv́ng dvcøp dvgǿshaq, te we tiqdǿng dètanvtshìe. Weyv́ngø dègø̀shò,” a:lòe.
13Àngní dìá:mì nìnø, Yesuí àngní sv̀ng vl dárà døni yv̀ng bǿà nø̀, Shvle Bóy v́mpà dvgø̀òe. #Luk. 19:32
Kàngpè yaqdø̀ng v́mpà
14Rvtø̀ høqa:tnà dvgvp, Yesu nø Àng dvzv́rrì nv̀ng tiqdø v́mshvbóy taq runge. 15À:ngí, “Ngà shini màdvshàng vzv̀ng kaq, nàmaq nv̀ng tiqdø Shvle Bóy v́mpà yalòng gvzà v́m mvyǿnge. 16Pàwá wani Ngàí vla:tnìni, Gvray móngdàn taq Shvle Bóy àng mvtú mvgøm dv́ngte, Shvle Bóy v́mpà yalòng vrá tiqkvt Ngà màvm,” a:lòe.
17À:ngí gwìn tiqchv̀ng lùò nø̀ Gvray kaq oqà wa dá:ngí, “Yalòng ètvpshìnø̀ng nø̀ shvngbeí èaqnø̀ng. 18Kadø íe wani Ngàí vla:tnìni, Gvray móngdàn mvtuq daq dv́ngte, akvt kèní Ngà nø bìmtì mvaqlv́m íe,” a:lòe.
19Yesuí zidòng lùò nø̀ Gvray kaq oqà wa dá:ngí, vmø:tnò nø̀ àngmaq sv̀ng zíò sórí, “Yalòng nø nàmaq dvpvt zǿngshø̀ng we ngà góng íe. Ngà sv̀ng dvdvm rǿnlv́m rvt yadø èwànø̀ng,” a:lòe. #1Kr. 11:23-25
20V́m dá:ngí welòng dø tiqdvchá, bìmtì gwìn lùò nø̀, “Gwìn yachv̀ng nø nàmaq dvpvt shòrò we Ngà shvwi taqkèní shvdøngò we kàgvp àngshv́r íe. #Bng. 24:8; Yer. 31:31; Zek. 9:11
21Èyv̀ngnø̀ng, Ngà sv̀ng nvmv́mshú pè nø Ngà nv̀ng tiqdø v́mshvbóy taq runge. 22Vsv̀ng Àngcèpè nø dvdushaq dø tiqdvchá shí rà longe. Íwe, Àng sv̀ng nvmá:mò pè nø mvhøt longe,” a:lòe. 23Wekvt coqcv́nrì nø àngmaq taqkèní yadø wàlv́m gǿ nø kagǿ í we tasv̀ng vrøtke lú:ngì.
Kagǿ nø ring vtvng í we
Mat. 20:25-28; Mak. 10:42-45
24Coqcv́nrì nø àngmaq dvhø̀ kèní kagǿ nø ring vtvng í we vzø̀ng lú:ngì. #Luk. 9:46 25Wervt Yesuí àngmaq sv̀ng, “Wv́ngzà koqkv́mrìí nø àngmaq bashàrì sv̀ng øpmá:mòe. Øplv́m vmíng vkv́ng vl rì nø, ‘Jejú Àngkàngrì,’ wa tǿ dvzv́rshìe. 26Íwe nàmaq nø wedø mèwáshìnø̀ng ni. Nàmaq dvhø̀ taq ring vtvng gǿ nø, cv́m vtvng gǿ dø laq wáshì. Vrá, øpshú gǿ nø dvzømshú dø wáshì ràe. 27V́m shvbóy taq rung pè nv̀ng dvzømshú gǿ kèní, kagǿ té ringe má? V́m shvbóy taq rung pè té ring we mø̀í má? Íwe Ngà nø nàmaq dvhø̀ø dvzømshú dø wv́ngshø̀nge.
#
Yoh. 13:4-14
28Ngàí dvshà mvhøtlv́m rì vhǿ:mò dvgvp, nàmaq nø Ngà nv̀ng tiqdø nv̀nnv̀n èv̀l bǿshà rì èínø̀nge. 29Wervt Vpèí Ngà sv̀ng øplv́m vmíng èzǿng bǿngà dø, Ngaí gø nàmaq sv̀ng øplv́m vmíng zíìe. #Luk. 12:32 30Wervt nàmaq nø Ngà móngdàn yv́ng Ngà v́m shvbóy taq v́m aq èlún lóngnø̀nge. Vrá, øp rúngtv̀ng taq èrúngnø̀ng nø̀ Israel tiqcé vní dvgø̀ng sv̀ng èøp lóngnø̀nge. #Mat. 19:28
Piterí ma lú:ngò dang dvtáò we
Mat. 26:31-35; Mak. 14:27-31; Yoh. 13:36-38
31Simoná, Simoná, èyà:ngò. Satan nø nàmaq kv́mnøt sv̀ng shvtìnlv́m vkv́ng røtshì bǿì. #22:31 Àngké kà taq “nàmaq sv̀ng vm dø raplv́m vkv́ng røtshì bǿì” wae. 32Íwe nà kv́mnøt mvtìnlv́m rvt Ngàí nà dvpvt vjú røtnang bǿngà. Wervtnø̀ nà nøt nàwv́ng ra mèpvng, nvnvmpèla sv̀ng shèdøng shèngà:ngò,” a:lòe.
33Piterí, “Kàngpèá, tung yv́ng gø, shìlv́m yv́ng ínìgø, ngà nø Nà nv̀ng tiqdø vcv̀nlv́m dvgǿshìshaq ǿngàe,” a:lòe.
34Yesuí, “Piterá, Ngàí vlvtnøng, dèyaq dv̀nggú shini mvgì dvgvp, nàí Ngà sv̀ng ‘Mvshángò,’ wa vshø̀mkvt èmang lóngàe,” a:lòe.
35Vrá, À:ngí, “Ngàí nàmaq sv̀ng gv̀msùng yǿngkoq, dv̀nggúng nv̀ng híshvnam màdá dvzv́r bǿshà ke, nàmaq yv́ng rà we tiqpv̀npv̀n vle má?” wa rø:tnòe.
Àngmaqí, “Pàgø màvl,” wa vtá:nòe. #Luk. 9:2-6; 10:1-12
36Wekvt À:ngí, “Akvt kèní mv̀ng nø, gv̀msùng yǿngkoq gø èrishìnø̀ng. Dv̀nggúng gø èpeshìnø̀ng. Vrá, shv̀m mènàdánø̀ng gǿ nø vdèò mvdv̀m bèlaq nvmshì nø̀ shv̀m èwvnshìnø̀ng. #22:36 Luk. 22:49-51 37Ngàí vla:tnìni, ‘Àng sv̀ng nø dvrá vléò vsv̀ngrì nv̀ng tiqdø dvdut bǿà,’ wa vru yà:ngà kà nø, Ngà taq vhøm ràá:mì. Jø̀ngjǿng, Ngà dang vru yà:ngà rì nø vhømlv́m dv́nshìe,” a:lòe. #Esa. 53:12
38Àngmaqí, “Kàngpèá, yalà, yayv́ng shv̀m vníka vle,” a:lòe.
Yesuí, “Vrvme,” wa vtá:nòe.
Zanlún Pung yv́ng vjurøt we
Mat. 26:30,36-46; Mak. 14:26,32-42
39Wekvt Yesu àngwà dí yà dø, Zanlún Pung sv̀ng dìá:mì. Coqcv́nrìí gø Àng mèpvng cv̀n bǿà. #Luk. 21:37; Yoh. 18:1 40Wezàng høq bǿà dvgvp Yesuí àngmaq sv̀ng, “Dvløtlv́m yv́ngsv̀ng màjálv́m rvt, vjú èrøtnø̀ng,” a:lòe. 41Yesu nø àngmaq yv́ngkèní lóng tiqchv̀ng dvgup dv́ngte vsar yv́ng høq di nø̀, pvnciq tushì sórí júrø:tnòe. 42“Vpèá, Nà nøt èí nìnø, dvshàlv́m gwìn yachv̀ng Ngà yv́ngkèní èlóngangà. Ínìgø, Ngà nøt dø laq mø̀í. Nà nøt dø wa laq í daq,” wae. #Mat. 6:10 43Wekvt muqlàng dvzv́r tiqgǿ dvtánshì daqì nø̀ Àng sv̀ng shaq nònggùn dvká:ngòe. 44Yesu nø vtvngshaq nøt dvshà nìgø, téwa nøt lø̀mlø̀m vjú røtne. Wervt Àng ngúng nø̀ shvwi gár dø vbatø̀m sv̀ng vtoe.
45Júrø:tnò yv́ngkèní Àng búng nø̀ coqcv́nrì yv́ngsv̀ng vtv́ng ráì nìnø, àngmaq nø nøt dvshà weí mvjòr rvt yøp da we sv̀ng yv̀ng bǿà. 46À:ngí, “Pàwálv́m èyøpnø̀nge má? Èkungshìnø̀ng. Dvløtlv́m yv́ngsv̀ng màjálv́m rvt, vjú èrøtnø̀ng,” a:lòe.
Yesu sv̀ng tvpma:tnà we
Mat. 26:47-56; Mak. 14:43-49; Yoh. 18:2-11
47Yesu wedø shø̀n la:ngí vsv̀ng loksok tiqmvdò di ráì. Coqcv́n Tiqcé Vnípè taq vbá we Yudaí àngmaq sv̀ng shøla:tnà. Yuda nø Yesu sv̀ng vbùlv́m tvp vnvpshì ráì. 48Yesuí, “Yudaá, Vsv̀ng Àngcèpè sv̀ng nàbùò weí ènvmá:mò má?” a:lòe.
49Kadødø ílv́m dv́nshì we sv̀ng Àng coqcv́nrìí yv̀ng bǿà kvt àngmaqí, “Kàngpèá, shà:mí vtuqì ni má?” wae. 50Àngmaq taqkèní tiqpèí shvrúngshú vgopèò vshuqpè vbàngpa vnà tøq vja cv́nga bǿà.
51Íwe Yesuí, “Wedø mèwànø̀ng ni,” a:lò dá:ngí, wepè vnà shu:pmò nø̀ dvbanaòe.
52Wekvt Àng sv̀ng tvplv́m dì ráì we shvrúngshú vjìrì, Noqngø̀m Tø̀ngnø vsóngshúrì nv̀ng shaqré shaqtvngrì sv̀ng Yesuí, “Ngà nø tølvm vsv̀ng ǿngà rvtnø̀, nàmaq nø shv̀m nv̀ng dèdǿmrì èlv́ngnø̀ng sórí èdì ráshà ó? 53Ngà nø ni vrv̀m Noqngø̀m Tø̀ngnø wáng vdòngø nàmaq nv̀ng tiqdø vl ke, pàwá mètvpshà má? Íwe yarvtø̀ nø nàmaq wur zúshìlv́m dølù:ngí ø:pmò rvtø̀ íe,” a:lòe.
Piterí Yesu sv̀ng maò we
Mat. 26:57-58,69-75; Mak. 14:53-54,66-72; Yoh. 18:12-18,25-27
54Àngmaqí Yesu sv̀ng ta:pmò dá:ngí, shvrúngshú vgopè chø̀m sv̀ng shøl bǿà. Piterí nø cvmaq vsar ram kèní cv̀n bǿà. 55Àngmaq nø gùrpuq rvwè yv́ng svmi wvrshì nø̀ tiqdø rung dvgvp, Piter gø àngmaq dvhø̀ rúng ráì. 56Wekvt svmi gwa yv́ngø rung we Piter sv̀ng vshuq svmasvré tiqmèí yv̀ng bǿà nìnø, àng sv̀ng vdaqdv̀ng wa dvjaqò sórí, “Yapè nø Yesu nv̀ng tiqdø vl pè íe,” wae.
57Íwe Piterí, “Svmarémèá, Àng sv̀ng mvshángò,” wa mashìe.
58Kadv́ngte màlé dvgvp, dvgá tiqgǿí àng sv̀ng yv̀ng bǿà nìnø, “Nà gø àngmaq mvdò taqkèní lèí ni,” a:lòe.
Piterí, “Ngà mvǿngàé, jà,” a:lòe.
59Nari tiqdv̀m dv́ngte vleá:mì dvgvp, dvgá tiqpèí, “Vsv̀ng yapè nø jø̀ngjǿng Yesu nv̀ng tiqdø vl pè íe, pàwá wani àng gø Galili vsv̀ng íe,” wa kvtshìe.
60Íwe Piterí, “Nàí pà èshø̀:nò má mvshángòé, jà,” a:lòe. Àng wedø shø̀n la:ngí ni dv̀nggú gì daqì. 61Kàngpè wv́l poshì nø̀ Piter sv̀ng dvjaqòe. Wekvt, “Dèyaq dv̀nggú shini mvgì dvgvp, nàí Ngà sv̀ng vshø̀m kvt èmang lóngàe,” wa Kàngpèí àng sv̀ng vl dá:rà kà Piterí dvdvm rǿna:tnà. #Luk. 22:34 62Weyv́ng kèní àng búngá:mì nø̀ mvrí màrí gvt nø̀ ngøe.
Yesu sv̀ng dvkiò we
Mat. 26:67-68; Mak. 14:65
63Yesu sv̀ng vsù:ngò rìí nø, Àng sv̀ng dvshá dvcø a:lò nø̀ vdipmòe. 64Àng vne sv̀ng wa:mò dá:ngí, “Nà sv̀ng kagǿí nàdip we, kàdvtut kàí ló èshø̀:nò!” wa dvcøòe. 65Vrá, dvgá mvme pv̀n gø shø̀:nò weí Àng sv̀ng shvyǿ:mòe.
Shaqrérì mv́rdv̀ngø koò we
Mat. 26:59-66; Mak. 14:55-64
66Gá daqì ke, bashàrìò shaqré shaqtvng í we shvrúngshú vjìrì nv̀ng dvrá svrarì dvkǿmshìe. We Shaqré Lipòngmè yv́ngsv̀ng Yesu kaq shøla:tnà. 67Àngmaqí, “Nà nø Kristu èí nìnø, nøngmaq sv̀ng dètáshà,” a:lòe.
À:ngí, “Ngàí dvtáì nìgø, nàmaq kv́m kà mø̀í. #Yoh. 8:45; 10:24 68Vrá, Ngàí rø:tnì nìgø, nàmaqí vtv́n kà mø̀í. 69Íwe, akvt kèní Vsv̀ng Àngcèpè nø jórnònggùn vl pè Gvrayò vbàng pa yv́ng rungvme,” a:lòe. #Shz. 110:1 70Wekvt àngmaq shvngbeí, “Íni Nà nø Gvray Àngcèpè èí má?” wa rø:tnòe.
Yesuí, “Nàmaq èwànø̀ng døni ǿngàe,” a:lòe.
71Wekvt àngmaq nø, “Yamvdv̀mø kapà shvkse ràe má? Àng nònggøp kèní ni shø̀n kà tá bǿshà,” wae.
Currently Selected:
Luka 22: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Luka 22
22
Yesu sv̀ng nvmlv́m Yuda búngá:mì we
Mat. 26:1-5,14-16; Mak. 14:1-2,10-11; Yoh. 11:45-53; 13:2,27-30
1Shvle Bóy tǿò we Zidòngsér Vmbóy tuq ráì. #Bng. 12:18-20 2Wedvgvp shvrúngshú vjìrì nv̀ng dvrá svrarìí Yesu sv̀ng kadøwa shvt lúnlv́m gvcvt vjø:nòe. Pàwá wani àngmaq nø bashàrì sv̀ng svree. #Luk. 20:19 3Wekvt coqcv́n Tiqcé Vnípè taq vbá we Ishvkarot tǿò pè Yuda yv́ng Satan zv́ngshìá:mì. 4Wekvt Yuda nø shvrúngshú vjìrì ó Noqngø̀m Tø̀ngnø vsóngshúrì yv́ng di nø̀, Yesu sv̀ng àngmaq kaq kadøwa tvlelv́m vrashìá:mì. 5Àngmaq dvbùá:mì nø̀ àng sv̀ng gv̀msùng zílv́m dv́naòe. 6Yuda gø nøt vrá nø̀, vsv̀ng loksokrì màvl dvgvp Yesu kaq àngmaq sv̀ng tvle lúnlv́m yuqyà we rvtø̀ láòe.
Shvle Bóy v́mrà láò we
Mat. 26:17-29; Mak. 14:12-25; Yoh. 13:21-30
7Shvle Bóy vyv̀ngcè shvt nø̀ núng rà we Zidòngsér V́mbóy àngni tuq ráì kvt, 8Yesuí Piter nv̀ng Yohan sv̀ng, “Shvle Bóy v́mpà nøngmaq v́mlv́m rvt dègø̀v́mshò,” a:lò nø̀ dvzá:ròe.
9Àngníí, “Kayv́ngø dvgø̀v́mshò ni má?” wa rø:tnòe.
10À:ngí, “Wamà sv̀ng ègòngv́mshì ke, chúng taq tì baqshì we vsv̀ng tiqpèí nàhømvtshìe. Àng zv́ngshìvm we chø̀m vdòng høq ècv̀n bǿshò. 11Wekvt chø̀m àngkàngpè sv̀ng, ‘“Ngà coqcv́nrì nv̀ng tiqdø Shvle Bóy v́mpà v́mlv́m zaqlè dǿng kayv́ng íe?” wa Svrapèí nà sv̀ng røtne,’ èvlshò. 12Wekvt à:ngí nàní sv̀ng mvdv̀m dvtv̀ng yv́ng dvcøp dvgǿshaq, te we tiqdǿng dètanvtshìe. Weyv́ngø dègø̀shò,” a:lòe.
13Àngní dìá:mì nìnø, Yesuí àngní sv̀ng vl dárà døni yv̀ng bǿà nø̀, Shvle Bóy v́mpà dvgø̀òe. #Luk. 19:32
Kàngpè yaqdø̀ng v́mpà
14Rvtø̀ høqa:tnà dvgvp, Yesu nø Àng dvzv́rrì nv̀ng tiqdø v́mshvbóy taq runge. 15À:ngí, “Ngà shini màdvshàng vzv̀ng kaq, nàmaq nv̀ng tiqdø Shvle Bóy v́mpà yalòng gvzà v́m mvyǿnge. 16Pàwá wani Ngàí vla:tnìni, Gvray móngdàn taq Shvle Bóy àng mvtú mvgøm dv́ngte, Shvle Bóy v́mpà yalòng vrá tiqkvt Ngà màvm,” a:lòe.
17À:ngí gwìn tiqchv̀ng lùò nø̀ Gvray kaq oqà wa dá:ngí, “Yalòng ètvpshìnø̀ng nø̀ shvngbeí èaqnø̀ng. 18Kadø íe wani Ngàí vla:tnìni, Gvray móngdàn mvtuq daq dv́ngte, akvt kèní Ngà nø bìmtì mvaqlv́m íe,” a:lòe.
19Yesuí zidòng lùò nø̀ Gvray kaq oqà wa dá:ngí, vmø:tnò nø̀ àngmaq sv̀ng zíò sórí, “Yalòng nø nàmaq dvpvt zǿngshø̀ng we ngà góng íe. Ngà sv̀ng dvdvm rǿnlv́m rvt yadø èwànø̀ng,” a:lòe. #1Kr. 11:23-25
20V́m dá:ngí welòng dø tiqdvchá, bìmtì gwìn lùò nø̀, “Gwìn yachv̀ng nø nàmaq dvpvt shòrò we Ngà shvwi taqkèní shvdøngò we kàgvp àngshv́r íe. #Bng. 24:8; Yer. 31:31; Zek. 9:11
21Èyv̀ngnø̀ng, Ngà sv̀ng nvmv́mshú pè nø Ngà nv̀ng tiqdø v́mshvbóy taq runge. 22Vsv̀ng Àngcèpè nø dvdushaq dø tiqdvchá shí rà longe. Íwe, Àng sv̀ng nvmá:mò pè nø mvhøt longe,” a:lòe. 23Wekvt coqcv́nrì nø àngmaq taqkèní yadø wàlv́m gǿ nø kagǿ í we tasv̀ng vrøtke lú:ngì.
Kagǿ nø ring vtvng í we
Mat. 20:25-28; Mak. 10:42-45
24Coqcv́nrì nø àngmaq dvhø̀ kèní kagǿ nø ring vtvng í we vzø̀ng lú:ngì. #Luk. 9:46 25Wervt Yesuí àngmaq sv̀ng, “Wv́ngzà koqkv́mrìí nø àngmaq bashàrì sv̀ng øpmá:mòe. Øplv́m vmíng vkv́ng vl rì nø, ‘Jejú Àngkàngrì,’ wa tǿ dvzv́rshìe. 26Íwe nàmaq nø wedø mèwáshìnø̀ng ni. Nàmaq dvhø̀ taq ring vtvng gǿ nø, cv́m vtvng gǿ dø laq wáshì. Vrá, øpshú gǿ nø dvzømshú dø wáshì ràe. 27V́m shvbóy taq rung pè nv̀ng dvzømshú gǿ kèní, kagǿ té ringe má? V́m shvbóy taq rung pè té ring we mø̀í má? Íwe Ngà nø nàmaq dvhø̀ø dvzømshú dø wv́ngshø̀nge.
#
Yoh. 13:4-14
28Ngàí dvshà mvhøtlv́m rì vhǿ:mò dvgvp, nàmaq nø Ngà nv̀ng tiqdø nv̀nnv̀n èv̀l bǿshà rì èínø̀nge. 29Wervt Vpèí Ngà sv̀ng øplv́m vmíng èzǿng bǿngà dø, Ngaí gø nàmaq sv̀ng øplv́m vmíng zíìe. #Luk. 12:32 30Wervt nàmaq nø Ngà móngdàn yv́ng Ngà v́m shvbóy taq v́m aq èlún lóngnø̀nge. Vrá, øp rúngtv̀ng taq èrúngnø̀ng nø̀ Israel tiqcé vní dvgø̀ng sv̀ng èøp lóngnø̀nge. #Mat. 19:28
Piterí ma lú:ngò dang dvtáò we
Mat. 26:31-35; Mak. 14:27-31; Yoh. 13:36-38
31Simoná, Simoná, èyà:ngò. Satan nø nàmaq kv́mnøt sv̀ng shvtìnlv́m vkv́ng røtshì bǿì. #22:31 Àngké kà taq “nàmaq sv̀ng vm dø raplv́m vkv́ng røtshì bǿì” wae. 32Íwe nà kv́mnøt mvtìnlv́m rvt Ngàí nà dvpvt vjú røtnang bǿngà. Wervtnø̀ nà nøt nàwv́ng ra mèpvng, nvnvmpèla sv̀ng shèdøng shèngà:ngò,” a:lòe.
33Piterí, “Kàngpèá, tung yv́ng gø, shìlv́m yv́ng ínìgø, ngà nø Nà nv̀ng tiqdø vcv̀nlv́m dvgǿshìshaq ǿngàe,” a:lòe.
34Yesuí, “Piterá, Ngàí vlvtnøng, dèyaq dv̀nggú shini mvgì dvgvp, nàí Ngà sv̀ng ‘Mvshángò,’ wa vshø̀mkvt èmang lóngàe,” a:lòe.
35Vrá, À:ngí, “Ngàí nàmaq sv̀ng gv̀msùng yǿngkoq, dv̀nggúng nv̀ng híshvnam màdá dvzv́r bǿshà ke, nàmaq yv́ng rà we tiqpv̀npv̀n vle má?” wa rø:tnòe.
Àngmaqí, “Pàgø màvl,” wa vtá:nòe. #Luk. 9:2-6; 10:1-12
36Wekvt À:ngí, “Akvt kèní mv̀ng nø, gv̀msùng yǿngkoq gø èrishìnø̀ng. Dv̀nggúng gø èpeshìnø̀ng. Vrá, shv̀m mènàdánø̀ng gǿ nø vdèò mvdv̀m bèlaq nvmshì nø̀ shv̀m èwvnshìnø̀ng. #22:36 Luk. 22:49-51 37Ngàí vla:tnìni, ‘Àng sv̀ng nø dvrá vléò vsv̀ngrì nv̀ng tiqdø dvdut bǿà,’ wa vru yà:ngà kà nø, Ngà taq vhøm ràá:mì. Jø̀ngjǿng, Ngà dang vru yà:ngà rì nø vhømlv́m dv́nshìe,” a:lòe. #Esa. 53:12
38Àngmaqí, “Kàngpèá, yalà, yayv́ng shv̀m vníka vle,” a:lòe.
Yesuí, “Vrvme,” wa vtá:nòe.
Zanlún Pung yv́ng vjurøt we
Mat. 26:30,36-46; Mak. 14:26,32-42
39Wekvt Yesu àngwà dí yà dø, Zanlún Pung sv̀ng dìá:mì. Coqcv́nrìí gø Àng mèpvng cv̀n bǿà. #Luk. 21:37; Yoh. 18:1 40Wezàng høq bǿà dvgvp Yesuí àngmaq sv̀ng, “Dvløtlv́m yv́ngsv̀ng màjálv́m rvt, vjú èrøtnø̀ng,” a:lòe. 41Yesu nø àngmaq yv́ngkèní lóng tiqchv̀ng dvgup dv́ngte vsar yv́ng høq di nø̀, pvnciq tushì sórí júrø:tnòe. 42“Vpèá, Nà nøt èí nìnø, dvshàlv́m gwìn yachv̀ng Ngà yv́ngkèní èlóngangà. Ínìgø, Ngà nøt dø laq mø̀í. Nà nøt dø wa laq í daq,” wae. #Mat. 6:10 43Wekvt muqlàng dvzv́r tiqgǿ dvtánshì daqì nø̀ Àng sv̀ng shaq nònggùn dvká:ngòe. 44Yesu nø vtvngshaq nøt dvshà nìgø, téwa nøt lø̀mlø̀m vjú røtne. Wervt Àng ngúng nø̀ shvwi gár dø vbatø̀m sv̀ng vtoe.
45Júrø:tnò yv́ngkèní Àng búng nø̀ coqcv́nrì yv́ngsv̀ng vtv́ng ráì nìnø, àngmaq nø nøt dvshà weí mvjòr rvt yøp da we sv̀ng yv̀ng bǿà. 46À:ngí, “Pàwálv́m èyøpnø̀nge má? Èkungshìnø̀ng. Dvløtlv́m yv́ngsv̀ng màjálv́m rvt, vjú èrøtnø̀ng,” a:lòe.
Yesu sv̀ng tvpma:tnà we
Mat. 26:47-56; Mak. 14:43-49; Yoh. 18:2-11
47Yesu wedø shø̀n la:ngí vsv̀ng loksok tiqmvdò di ráì. Coqcv́n Tiqcé Vnípè taq vbá we Yudaí àngmaq sv̀ng shøla:tnà. Yuda nø Yesu sv̀ng vbùlv́m tvp vnvpshì ráì. 48Yesuí, “Yudaá, Vsv̀ng Àngcèpè sv̀ng nàbùò weí ènvmá:mò má?” a:lòe.
49Kadødø ílv́m dv́nshì we sv̀ng Àng coqcv́nrìí yv̀ng bǿà kvt àngmaqí, “Kàngpèá, shà:mí vtuqì ni má?” wae. 50Àngmaq taqkèní tiqpèí shvrúngshú vgopèò vshuqpè vbàngpa vnà tøq vja cv́nga bǿà.
51Íwe Yesuí, “Wedø mèwànø̀ng ni,” a:lò dá:ngí, wepè vnà shu:pmò nø̀ dvbanaòe.
52Wekvt Àng sv̀ng tvplv́m dì ráì we shvrúngshú vjìrì, Noqngø̀m Tø̀ngnø vsóngshúrì nv̀ng shaqré shaqtvngrì sv̀ng Yesuí, “Ngà nø tølvm vsv̀ng ǿngà rvtnø̀, nàmaq nø shv̀m nv̀ng dèdǿmrì èlv́ngnø̀ng sórí èdì ráshà ó? 53Ngà nø ni vrv̀m Noqngø̀m Tø̀ngnø wáng vdòngø nàmaq nv̀ng tiqdø vl ke, pàwá mètvpshà má? Íwe yarvtø̀ nø nàmaq wur zúshìlv́m dølù:ngí ø:pmò rvtø̀ íe,” a:lòe.
Piterí Yesu sv̀ng maò we
Mat. 26:57-58,69-75; Mak. 14:53-54,66-72; Yoh. 18:12-18,25-27
54Àngmaqí Yesu sv̀ng ta:pmò dá:ngí, shvrúngshú vgopè chø̀m sv̀ng shøl bǿà. Piterí nø cvmaq vsar ram kèní cv̀n bǿà. 55Àngmaq nø gùrpuq rvwè yv́ng svmi wvrshì nø̀ tiqdø rung dvgvp, Piter gø àngmaq dvhø̀ rúng ráì. 56Wekvt svmi gwa yv́ngø rung we Piter sv̀ng vshuq svmasvré tiqmèí yv̀ng bǿà nìnø, àng sv̀ng vdaqdv̀ng wa dvjaqò sórí, “Yapè nø Yesu nv̀ng tiqdø vl pè íe,” wae.
57Íwe Piterí, “Svmarémèá, Àng sv̀ng mvshángò,” wa mashìe.
58Kadv́ngte màlé dvgvp, dvgá tiqgǿí àng sv̀ng yv̀ng bǿà nìnø, “Nà gø àngmaq mvdò taqkèní lèí ni,” a:lòe.
Piterí, “Ngà mvǿngàé, jà,” a:lòe.
59Nari tiqdv̀m dv́ngte vleá:mì dvgvp, dvgá tiqpèí, “Vsv̀ng yapè nø jø̀ngjǿng Yesu nv̀ng tiqdø vl pè íe, pàwá wani àng gø Galili vsv̀ng íe,” wa kvtshìe.
60Íwe Piterí, “Nàí pà èshø̀:nò má mvshángòé, jà,” a:lòe. Àng wedø shø̀n la:ngí ni dv̀nggú gì daqì. 61Kàngpè wv́l poshì nø̀ Piter sv̀ng dvjaqòe. Wekvt, “Dèyaq dv̀nggú shini mvgì dvgvp, nàí Ngà sv̀ng vshø̀m kvt èmang lóngàe,” wa Kàngpèí àng sv̀ng vl dá:rà kà Piterí dvdvm rǿna:tnà. #Luk. 22:34 62Weyv́ng kèní àng búngá:mì nø̀ mvrí màrí gvt nø̀ ngøe.
Yesu sv̀ng dvkiò we
Mat. 26:67-68; Mak. 14:65
63Yesu sv̀ng vsù:ngò rìí nø, Àng sv̀ng dvshá dvcø a:lò nø̀ vdipmòe. 64Àng vne sv̀ng wa:mò dá:ngí, “Nà sv̀ng kagǿí nàdip we, kàdvtut kàí ló èshø̀:nò!” wa dvcøòe. 65Vrá, dvgá mvme pv̀n gø shø̀:nò weí Àng sv̀ng shvyǿ:mòe.
Shaqrérì mv́rdv̀ngø koò we
Mat. 26:59-66; Mak. 14:55-64
66Gá daqì ke, bashàrìò shaqré shaqtvng í we shvrúngshú vjìrì nv̀ng dvrá svrarì dvkǿmshìe. We Shaqré Lipòngmè yv́ngsv̀ng Yesu kaq shøla:tnà. 67Àngmaqí, “Nà nø Kristu èí nìnø, nøngmaq sv̀ng dètáshà,” a:lòe.
À:ngí, “Ngàí dvtáì nìgø, nàmaq kv́m kà mø̀í. #Yoh. 8:45; 10:24 68Vrá, Ngàí rø:tnì nìgø, nàmaqí vtv́n kà mø̀í. 69Íwe, akvt kèní Vsv̀ng Àngcèpè nø jórnònggùn vl pè Gvrayò vbàng pa yv́ng rungvme,” a:lòe. #Shz. 110:1 70Wekvt àngmaq shvngbeí, “Íni Nà nø Gvray Àngcèpè èí má?” wa rø:tnòe.
Yesuí, “Nàmaq èwànø̀ng døni ǿngàe,” a:lòe.
71Wekvt àngmaq nø, “Yamvdv̀mø kapà shvkse ràe má? Àng nònggøp kèní ni shø̀n kà tá bǿshà,” wae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.