RUT 2
2
Rut ku Selai Boas
1Gengsir Naomi mong isedara imuh Boas. Kek ajeh mai kaya ru tehormat.
2Rut kisemanj nu ijenak, “Bulehka eng nget nu selai barli ngha-cot barli de jer ju teg mai kikkej barli ku selai mai bor isengik nu eng?” Engrok ijenak, “Hooh, etloh.”
3Rut pen kiet kaha-cot barli. Kek pen kicot barli kijoi ju celod mai kikkej. Paknyak nek kek kicot barli ku selai Boas sedara Elimelekh.
4Ku mase ajehloh Boas kihol ju Betlehem nu iselai ru kiserapa ipepekerjak, “Yahweh Kiberkat engkek!” Enai pen naiberlag, “Yahweh Kiberkat jen juga!”
5Boas kitanya nu ketue ipekerjak, “Kerdor ajeh pitak bok?”
6Engrok ketue pekerjak ajeh, “Kerdor ajeh mai Moab de pai kihol ju Moab nu madeh besama ru ijenak Naomi. 7Kek kisemanj kaha-cot barli de jer ju teg mai pekerjak. Kerdor adeh kicot ju pegelap, baru anoh nek kek kikerakdik sekejap ku pondok.”
8Telas ajeh Boas kipasal nu Rut, “Cerngai madeh nok hek, cotloh barli ku selai eng. Wes agok kutep ku selai mai kilek. Joiloh pekerjak-pekerjak kerdor ku selai eng. 9Neng ru joi nu belok naiet. Eng ya ngget mai kekeral agok kacau hek. Amen hahaos, ngutloh teu de bidek bimbei ku takar ya mai pekerjak.”
10Rut kisujod hormat ru kiurok nu Boas, “Yama jen bor nu eng, tuan? Eng nghiran kerana eng mai pek Yahudi.”
11Boas kiberlag, “Eng ya ngcerngai hal sinui hek de bor habeh nu jenak hek sejak gengsir hek kidat. Eng ngpanei hek hawes amek-apak hek, hawes sedara-mara hek ku Moab, ru haet nu sengoi de pek hakenal. 12Semoge Yahweh Kiberkat hek kerana ya bernor hek! Semoge hek hakep berkat de pek dij-dij ju Yahweh Jenang Israel kerana hek hasui ku kateh jenaga Kek!”
13Rut kibual nij, “Nos jen cukop bor nu eng, tuan. Jenog eng senang ru jenbeh bor nu eng hamapen eng lebeh hina daripade pekerjak jen.”
14Ku mase caknak, Boas kipakat ru kiurok nu Rut, “Beiloh cakcak. Cerlog ruti ku kuah adeh.”
Rut kigei sama ru pekerjak-pekerjak kilek. Boas kijamu barli de bisalei. Rut kicak lei kibakhek, isesak caknak ajeh kidek. 15-16Telas ajeh Rut kicot barli. Boas kipasal nu mai pekerjak-pekerjak, “Barli de jer ku beg-beg cengkot, dekloh ha kek supaye kicot. Agokloh get kek kaha-cot barli ajeh. Tegloh memerip senggar ju cengkot barli ru wes ha kek.”
17Rut kicot barli lei dui ru kidet, kikumpol ijengoi 10 kilo. 18Rut pen kijog madeg ru kiperneng nu ijenak 10 kilo ijengoi de kicot ru sesak caknak kien jog ha ijenak.
19Naomi kitanya, “Ju belok engkekep dikdij adeh? Selai bok engkecot? Semoge Jenang Kiberkat sengoi ajeh!”
Rut kipasal, “Eng ngcot barli ku selai Boas.”
20Naomi kipasal nu Rut, “Semoge Yahweh Kiberkat Boas! Yahweh pek Kisip tapi Kihok ha mai de lekat sui ru mai de ya dat.” Engrok Naomi nij nu imengsau, “Kekloh sedara de rek de betanggongjawab kitulog har.”
21Rut sengoi Moab ajeh kiurok, “Boas kiog eng cot barli besama ru ipepekerjak kerdor lei dij.”
22Naomi kiurok nu Rut, “Borloh engkecot barli ku selai Boas besama ru pekerjak-pekerjak kerdor. Amen engkecot ku selai mai kilek, engkek buleh bikacau.”
23Rut lekat kijoi pekerjak-pekerjak kerdor ku selai Boas lei dij kiknej barli ru gandom. Selame ajeh, kek kigei ru ijenak.
Currently Selected:
RUT 2: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
RUT 2
2
Rut ku Selai Boas
1Gengsir Naomi mong isedara imuh Boas. Kek ajeh mai kaya ru tehormat.
2Rut kisemanj nu ijenak, “Bulehka eng nget nu selai barli ngha-cot barli de jer ju teg mai kikkej barli ku selai mai bor isengik nu eng?” Engrok ijenak, “Hooh, etloh.”
3Rut pen kiet kaha-cot barli. Kek pen kicot barli kijoi ju celod mai kikkej. Paknyak nek kek kicot barli ku selai Boas sedara Elimelekh.
4Ku mase ajehloh Boas kihol ju Betlehem nu iselai ru kiserapa ipepekerjak, “Yahweh Kiberkat engkek!” Enai pen naiberlag, “Yahweh Kiberkat jen juga!”
5Boas kitanya nu ketue ipekerjak, “Kerdor ajeh pitak bok?”
6Engrok ketue pekerjak ajeh, “Kerdor ajeh mai Moab de pai kihol ju Moab nu madeh besama ru ijenak Naomi. 7Kek kisemanj kaha-cot barli de jer ju teg mai pekerjak. Kerdor adeh kicot ju pegelap, baru anoh nek kek kikerakdik sekejap ku pondok.”
8Telas ajeh Boas kipasal nu Rut, “Cerngai madeh nok hek, cotloh barli ku selai eng. Wes agok kutep ku selai mai kilek. Joiloh pekerjak-pekerjak kerdor ku selai eng. 9Neng ru joi nu belok naiet. Eng ya ngget mai kekeral agok kacau hek. Amen hahaos, ngutloh teu de bidek bimbei ku takar ya mai pekerjak.”
10Rut kisujod hormat ru kiurok nu Boas, “Yama jen bor nu eng, tuan? Eng nghiran kerana eng mai pek Yahudi.”
11Boas kiberlag, “Eng ya ngcerngai hal sinui hek de bor habeh nu jenak hek sejak gengsir hek kidat. Eng ngpanei hek hawes amek-apak hek, hawes sedara-mara hek ku Moab, ru haet nu sengoi de pek hakenal. 12Semoge Yahweh Kiberkat hek kerana ya bernor hek! Semoge hek hakep berkat de pek dij-dij ju Yahweh Jenang Israel kerana hek hasui ku kateh jenaga Kek!”
13Rut kibual nij, “Nos jen cukop bor nu eng, tuan. Jenog eng senang ru jenbeh bor nu eng hamapen eng lebeh hina daripade pekerjak jen.”
14Ku mase caknak, Boas kipakat ru kiurok nu Rut, “Beiloh cakcak. Cerlog ruti ku kuah adeh.”
Rut kigei sama ru pekerjak-pekerjak kilek. Boas kijamu barli de bisalei. Rut kicak lei kibakhek, isesak caknak ajeh kidek. 15-16Telas ajeh Rut kicot barli. Boas kipasal nu mai pekerjak-pekerjak, “Barli de jer ku beg-beg cengkot, dekloh ha kek supaye kicot. Agokloh get kek kaha-cot barli ajeh. Tegloh memerip senggar ju cengkot barli ru wes ha kek.”
17Rut kicot barli lei dui ru kidet, kikumpol ijengoi 10 kilo. 18Rut pen kijog madeg ru kiperneng nu ijenak 10 kilo ijengoi de kicot ru sesak caknak kien jog ha ijenak.
19Naomi kitanya, “Ju belok engkekep dikdij adeh? Selai bok engkecot? Semoge Jenang Kiberkat sengoi ajeh!”
Rut kipasal, “Eng ngcot barli ku selai Boas.”
20Naomi kipasal nu Rut, “Semoge Yahweh Kiberkat Boas! Yahweh pek Kisip tapi Kihok ha mai de lekat sui ru mai de ya dat.” Engrok Naomi nij nu imengsau, “Kekloh sedara de rek de betanggongjawab kitulog har.”
21Rut sengoi Moab ajeh kiurok, “Boas kiog eng cot barli besama ru ipepekerjak kerdor lei dij.”
22Naomi kiurok nu Rut, “Borloh engkecot barli ku selai Boas besama ru pekerjak-pekerjak kerdor. Amen engkecot ku selai mai kilek, engkek buleh bikacau.”
23Rut lekat kijoi pekerjak-pekerjak kerdor ku selai Boas lei dij kiknej barli ru gandom. Selame ajeh, kek kigei ru ijenak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.