Malɨkɔ Yaka yɔ pɛɨ
Yaka yɔ pɛɨ
Ɨtaɓʉ ngɨyɔ Malɨkɔ a꞉tɛndakɨa ambise ɔ nɔtanɨa ngɨyɔ Yeso. Ɨtaɓʉ ngɨyɛ, ya mɛngana wɔ lɨtaɓʉ ɓɔgɨna ngɨlɔ Ɨsaʉ yɛta Iɗo ngɨyɛ Yeso Klisito ndʉ Matayɔ, Luka nɔ Yɔanɨ. Ya ɨtaɓʉ yɛta gbi ati ɔ lɨtaɓʉ ngɨlɛnɛnɨ liɓomu. Malɨkɔ a꞉ɓiomʉ mʉngana wɔ ɓakpata tɛkɛɓɛ nɔ ɓapɨnɨ ngʉɓɔ Yeso. Yakamɛngana, ɓa꞉kyɛndaka ɨhɔ nɔ atɨ Pɔlɔ nɔ ati Pɛtɛlɔ. A꞉tɛndakɨa ɓombi ngʉɓa ɓa꞉ɓiomʉ Ɓayuda, nɔ, akɔpana ɓɔ Yeso a Mwana ɔ Asɔɓɨɨ.
Malɨkɔ a꞉tɛndakɨamʉ ɨsaʉ akʉʉ ɔ nɔtanɨa ngɨyɛ Yeso, ga pɔ ɨfananja ngɨyangɔ gbanga ndʉ Matayɔ nɔ Luka ɓa꞉tɛndakɨa. A꞉tɛndakɨa ɨyɔ ta ɨsaʉ akʉʉ uɓei ngʉwɔ Yeso, nɔ tɛa yɔ ɓɨakɨa Ɨsaʉ yɛta Iɗo, nɔ, heiso ɓakaɓu, kɨa ɓayaka ɓɔta ɓambangɛ, nɔ, chweiso ɓombi mɨtɨma yɔ madu. Dɔ, Yeso ɛ꞉ka ndʉ mombi a ta mʉkyananakɨɛ ɓombi, sɔkɔmʉ ɓɔ ɓiɓio nayɔ akyananakɨa (Mlk 10:45).
Amupipio ɔtɛndakɨa yaka akʉʉ wɔ ingwo nɔ jʉkana akɔ ingwo ngɨyɛ Yeso. Ɨyɔ, a꞉dya ɓʉkaɓʉkaɨ aɓɔya ta akɔ ingwo, apananiso ɓɔ, ɓombi ngʉɓa, ɓamʉbaya nɔ nayɔ akɔkpata ɓiɓio ɓandanɛ akɔnɨdya ɓʉkaɓʉkaɨ kʉndʉ ɨyɔ a꞉dya. Yakamɛngana, amupipio, ɓombi ngʉɓɔnanɨ, ɓa꞊kumunio amati ɔ ɨgyagya ngɨyɛ mago nɔ mago.
Yaka yɛta ɨkpɔkpɔ
Mʉkpanganɨa wɔ Ɨsaʉ yɛta Iɗo 1:1-13
Tɛa ngɨyɛ Yeso ati ɔ ɓombi anɔ Galilaya 1:14—9:50
Kyɛnda ngɨangɔ anɨngwa anɔ Galilaya anɨsa anɔ Yelusalɛma 10:1-52
pɔsɔ wɔ mupipio ngɨyɔ Yeso akɔɓɔya akɔɓakaka akʉʉ ɔ mʉsalaba 11:1—15:47
Jʉkana akɔ ingwo ngɨangɔ 16:1-8
Chwɛanakɨa ɓakpata nɔ tʉmbanɨa ngɨyɛ Yeso anɨsa akʉʉ ɔ ɓisi 16:9-20
Currently Selected:
Malɨkɔ Yaka yɔ pɛɨ: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.