Luka 20
20
Yesuò vmíng vkv́ng dang rø:tnò we
Mat. 21:23-27; Mak. 11:27-33
1Tiqni taq, Noqngø̀m Tø̀ngnø wáng vdòngø À:ngí bashàrì sv̀ng shvngø:tnò nø̀ Dvbùshv̀ngkà dvsha:ngò dvgvp, shvrúngshú vjìrì, dvrá svrarì nv̀ng shaqré shaqtvngrì nø Àng yv́ng dì ráì. 2Àngmaqí, “Yadv́ng pv̀n nø pà vmíng kèní èwàò má? Kagǿí Nà sv̀ng vmíng èzie má? Dètáshà,” a:lòe.
3Yesuí, “Ngàí gø nàmaq sv̀ng tiqkà røtna:tnìni, nàtv́nshà. 4Yohaní tìløpmaò lòng nø muqlàng kèní í má? Mø̀íni vsv̀ng kèní í má?” wa rø:tnòe.
5Wekvt àngmaq tasv̀ng vrùng nø̀, “‘Muqlàng kèní íe,’ a:lì nìnø, À:ngí, ‘Àng sv̀ng pàwá mèkv́mnø̀ng?’ dvwa longni. 6‘Vsv̀ng kèní íe,’ a:lì nìnø, bashàrì shvngbeí lú:ngí dèwvpma:tnì ni. Pàwá wani Tìløp Yohan nø kàdvtutshú tiqpè í we àngmaq shvngbe kv́me,” wae.
7Wervt àngmaqí, “Kayv́ng kèní í we nøngmaqí mvsháì,” wa vtá:nòe.
8Yesuí, “Íni, pà vmíng kèní yadv́ng pv̀n wv̀ngò we Ngàí gø màdvtáì,” a:lòe.
Bìm kùlwàng wáshúrì kàshvbóng
Mat. 21:33-46; Mak. 12:1-12
9Vrá, À:ngí bashàrì sv̀ng kàshvbóng yalòng shø̀:nòe. “Vsv̀ng tiqpè nø bìm tiqkùlwàng ka:tnò nø̀, kùlwàng wáshúrì sv̀ng ngáò dá:ngí, dvgá tiqmóng taq mvme vlé høq v̀lá:mì. #Esa. 5:1-7 10Àngshí dvkøm rvtø̀í, bìm kùlwàng kèní àngò wál røtshìlv́m dvpvt à:ngí kùlwàng wáshúrì yv́ngsv̀ng àng vshuq tiqpè dvzv́r bǿà. Íwe kùlwàng wáshúrìí nø wepè sv̀ng vdi:pmò dá:ngí vhúng shvloòe. #2Dg. 36:15-16 11Vrá à:ngí dvgá vshuq tiqpè dvzv́r bǿà. Íwe wepè sv̀ng gø àngmaqí vdi:pmò nø̀ shvraq chaqò dá:ngí vhúng shvloòe. 12Vrá à:ngí vshø̀mgǿ wagǿ dvzv́r bǿà nìnø, wepè sv̀ng gø àngmaqí dvmmá shvriò dá:ngí lù:ngòe.
13Wekvt bìm kùlwàng àngkàngpè nø, ‘Ngàí kadø wv̀ngò má? Ngà shóngshø̀ng we ngàcèpè sv̀ng dvzv́rlv́m íe. Àng sv̀ng nø àngmaqí da vpǿ dáòni,’ wae.
14Íwe kùlwàng wáshúrìí àngcèpè sv̀ng yv̀ng bǿà kvt, ‘Zaqshøp vpvtlv́m pè nø wepè mv̀ng íe. Zaqshøp nø nøngmaq dvpvt lví long dø, àng sv̀ng sha:tnì,’ wa vrùnge. 15Wervt àngmaqí àng sv̀ng bìm kùlwàng vdàm lapsv̀ng lù:ngò nø̀ shvt bǿà.
Wedø íni, bìm kùlwàng àngkàngpèí àngmaq sv̀ng kadø wà lú:ngò má? 16Àng di daq weí, kùlwàng wáshúrì sv̀ng sha:tnò dá:ngí, bìm kùlwàng nø dvgárì sv̀ng tvle bǿòe,” a:lòe.
Yalòng tá bǿà rì nø, “Wedø nø laq mø̀í dvr!” wae.
17Íwe Yesuí àngmaq sv̀ng dvjaqò sórí, “Íni,
‘Chø̀m vrvngshúrìí gur bǿà we lóng chv̀ng nø,
górtong dvdøng lóng chv̀ng íá:mì,’
wa vru yà:ngà kà nø kadø wa kà í má? #Shz. 118:22 18Lóng wechv̀ng mvdv̀m taq vdvpshìvm gǿ nø høm vrø̀mvme. Lóng wechv̀ng kagǿ mvdv̀m taq vja daq nìnø, wegǿ nø àngshi vrø̀mvme,” a:lòe. #Esa. 8:15; Dan. 2:34-35,44-45
Kùyà gún dang kèní Yesu sv̀ng vlø:tnò we
Mat. 22:15-22; Mak. 12:13-17
19Dvrá svrarì nv̀ng shvrúngshú vjìrì nø, àngmaq sv̀ng tuq dø kàshvbóng yalòng Yesuí shø̀:nò we dǿmshì bǿì rvtnø̀, welvng ni Àng sv̀ng tvp mvyǿe. Íwe àngmaq nø bashàrì sv̀ng svree. #Luk. 19:47-48 20Àng kà kèní cip lá nø̀, Yesu kaq Roma gàmzø̀pè wur sv̀ng tvle lúnlv́m àngmaq vlǿmshìe. Wervtnø̀ àngmaqí Àng sv̀ng dvchø̀ò sórí, døngman mv̀rshv̀m shvmvtshì we dvjv́mshúrì dvzá:ròe. #Luk. 11:54 21Dvjv́mshúrìí, “Svrapèá, Nà nø vdu dø wa èshø̀n nø̀ shèngø:tnò mvdv̀m, vsv̀ng mv̀rshv̀m mèrewì:ngò, Gvray tvrà døngdøng wa shèngø:tnò pè èí we nøngmaqí sháìe. 22Íni, Dànipè Kesar sv̀ng kùyà zíò lòng nø dvráe má, màdvrá má?” wa rø:tnòe.
23Íwe àngmaq nøt dvgoq we sv̀ng À:ngí dǿ:mò rvtnø̀, 24“Dinari tiqgø̀m dètanshà. Dinari taq vsv̀ng hang nv̀ng kàrurì nø kagǿò íaò má?” wa rø:tnòe.
Àngmaqí, “Kesarò íaòe,” wa vtá:nòe.
25Yesuí, “Íni, Kesaròrì nø Kesar sv̀ng, Gvrayòrì nø Gvray sv̀ng nàtv́nganø̀ng,” a:lòe.
26Àngmaqí bashàrì mv́rdv̀ngø Yesu kà kèní cip lá mvlú:nò. À:ngí vtá:nò kà sv̀ng dàá:mì nø̀ dø màwá v̀lá:mì.
Sadukirìí zunlong lòng dang vlø:tnò we
Mat. 22:23-33,46; Mak. 12:18-27,34
27Wemèpvng Sadukirì tiqmaq Àng yv́ng dì ráì. Sadukirì nø zun lòng màvl, wa kv́m rì íe. 28Àngmaqí, “Svrapèá, svma vdá we tiqpè nø, cv̀mré màdá shìvm nìnø, àngnvm shìvm pè dvtut lvvl dø àngnvmpèí memàmè sv̀ng rvtø ràe, wa Moshií nàrua yv̀ngshà. #Nnp. 38:8; Drd. 25:5-10 29Àngnøngnvm shvngøtpè vl we, vlatpè nø zvmì lushì dá:ngí cv̀mré màdá shìá:mì laq wa. 30Vdǿí gø, 31vkwiní gø memàmè sv̀ng rvtøòe. Vrá, wedøni àngnøngnvm shvngøt pèpè cv̀mré màdáshaq shìá:mì. 32Mèpvng nø svmarémè gø shìá:mì. 33Àngnøngnvm shvngøtpè nø wemè sv̀ng lushì yà:ngì rvtnø̀, zun long ni taq, svmaré wemè nø kapè chø̀mmè í longe má?” wa rø:tnòe.
34Wekvt Yesuí, “Rvgaq tø̀m vsv̀ngrì nø svma lushìe, zvmì gø shvrúngvme. 35Íwe tuq ra bàn taq, shì yv́ngkèní zun lòng lún vpǿ rì nø zvmì lushì we nv̀ng zvmì zíò we màvl long. 36Àngmaq nø muqlàng dvzv́rrì dø íá:mì rvt, shìlv́m màvlá:mì. Àngmaq nø zun lòng mvngú lú:nò rì í rvtnø̀, Gvray àngcèrì íá:mì. 37Svmi gwa we shǿngcè tø̀ng dang vruò yv́ng, Moshií gø shì vsv̀ngrì zun longe wa dang dvtàn yà:ngà. Kadø íe wani Abraham, Isak nv̀ng Yaku nø shì yà:ngì mèpvng, Moshií Kàngpè sv̀ng, ‘Abrahamò Gvray, Isakngò Gvray nv̀ng Yakuò Gvray,’ wa go yà:ngà. #Bng. 3:2-6 38Gvray nø shì rìò Gvray mø̀í. Cúnshì rìò Gvray mv̀ng íe. Pàwá wani Gvray mv́rdv̀ngø vsv̀ng shvngbe nø cúnshìe,” a:lòe.
39Dvrá svrarì tiqmaqí, “Svrapèá, Nàí nø vdu døni èshø̀n bǿà,” wa vtá:nòe. 40Wekvt kèní, àngmaqí Àng sv̀ng tiqkà gø røt mvkvm bǿà.
Yesuí Parisirì sv̀ng rø:tnò we
Mat. 22:41-45; Mak. 12:35-37
41Wekvt Yesuí àngmaq sv̀ng, “Kristu nø Dawiò pvlí pvlaqpè íe, wa vsv̀ngrìí pàrvt shø̀:nò má? 42-43Pàwá wani Dawií ni, Shvgùn Zàywà Bok taq,
‘Gvrayí ngà Kàngpè sv̀ng,
“Nà ngv̀nshàrì kaq, Nà hí lv̀ngpvng Ngàí cip dakngò høq,
Ngà vbàngpa yv́ng èrung” vl yà:ngà.’ #Shz. 110:1
44Dawií dv́ng Kristu sv̀ng ‘Kàngpè’ wa go yà:ngà. Íni, Kristu nø kadøwa Dawiò pvlí pvlaq í ni má?” a:lòe.
Dvrá svrarì sv̀ng vyáshì rà we
Mat. 23:1,5-7,14; Mak. 12:38-40
45Bashàrìí táò la:ngí, Yesuí Àng coqcv́nrì sv̀ng, 46“Dvrá svrarì sv̀ng nàyáshìnø̀ng. Àngmaq nø bèlaq yvnggúng gwashì sórí vwúshì nø̀, gvttø̀mø vpǿ sórí kà tv́ngshì ra we sv̀ng shóngshìe. Vrá, júrøt chø̀mrì taq dvgùng vl we rúngtv̀ngrì nv̀ng v́mbóyrì taq nø té ring we rúngràrì taq rúnglv́m shóngshìe. 47Àngmaqí memàrì sv̀ng vmupmá:mò dá:ngí, yvnggúnggúng júrøt dvpéshìe. Vsv̀ng yamvdòí nø té vlishì we kàngélv́m lòng vhǿm lú:ngòe,” a:lòe.
Currently Selected:
Luka 20: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Luka 20
20
Yesuò vmíng vkv́ng dang rø:tnò we
Mat. 21:23-27; Mak. 11:27-33
1Tiqni taq, Noqngø̀m Tø̀ngnø wáng vdòngø À:ngí bashàrì sv̀ng shvngø:tnò nø̀ Dvbùshv̀ngkà dvsha:ngò dvgvp, shvrúngshú vjìrì, dvrá svrarì nv̀ng shaqré shaqtvngrì nø Àng yv́ng dì ráì. 2Àngmaqí, “Yadv́ng pv̀n nø pà vmíng kèní èwàò má? Kagǿí Nà sv̀ng vmíng èzie má? Dètáshà,” a:lòe.
3Yesuí, “Ngàí gø nàmaq sv̀ng tiqkà røtna:tnìni, nàtv́nshà. 4Yohaní tìløpmaò lòng nø muqlàng kèní í má? Mø̀íni vsv̀ng kèní í má?” wa rø:tnòe.
5Wekvt àngmaq tasv̀ng vrùng nø̀, “‘Muqlàng kèní íe,’ a:lì nìnø, À:ngí, ‘Àng sv̀ng pàwá mèkv́mnø̀ng?’ dvwa longni. 6‘Vsv̀ng kèní íe,’ a:lì nìnø, bashàrì shvngbeí lú:ngí dèwvpma:tnì ni. Pàwá wani Tìløp Yohan nø kàdvtutshú tiqpè í we àngmaq shvngbe kv́me,” wae.
7Wervt àngmaqí, “Kayv́ng kèní í we nøngmaqí mvsháì,” wa vtá:nòe.
8Yesuí, “Íni, pà vmíng kèní yadv́ng pv̀n wv̀ngò we Ngàí gø màdvtáì,” a:lòe.
Bìm kùlwàng wáshúrì kàshvbóng
Mat. 21:33-46; Mak. 12:1-12
9Vrá, À:ngí bashàrì sv̀ng kàshvbóng yalòng shø̀:nòe. “Vsv̀ng tiqpè nø bìm tiqkùlwàng ka:tnò nø̀, kùlwàng wáshúrì sv̀ng ngáò dá:ngí, dvgá tiqmóng taq mvme vlé høq v̀lá:mì. #Esa. 5:1-7 10Àngshí dvkøm rvtø̀í, bìm kùlwàng kèní àngò wál røtshìlv́m dvpvt à:ngí kùlwàng wáshúrì yv́ngsv̀ng àng vshuq tiqpè dvzv́r bǿà. Íwe kùlwàng wáshúrìí nø wepè sv̀ng vdi:pmò dá:ngí vhúng shvloòe. #2Dg. 36:15-16 11Vrá à:ngí dvgá vshuq tiqpè dvzv́r bǿà. Íwe wepè sv̀ng gø àngmaqí vdi:pmò nø̀ shvraq chaqò dá:ngí vhúng shvloòe. 12Vrá à:ngí vshø̀mgǿ wagǿ dvzv́r bǿà nìnø, wepè sv̀ng gø àngmaqí dvmmá shvriò dá:ngí lù:ngòe.
13Wekvt bìm kùlwàng àngkàngpè nø, ‘Ngàí kadø wv̀ngò má? Ngà shóngshø̀ng we ngàcèpè sv̀ng dvzv́rlv́m íe. Àng sv̀ng nø àngmaqí da vpǿ dáòni,’ wae.
14Íwe kùlwàng wáshúrìí àngcèpè sv̀ng yv̀ng bǿà kvt, ‘Zaqshøp vpvtlv́m pè nø wepè mv̀ng íe. Zaqshøp nø nøngmaq dvpvt lví long dø, àng sv̀ng sha:tnì,’ wa vrùnge. 15Wervt àngmaqí àng sv̀ng bìm kùlwàng vdàm lapsv̀ng lù:ngò nø̀ shvt bǿà.
Wedø íni, bìm kùlwàng àngkàngpèí àngmaq sv̀ng kadø wà lú:ngò má? 16Àng di daq weí, kùlwàng wáshúrì sv̀ng sha:tnò dá:ngí, bìm kùlwàng nø dvgárì sv̀ng tvle bǿòe,” a:lòe.
Yalòng tá bǿà rì nø, “Wedø nø laq mø̀í dvr!” wae.
17Íwe Yesuí àngmaq sv̀ng dvjaqò sórí, “Íni,
‘Chø̀m vrvngshúrìí gur bǿà we lóng chv̀ng nø,
górtong dvdøng lóng chv̀ng íá:mì,’
wa vru yà:ngà kà nø kadø wa kà í má? #Shz. 118:22 18Lóng wechv̀ng mvdv̀m taq vdvpshìvm gǿ nø høm vrø̀mvme. Lóng wechv̀ng kagǿ mvdv̀m taq vja daq nìnø, wegǿ nø àngshi vrø̀mvme,” a:lòe. #Esa. 8:15; Dan. 2:34-35,44-45
Kùyà gún dang kèní Yesu sv̀ng vlø:tnò we
Mat. 22:15-22; Mak. 12:13-17
19Dvrá svrarì nv̀ng shvrúngshú vjìrì nø, àngmaq sv̀ng tuq dø kàshvbóng yalòng Yesuí shø̀:nò we dǿmshì bǿì rvtnø̀, welvng ni Àng sv̀ng tvp mvyǿe. Íwe àngmaq nø bashàrì sv̀ng svree. #Luk. 19:47-48 20Àng kà kèní cip lá nø̀, Yesu kaq Roma gàmzø̀pè wur sv̀ng tvle lúnlv́m àngmaq vlǿmshìe. Wervtnø̀ àngmaqí Àng sv̀ng dvchø̀ò sórí, døngman mv̀rshv̀m shvmvtshì we dvjv́mshúrì dvzá:ròe. #Luk. 11:54 21Dvjv́mshúrìí, “Svrapèá, Nà nø vdu dø wa èshø̀n nø̀ shèngø:tnò mvdv̀m, vsv̀ng mv̀rshv̀m mèrewì:ngò, Gvray tvrà døngdøng wa shèngø:tnò pè èí we nøngmaqí sháìe. 22Íni, Dànipè Kesar sv̀ng kùyà zíò lòng nø dvráe má, màdvrá má?” wa rø:tnòe.
23Íwe àngmaq nøt dvgoq we sv̀ng À:ngí dǿ:mò rvtnø̀, 24“Dinari tiqgø̀m dètanshà. Dinari taq vsv̀ng hang nv̀ng kàrurì nø kagǿò íaò má?” wa rø:tnòe.
Àngmaqí, “Kesarò íaòe,” wa vtá:nòe.
25Yesuí, “Íni, Kesaròrì nø Kesar sv̀ng, Gvrayòrì nø Gvray sv̀ng nàtv́nganø̀ng,” a:lòe.
26Àngmaqí bashàrì mv́rdv̀ngø Yesu kà kèní cip lá mvlú:nò. À:ngí vtá:nò kà sv̀ng dàá:mì nø̀ dø màwá v̀lá:mì.
Sadukirìí zunlong lòng dang vlø:tnò we
Mat. 22:23-33,46; Mak. 12:18-27,34
27Wemèpvng Sadukirì tiqmaq Àng yv́ng dì ráì. Sadukirì nø zun lòng màvl, wa kv́m rì íe. 28Àngmaqí, “Svrapèá, svma vdá we tiqpè nø, cv̀mré màdá shìvm nìnø, àngnvm shìvm pè dvtut lvvl dø àngnvmpèí memàmè sv̀ng rvtø ràe, wa Moshií nàrua yv̀ngshà. #Nnp. 38:8; Drd. 25:5-10 29Àngnøngnvm shvngøtpè vl we, vlatpè nø zvmì lushì dá:ngí cv̀mré màdá shìá:mì laq wa. 30Vdǿí gø, 31vkwiní gø memàmè sv̀ng rvtøòe. Vrá, wedøni àngnøngnvm shvngøt pèpè cv̀mré màdáshaq shìá:mì. 32Mèpvng nø svmarémè gø shìá:mì. 33Àngnøngnvm shvngøtpè nø wemè sv̀ng lushì yà:ngì rvtnø̀, zun long ni taq, svmaré wemè nø kapè chø̀mmè í longe má?” wa rø:tnòe.
34Wekvt Yesuí, “Rvgaq tø̀m vsv̀ngrì nø svma lushìe, zvmì gø shvrúngvme. 35Íwe tuq ra bàn taq, shì yv́ngkèní zun lòng lún vpǿ rì nø zvmì lushì we nv̀ng zvmì zíò we màvl long. 36Àngmaq nø muqlàng dvzv́rrì dø íá:mì rvt, shìlv́m màvlá:mì. Àngmaq nø zun lòng mvngú lú:nò rì í rvtnø̀, Gvray àngcèrì íá:mì. 37Svmi gwa we shǿngcè tø̀ng dang vruò yv́ng, Moshií gø shì vsv̀ngrì zun longe wa dang dvtàn yà:ngà. Kadø íe wani Abraham, Isak nv̀ng Yaku nø shì yà:ngì mèpvng, Moshií Kàngpè sv̀ng, ‘Abrahamò Gvray, Isakngò Gvray nv̀ng Yakuò Gvray,’ wa go yà:ngà. #Bng. 3:2-6 38Gvray nø shì rìò Gvray mø̀í. Cúnshì rìò Gvray mv̀ng íe. Pàwá wani Gvray mv́rdv̀ngø vsv̀ng shvngbe nø cúnshìe,” a:lòe.
39Dvrá svrarì tiqmaqí, “Svrapèá, Nàí nø vdu døni èshø̀n bǿà,” wa vtá:nòe. 40Wekvt kèní, àngmaqí Àng sv̀ng tiqkà gø røt mvkvm bǿà.
Yesuí Parisirì sv̀ng rø:tnò we
Mat. 22:41-45; Mak. 12:35-37
41Wekvt Yesuí àngmaq sv̀ng, “Kristu nø Dawiò pvlí pvlaqpè íe, wa vsv̀ngrìí pàrvt shø̀:nò má? 42-43Pàwá wani Dawií ni, Shvgùn Zàywà Bok taq,
‘Gvrayí ngà Kàngpè sv̀ng,
“Nà ngv̀nshàrì kaq, Nà hí lv̀ngpvng Ngàí cip dakngò høq,
Ngà vbàngpa yv́ng èrung” vl yà:ngà.’ #Shz. 110:1
44Dawií dv́ng Kristu sv̀ng ‘Kàngpè’ wa go yà:ngà. Íni, Kristu nø kadøwa Dawiò pvlí pvlaq í ni má?” a:lòe.
Dvrá svrarì sv̀ng vyáshì rà we
Mat. 23:1,5-7,14; Mak. 12:38-40
45Bashàrìí táò la:ngí, Yesuí Àng coqcv́nrì sv̀ng, 46“Dvrá svrarì sv̀ng nàyáshìnø̀ng. Àngmaq nø bèlaq yvnggúng gwashì sórí vwúshì nø̀, gvttø̀mø vpǿ sórí kà tv́ngshì ra we sv̀ng shóngshìe. Vrá, júrøt chø̀mrì taq dvgùng vl we rúngtv̀ngrì nv̀ng v́mbóyrì taq nø té ring we rúngràrì taq rúnglv́m shóngshìe. 47Àngmaqí memàrì sv̀ng vmupmá:mò dá:ngí, yvnggúnggúng júrøt dvpéshìe. Vsv̀ng yamvdòí nø té vlishì we kàngélv́m lòng vhǿm lú:ngòe,” a:lòe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.