MATIUS 5
5
Yesus Kibeajar ku Kemil Lod
1Bile Yesus Kineng ha mai jengoi de naijoi ha Kek ajeh, Kek Kihuj nu lod lalu Kigei#5:1 Kigei: Ku jaman ajeh, mai Yahudi naigei amen naiha-beajar. ku pajeh. Ipengikot naibekumpol ku Ikelileg, 2lalu Kek mula Kiajar enai:
Keremmik de Sejati
(Luk 6:20-23)
3“Jenang Kiberkat mai de naisedar naiperlu ha Kek.
Enai ajehloh sengoi-sengoi de biperintah ya Jenang sebegei Raja!
4Jenang Kiberkat mai de isengik sedeh.
Kek doh Kihibor enai!
5Jenang Kiberkat mai de rendah isengik.
Enai doh naiterima ma de ya Kijanji!
6Jenang Kiberkat mai de betol-betol naiha-beh Iheknod.
Kek doh Kiperhonj enai!
7Jenang Kiberkat mai de naiyayak ha mai kilek.
Kek doh Kiyayak ha enai!
8Jenang Kiberkat mai de sengik enai ha Kek.
Enai doh naikenal Kek!
9Jenang Kiberkat mai de naibeh mai de nainyaknyek naiberbor.
Enai doh bicereg Ikekenon!
10Mai de bianiaye kerana naibeh Iheknod doh Kiberkat.
Enai ajehloh sengoi-sengoi de biperintah ya Kek sebegei Raja!
11Bile engkek bihina, bianiaye, ru bipitnah kerana engkejadi pengikot Eng, Jenang doh Kiberkat engkek. 12Nabi-nabi ku jaman entem pen bianiaye begei ajeh. Besukaloh ru kerakmikloh kerana benalas de entoi ku serga ya bisedia ha engkek.”
Empoj ru Cahaya
(Mrk 9:50; Luk 14:34-35)
13“Engkek begei empoj dunia. Amen empoj ya kibeloj, empoj ajeh pek dapat bipegerag nij. Empoj de beloj ya pek beguna nij, bipej taleh ru bijebat ya mai.
14Engkek begei cahaya dunia. Kote de mong ku kemil lod pek dapat bibercep. 15Pek mong numom pen de kitod pelite lalu kiserkop ya pasu, tapi kek doh kidek pelite ajeh ku kemil parak supaye kiog lunau nu jap sengoi ku kateh deg. 16Begei ajehloh juga nu engkek. Hodloh cahaya engkek pen kibecahaya ku ngar mai supaye naineng ha bahneh engkek de bor lalu naipemulie ha Menek engkek de ku serga.”
Hukom Taurat
17“Agok sangka Eng Nghol nu dunia adeh Ngha-or engkek pek engkejoi Hukom Taurat atao neajar nabi-nabi. Tapi Eng Nghol supaye dikdij Hukom Taurat ru neajar nabi-nabi ajeh kitejadi. 18Cerngailoh abor! Selagi langit ru bumi lekat mong, doh pek bigit nanek pen titek atao hurop de macot ju Hukom Taurat. Dikdij ma de bicot ku kateh Hukom Taurat ajeh mesti kitejadi. 19Bok imai de pek kitaat nanek pen hukom de paleng macot ku kateh Hukom Taurat ajeh, ru kiajar nu mai kilek supaye pek naitaat juga, sengoi ajeh doh kijadi de paleng pek penteng ju engkap mai de naijadi sengoi-sengoi de biperintah ya Jenang sebegei Raja. Tapi bok imai kibeh ru kiajar dikdij Hukom Taurat, kek doh kijadi mai de penteng ju engkap sengoi-sengoi de biperintah ya Jenang sebegei Raja. 20Jadi, cerngailoh abor, amen sinui engkek pek lebeh benar daripade sinui guru-guru Hukom Taurat ru mai Farisi, engkek mimang pek dapat engkejadi sengoi-sengoi de biperintah ya Jenang sebegei Raja.”
Bengal
21“Engkek ya engkepanei tentang hal adeh: Ku jaman jenang rak engkek entem, enai biajar, ‘Agok perdat mai. Bok imai de kiperdat mai doh bihukom.’#Kel 20:13; Ul 5:17 22Tapi hunen Eng Ngurok nu engkek begei adeh: Bok imai de kibelal ha isedara seiman doh bihukom, ru bok imai de kimaki isedara seiman doh bien nu ngar Mahkamah Agame Yahudi,#5:22 Mahkamah Agame Yahudi: Adeh pihak bekuasa tetinggi de mong kuasa ku kateh hal sinui ru agame mai Yahudi. Enai ajeh tediri ju imam-imam agame Yahudi, mai Farisi, guru-guru Hukom Taurat, ru lain-lain nij juga. ru bok imai de kiurok isedara ‘budoh,’ hod bipej nu kateh os nyeng ku neraka. 23Kerana ajeh, amen engkeha-pesembah ennog ku kemil tempat ennog pesembahan ha Jenang, lalu engketeingat ha sesedara seiman de nyik isengik nu engkek, 24wesloh ennog engkek ajeh ku ngar tempat ennog pesembahan ha Jenang. Etloh bedamei canuk ru kek, baruloh los nij lalu pesembahloh ennog engkek ajeh nu Jenang.
25Amen mong mai de kaha-dakwe engkek ku mahkamah, cubaloh engkeberbor ru sengoi ajeh ku mase engkek lekat ku kateh ceknip nu mahkamah. Amen tok, sengoi ajeh doh kiog engkek nu hakem, ru hakem ajeh doh kiog engkek nu ipegawei lalu ipegawei ajeh doh kipermuj engkek nu kateh jel. 26Cerngailoh abor, engkek doh pek dapat engkehol ju kenjeh leiloh engkebayar dij idende.”
Zinah
27“Entem engkek ya biajar begei adeh: ‘Agok bezinah.’#Kel 20:14; Ul 5:18 28Tapi hunen Eng Ngurok nu engkek begei adeh: Amen mong keral kineng kerdor ru keral ajeh ingin kaha-besama ru kerdor ajeh, ku kateh isengik keral ajeh ya kibezinah ru kerdor ajeh. 29Amen mat kentop engkek kibeh engkebedosa, kelog ru pejloh mat engkek ajeh! Lebeh bor walah nanek mat englag daripade dikdij berog engkek bipej nu kateh os nyeng. 30Amen teg kentop engkek kibeh engkebedosa, tas ru pejloh teg ajeh! Lebeh bor walah nanek teg englag daripade dikdij berog engkek kimuj nu kateh os nyeng.”
Cerei
(Mat 19:9; Mrk 10:11-12; Luk 16:18)
31“Engkek ya engkepanei neajar entem de kiurok begei adeh: ‘Bok imai kicerei ikenah, hodloh kiog surat cerei nu ikenah.’#Ul 24:1 32Tapi hunen Ngurok nu engkek begei adeh: Bok imai kicerei ikenah kecuali kerana ikenah ajeh kibezinah, sengoi ajeh kibeh ikenah bezinah amen ikenah ajeh kijekjeg nij ru keral kilek. Keral de kijeg kerdor de ya kibecerei pen kibezinah juga.”
Jenanji
33“Engkek ya engkepanei tentang hal adeh juga: Ku jaman jenang rak engkek entem, enai biajar, ‘Agok mungker jenanji. Petuneiloh ma de ya engkejanji ajeh ku ngar TUHAN.’#Im 19:12; Bil 30:2; Ul 23:21 34Tapi hunen Ngurok nu engkek begei adeh: Nukali pen agokloh besumpah. Agokloh besumpah nu langit kerana langit ajeh tempat Jenang Kimemerintah. 35Agokloh besumpah nu bumi kerana bumi ajeh nelapek jog Jenang. Agokloh besumpah nu kote Yerusalem kerana kote ajeh kote Jenang Raja de entoi. 36Agokloh besumpah nu kui engkek kerana engkek pek mong kuasa pen engkeha-beh nuhenglei sog liengkek kijadi biyeg ataopen belag. 37Amen ‘Hooh,’ urok ‘Hooh,’ amen ‘Tok,’ urok ‘Tok.’ Engrok de lebeh ju kenjeh kihol ju Ibles.”
Benalas Dendam
(Luk 6:29-30)
38“Engkek ya engkepanei neajar entem de kiurok begei adeh: ‘Amen numom kiperusak mat atao lemunj mai, mat atao lemunj ilei hodloh biperusak juga sebegei nehukom ibahneh ajeh.’#Kel 21:24; Im 24:20; Ul 19:21 39Tapi hunen Ngurok nu engkek begei adeh: Agok balas dendam nu sengoi de kibeh nej nu engkek. Amen numom kitampar ming kentop engkek, ogloh kitampar ming kengwil engkek juga. 40Amen numom kidakwe engkek ku mahkamah kerana kihod ha baju engkek, ogloh jubah engkek juga. 41Amen mong numom sengoi kipaksa engkecip nukilometer ru kek, ciploh nar kilometer inyaknak ru kek. 42Amen numom kisemanj ma-ma ju engkek, ogloh ma de kisemanj ajeh. Amen numom kaha-pinyap ma-ma ju engkek, wes agok nyek engog peninyap nu kek.”
Hok ha Musoh
(Luk 6:27-28, 32-36)
43“Engkek ya engkepanei neajar entem de kiurok begei adeh: ‘Hokloh ratak manusia ru getekloh musoh engkek.’#Im 19:18 44Tapi hunen Ngurok begei adeh nu engkek: Hokloh musoh engkek ru bedoaloh ha mai de naianiaye ha engkek 45supaye engkejadi kekenon Menek de ku serga. Kerana, Jenang Kipejadi ru Kipeterbet mat arik ha sengoi de bor ru sengoi de niknej, ru Kipecerleh manik ha sengoi de benar ru sengoi de pek benar. 46Amen engkehok had mai de naihok ha engkek, Jenang doh pek Kiog benalas de bor nu engkek. Mai bekutep cukei pen naibeh begei ajeh. 47Amen engkek serapak had ru kekawat liengkek taleh, bahneh engkek ajeh mahentok de lebeh bor. Sengoi de pek naikenal ha Jenang pen naibeh begei ajeh juga! 48Jadi, hodloh engkejadi sempurne begei ha Menek engkek ku serga de sempurne.”
Currently Selected:
MATIUS 5: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 5
5
Yesus Kibeajar ku Kemil Lod
1Bile Yesus Kineng ha mai jengoi de naijoi ha Kek ajeh, Kek Kihuj nu lod lalu Kigei#5:1 Kigei: Ku jaman ajeh, mai Yahudi naigei amen naiha-beajar. ku pajeh. Ipengikot naibekumpol ku Ikelileg, 2lalu Kek mula Kiajar enai:
Keremmik de Sejati
(Luk 6:20-23)
3“Jenang Kiberkat mai de naisedar naiperlu ha Kek.
Enai ajehloh sengoi-sengoi de biperintah ya Jenang sebegei Raja!
4Jenang Kiberkat mai de isengik sedeh.
Kek doh Kihibor enai!
5Jenang Kiberkat mai de rendah isengik.
Enai doh naiterima ma de ya Kijanji!
6Jenang Kiberkat mai de betol-betol naiha-beh Iheknod.
Kek doh Kiperhonj enai!
7Jenang Kiberkat mai de naiyayak ha mai kilek.
Kek doh Kiyayak ha enai!
8Jenang Kiberkat mai de sengik enai ha Kek.
Enai doh naikenal Kek!
9Jenang Kiberkat mai de naibeh mai de nainyaknyek naiberbor.
Enai doh bicereg Ikekenon!
10Mai de bianiaye kerana naibeh Iheknod doh Kiberkat.
Enai ajehloh sengoi-sengoi de biperintah ya Kek sebegei Raja!
11Bile engkek bihina, bianiaye, ru bipitnah kerana engkejadi pengikot Eng, Jenang doh Kiberkat engkek. 12Nabi-nabi ku jaman entem pen bianiaye begei ajeh. Besukaloh ru kerakmikloh kerana benalas de entoi ku serga ya bisedia ha engkek.”
Empoj ru Cahaya
(Mrk 9:50; Luk 14:34-35)
13“Engkek begei empoj dunia. Amen empoj ya kibeloj, empoj ajeh pek dapat bipegerag nij. Empoj de beloj ya pek beguna nij, bipej taleh ru bijebat ya mai.
14Engkek begei cahaya dunia. Kote de mong ku kemil lod pek dapat bibercep. 15Pek mong numom pen de kitod pelite lalu kiserkop ya pasu, tapi kek doh kidek pelite ajeh ku kemil parak supaye kiog lunau nu jap sengoi ku kateh deg. 16Begei ajehloh juga nu engkek. Hodloh cahaya engkek pen kibecahaya ku ngar mai supaye naineng ha bahneh engkek de bor lalu naipemulie ha Menek engkek de ku serga.”
Hukom Taurat
17“Agok sangka Eng Nghol nu dunia adeh Ngha-or engkek pek engkejoi Hukom Taurat atao neajar nabi-nabi. Tapi Eng Nghol supaye dikdij Hukom Taurat ru neajar nabi-nabi ajeh kitejadi. 18Cerngailoh abor! Selagi langit ru bumi lekat mong, doh pek bigit nanek pen titek atao hurop de macot ju Hukom Taurat. Dikdij ma de bicot ku kateh Hukom Taurat ajeh mesti kitejadi. 19Bok imai de pek kitaat nanek pen hukom de paleng macot ku kateh Hukom Taurat ajeh, ru kiajar nu mai kilek supaye pek naitaat juga, sengoi ajeh doh kijadi de paleng pek penteng ju engkap mai de naijadi sengoi-sengoi de biperintah ya Jenang sebegei Raja. Tapi bok imai kibeh ru kiajar dikdij Hukom Taurat, kek doh kijadi mai de penteng ju engkap sengoi-sengoi de biperintah ya Jenang sebegei Raja. 20Jadi, cerngailoh abor, amen sinui engkek pek lebeh benar daripade sinui guru-guru Hukom Taurat ru mai Farisi, engkek mimang pek dapat engkejadi sengoi-sengoi de biperintah ya Jenang sebegei Raja.”
Bengal
21“Engkek ya engkepanei tentang hal adeh: Ku jaman jenang rak engkek entem, enai biajar, ‘Agok perdat mai. Bok imai de kiperdat mai doh bihukom.’#Kel 20:13; Ul 5:17 22Tapi hunen Eng Ngurok nu engkek begei adeh: Bok imai de kibelal ha isedara seiman doh bihukom, ru bok imai de kimaki isedara seiman doh bien nu ngar Mahkamah Agame Yahudi,#5:22 Mahkamah Agame Yahudi: Adeh pihak bekuasa tetinggi de mong kuasa ku kateh hal sinui ru agame mai Yahudi. Enai ajeh tediri ju imam-imam agame Yahudi, mai Farisi, guru-guru Hukom Taurat, ru lain-lain nij juga. ru bok imai de kiurok isedara ‘budoh,’ hod bipej nu kateh os nyeng ku neraka. 23Kerana ajeh, amen engkeha-pesembah ennog ku kemil tempat ennog pesembahan ha Jenang, lalu engketeingat ha sesedara seiman de nyik isengik nu engkek, 24wesloh ennog engkek ajeh ku ngar tempat ennog pesembahan ha Jenang. Etloh bedamei canuk ru kek, baruloh los nij lalu pesembahloh ennog engkek ajeh nu Jenang.
25Amen mong mai de kaha-dakwe engkek ku mahkamah, cubaloh engkeberbor ru sengoi ajeh ku mase engkek lekat ku kateh ceknip nu mahkamah. Amen tok, sengoi ajeh doh kiog engkek nu hakem, ru hakem ajeh doh kiog engkek nu ipegawei lalu ipegawei ajeh doh kipermuj engkek nu kateh jel. 26Cerngailoh abor, engkek doh pek dapat engkehol ju kenjeh leiloh engkebayar dij idende.”
Zinah
27“Entem engkek ya biajar begei adeh: ‘Agok bezinah.’#Kel 20:14; Ul 5:18 28Tapi hunen Eng Ngurok nu engkek begei adeh: Amen mong keral kineng kerdor ru keral ajeh ingin kaha-besama ru kerdor ajeh, ku kateh isengik keral ajeh ya kibezinah ru kerdor ajeh. 29Amen mat kentop engkek kibeh engkebedosa, kelog ru pejloh mat engkek ajeh! Lebeh bor walah nanek mat englag daripade dikdij berog engkek bipej nu kateh os nyeng. 30Amen teg kentop engkek kibeh engkebedosa, tas ru pejloh teg ajeh! Lebeh bor walah nanek teg englag daripade dikdij berog engkek kimuj nu kateh os nyeng.”
Cerei
(Mat 19:9; Mrk 10:11-12; Luk 16:18)
31“Engkek ya engkepanei neajar entem de kiurok begei adeh: ‘Bok imai kicerei ikenah, hodloh kiog surat cerei nu ikenah.’#Ul 24:1 32Tapi hunen Ngurok nu engkek begei adeh: Bok imai kicerei ikenah kecuali kerana ikenah ajeh kibezinah, sengoi ajeh kibeh ikenah bezinah amen ikenah ajeh kijekjeg nij ru keral kilek. Keral de kijeg kerdor de ya kibecerei pen kibezinah juga.”
Jenanji
33“Engkek ya engkepanei tentang hal adeh juga: Ku jaman jenang rak engkek entem, enai biajar, ‘Agok mungker jenanji. Petuneiloh ma de ya engkejanji ajeh ku ngar TUHAN.’#Im 19:12; Bil 30:2; Ul 23:21 34Tapi hunen Ngurok nu engkek begei adeh: Nukali pen agokloh besumpah. Agokloh besumpah nu langit kerana langit ajeh tempat Jenang Kimemerintah. 35Agokloh besumpah nu bumi kerana bumi ajeh nelapek jog Jenang. Agokloh besumpah nu kote Yerusalem kerana kote ajeh kote Jenang Raja de entoi. 36Agokloh besumpah nu kui engkek kerana engkek pek mong kuasa pen engkeha-beh nuhenglei sog liengkek kijadi biyeg ataopen belag. 37Amen ‘Hooh,’ urok ‘Hooh,’ amen ‘Tok,’ urok ‘Tok.’ Engrok de lebeh ju kenjeh kihol ju Ibles.”
Benalas Dendam
(Luk 6:29-30)
38“Engkek ya engkepanei neajar entem de kiurok begei adeh: ‘Amen numom kiperusak mat atao lemunj mai, mat atao lemunj ilei hodloh biperusak juga sebegei nehukom ibahneh ajeh.’#Kel 21:24; Im 24:20; Ul 19:21 39Tapi hunen Ngurok nu engkek begei adeh: Agok balas dendam nu sengoi de kibeh nej nu engkek. Amen numom kitampar ming kentop engkek, ogloh kitampar ming kengwil engkek juga. 40Amen numom kidakwe engkek ku mahkamah kerana kihod ha baju engkek, ogloh jubah engkek juga. 41Amen mong numom sengoi kipaksa engkecip nukilometer ru kek, ciploh nar kilometer inyaknak ru kek. 42Amen numom kisemanj ma-ma ju engkek, ogloh ma de kisemanj ajeh. Amen numom kaha-pinyap ma-ma ju engkek, wes agok nyek engog peninyap nu kek.”
Hok ha Musoh
(Luk 6:27-28, 32-36)
43“Engkek ya engkepanei neajar entem de kiurok begei adeh: ‘Hokloh ratak manusia ru getekloh musoh engkek.’#Im 19:18 44Tapi hunen Ngurok begei adeh nu engkek: Hokloh musoh engkek ru bedoaloh ha mai de naianiaye ha engkek 45supaye engkejadi kekenon Menek de ku serga. Kerana, Jenang Kipejadi ru Kipeterbet mat arik ha sengoi de bor ru sengoi de niknej, ru Kipecerleh manik ha sengoi de benar ru sengoi de pek benar. 46Amen engkehok had mai de naihok ha engkek, Jenang doh pek Kiog benalas de bor nu engkek. Mai bekutep cukei pen naibeh begei ajeh. 47Amen engkek serapak had ru kekawat liengkek taleh, bahneh engkek ajeh mahentok de lebeh bor. Sengoi de pek naikenal ha Jenang pen naibeh begei ajeh juga! 48Jadi, hodloh engkejadi sempurne begei ha Menek engkek ku serga de sempurne.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.