MATIUS 18
18
Bok de Paleng Entoi?
(Mrk 9:33-37; Luk 9:46-48)
1Ku mase ajeh, pengikot-pengikot Yesus naiterbuk nu Kek ru naitanya, “Bokka de paleng entoi ku engkap sengoi-sengoi de biperintah ya Jenang sebegei Raja?”
2Yesus Kicereg numom sanget ru Kior sanget ajeh kijinjeg ku semakdek enai. 3Lalu Yesus Kiurok, “Cerngailoh abor! Amen sikap engkek pek begei sanget, engkek pek dapat engkejadi sengoi-sengoi de biperintah ya Jenang sebegei Raja. 4Jadi, bok imai de kiperendah isengik begei ha sengik sesanget, kek ajehloh de paleng entoi ku engkap sengoi-sengoi de biperintah ya Jenang sebegei Raja. 5Bok imai de kiterima numom sanget kerana sanget ajeh kipecaya nu Eng, kek kiterima Eng juga.”
Pekare de Kibeh Mai Bedosa
(Mrk 9:42-48; Luk 17:1-2)
6“Bok imai de kibeh numom ju pengikot-pengikot Eng de bianggap pek penteng begei sanget adeh kibedosa, lebeh bor batu kenisar de entoi bibeg ku itangen ru kek bipej nu laot. 7Ihad celaka dunia adeh kerana mong hal-hal de kibeh mai naibedosa. Hal-hal de begei ajeh selalo kitejadi tapi celakaloh mai de kijadi ipunca!
8Amen teg atao jog engkek kibeh engkebedosa, tasloh ru pejloh teg ru jog ajeh. Lebeh bor engkemuj nu serga pek berteg englag atao pek berjog englag daripade bipej nu kateh os nyeng ru rimnar teg ru jog engkek. 9Amen mat engkek kibeh engkebedosa, kelogloh ru pejloh mat ajeh! Lebeh bor engkemuj nu serga pek bermat englag daripade bipej nu kateh os nyeng ru rimnar mat engkek.”
Perumpamaan tentang Dombe de Rikroj
(Luk 15:3-7)
10“Bejaga-jagaloh! Agok hina numom ju pengikot-pengikot Eng de bianggap pek penteng begei sanget adeh. Cerngailoh, enai mong malikat-malikat de selalo naipasal ma-ma ihal nu Apak Eng ku serga.
11[Kenon Manusia Kihol Kaha-peselamat mai de rikroj!]#18:11 Ayat adeh pek mong ku kateh memerip salinan Alkitab manah.
12Ku peniker engkek, ma doh de kibeh ya mai de mong 100 ikor dombe, amen nuikor ju idombe ajeh kirikroj? Tentu mai ajeh doh kiwes 99 ikor dombe ku lod lalu kiet kikek nuikor dombe de rikroj ajeh. 13Cerngailoh abor! Bile ya kikep balek idombe ajeh, ikeremmik ha nek nuikor dombe de rikroj ajeh lebeh entoi daripade ikeremmik ha 99 ikor dombe kilek de pek rikroj. 14Begei ajehloh juga Menek engkek de ku serga Kinyek amen numom ju pengikot-pengikot Eng de bianggap pek penteng begei sanget adeh kirikroj.”
Amen Sedara Seiman Kibedosa nu Engkek
15“Amen mong sedara seiman kibedosa nu engkek, etloh nu kek ru pasalloh isenalah ajeh. Behloh hal ajeh serakngek ratak jerkek rimnar taleh. Amen kek kicerngai engrok engkek, sedara seiman engkek ajeh ya kiberbor ru engkek. 16Tapi amen tok, enloh nanek atao nar mom besama ru engkek. Behloh begei ajeh kerana ku kateh Alkitab mong bicot, ‘Hod mong sekurang-kurang nar atao nik urag saksi untok engketudoh numom ajeh besalah.’#Ul 19:15 17Amen kinyek ceringai bengsat enai ajeh, pasalloh hal ajeh nu jemaah-jemaah. Amen kek lekat pek kicerngai bengsat jemaah-jemaah, anggaploh kek begei sengoi de pek kikenal Jenang atao mai de bekutep cukei.
18Cerngailoh abor! Ma taleh de engkeget ku enai, doh biget juga ya Jenang. Ma taleh de engkepebuleh ku enai, doh bipebuleh juga ya Jenang.
19Cerngailoh abor nij, amen nar mom ju engkek de mong ku dunia adeh jerkebepakat jerkesemanj ma taleh, sengmanj jerkek ajeh doh biog ya Menek Eng ku serga. 20Kerana, amen mong nar atao nik mom naibekumpol ku kateh muh Eng, Eng mong ku pajeh besama ru enai.”
Perumpamaan tentang Hambe de Pek Kiampon Mai
21Telas ajeh Petrus kiderleh nu Yesus ru kitanya, “Guru, amen mong sedara seiman kibeh salah nu eng, merip kalika haros ngampon kek? Lei tujoh kalika?”
22Yesus Kiberlag, “Cerngailoh, apeka tujoh kali tapi lei 70 kali tujoh! 23Kerana, amen sengoi-sengoi de biperintah ya Jenang sebegei Raja nainyek beampon senalah mai kilek, hal begei ha perumpamaan adeh doh tejadi nu enai: Mong numom raja kaha-periksa des ihambe-hambe. 24Bile raja mula kibeh begei ajeh, bien nu kek numom ju ihambe de kiberikdes ihad jeoi duet, ijengoi sama begei gaji ha kerenjak iluniu lebeh ju due juta gecek. 25Tapi hambe ajeh pek cukop iduet kaha-bayar ides. Kerana ajeh, raja kiog perintah supaye hambe ajeh, ikenon-kenah, ru iharta bijual sebegei ibenayar des. 26Hambe ajeh pen kisujod ku ngar raja ajeh ru kimerayu, ‘Besabarloh nok, eng doh ngbayar dikdij des eng ajeh.’ 27Raja kiyayak nu hambe ajeh lalu kipebatal dikdij ides ru kiterlas kek.
28Tapi bile hambe ajeh kihol, kek kiburuk numom hambe kilek de kiberikdes nu kek ijengoi nik gecek gaji. Kek kicap lalu kicekeg ikawat ajeh ru kiurok, ‘Bayar des hek!’ 29Ikawat ajeh pen kisujod ru kimerayu, ‘Besabarloh nok, eng doh ngbayar des eng!’ 30Tapi hambe ajeh pek kiirau ha ikawat ajeh. Kek kiog perintah supaye ikawat ajeh bijel lei kiperdij ides. 31Bile hambe-hambe kilek naineng ha pekare ajeh, enai ihad naibelal lalu naipasal hal ajeh nu raja. 32Lalu raja kicereg hambe de jehat ajeh ru kiurok, ‘Hek mai jehat! Eng ya ngpebatal dikdij des hek kerana hamerayu nu eng. 33Sepatotnye hek hayayak ha kawat hek begei eng ngyayak ha hek.’ 34Raja ihad kibelal lalu kior hambe de jehat ajeh bijel ru bisiksa lei dikdij ides kibayar.”
35Yesus Kiperdij Iperumpamaan ya engrok adeh: “Begei ajehloh juga Apak Eng de ku serga doh Kibeh nu jap-jap liengkek amen engkek pek betol-betol engkeampon sedara seiman liengkek.”
Currently Selected:
MATIUS 18: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 18
18
Bok de Paleng Entoi?
(Mrk 9:33-37; Luk 9:46-48)
1Ku mase ajeh, pengikot-pengikot Yesus naiterbuk nu Kek ru naitanya, “Bokka de paleng entoi ku engkap sengoi-sengoi de biperintah ya Jenang sebegei Raja?”
2Yesus Kicereg numom sanget ru Kior sanget ajeh kijinjeg ku semakdek enai. 3Lalu Yesus Kiurok, “Cerngailoh abor! Amen sikap engkek pek begei sanget, engkek pek dapat engkejadi sengoi-sengoi de biperintah ya Jenang sebegei Raja. 4Jadi, bok imai de kiperendah isengik begei ha sengik sesanget, kek ajehloh de paleng entoi ku engkap sengoi-sengoi de biperintah ya Jenang sebegei Raja. 5Bok imai de kiterima numom sanget kerana sanget ajeh kipecaya nu Eng, kek kiterima Eng juga.”
Pekare de Kibeh Mai Bedosa
(Mrk 9:42-48; Luk 17:1-2)
6“Bok imai de kibeh numom ju pengikot-pengikot Eng de bianggap pek penteng begei sanget adeh kibedosa, lebeh bor batu kenisar de entoi bibeg ku itangen ru kek bipej nu laot. 7Ihad celaka dunia adeh kerana mong hal-hal de kibeh mai naibedosa. Hal-hal de begei ajeh selalo kitejadi tapi celakaloh mai de kijadi ipunca!
8Amen teg atao jog engkek kibeh engkebedosa, tasloh ru pejloh teg ru jog ajeh. Lebeh bor engkemuj nu serga pek berteg englag atao pek berjog englag daripade bipej nu kateh os nyeng ru rimnar teg ru jog engkek. 9Amen mat engkek kibeh engkebedosa, kelogloh ru pejloh mat ajeh! Lebeh bor engkemuj nu serga pek bermat englag daripade bipej nu kateh os nyeng ru rimnar mat engkek.”
Perumpamaan tentang Dombe de Rikroj
(Luk 15:3-7)
10“Bejaga-jagaloh! Agok hina numom ju pengikot-pengikot Eng de bianggap pek penteng begei sanget adeh. Cerngailoh, enai mong malikat-malikat de selalo naipasal ma-ma ihal nu Apak Eng ku serga.
11[Kenon Manusia Kihol Kaha-peselamat mai de rikroj!]#18:11 Ayat adeh pek mong ku kateh memerip salinan Alkitab manah.
12Ku peniker engkek, ma doh de kibeh ya mai de mong 100 ikor dombe, amen nuikor ju idombe ajeh kirikroj? Tentu mai ajeh doh kiwes 99 ikor dombe ku lod lalu kiet kikek nuikor dombe de rikroj ajeh. 13Cerngailoh abor! Bile ya kikep balek idombe ajeh, ikeremmik ha nek nuikor dombe de rikroj ajeh lebeh entoi daripade ikeremmik ha 99 ikor dombe kilek de pek rikroj. 14Begei ajehloh juga Menek engkek de ku serga Kinyek amen numom ju pengikot-pengikot Eng de bianggap pek penteng begei sanget adeh kirikroj.”
Amen Sedara Seiman Kibedosa nu Engkek
15“Amen mong sedara seiman kibedosa nu engkek, etloh nu kek ru pasalloh isenalah ajeh. Behloh hal ajeh serakngek ratak jerkek rimnar taleh. Amen kek kicerngai engrok engkek, sedara seiman engkek ajeh ya kiberbor ru engkek. 16Tapi amen tok, enloh nanek atao nar mom besama ru engkek. Behloh begei ajeh kerana ku kateh Alkitab mong bicot, ‘Hod mong sekurang-kurang nar atao nik urag saksi untok engketudoh numom ajeh besalah.’#Ul 19:15 17Amen kinyek ceringai bengsat enai ajeh, pasalloh hal ajeh nu jemaah-jemaah. Amen kek lekat pek kicerngai bengsat jemaah-jemaah, anggaploh kek begei sengoi de pek kikenal Jenang atao mai de bekutep cukei.
18Cerngailoh abor! Ma taleh de engkeget ku enai, doh biget juga ya Jenang. Ma taleh de engkepebuleh ku enai, doh bipebuleh juga ya Jenang.
19Cerngailoh abor nij, amen nar mom ju engkek de mong ku dunia adeh jerkebepakat jerkesemanj ma taleh, sengmanj jerkek ajeh doh biog ya Menek Eng ku serga. 20Kerana, amen mong nar atao nik mom naibekumpol ku kateh muh Eng, Eng mong ku pajeh besama ru enai.”
Perumpamaan tentang Hambe de Pek Kiampon Mai
21Telas ajeh Petrus kiderleh nu Yesus ru kitanya, “Guru, amen mong sedara seiman kibeh salah nu eng, merip kalika haros ngampon kek? Lei tujoh kalika?”
22Yesus Kiberlag, “Cerngailoh, apeka tujoh kali tapi lei 70 kali tujoh! 23Kerana, amen sengoi-sengoi de biperintah ya Jenang sebegei Raja nainyek beampon senalah mai kilek, hal begei ha perumpamaan adeh doh tejadi nu enai: Mong numom raja kaha-periksa des ihambe-hambe. 24Bile raja mula kibeh begei ajeh, bien nu kek numom ju ihambe de kiberikdes ihad jeoi duet, ijengoi sama begei gaji ha kerenjak iluniu lebeh ju due juta gecek. 25Tapi hambe ajeh pek cukop iduet kaha-bayar ides. Kerana ajeh, raja kiog perintah supaye hambe ajeh, ikenon-kenah, ru iharta bijual sebegei ibenayar des. 26Hambe ajeh pen kisujod ku ngar raja ajeh ru kimerayu, ‘Besabarloh nok, eng doh ngbayar dikdij des eng ajeh.’ 27Raja kiyayak nu hambe ajeh lalu kipebatal dikdij ides ru kiterlas kek.
28Tapi bile hambe ajeh kihol, kek kiburuk numom hambe kilek de kiberikdes nu kek ijengoi nik gecek gaji. Kek kicap lalu kicekeg ikawat ajeh ru kiurok, ‘Bayar des hek!’ 29Ikawat ajeh pen kisujod ru kimerayu, ‘Besabarloh nok, eng doh ngbayar des eng!’ 30Tapi hambe ajeh pek kiirau ha ikawat ajeh. Kek kiog perintah supaye ikawat ajeh bijel lei kiperdij ides. 31Bile hambe-hambe kilek naineng ha pekare ajeh, enai ihad naibelal lalu naipasal hal ajeh nu raja. 32Lalu raja kicereg hambe de jehat ajeh ru kiurok, ‘Hek mai jehat! Eng ya ngpebatal dikdij des hek kerana hamerayu nu eng. 33Sepatotnye hek hayayak ha kawat hek begei eng ngyayak ha hek.’ 34Raja ihad kibelal lalu kior hambe de jehat ajeh bijel ru bisiksa lei dikdij ides kibayar.”
35Yesus Kiperdij Iperumpamaan ya engrok adeh: “Begei ajehloh juga Apak Eng de ku serga doh Kibeh nu jap-jap liengkek amen engkek pek betol-betol engkeampon sedara seiman liengkek.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.