MATIUS 10
10
12 Urag Rasul
(Mrk 3:13-19; Luk 6:12-16)
1Yesus Kicereg 12 urag Ipengikot lalu Kiog kuasa nu enai ha peret nyanik ru ha perbor sengoi ju dikdij nyaknik. 2Adehloh muh 12 urag rasul#10:2 Rasul: Perkataan adeh kirujok nu sengoi-sengoi de bilantek ha tugas has pelayanan. Icuntohjeh: Paulus, Barnabas, 12 urag pengikot Yesus, ru mai kilek juga. ajeh: Simon (de bisebot Petrus) ru imenang Andreas, Yakobus ru imenang Yohanes (ubai ajeh kekenon Zebedeus), 3Filipus ru Bartolomeus, Tomas ru Matius de entem kibekutep cukei, Yakobus kenon Alfeus, Tadeus, 4Simon (de bigelar juga Patriot de pernah kijoi mai Israel kilek naiha-lawan penjajah Rom), ru Yudas Iskariot de doh kikianat Yesus.
Tugas Rasul-Rasul
(Mrk 6:7-13; Luk 9:1-6)
5Yesus Kingeng 12 urag rasul ajeh ya ernor begei adeh: “Wes agok et nu daerah mai pek Yahudi atao bandar mai Samaria. 6Etloh nu mai Israel de begei ha dombe de rikroj. 7Etloh ru pergah hal adeh: ‘Pek liu nij doh Jenang Kimemerintah sebegei Raja.’ 8Perborloh mai de nyik, persuiloh mai de ya dat, perborloh mai de nyik kuste ru peretloh nyanik. Ya engketerima pecume kuasa adeh, jadi behloh dikdij ajeh pecume juga. 9Wesloh agok en duet mas, perak, atao tembage. 10Wesloh agok en jaben, baju kilek, kasot, ataopen tungkat ku kateh ceknip engkek. Mai de kerakjak patot biog ma-ma de naiperlu.
11Bile engkelei ku nanek bandar atao pekan, kekloh numom ilei de layak kiterima engkek. Geiloh ku ideg lei engkeet ju kenjeh. 12Bile engkemuj nu deg sengoi ajeh, ogloh salam. 13Amen mai ku padeg ajeh naiterima engkek, berkat ju engkek ajeh doh mong ku enai. Tapi amen tok, berkat ju engkek ajeh doh kijekjog nu liengkek sendiri. 14Amen mong deg atao bandar de pek naiterima atao pek naicerngai engrok engkek, dekloh ju tempat ajeh ru tapesloh habok ju tapar jog engkek sebegei tanda amaran Jenang doh Kihukom enai. 15Cerngailoh abor! Ku arik Jenang Kipeadel dikdij mai, nehukom Jenang nu sengoi ku kote Sodom ru kote Gomora doh lebeh hayok daripade nehukom nu sengoi ku pekan ajeh!”#Kej 19:1-29
Seniksa Doh
(Mrk 13:9-13; Luk 21:12-17)
16“Cerngailoh! Eng Ngngeng engkek begei ha dombe nu semakdek cok lig. Kerana ajeh, engkek hodloh cerdeg begei ha tijik ru jinak begei ha merpati. Imaksodjeh, engkek hodloh panei behati-hati ru lekat bersikap bor nu dikdij mai. 17Bejaga-jagaloh kerana doh mong sengoi de naicap engkek ru naien engkek nu mahkamah, juga engkek doh birempet ku deg sembahyang enai. 18Engkek doh bicap ru bien nu ngar penguasa-penguasa ru nu ngar raja-raja kerana engkepecaya nu Eng, tapi hal ajeh doh kijadi peluang untok engkebesaksi tentang Eng nu enai ru nu mai de pek naikenal Jenang. 19Bile engkek bicap, wes agok risau ma de engkeha-urok atao begeiharok de engkeha-bual. Ku sarik jijeh, engkek doh biog panei ma de engkeha-urok. 20Apeka liengkek de belwal doh tapi Kelog Menek engkek de doh Kibelwal melalui engkek.
21Beradek doh kikianat iberadek supaye biperdat, numom apak pen doh kibeh begei ajeh nu ikenon. Kekenon doh nailawan keneng-menek liknai lalu naiog ubai supaye biperdat. 22Dikdij mai doh naigetek ha engkek kerana engkepecaya nu Eng. Tapi bok imai de lekat kibetahan lei ipenyudah doh bipeselamat. 23Bile engkek bianiaye ku nanek bandar, jarloh nu bandar de kilek. Cerngailoh abor! Sebelom engkeet nu jap-jap bandar ku lengrik Israel, Eng Kenon Manusia doh ya Nghol nij.
24Pek mong mureb de lebeh entoi daripade iguru, ru pek mong hambe de lebeh entoi daripade ituan. 25Numom mureb hod kirasa cukop amen kijadi begei ha iguru, ru numom hambe hod kirasa cukop amen kijadi begei ha ituan. Amen ketue peringak bihina ru kek bigelar Beelzebul, tentu ianggote peringak ajeh doh lebeh hina!”
Sengohloh ha Jenang
(Luk 12:2-7)
26“Wes agok sengoh ha manusia kerana dikdij ma de bicernem doh biperlau ru dikdij ma de bikerdik doh bipasal nu jap-jap mai. 27Ma de Ngpasal serakngek nu engkek, hodloh engkepasal bik ku ngar mai jengoi. Ma de bibiseg ku entag engkek, pasalloh kuat-kuat nu majeh-manen! 28Wesloh agok sengoh ha manusia de dapat naiperdat ha berog tapi pek naibekuasa naiha-pebinasa kelog. Tapi sengohloh ha Jenang de bekuasa Kipebinasa baik berog ataopen kelog ku kateh os nyeng. 29Nukelamin cep rej iregak ihad murah tapi pek nuikor pen de jer nu matik amen pek bihod ya Menek engkek. 30Merip ijengoi sog ku kui liengkek pen ya Kipanei. 31Kerana ajeh, wesloh agok sengoh ha manusia! Engkek lebeh beharga daripade jeoi cep rej!”
Beaku atao Nyek Beaku Yesus
(Luk 12:8-9)
32“Bok imai de kiaku Eng ku ngar mai jengoi, Eng pen doh Ngaku kek ku ngar Menek Eng ku serga. 33Tapi bok imai de kinyek beaku Eng ku ngar mai jengoi, Eng pen doh Ngnyek beaku kek ku ngar Menek Eng ku serga.”
Pek Neaman tapi Nelawan
(Luk 12:51-53; 14:26-27)
34“Engkek salah amen engkesangka Eng Nghol nu dunia adeh Ngha-beh mai naisui damei. Eng pek Nghol Ngha-beh mai naisui damei, tapi Nghol Ngha-beh mai naibelawan ratak liknai. 35Kerana Eng Nghol, hal adeh kitejadi:
‘Kenon keral kilawan iapak,
kenon kerdor kilawan iamek,
ru mengsau kilawan ijak.#Mi 7:6
36Ahli keluarge ilei sendiri doh naijadi imusoh.’
37Bok imai de kihok iamek atao iapak lebeh daripade kihok Eng, kek pek layak kijadi pengikot Eng. Begei ajeh juga, bok imai de lebeh kihok ikenon keral atao ikenon kerdor lebeh daripade kihok Eng, kek pek layak kijadi pengikot Eng. 38Bok imai de kaha-joi Eng tapi kinyek betanggong senusah lei hod kidat, kek pek layak kijadi pengikot Eng. 39Bok imai de kihok ha inyawe, inyawe ajeh doh nyep. Tapi bok imai de kiog inyawe ha Eng, kek doh kikep sinui de lei ditehjeh.”
Benalas Bor ha Mai de Naiterima Pengikot-pengikot Yesus
(Mrk 9:41)
40“Bok imai de naiterima engkek, enai naiterima Eng juga. Ru bok imai de naiterima Eng, enai naiterima Ilei de ngengngeng Eng juga. 41Bok imai de naiterima nenumom kerana naipanei kek ajeh numom nabi, enai doh naikep benalas bor de sama de bikep ya numom nabi. Bok imai de naiterima nenumom kerana naipanei kek ajeh sengoi de benar, enai doh naikep benalas bor de sama de bikep ya sengoi de benar. 42Cerngailoh abor! Bok imai de naiog hamapen had teu sengij taleh nu numom ju pengikot-pengikot Eng de bianggap pek penteng, enai doh mesti naikep benalas bor.”
Currently Selected:
MATIUS 10: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 10
10
12 Urag Rasul
(Mrk 3:13-19; Luk 6:12-16)
1Yesus Kicereg 12 urag Ipengikot lalu Kiog kuasa nu enai ha peret nyanik ru ha perbor sengoi ju dikdij nyaknik. 2Adehloh muh 12 urag rasul#10:2 Rasul: Perkataan adeh kirujok nu sengoi-sengoi de bilantek ha tugas has pelayanan. Icuntohjeh: Paulus, Barnabas, 12 urag pengikot Yesus, ru mai kilek juga. ajeh: Simon (de bisebot Petrus) ru imenang Andreas, Yakobus ru imenang Yohanes (ubai ajeh kekenon Zebedeus), 3Filipus ru Bartolomeus, Tomas ru Matius de entem kibekutep cukei, Yakobus kenon Alfeus, Tadeus, 4Simon (de bigelar juga Patriot de pernah kijoi mai Israel kilek naiha-lawan penjajah Rom), ru Yudas Iskariot de doh kikianat Yesus.
Tugas Rasul-Rasul
(Mrk 6:7-13; Luk 9:1-6)
5Yesus Kingeng 12 urag rasul ajeh ya ernor begei adeh: “Wes agok et nu daerah mai pek Yahudi atao bandar mai Samaria. 6Etloh nu mai Israel de begei ha dombe de rikroj. 7Etloh ru pergah hal adeh: ‘Pek liu nij doh Jenang Kimemerintah sebegei Raja.’ 8Perborloh mai de nyik, persuiloh mai de ya dat, perborloh mai de nyik kuste ru peretloh nyanik. Ya engketerima pecume kuasa adeh, jadi behloh dikdij ajeh pecume juga. 9Wesloh agok en duet mas, perak, atao tembage. 10Wesloh agok en jaben, baju kilek, kasot, ataopen tungkat ku kateh ceknip engkek. Mai de kerakjak patot biog ma-ma de naiperlu.
11Bile engkelei ku nanek bandar atao pekan, kekloh numom ilei de layak kiterima engkek. Geiloh ku ideg lei engkeet ju kenjeh. 12Bile engkemuj nu deg sengoi ajeh, ogloh salam. 13Amen mai ku padeg ajeh naiterima engkek, berkat ju engkek ajeh doh mong ku enai. Tapi amen tok, berkat ju engkek ajeh doh kijekjog nu liengkek sendiri. 14Amen mong deg atao bandar de pek naiterima atao pek naicerngai engrok engkek, dekloh ju tempat ajeh ru tapesloh habok ju tapar jog engkek sebegei tanda amaran Jenang doh Kihukom enai. 15Cerngailoh abor! Ku arik Jenang Kipeadel dikdij mai, nehukom Jenang nu sengoi ku kote Sodom ru kote Gomora doh lebeh hayok daripade nehukom nu sengoi ku pekan ajeh!”#Kej 19:1-29
Seniksa Doh
(Mrk 13:9-13; Luk 21:12-17)
16“Cerngailoh! Eng Ngngeng engkek begei ha dombe nu semakdek cok lig. Kerana ajeh, engkek hodloh cerdeg begei ha tijik ru jinak begei ha merpati. Imaksodjeh, engkek hodloh panei behati-hati ru lekat bersikap bor nu dikdij mai. 17Bejaga-jagaloh kerana doh mong sengoi de naicap engkek ru naien engkek nu mahkamah, juga engkek doh birempet ku deg sembahyang enai. 18Engkek doh bicap ru bien nu ngar penguasa-penguasa ru nu ngar raja-raja kerana engkepecaya nu Eng, tapi hal ajeh doh kijadi peluang untok engkebesaksi tentang Eng nu enai ru nu mai de pek naikenal Jenang. 19Bile engkek bicap, wes agok risau ma de engkeha-urok atao begeiharok de engkeha-bual. Ku sarik jijeh, engkek doh biog panei ma de engkeha-urok. 20Apeka liengkek de belwal doh tapi Kelog Menek engkek de doh Kibelwal melalui engkek.
21Beradek doh kikianat iberadek supaye biperdat, numom apak pen doh kibeh begei ajeh nu ikenon. Kekenon doh nailawan keneng-menek liknai lalu naiog ubai supaye biperdat. 22Dikdij mai doh naigetek ha engkek kerana engkepecaya nu Eng. Tapi bok imai de lekat kibetahan lei ipenyudah doh bipeselamat. 23Bile engkek bianiaye ku nanek bandar, jarloh nu bandar de kilek. Cerngailoh abor! Sebelom engkeet nu jap-jap bandar ku lengrik Israel, Eng Kenon Manusia doh ya Nghol nij.
24Pek mong mureb de lebeh entoi daripade iguru, ru pek mong hambe de lebeh entoi daripade ituan. 25Numom mureb hod kirasa cukop amen kijadi begei ha iguru, ru numom hambe hod kirasa cukop amen kijadi begei ha ituan. Amen ketue peringak bihina ru kek bigelar Beelzebul, tentu ianggote peringak ajeh doh lebeh hina!”
Sengohloh ha Jenang
(Luk 12:2-7)
26“Wes agok sengoh ha manusia kerana dikdij ma de bicernem doh biperlau ru dikdij ma de bikerdik doh bipasal nu jap-jap mai. 27Ma de Ngpasal serakngek nu engkek, hodloh engkepasal bik ku ngar mai jengoi. Ma de bibiseg ku entag engkek, pasalloh kuat-kuat nu majeh-manen! 28Wesloh agok sengoh ha manusia de dapat naiperdat ha berog tapi pek naibekuasa naiha-pebinasa kelog. Tapi sengohloh ha Jenang de bekuasa Kipebinasa baik berog ataopen kelog ku kateh os nyeng. 29Nukelamin cep rej iregak ihad murah tapi pek nuikor pen de jer nu matik amen pek bihod ya Menek engkek. 30Merip ijengoi sog ku kui liengkek pen ya Kipanei. 31Kerana ajeh, wesloh agok sengoh ha manusia! Engkek lebeh beharga daripade jeoi cep rej!”
Beaku atao Nyek Beaku Yesus
(Luk 12:8-9)
32“Bok imai de kiaku Eng ku ngar mai jengoi, Eng pen doh Ngaku kek ku ngar Menek Eng ku serga. 33Tapi bok imai de kinyek beaku Eng ku ngar mai jengoi, Eng pen doh Ngnyek beaku kek ku ngar Menek Eng ku serga.”
Pek Neaman tapi Nelawan
(Luk 12:51-53; 14:26-27)
34“Engkek salah amen engkesangka Eng Nghol nu dunia adeh Ngha-beh mai naisui damei. Eng pek Nghol Ngha-beh mai naisui damei, tapi Nghol Ngha-beh mai naibelawan ratak liknai. 35Kerana Eng Nghol, hal adeh kitejadi:
‘Kenon keral kilawan iapak,
kenon kerdor kilawan iamek,
ru mengsau kilawan ijak.#Mi 7:6
36Ahli keluarge ilei sendiri doh naijadi imusoh.’
37Bok imai de kihok iamek atao iapak lebeh daripade kihok Eng, kek pek layak kijadi pengikot Eng. Begei ajeh juga, bok imai de lebeh kihok ikenon keral atao ikenon kerdor lebeh daripade kihok Eng, kek pek layak kijadi pengikot Eng. 38Bok imai de kaha-joi Eng tapi kinyek betanggong senusah lei hod kidat, kek pek layak kijadi pengikot Eng. 39Bok imai de kihok ha inyawe, inyawe ajeh doh nyep. Tapi bok imai de kiog inyawe ha Eng, kek doh kikep sinui de lei ditehjeh.”
Benalas Bor ha Mai de Naiterima Pengikot-pengikot Yesus
(Mrk 9:41)
40“Bok imai de naiterima engkek, enai naiterima Eng juga. Ru bok imai de naiterima Eng, enai naiterima Ilei de ngengngeng Eng juga. 41Bok imai de naiterima nenumom kerana naipanei kek ajeh numom nabi, enai doh naikep benalas bor de sama de bikep ya numom nabi. Bok imai de naiterima nenumom kerana naipanei kek ajeh sengoi de benar, enai doh naikep benalas bor de sama de bikep ya sengoi de benar. 42Cerngailoh abor! Bok imai de naiog hamapen had teu sengij taleh nu numom ju pengikot-pengikot Eng de bianggap pek penteng, enai doh mesti naikep benalas bor.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.