3 Yohan 1
1
Shvwé kà
1Shvngø̀mré roqshúpè ngàí, shóngnøt vjø̀:ngí shóngshø̀ng we rv́mjà Gayu sv̀ng shvrikàru vrongvtnòe. #2Yh. 1:1 2Shóngshø̀ng pèá, nà nø pvlàcè taq nàháng nàlún dø, shagóng shiqshànlv́m nv̀ng, dang vrv̀m taq vháng vlúnlv́m rvt ngàí vjú røtnange. 3Zaqlè wáshì we vnvm vchvngrì tiqmaqí nà nø dìnglòng taq kv́mv́m nàrvm nø̀ cv́n èmvnshì tvrà dvshvnga:tnà rvt ngà gvzà dvbòngv́mà. 4Ngàcèrì nø dìnglòng taq cv́n mvnshì we shv̀ngkà tá lúnò rvt, dvbòng mvdv̀m dvgá màvl.
Gayu sv̀ng shvgù:nò nø̀ nònggùn zíò we
5Shóngshø̀ng pèá, nà nø màshá zaqlè rvcv́ngcèrì sv̀ng dèba:ngò we taq kv́mv́m nàrvme. 6Àngmaqí ya shvngø̀mré mv́rdv̀ngø nà shóngnøt dang dvsha:ngòe. Àngmaq dvpvt tvrà ram zǿmdv̀ng rì zv̀ndvtut dèba:ngò. Welòng nø Gvray wv́mshì lòng íe. #Tit. 3:13 7Kadø íe wani àngmaq nø mvnoqshì rì kèní dvbvng we pà gø màrøtshìshaq, Yesu bø̀ng dvshvnglv́m rvt zaqlè tvrà di rì íe.#Dzr. 20:32-35 8Wervtnø̀ nøngmaq nø àngmaq ó tiqdø dìnglòng sv̀ng dvshvng we taq mvngú lúnlv́m dvpvt, àngmaq sv̀ng dvbvng vdue.
Diotrepe sv̀ng nga:nò we nv̀ng Demetriu sv̀ng shvgù:nò we
9Ngàí shvngø̀mré sv̀ng kàru vrongvpmà. Íwe, vgo shvrà map pè Diotrepeí ngà kà màtoò. 10Wervt ngà tok rang kvt, à:ngí wàò bv̀nlìrì vchànglv́m íe. À:ngí nø nøngmaq sv̀ng mvdìng we kàí ènaá:mìe. Wedø wa mvtaq màshá zaqlè rvcv́ngcèrì sv̀ng màtòo. Vto mvyǿ rì sv̀ng gø vgá:mò nø àngmaq sv̀ng shvngø̀mré vdòng kèní lù:ngòe.
11Shóngshø̀ng pèá, mvgvm màshvla rì sv̀ng nø mècvnshìni. Shvla rì mv̀ng ècvnshì. Shvla we wàò gǿ nø Gvrayò íe. Mvgvm màshvla we wàò gǿ nø Gvray kaq mvsháò, mvyv̀ng dá:rò gǿ íe. #1Yh. 3:6,9 12Vsv̀ng shvngbeí Demetriu dang shvla we shvkse wàòe. Àng nø dìnglòng taq cúnshì rvt vsv̀ng shvlá tiqpè í we shá lúnshìe. Nøngmaqí gø àng dang shvkse wàì nø̀ nøngmaqò shvksekà nø dìng we nàí èsháòe.
Lv̀ngdø̀m kà
13Nà sv̀ng vrulv́m gvzà vl we, rutv̀ng nv̀ng cìnaqí vru màmvyǿng. 14Kadv́ngte màlé dvgvp nà nv̀ng vyv̀ngkélv́m vlǿmshø̀nge. Wekvt mv̀rshv̀m vhømshì nø̀ dvmv̀nshì.#2Yh. 1:12 15Mòngzø̀l lòng leq lú:nò. Yayv́ng vl we rv̀mnvngrìí nà sv̀ng pàmvrà wae. Weyv́ng vl we nøngmaq rvmnvngrì tiqgǿ nø tiqgǿ sv̀ng pàmvrà èvlangà.
Currently Selected:
3 Yohan 1: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
3 Yohan 1
1
Shvwé kà
1Shvngø̀mré roqshúpè ngàí, shóngnøt vjø̀:ngí shóngshø̀ng we rv́mjà Gayu sv̀ng shvrikàru vrongvtnòe. #2Yh. 1:1 2Shóngshø̀ng pèá, nà nø pvlàcè taq nàháng nàlún dø, shagóng shiqshànlv́m nv̀ng, dang vrv̀m taq vháng vlúnlv́m rvt ngàí vjú røtnange. 3Zaqlè wáshì we vnvm vchvngrì tiqmaqí nà nø dìnglòng taq kv́mv́m nàrvm nø̀ cv́n èmvnshì tvrà dvshvnga:tnà rvt ngà gvzà dvbòngv́mà. 4Ngàcèrì nø dìnglòng taq cv́n mvnshì we shv̀ngkà tá lúnò rvt, dvbòng mvdv̀m dvgá màvl.
Gayu sv̀ng shvgù:nò nø̀ nònggùn zíò we
5Shóngshø̀ng pèá, nà nø màshá zaqlè rvcv́ngcèrì sv̀ng dèba:ngò we taq kv́mv́m nàrvme. 6Àngmaqí ya shvngø̀mré mv́rdv̀ngø nà shóngnøt dang dvsha:ngòe. Àngmaq dvpvt tvrà ram zǿmdv̀ng rì zv̀ndvtut dèba:ngò. Welòng nø Gvray wv́mshì lòng íe. #Tit. 3:13 7Kadø íe wani àngmaq nø mvnoqshì rì kèní dvbvng we pà gø màrøtshìshaq, Yesu bø̀ng dvshvnglv́m rvt zaqlè tvrà di rì íe.#Dzr. 20:32-35 8Wervtnø̀ nøngmaq nø àngmaq ó tiqdø dìnglòng sv̀ng dvshvng we taq mvngú lúnlv́m dvpvt, àngmaq sv̀ng dvbvng vdue.
Diotrepe sv̀ng nga:nò we nv̀ng Demetriu sv̀ng shvgù:nò we
9Ngàí shvngø̀mré sv̀ng kàru vrongvpmà. Íwe, vgo shvrà map pè Diotrepeí ngà kà màtoò. 10Wervt ngà tok rang kvt, à:ngí wàò bv̀nlìrì vchànglv́m íe. À:ngí nø nøngmaq sv̀ng mvdìng we kàí ènaá:mìe. Wedø wa mvtaq màshá zaqlè rvcv́ngcèrì sv̀ng màtòo. Vto mvyǿ rì sv̀ng gø vgá:mò nø àngmaq sv̀ng shvngø̀mré vdòng kèní lù:ngòe.
11Shóngshø̀ng pèá, mvgvm màshvla rì sv̀ng nø mècvnshìni. Shvla rì mv̀ng ècvnshì. Shvla we wàò gǿ nø Gvrayò íe. Mvgvm màshvla we wàò gǿ nø Gvray kaq mvsháò, mvyv̀ng dá:rò gǿ íe. #1Yh. 3:6,9 12Vsv̀ng shvngbeí Demetriu dang shvla we shvkse wàòe. Àng nø dìnglòng taq cúnshì rvt vsv̀ng shvlá tiqpè í we shá lúnshìe. Nøngmaqí gø àng dang shvkse wàì nø̀ nøngmaqò shvksekà nø dìng we nàí èsháòe.
Lv̀ngdø̀m kà
13Nà sv̀ng vrulv́m gvzà vl we, rutv̀ng nv̀ng cìnaqí vru màmvyǿng. 14Kadv́ngte màlé dvgvp nà nv̀ng vyv̀ngkélv́m vlǿmshø̀nge. Wekvt mv̀rshv̀m vhømshì nø̀ dvmv̀nshì.#2Yh. 1:12 15Mòngzø̀l lòng leq lú:nò. Yayv́ng vl we rv̀mnvngrìí nà sv̀ng pàmvrà wae. Weyv́ng vl we nøngmaq rvmnvngrì tiqgǿ nø tiqgǿ sv̀ng pàmvrà èvlangà.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.