MATIUS 21
21
Yesus Kimuj nu Kote Yerusalem
(Mrk 11:1-11; Luk 19:28-40; Yoh 12:12-19)
1Ku mase Yesus ru Ipengikot-pengikot naiha-merek nu kote Yerusalem, nailei rek nu beg kampug Betfage ku Lod Zaiton. Ku pajeh Yesus Kior nar mom ju Ipengikot baicip canuk. 2Yesus Kiurok nu ubai, “Etloh nu kampug de mong ku ngar hik adeh. Bile jerkemuj taleh nu majeh, jerkek doh jerkebakek nuikor keldei ikenan de biseg ru ikenon mong rek beg iamek ajeh. Terlasloh keldei ajeh ru enloh rimnar ajeh nu Eng. 3Amen mong mai de betanya ma-ma, urokloh nu kek, ‘Keldei adeh bihod ya Tuhan.’ Sengoi ajeh doh deras kiog jerkeen ha keldei ajeh.”
4Hal ajeh belaku supaye tejadi ma de biurok ya numom nabi begei adeh:
5“Urokloh nu mai kote Sion,#21:5 Kote Sion: Adeh kirujok nu kote Yerusalem.
Nengloh, Raja engkek Kihol nu engkek.
Kek rendah Isengik. Kihol Kitebot nuikor keldei,
ru kenon keldei de nyengnyam.”#Za 9:9
6Rimnar Ipengikot ajeh pen baiet ru baibeh ma de bior ya Yesus. 7Ubai baien rimnar ikor keldei ajeh lalu bailapek kenog rimnar keldei ajeh ya jubah liubai. Telas ajeh Yesus Kitebot. 8Jeoi mai jengoi nailai jubah liknai ku kemil nong, ru mong juga mai kilek de naitelog cag-cag pelepah ru nailai pelepah ajeh ku kemil nong. 9Mai jengoi de naicip ku ngar ru ku kenog Yesus naisurag,
“Semoge Kenon-cenok Raja Daud bipateh!
Semoge Kek de Kihol sebegei wakel TUHAN biberkat.#Mzm 118:26
Semoge Jenang ku serga bipateh!”
10Bile Yesus Kimuj nu kote Yerusalem, dikdij mai ku kote ajeh naijadi kecoh. Naitanya, “Kek ajeh bok?”
11Mai jengoi de naijoi Yesus naiberlag, “Kek Yesus, nabi ju pekan Nazaret ku lengrik Galilea.”
Yesus Kimuj nu Laman Deg Jenang
(Mrk 11:15-19; Luk 19:45-48; Yoh 2:13-22)
12Telas ajeh Yesus Kimuj nu laman Deg Jenang, lalu Kiperet dikdij mai jelwal ru mai bakli ku pajeh. Kek Kipetebalek mije mai beniaga tenukar duet ru bangku mai de jelwal cep merpati. 13Yesus Kiurok nu enai, “Ku kateh Alkitab, Jenang Kiurok, ‘Deg Eng doh bigelar deg doa.’#Yes 56:7; Yer 7:11 Tapi engkepejadi tempat adeh ‘tempat kenumpol mai siksij’!”
14Telas ajeh mai buta ru mai capek naihol nu Yesus ku laman Deg Jenang ajeh ru Kek Kiperbor enai. 15Tapi raknak-raknak imam agame Yahudi ru guru-guru Hukom Taurat naibelal bile naineng hal ajaib de bibeh ya Yesus. Enai juga naibelal bile naicerngai sesanget naisurag ku laman Deg Jenang, “Semoge Kenon-cenok Raja Daud bipateh!”
16Naiurok nu Yesus, “Hacerngaika ma de biurok ya sesanget ajeh?”
Yesus Kiberlag, “Ngcerngai, tapi pek pernah engkebacaka ayat Alkitab adeh:
‘Jen ya Jenajar sesanget ru sesanget pai yos naipateh ha LiEnjen’?”#Mzm 8:3
17Yesus Kidek enai lalu Kihol ju kote ajeh ru Kiet nu kampug Betania ru Kibet ku pajeh.
Yesus Kisumpah Keneng Are
(Mrk 11:12-14, 20-24)
18Ku ipegelap huper, ku kateh Iceknip Kaha-los nu kote Yerusalem, Yesus Kicuag. 19Kek Kibakek nutarek keneng are ku beg nong. Kek Kiperek nu jehuk ajeh tapi pek Kiburuk nukebek ipelek pen, had mong ha iselak taleh. Yesus Kiurok nu keneng jehuk ajeh, “Hek doh pek habepelek nij!” Ku sarik jijeh juga keneng are ajeh kiselei.
20Empag pengikot-pengikot Yesus cengang naineng ma de belaku ajeh ru naitanya, “Ihad ajaib keneng are ajeh kiselei sarik jijeh juga!”
21Yesus Kiberlag, “Cerngailoh abor, amen engkepecaya nu Jenang ru pek engkeragu-ragu, engkek dapat engkebeh begei ma de Ngbeh nu keneng are adeh. Pek ajeh taleh, engkek dapat engkeurok nu lod adeh: ‘Kosloh ru pikrejloh nu kateh laot!’ Hal ajeh doh kitejadi. 22Bile engkebedoa ru engkepecaya Jenang doh Kibeh ma de engkesemanj, Kek doh Kibeh.”
Tenanya tentang Kuasa Yesus
(Mrk 11:27-33; Luk 20:1-8)
23Telas ajeh Yesus Kilos nij nu laman Deg Jenang. Mase tengah Kibeajar, raknak-raknak imam agame Yahudi ru raknak-raknak mai Yahudi naiterbuk ru naitanya nu Kek, “Ya kuasa ma Hek Habeh dikdij ajeh? Bokka de engog kuasa nu Hek Habeh ajeh?”
24Yesus Kiberlag, “Eng juga Ngha-tanya nu engkek. Amen engkek berlag tenanya Eng, baruloh Eng doh Ngpasal ya kuasa bok Ngbeh dikdij ajeh. 25Ya kuasa bokka Yohanes Pembaptis kibaptis sengoi? Ya kuasa Jenangka manusia?”
Enai mula naibebincang ratak liknai, “Ma de hiha-urok? Amen hiberlag, ‘Yohanes Pembaptis kibaptis sengoi ya kuasa Jenang,’ Kek doh Kiurok, ‘Yama pek engkepecaya nu Yohanes Pembaptis?’ 26Tapi amen hiurok, ‘Kek kibaptis sengoi ya kuasa manusia,’ hisengoh ma de mai jengoi naibeh doh kerana naipecaya Yohanes Pembaptis ajeh numom nabi.” 27Kerana ajeh, naiberlag, “Jik pek jipanei.”
Lalu Yesus Kiberlag, “Amen begei ajeh, Eng pen pek Ngha-pasal ya kuasa bok Eng Ngbeh hal-hal ajeh.”
Perumpamaan tentang Nar Urag Kenon Keral
28“Ma peniker engkek tentang hal adeh? Mong numom apak de mong nar mom ikenon keral. Kek kiet nu ikenon de sulog ru kiurok, ‘Bei, etloh kerakjak ku selai anggor arik adeh.’ 29Ikenon kiberlag, ‘Ngnyek,’ tapi telas ajeh ikenon ajeh kimenyesal lalu kiet kikerakjak nu selai anggor ajeh. 30Telas ajeh iapak kiet nu ikenon kedue ru kiurok hal de sama. Ikenon kedue ajeh kiberlag, ‘Hoohloh pak,’ tapi pek kiet. 31Bok antare ubai nar tenek-menang ajeh de kibeh heknod iapak?”
Naiberlag, “Ikenon de sulog.”
Yesus Kiurok nu enai, “Cerngailoh abor! Mai bekutep cukei ru pelacor naijadi sengoi-sengoi de biperintah ya Jenang sebegei Raja lebeh canuk daripade engkek. 32Yohanes Pembaptis kihol kaha-ternyol nu engkek care sinui de bihod ya Jenang tapi engkek pek engkepecaya nu ineajar. Tapi mai de bekutep cukei ru pelacor naipecaya nu neajar kek. Engkek lekat pek engkebetobat ru pek engkepecaya nu ineajar hamapen ya engkebakek mai bekutep cukei ru pelacor ya naipecaya nu ineajar.”
Perumpamaan tentang Mai de Bepajak Selai Anggor
(Mrk 12:1-12; Luk 20:9-19)
33Yesus Kiurok nij nu enai, “Cerngailoh nanek perumpamaan de kilek nij. Mong numom kibuka selai anggor. Kek kipasag pagar ku sekelileg selai ajeh, kicop lubang ha tempat reknit pelek anggor, ru kibeh menare jenaga iselai. Telas ajeh kek kipajak iselai anggor ajeh nu memerip urag mai, lalu kiet nu lengrik kilek. 34Bile musem anggor ya lei, tuan selai ajeh kingeng ihambe-hambe supaye naiterima pelek anggor. Pelek anggor ajeh engleg ju hasel selai de kijadi hak kek. 35Tapi mai de bepajak iselai ajeh naicap hambe-hambe tuan selai ajeh. Mong de bipet, mong de biperdat, ru mong juga de bipej ya batu. 36Tuan selai ajeh kingeng ihambe-hambe nukali nij, lebeh jeoi daripade canuk. Ihambe-hambe ajeh juga bibeh sama begei hambe de canuk. 37Ipenyudah kingeng ikenon nu enai. Kiserngik, ‘Tentu enai doh naihormat ha kenon eng.’ 38Tapi bile mai de bepajak iselai ajeh naineng ha kenon tuan selai ajeh, naibelwal ratak liknai, ‘Adeh ilei wares tuan selai. Bei hiperdat kek supaye hikep iselai!’ 39Kerana ajeh, naicap kenon tuan selai ajeh, naipej nu luar selai, ru naiperdat kek.”
40Lalu Yesus Kitanya, “Bile tuan selai anggor ajeh kihol nu iselai, ma doh de kibeh nu mai de bepajak iselai ajeh?”
41Naiberlag, “Tentu kek doh kiperdat dikdij mai jehat ajeh lalu kipajak iselai anggor nu mai kilek de buleh naiog hasel hak kek bile musem anggor kitiba.”
42Yesus Kiurok nu enai, “Tentu ya engkebaca engrok adeh ku kateh Alkitab:
‘Batu de bipej ya tukang deg
ya kijadi batu cenol.
Hal ajeh kitejadi kijoi heknod TUHAN,
ru ma de Kibeh ajeh ihad bor!’ ”#Mzm 118:22-23
43Yesus Kiurok nij, “Cerngailoh! Jenang doh Kikot hak untok engkejadi sengoi-sengoi de biperintah ya Ilei sebegei Raja, ru Kiog hak ajeh nu mai de setie naibeh heknod Ilei. [44Bok imai de kiyog ku kemil batu ajeh doh kibekecai. Ru bok imai de bicertet ya batu ajeh doh kihempog.]”#21:44 Ayat adeh pek mong ku kateh memerip salinan Alkitab manah.
45Bile naicerngai Yesus Kicerite perumpamaan-perumpamaan ajeh, raknak-raknak imam agame Yahudi ru mai Farisi naipanei Yesus Kiurok tentang enai. 46Kerana ajeh, naikerekwat naikek care naiha-cap Yesus tapi naisengoh ha mai jengoi de naipecaya Yesus ajeh numom nabi.
Currently Selected:
MATIUS 21: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 21
21
Yesus Kimuj nu Kote Yerusalem
(Mrk 11:1-11; Luk 19:28-40; Yoh 12:12-19)
1Ku mase Yesus ru Ipengikot-pengikot naiha-merek nu kote Yerusalem, nailei rek nu beg kampug Betfage ku Lod Zaiton. Ku pajeh Yesus Kior nar mom ju Ipengikot baicip canuk. 2Yesus Kiurok nu ubai, “Etloh nu kampug de mong ku ngar hik adeh. Bile jerkemuj taleh nu majeh, jerkek doh jerkebakek nuikor keldei ikenan de biseg ru ikenon mong rek beg iamek ajeh. Terlasloh keldei ajeh ru enloh rimnar ajeh nu Eng. 3Amen mong mai de betanya ma-ma, urokloh nu kek, ‘Keldei adeh bihod ya Tuhan.’ Sengoi ajeh doh deras kiog jerkeen ha keldei ajeh.”
4Hal ajeh belaku supaye tejadi ma de biurok ya numom nabi begei adeh:
5“Urokloh nu mai kote Sion,#21:5 Kote Sion: Adeh kirujok nu kote Yerusalem.
Nengloh, Raja engkek Kihol nu engkek.
Kek rendah Isengik. Kihol Kitebot nuikor keldei,
ru kenon keldei de nyengnyam.”#Za 9:9
6Rimnar Ipengikot ajeh pen baiet ru baibeh ma de bior ya Yesus. 7Ubai baien rimnar ikor keldei ajeh lalu bailapek kenog rimnar keldei ajeh ya jubah liubai. Telas ajeh Yesus Kitebot. 8Jeoi mai jengoi nailai jubah liknai ku kemil nong, ru mong juga mai kilek de naitelog cag-cag pelepah ru nailai pelepah ajeh ku kemil nong. 9Mai jengoi de naicip ku ngar ru ku kenog Yesus naisurag,
“Semoge Kenon-cenok Raja Daud bipateh!
Semoge Kek de Kihol sebegei wakel TUHAN biberkat.#Mzm 118:26
Semoge Jenang ku serga bipateh!”
10Bile Yesus Kimuj nu kote Yerusalem, dikdij mai ku kote ajeh naijadi kecoh. Naitanya, “Kek ajeh bok?”
11Mai jengoi de naijoi Yesus naiberlag, “Kek Yesus, nabi ju pekan Nazaret ku lengrik Galilea.”
Yesus Kimuj nu Laman Deg Jenang
(Mrk 11:15-19; Luk 19:45-48; Yoh 2:13-22)
12Telas ajeh Yesus Kimuj nu laman Deg Jenang, lalu Kiperet dikdij mai jelwal ru mai bakli ku pajeh. Kek Kipetebalek mije mai beniaga tenukar duet ru bangku mai de jelwal cep merpati. 13Yesus Kiurok nu enai, “Ku kateh Alkitab, Jenang Kiurok, ‘Deg Eng doh bigelar deg doa.’#Yes 56:7; Yer 7:11 Tapi engkepejadi tempat adeh ‘tempat kenumpol mai siksij’!”
14Telas ajeh mai buta ru mai capek naihol nu Yesus ku laman Deg Jenang ajeh ru Kek Kiperbor enai. 15Tapi raknak-raknak imam agame Yahudi ru guru-guru Hukom Taurat naibelal bile naineng hal ajaib de bibeh ya Yesus. Enai juga naibelal bile naicerngai sesanget naisurag ku laman Deg Jenang, “Semoge Kenon-cenok Raja Daud bipateh!”
16Naiurok nu Yesus, “Hacerngaika ma de biurok ya sesanget ajeh?”
Yesus Kiberlag, “Ngcerngai, tapi pek pernah engkebacaka ayat Alkitab adeh:
‘Jen ya Jenajar sesanget ru sesanget pai yos naipateh ha LiEnjen’?”#Mzm 8:3
17Yesus Kidek enai lalu Kihol ju kote ajeh ru Kiet nu kampug Betania ru Kibet ku pajeh.
Yesus Kisumpah Keneng Are
(Mrk 11:12-14, 20-24)
18Ku ipegelap huper, ku kateh Iceknip Kaha-los nu kote Yerusalem, Yesus Kicuag. 19Kek Kibakek nutarek keneng are ku beg nong. Kek Kiperek nu jehuk ajeh tapi pek Kiburuk nukebek ipelek pen, had mong ha iselak taleh. Yesus Kiurok nu keneng jehuk ajeh, “Hek doh pek habepelek nij!” Ku sarik jijeh juga keneng are ajeh kiselei.
20Empag pengikot-pengikot Yesus cengang naineng ma de belaku ajeh ru naitanya, “Ihad ajaib keneng are ajeh kiselei sarik jijeh juga!”
21Yesus Kiberlag, “Cerngailoh abor, amen engkepecaya nu Jenang ru pek engkeragu-ragu, engkek dapat engkebeh begei ma de Ngbeh nu keneng are adeh. Pek ajeh taleh, engkek dapat engkeurok nu lod adeh: ‘Kosloh ru pikrejloh nu kateh laot!’ Hal ajeh doh kitejadi. 22Bile engkebedoa ru engkepecaya Jenang doh Kibeh ma de engkesemanj, Kek doh Kibeh.”
Tenanya tentang Kuasa Yesus
(Mrk 11:27-33; Luk 20:1-8)
23Telas ajeh Yesus Kilos nij nu laman Deg Jenang. Mase tengah Kibeajar, raknak-raknak imam agame Yahudi ru raknak-raknak mai Yahudi naiterbuk ru naitanya nu Kek, “Ya kuasa ma Hek Habeh dikdij ajeh? Bokka de engog kuasa nu Hek Habeh ajeh?”
24Yesus Kiberlag, “Eng juga Ngha-tanya nu engkek. Amen engkek berlag tenanya Eng, baruloh Eng doh Ngpasal ya kuasa bok Ngbeh dikdij ajeh. 25Ya kuasa bokka Yohanes Pembaptis kibaptis sengoi? Ya kuasa Jenangka manusia?”
Enai mula naibebincang ratak liknai, “Ma de hiha-urok? Amen hiberlag, ‘Yohanes Pembaptis kibaptis sengoi ya kuasa Jenang,’ Kek doh Kiurok, ‘Yama pek engkepecaya nu Yohanes Pembaptis?’ 26Tapi amen hiurok, ‘Kek kibaptis sengoi ya kuasa manusia,’ hisengoh ma de mai jengoi naibeh doh kerana naipecaya Yohanes Pembaptis ajeh numom nabi.” 27Kerana ajeh, naiberlag, “Jik pek jipanei.”
Lalu Yesus Kiberlag, “Amen begei ajeh, Eng pen pek Ngha-pasal ya kuasa bok Eng Ngbeh hal-hal ajeh.”
Perumpamaan tentang Nar Urag Kenon Keral
28“Ma peniker engkek tentang hal adeh? Mong numom apak de mong nar mom ikenon keral. Kek kiet nu ikenon de sulog ru kiurok, ‘Bei, etloh kerakjak ku selai anggor arik adeh.’ 29Ikenon kiberlag, ‘Ngnyek,’ tapi telas ajeh ikenon ajeh kimenyesal lalu kiet kikerakjak nu selai anggor ajeh. 30Telas ajeh iapak kiet nu ikenon kedue ru kiurok hal de sama. Ikenon kedue ajeh kiberlag, ‘Hoohloh pak,’ tapi pek kiet. 31Bok antare ubai nar tenek-menang ajeh de kibeh heknod iapak?”
Naiberlag, “Ikenon de sulog.”
Yesus Kiurok nu enai, “Cerngailoh abor! Mai bekutep cukei ru pelacor naijadi sengoi-sengoi de biperintah ya Jenang sebegei Raja lebeh canuk daripade engkek. 32Yohanes Pembaptis kihol kaha-ternyol nu engkek care sinui de bihod ya Jenang tapi engkek pek engkepecaya nu ineajar. Tapi mai de bekutep cukei ru pelacor naipecaya nu neajar kek. Engkek lekat pek engkebetobat ru pek engkepecaya nu ineajar hamapen ya engkebakek mai bekutep cukei ru pelacor ya naipecaya nu ineajar.”
Perumpamaan tentang Mai de Bepajak Selai Anggor
(Mrk 12:1-12; Luk 20:9-19)
33Yesus Kiurok nij nu enai, “Cerngailoh nanek perumpamaan de kilek nij. Mong numom kibuka selai anggor. Kek kipasag pagar ku sekelileg selai ajeh, kicop lubang ha tempat reknit pelek anggor, ru kibeh menare jenaga iselai. Telas ajeh kek kipajak iselai anggor ajeh nu memerip urag mai, lalu kiet nu lengrik kilek. 34Bile musem anggor ya lei, tuan selai ajeh kingeng ihambe-hambe supaye naiterima pelek anggor. Pelek anggor ajeh engleg ju hasel selai de kijadi hak kek. 35Tapi mai de bepajak iselai ajeh naicap hambe-hambe tuan selai ajeh. Mong de bipet, mong de biperdat, ru mong juga de bipej ya batu. 36Tuan selai ajeh kingeng ihambe-hambe nukali nij, lebeh jeoi daripade canuk. Ihambe-hambe ajeh juga bibeh sama begei hambe de canuk. 37Ipenyudah kingeng ikenon nu enai. Kiserngik, ‘Tentu enai doh naihormat ha kenon eng.’ 38Tapi bile mai de bepajak iselai ajeh naineng ha kenon tuan selai ajeh, naibelwal ratak liknai, ‘Adeh ilei wares tuan selai. Bei hiperdat kek supaye hikep iselai!’ 39Kerana ajeh, naicap kenon tuan selai ajeh, naipej nu luar selai, ru naiperdat kek.”
40Lalu Yesus Kitanya, “Bile tuan selai anggor ajeh kihol nu iselai, ma doh de kibeh nu mai de bepajak iselai ajeh?”
41Naiberlag, “Tentu kek doh kiperdat dikdij mai jehat ajeh lalu kipajak iselai anggor nu mai kilek de buleh naiog hasel hak kek bile musem anggor kitiba.”
42Yesus Kiurok nu enai, “Tentu ya engkebaca engrok adeh ku kateh Alkitab:
‘Batu de bipej ya tukang deg
ya kijadi batu cenol.
Hal ajeh kitejadi kijoi heknod TUHAN,
ru ma de Kibeh ajeh ihad bor!’ ”#Mzm 118:22-23
43Yesus Kiurok nij, “Cerngailoh! Jenang doh Kikot hak untok engkejadi sengoi-sengoi de biperintah ya Ilei sebegei Raja, ru Kiog hak ajeh nu mai de setie naibeh heknod Ilei. [44Bok imai de kiyog ku kemil batu ajeh doh kibekecai. Ru bok imai de bicertet ya batu ajeh doh kihempog.]”#21:44 Ayat adeh pek mong ku kateh memerip salinan Alkitab manah.
45Bile naicerngai Yesus Kicerite perumpamaan-perumpamaan ajeh, raknak-raknak imam agame Yahudi ru mai Farisi naipanei Yesus Kiurok tentang enai. 46Kerana ajeh, naikerekwat naikek care naiha-cap Yesus tapi naisengoh ha mai jengoi de naipecaya Yesus ajeh numom nabi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.