Luka 15
15
Vmvng we vyv̀ng kàshvbóng
Mat. 18:12-14
1Wedvgvp kùyà gúnshúrì nv̀ng mvrà vl rì nø Yesu kà tashìlv́m shvngbe dvkǿmshì ráì. 2Wervt Parisirì nv̀ng dvrá svrarì nø, “Yapèí nø mvrà vl rì sv̀ng vtoò nø̀, àngmaq nv̀ng tiqdø vme,” wa vbønshìe.#Luk. 5:30
3Wekvt Yesuí àngmaq sv̀ng kàshvbóng yalòng shø̀:nòe. 4“Nàmaq kèní tiqgǿ nø vyv̀ng tiqyá go vdá we, tiqgo vmvngvm nìnø, dvgø̀cé dvgø̀ go sv̀ng vdv́mtø̀mø là:ngò dá:ngí, vmv́ngá:mì go lún høq mvláò we kagǿ vl má? #Ezk. 34:11-16; Luk. 19:10 5Wego lá lún bǿò kvt dvbù sórí raqpù taq baqò nø̀ 6chø̀m sv̀ng loe. Chø̀m sv̀ng tuqa:tnì kvt, àng rv̀mnvngrì nv̀ng tiqdv́ng vsv̀ngrì dvkø̀:mò nø̀, ‘Vmv́ngá:mì vyv̀ng go yv̀ng bǿngà. Wervt ngà nv̀ng tiqdø dvbùì,’ vl lú:ngòe. 7Ngàí vla:tnìni, welòng dø nøt língshì mvrà we døngman vsv̀ng dvgø̀cé dvgø̀ gǿ rvt dvbù mvdv̀m, nøt língshì ra we mvrà vl vsv̀ng tiqgǿ rvt muqlàng taqlapmø téwa dvbùlv́m vl longe.
Vmvng we gv̀msùng tiqgø̀m kàshvbóng
8Svmaré tiqmè nø, gv̀msùng tiqcégø̀m vdá we, tiqgø̀m la vmvngvm nìnø, svmigwìn dvciqò dá:ngí, chø̀m shǿ:mò nø̀ lún høq kǿngtøp mvláòni má? 9À:ngí yv̀ng bǿò kvt, àng rv̀mnvngrì nv̀ng tiqdv́ng vsv̀ngrì dvkø̀:mò nø̀, ‘Vmv́ngá:mì gv̀msùng gø̀m yv̀ng bǿngà. Wervt ngà nv̀ng tiqdø dvbùì,’ vl lú:ngòe. 10Ngàí vla:tnìni, welòng dø nøt língshì ra we mvrà vl vsv̀ng tiqgǿ rvt Gvray Àng muqlàng dvzv́rrì mv́rdv̀ngø dvbùlv́m vle,” a:lòe.
Vmv́ngá:mì we àngcèpè kàshvbóng
11Vrá Yesuí, “Vsv̀ng tiqgǿ nø àngcè vnípè vdá we, 12cv̀m pèí àngpè sv̀ng, ‘Vpèá, ngà vpvt vdu we zaqshøp nàwálangà,’ a:lòe. Wervt àngpèí àngnínvm sv̀ng zaqshøp vwálaòe.
13Wemèpvng kadv́ng ni màlé dvgvp, cv̀mpè nø àng vdá dv́ngte dvcøpshì dá:ngí vrúm móng sv̀ng dìá:mì nø̀, weyv́ngø sv̀ng mvchá wáshì weí àng zaqshøprì dvsǿm bǿà. #Ksh. 29:3 14Àngò rì shvngbe dvbé bǿà mèpvng, wemóng taq dvkø wàngrø̀m vtit ráì nø̀, àng nø dvshàlv́m vhǿ:mòe. 15Wekvt wemóng bashà tiqgǿ yv́ng bv̀nlì washìlv́m dìá:mì. Wepèí rvmárì taq àng sv̀ng waq rim dvzá:ròe. 16Waqzá v́m mvyǿ høq svríshì nìgø, kagǿí gø àng sv̀ng v́mlv́m mvzíò.
17Íwe àng dvdvm vshat lú:ngì kvt, ‘Vpè lv̀ngzvngrì shvngbe nø vché vzut v́m lú:nò ke, ngà nø yayv́ngø shìlv́m høq svríshø̀nge. 18Ngà búng nø̀ vpè yv́ngsv̀ng longvm nø̀, “Vpèá, muqlàng sv̀ng gø, vpè sv̀ng gø, ngàí vléng bǿngà. #Shz. 51:4 19Nvcè vl gø màpǿngv́mà. Nà lv̀ngzvng tiqgǿ dø ègv̀là,” vllv́m íe,’ wae. 20Wekvt àng búng nø àngpè yv́ngsv̀ng loá:mì.
Àng nø vrúm yv́ng shini vl dvgvp, àngpèí yv̀ng bǿà. Àng sv̀ng gvzà mvré lú:ngà nø̀ vjèrá:mì weí mvguqò nø̀ vbùòe. 21Wekvt àngcèpèí, ‘Vpèá, muqlàng sv̀ng gø, vpè sv̀ng gø, ngàí vléng bǿngà. Akvt kèní nvcè vl màpǿngv́mà,’ a:lòe.
22Íwe àngpèí àng vshuqrì sv̀ng, ‘Bvbò, bèlaq yvnggúng shvlá vtvng dùng èlùvtnø̀ng nø̀ àng sv̀ng dègwanø̀ng. Àng wurhàm taq wur dvchøp dèchøpnø̀ng. Àng hí taq híshvnam dèdønnø̀ng. 23Vrá, nungwàcè shù go èshv̀lvtnø̀ng nø̀ èshvtnø̀ng. Wekvt v́m aqì nø̀ dvbùi. 24Pàwá wani ngàcè yapè nø shì yà:ngì we, vrá zun lú:ngì. Vmv́ng yà:ngì we, vrá yv̀ng bǿshà,’ a:lòe. Wervt àngmaqí dvbù bóy wàòe. #Eps. 2:1-5
25Wervtø̀ taq vlatpè nø rvmáø vle. Àng nø lò ráì nø̀ chø̀m shvnvng tuq ráì dvgvp, møt shaq nv̀ng lv̀m we shaq tá bǿà. 26Wekvt à:ngí vshuq tiqgǿ goò nø̀, ‘Kapà bø̀ná:mì?’ wa rø:tnòe.
27Vshuqpèí, ‘Nvnvmpè tuq ráì. Àng pàmvràcè tuq ráì rvtnø̀ nvpèí nungwàcè shù go shvt bǿà,’ a:lòe.
28Vlatpè shv̀mná rí lú:ngì nø̀ chø̀m sv̀ng góng mvtá rvt, àngpè búng daqì weí àng sv̀ng li:nòe. 29Íwe à:ngí àngpè sv̀ng, ‘Èyà:ngò, yadv́ng nǿng ngàí nà sv̀ng vshuq dø dvzøm nø̀, nà dvkv́mkàrì sv̀ng kadvgvp gø màléngò. Ínìgø, ngà rv̀mnvngrì nv̀ng dvbùlv́m dv̀ngchècè tiqgo gø nàí ngà sv̀ng kadvgvp gø mèzǿngà. 30Íwe góngnvmmèla taq nà zaqshøprì dvbé bǿà we nvcè yapè vtv́ng ráì nìnø, nàí àng dvpvt nungwàcè shù go èshvtnaòe,’ a:lòe.
31Àngpèí, ‘Ngàcèá, nà nø ngà nv̀ng kadvgvp gø tiqdø èvle. Ngà yv́ng vl dv́ngte nø nàò èíae. 32Íwe nvnvm yapè nø shì yà:ngì we, vrá zun lú:ngì. Vmv́ng yà:ngì we, vrá yv̀ng bǿshà. Wervtnø̀ dvbùì sórí bóy wá vdue,’” a:lòe.
Currently Selected:
Luka 15: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Luka 15
15
Vmvng we vyv̀ng kàshvbóng
Mat. 18:12-14
1Wedvgvp kùyà gúnshúrì nv̀ng mvrà vl rì nø Yesu kà tashìlv́m shvngbe dvkǿmshì ráì. 2Wervt Parisirì nv̀ng dvrá svrarì nø, “Yapèí nø mvrà vl rì sv̀ng vtoò nø̀, àngmaq nv̀ng tiqdø vme,” wa vbønshìe.#Luk. 5:30
3Wekvt Yesuí àngmaq sv̀ng kàshvbóng yalòng shø̀:nòe. 4“Nàmaq kèní tiqgǿ nø vyv̀ng tiqyá go vdá we, tiqgo vmvngvm nìnø, dvgø̀cé dvgø̀ go sv̀ng vdv́mtø̀mø là:ngò dá:ngí, vmv́ngá:mì go lún høq mvláò we kagǿ vl má? #Ezk. 34:11-16; Luk. 19:10 5Wego lá lún bǿò kvt dvbù sórí raqpù taq baqò nø̀ 6chø̀m sv̀ng loe. Chø̀m sv̀ng tuqa:tnì kvt, àng rv̀mnvngrì nv̀ng tiqdv́ng vsv̀ngrì dvkø̀:mò nø̀, ‘Vmv́ngá:mì vyv̀ng go yv̀ng bǿngà. Wervt ngà nv̀ng tiqdø dvbùì,’ vl lú:ngòe. 7Ngàí vla:tnìni, welòng dø nøt língshì mvrà we døngman vsv̀ng dvgø̀cé dvgø̀ gǿ rvt dvbù mvdv̀m, nøt língshì ra we mvrà vl vsv̀ng tiqgǿ rvt muqlàng taqlapmø téwa dvbùlv́m vl longe.
Vmvng we gv̀msùng tiqgø̀m kàshvbóng
8Svmaré tiqmè nø, gv̀msùng tiqcégø̀m vdá we, tiqgø̀m la vmvngvm nìnø, svmigwìn dvciqò dá:ngí, chø̀m shǿ:mò nø̀ lún høq kǿngtøp mvláòni má? 9À:ngí yv̀ng bǿò kvt, àng rv̀mnvngrì nv̀ng tiqdv́ng vsv̀ngrì dvkø̀:mò nø̀, ‘Vmv́ngá:mì gv̀msùng gø̀m yv̀ng bǿngà. Wervt ngà nv̀ng tiqdø dvbùì,’ vl lú:ngòe. 10Ngàí vla:tnìni, welòng dø nøt língshì ra we mvrà vl vsv̀ng tiqgǿ rvt Gvray Àng muqlàng dvzv́rrì mv́rdv̀ngø dvbùlv́m vle,” a:lòe.
Vmv́ngá:mì we àngcèpè kàshvbóng
11Vrá Yesuí, “Vsv̀ng tiqgǿ nø àngcè vnípè vdá we, 12cv̀m pèí àngpè sv̀ng, ‘Vpèá, ngà vpvt vdu we zaqshøp nàwálangà,’ a:lòe. Wervt àngpèí àngnínvm sv̀ng zaqshøp vwálaòe.
13Wemèpvng kadv́ng ni màlé dvgvp, cv̀mpè nø àng vdá dv́ngte dvcøpshì dá:ngí vrúm móng sv̀ng dìá:mì nø̀, weyv́ngø sv̀ng mvchá wáshì weí àng zaqshøprì dvsǿm bǿà. #Ksh. 29:3 14Àngò rì shvngbe dvbé bǿà mèpvng, wemóng taq dvkø wàngrø̀m vtit ráì nø̀, àng nø dvshàlv́m vhǿ:mòe. 15Wekvt wemóng bashà tiqgǿ yv́ng bv̀nlì washìlv́m dìá:mì. Wepèí rvmárì taq àng sv̀ng waq rim dvzá:ròe. 16Waqzá v́m mvyǿ høq svríshì nìgø, kagǿí gø àng sv̀ng v́mlv́m mvzíò.
17Íwe àng dvdvm vshat lú:ngì kvt, ‘Vpè lv̀ngzvngrì shvngbe nø vché vzut v́m lú:nò ke, ngà nø yayv́ngø shìlv́m høq svríshø̀nge. 18Ngà búng nø̀ vpè yv́ngsv̀ng longvm nø̀, “Vpèá, muqlàng sv̀ng gø, vpè sv̀ng gø, ngàí vléng bǿngà. #Shz. 51:4 19Nvcè vl gø màpǿngv́mà. Nà lv̀ngzvng tiqgǿ dø ègv̀là,” vllv́m íe,’ wae. 20Wekvt àng búng nø àngpè yv́ngsv̀ng loá:mì.
Àng nø vrúm yv́ng shini vl dvgvp, àngpèí yv̀ng bǿà. Àng sv̀ng gvzà mvré lú:ngà nø̀ vjèrá:mì weí mvguqò nø̀ vbùòe. 21Wekvt àngcèpèí, ‘Vpèá, muqlàng sv̀ng gø, vpè sv̀ng gø, ngàí vléng bǿngà. Akvt kèní nvcè vl màpǿngv́mà,’ a:lòe.
22Íwe àngpèí àng vshuqrì sv̀ng, ‘Bvbò, bèlaq yvnggúng shvlá vtvng dùng èlùvtnø̀ng nø̀ àng sv̀ng dègwanø̀ng. Àng wurhàm taq wur dvchøp dèchøpnø̀ng. Àng hí taq híshvnam dèdønnø̀ng. 23Vrá, nungwàcè shù go èshv̀lvtnø̀ng nø̀ èshvtnø̀ng. Wekvt v́m aqì nø̀ dvbùi. 24Pàwá wani ngàcè yapè nø shì yà:ngì we, vrá zun lú:ngì. Vmv́ng yà:ngì we, vrá yv̀ng bǿshà,’ a:lòe. Wervt àngmaqí dvbù bóy wàòe. #Eps. 2:1-5
25Wervtø̀ taq vlatpè nø rvmáø vle. Àng nø lò ráì nø̀ chø̀m shvnvng tuq ráì dvgvp, møt shaq nv̀ng lv̀m we shaq tá bǿà. 26Wekvt à:ngí vshuq tiqgǿ goò nø̀, ‘Kapà bø̀ná:mì?’ wa rø:tnòe.
27Vshuqpèí, ‘Nvnvmpè tuq ráì. Àng pàmvràcè tuq ráì rvtnø̀ nvpèí nungwàcè shù go shvt bǿà,’ a:lòe.
28Vlatpè shv̀mná rí lú:ngì nø̀ chø̀m sv̀ng góng mvtá rvt, àngpè búng daqì weí àng sv̀ng li:nòe. 29Íwe à:ngí àngpè sv̀ng, ‘Èyà:ngò, yadv́ng nǿng ngàí nà sv̀ng vshuq dø dvzøm nø̀, nà dvkv́mkàrì sv̀ng kadvgvp gø màléngò. Ínìgø, ngà rv̀mnvngrì nv̀ng dvbùlv́m dv̀ngchècè tiqgo gø nàí ngà sv̀ng kadvgvp gø mèzǿngà. 30Íwe góngnvmmèla taq nà zaqshøprì dvbé bǿà we nvcè yapè vtv́ng ráì nìnø, nàí àng dvpvt nungwàcè shù go èshvtnaòe,’ a:lòe.
31Àngpèí, ‘Ngàcèá, nà nø ngà nv̀ng kadvgvp gø tiqdø èvle. Ngà yv́ng vl dv́ngte nø nàò èíae. 32Íwe nvnvm yapè nø shì yà:ngì we, vrá zun lú:ngì. Vmv́ng yà:ngì we, vrá yv̀ng bǿshà. Wervtnø̀ dvbùì sórí bóy wá vdue,’” a:lòe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.