Matayɔ 25
25
Yeso enjo isisenio yɔ ɓoi tɛkɛɓɛ
1Ɓʉngama ngʉɓɔ akʉʉ ɔ ɓisi, ɓa꞊ɓio sina ngbanga ndʉ ɓasaɓakyɛ tɛkɛɓɛ, ʉɓa, ɓa꞉sɨka ɓatala ngʉɓeɓo, nɔ, ɓɔ꞉sa atɛtɨa gue ngɨa ɔ mʉsɨkana. 2Ananɨ ati eɓo, ɓɔkʉ ɓa꞉ɓio lijangijangi, nɔ ɓɔkʉ ngʉɓɔmɔ, ɓombi ɓɔ nɨmbɨmbɨanaka. 3Ʉɓa lijangijangi, ɓa꞉sɨka ɓatala ngʉɓeɓo ta ɓʉtʉʉ, sɔkɔmʉ ɓipotono nɔ mwana ɔ umbundo ngawɔmɔ. 4Yakamɛngana, ɓɔkʉ ngʉɓɔ nɨmbɨmbɨanaka, ɓa꞉sɨka ɓatala, ɨhɔ kʉ nɔ mambundo ngakɔmɔ amati ɔ ɓasupa. 5Ɨnadɔ, ɨyɔ gue ɔ mʉsɨkana, ɛ꞉kamʉ gagaa. Kʉdɔ, ɨjɛkɛ yɔɓupoto, ɨɓɔ ɓasaɓakyɛ, ga ɨɓɔ tɔɔ ɓɔ ɗɛsɛɛ.
6Tɨa ati ɔ ɓisi nɔ gʉndʉ, mombi mʉngana ɔ꞉tʉɓɨa ɓɔ: ‹Inu ʉɓa-a, gue ɔ mʉsɨkana ɛkɔ dɔ tɨa ɨkanɨ-e! Seni nayɔ akɔtɛtɨa!› 7Kʉdɔ, ɓasaɓakyɛ ngʉɓɔnanɨ ɓɔ꞉jʉkanaka, nɔ, ɓɔ꞉pʉnga tambanaka ɓatala ngʉɓeɓo.
8Ga lijangijangi nɔ ɓiga ngʉɓɔ nɨmbɨmbɨanaka ɓɔ: ‹Ɓatala nga ɓeso, ɓanibonio. Atinjeni ɓaka kʉɔ mwana ɔ umbundo.› 9Yakamɛngana, ɨɓɔ ɓɔ꞉ɓutosio ɓɔ: ‹Haa! Tɔninjeni umbundo ngʉwa tanawɔ aka, wangɔtʉndanamʉ ɓata! Seni pɨ akaya weno inani aɨda yɔ magabʉ.›
10Angbinga ngɨa, lijangijangi, la꞉ɓio-ɔɔ anɨsa akaya umbundo, ga gue ɔ mʉsɨkana ɓɔ buu. Ɓɔkʉ ngʉɓa ɓa꞉ɓio ɓɔndanɛ, ɓɔ꞉kumonio nɔ atɨ gue, amati ɔ ɨkáá yɔ ʉmbɔ wɔ mʉsɨkana, kʉdɔ, ɓɔ꞉dɨkpa umongu ga kpɛ.
11Mbise ɔngɔ, ɨɓɔ lijangijangi ngɨlɛnɛnɨ ɓɛ꞉ka. Ga ɨɓɔ ɓɔ: ‹Hii makweso! Hii makweso! Atɨganɨa ɓaka umongu!› 12Yakamɛngana, ɔ꞉ɓutosio ɓɔ: ‹Nanenu asigio ingono ɓɔ, nangɔmʉ ɨmɨ, nenu anɨmbɨa!›»
13Yeso ɔ꞉tɔɓusigio tɨa ɓɔ: «Inu-a! Pɛmanakɨeni pɛmanakɨanɨ! Dɔ, ɓisi ngʉɓɔnanɨ, nɔ angbinga ɔngɔ, nángɔmʉ anɨmbɨa.
Yeso enjo isisenio yɔ ɓombi ɓɔ tɛa ngʉɓa ɓa꞉ɓinjekio ɓagyɛgyɛ
(Luk 19:11-27)
14Yaka ngɨyɛ, yɔ Ɓʉngama ngʉɓa akʉʉ ɔ ɓisi, ya꞊ɓio sungo ngbanga, ndʉ ɨyɛ mombi ɔ lɨkyɛmʉ mʉngana a꞉ɓio-ɔɔ anɨsa kyɛnda. Pɛɨ ɔ kyɛnda, ɔ꞉ɓisoko ɓombi ɓɔ tɛa ngʉɓangɔ, nɔ ɔ꞉ɓinjekio lɨkyɛmʉ. 15A꞉ɓinjekio, mombi nɔ mombi, akpatanakɨa nɔ nɨmbɨmbɨanaka ngɨangɔ. Akɔ ɨyɔ pɛɨ, a꞉minjo ɓagyɛgyɛ ɓɔkʉ. Ɨya ɔ ɓepini, a꞉minjo ɓapɨnɨ. Ɔ꞉tɛnjo dɔ tɨa ɨyɔmɔ, agyɛgyɛ mʉngana#25:15 agyɛgyɛ mʉngana: pɔ ɓɔ agyɛgyɛ mʉngana ngɨananɨ a꞉ɓio adaa ɔ kaya ɓangɔmbɛ ɓɔkʉ. Mbise ɔngɔ, ɔ꞉sa kyɛnda ga ngo.
16Mombi ɔ tɛa ngɨa a꞉sɨka ɓagyɛgyɛ ɓɔkʉ, ɔ꞉sa naɓɔ agabanaka, nɔ ɛ꞉nɨanɨa ɓata nɔ ɓɔmɔ kʉ ɓɔkʉ. 17Gwa ngɨa a꞉sɨka ɓapɨnɨ, ɔ꞉sa ɨyɔ kʉɓanɨ, nɔ, ɛ꞉nɨanɨa ɓata kʉ nɔ ɓɔmɔ ɓapɨnɨ. 18Yakamɛngana, ɨya a꞉sɨka agyɛgyɛ mʉngana, ɔ꞉sa ɨyɔ anʉmba ta ɨtaka, nɔ, ɔ꞉tɔnaya agyɛgyɛ ngɨyɔ Makwangɔ inani asini.
19Ambise ɔ makwaa maja, ɨyɔ makwɔ ɔ lɨkyɛmʉ, ɔ꞉tɔa aki a꞉sa-ɛɛ. Kʉdɔ, a꞉ɓisoko ɨɓɔ ɓombi ɓɔ tɛa, dɔ, ɓɨpemekiso yaka yɔ ɓagyɛgyɛ ngʉɓangɔ. 20Mombi ɔ tɛa ngɨa a꞉sɨka ɓagyɛgyɛ ɓɔkʉ, ɔ꞉mɨsɨnganɨa, nɔ, ɔ꞉mʉpana ɓagyɛgyɛ ngaɓɔmɔ ɓata kʉ ɓɔkʉ. Ga ɨyɔ ɓɔ: ‹Makwasɛmɨ! Wa꞉nenjo pɔngɔ ɓagyɛgyɛ ɓɔkʉ. Ɨna ɓɔkʉ ngaɓɔmɔ, ʉɓa ɨmɨ, nɛ꞉nɨanɨa pɛ naɓɔ ʉɓɔ kwa!›
21Ga makwangɔ nayɔ ɓɔ: ‹Ya iɗo, wa mombi ɔ tɛa ata muɗo, nɔ ɨya, akyananakɨa mapanʉ! Wɔ꞉kɨɔ iɗo nɔgbɛ akɔ mwana ɔ yaka yɛta bele! Kʉɓanɨ, na꞊napɨa tɨa akanga yaka ɨja nɔgbɛ. Ika, tɨkwa ɨgyagya ɨhɔ!›
22Mombi ɔ tɛa ngɨa a꞉sɨka ɓagyɛgyɛ ɓapɨnɨ, ɛ꞉sɨngana tɨa kʉ ananɨ, ga ɨyɔ ɓɔ: ‹Makwasɛmɨ! Wa꞉nenjo pɔngɔ ɓagyɛgyɛ ɓapɨnɨ. Ɨna ɓapɨnɨ ngaɓɔmɔ, ʉɓa ɨmɨ, nɛ꞉nɨanɨa pɛ naɓɔ ʉɓɔ kwa!›
23Ga makwangɔ nayɔ ɓɔ: ‹Ya iɗo, wa mombi ɔ tɛa ata muɗo, nɔ ɨya, akyananakɨa mapanʉ! Wɔ꞉kɨɔ iɗo nɔgbɛ akɔ mwana ɔ yaka yɛta bele! Kʉɓanɨ, na꞊napɨa tɨa akanga yaka ɨja nɔgbɛ. Ika, tɨkwa ɨgyagya ɨhɔ!›
24Yɔ꞉tɛka dɔ tɨa gwa ngɨa a꞉sɨka agyɛgyɛ mʉngana. Ɨyɛ a꞉ɓɔya ɓɔ buu, ga ɨyɔ ɓɔ: ‹Makwasɛmɨ! Nɛ꞉mbɨa pɔngɔ ta pɛɨ, ɓɔ wa mombi ata ɓʉkaɓʉkaɨ nɔgbɛ. Wabuoko masɔɔ akɔ ɨda ngɨyɛ wɔ꞉hʉnamʉ-ɔɔ. Nɔ, wɔ꞉dyokoko lɨgbɛɨ akɔ ɨda ngɨyɛ wa꞉gbɨnyamʉ-ɔɔ pumo. 25Kʉdɔ, na꞉kwa pɨ ɨmɨ tɨa ʉɓá, nɔ꞉sa anaya agyɛgyɛ ngɨasɔɔ, aɨsɨ ɔ ɨtaka. Ɛɛ, ɨyɔ tɨa kʉ ɨya! Mʉsɨka sɨkanɨ.›
26Ga makwangɔ nayɔ ɓɔ: ‹Wa mombi ɔ tɛa ata ɓɨɓɨ, nɔ adɔɓa ɔngɔ! Sɨ wɛ꞉mbɨa pɔngɔ ɨmbɨanɨ ɓɔ nabuoko aɨda ngɨyɛ nɔ꞉hʉnamʉ-ɔɔ, nɔ, dyokoko akɔ ɨda ngɨyɛ nɔ꞉gbɨnyamʉ-ɔɔ, 27tɨa ayaka yɛmanɨ ɨyɛ, wa꞉samʉ pɔngɔ-ɔɔ anapɨa agyɛgyɛ ngɨasɛmɨ amati ɔ bakɨ? Adaa ngɨa ɓɔ nɔtɔweni, nɔ꞊sa nayɔ achwɛiso, ɨhɔ tɨa kʉ nɔ dada ɔngɔ. 28Ɨnɛɛ! Mʉhɨnɨeni agyɛgyɛ ngɨananɨ, nɔ, nɔ́minjo mombi ngɨa anaɓɔ tɛkɛɓɛ.
29Dɔ, akɔ mombi ngɨa anɔ ɨkyɛmʉ, ɓa꞊mʉmatɨa sungo yɔmɔ kʉ ananɨ akʉʉ ɔngɔ, ɛ꞊ka nɔ ikesi tɨa ɨja. Yakamɛngana, mombi ngɨa angɔmʉ nɔ ɨkyɛmʉ, ɓa꞊mʉhɨnɨa sina kʉ nɔ ɓʉbele ngʉɓa a꞊ɓio naɓɔ. 30Kʉɓanɨ, mugiseni ɨkyɛmʉ yɔ mombi ɔ tɛa ata ɓʉtʉʉ ngɨa, inani aɓei, amati ɔ umomo. Inani, ya꞊ɓio ta ndɨa, nɔ, dyana menu.›
Mʉkɔmbʉ wɔ mupipio
31Angbinga ngɨa Mwana ngɨyɔ Mombi ɛ꞊ka sina-ɔɔ, amati ɔ ʉbɨba ngʉwangɔ, ɨhɔ nɔ ɓamalaika ɓaɓomu, a꞊wolo sina aɨda yɔ Ɓʉngama ngʉɓangɔ ɓɔ ʉbɨba. 32Mababa kɔ ɓombi maɓomu, ɓa꞊mɔmanakɨa sina, ananɨ apɛɨ angɔ. Nɔ, ɔ꞊ɓʉnagbonyoko ngbanga ndʉ ɨyɛ mʉpɛmakɨa anagbonyoko-ɔɔ ɓamɛmɛ nɔ ɓakɔndɔlɔ. 33A꞊napɨa sina ɓakɔndɔlɔ nɔ ɨkɔndɔ yɔ gue ɔngɔ, nɔ ɓamɛmɛ nɔ ɨyɛ aɗeku.
34Kʉdɔ, ngama a꞊sigio sina ʉɓa ɓa꞊ɓio aɨkɔndɔ yɔ gue ɔngɔ ɓɔ: ‹Ikeni, inu, ngʉɓa Aba a꞉nukiokio! Ikeni anɨdya mʉgyɛndʉ wɔ maɓɨɨ wɔ Ɓʉngama, ʉwa ɓa꞉nɨtambanakɨa, anɨngwa ta aka ɓa꞉kɨa-ɔɔ dɔdɔ. 35Dɔ, ɨmɨ, na꞉ɓio nɔ taa, inu, nɔ́꞉nenjo idyo. Nɔ, na꞉ɓio nɔ mʉsasa wɔ mipo, nɔ́꞉nenjo mipo ɓɔ nɨmwa. Nɔ, ɨmɨ ndʉ mɛɛka ati eno, nɔ́꞉natɛtɨa. 36Nɔ, angbinga ngɨa na꞉janga-ɔɔ lɨpʉkʉ, nɔ́꞉nenjo ɛlɔ, angbinga ngɨa na꞉kwa-ɔɔ kaɓu, nɛ́꞉ka nɛmɨ asalɨa. Nɔ, angbinga ngɨa na꞉ɓio-ɔɔ aboloko, nɛ́꞉ka nɛmɨ akanga.›
37Kʉdɔ, ɨɓɔ ɓombi ɓɔta ngbingbii, ɓa꞊mutosio sina ɓɔ: ‹Ha Makwɔɓɨɨ! Angbinga nga ino tanɨ ɨya, ta꞉nɛna-ɔɔ nɔ taa, nɔ, tɔ꞉nenjo idyo? Pɔ ɓɔ nɔ mʉsasa wɔ mipo, nɔ, tɔ꞉nenjo mipo anɨmwa? 38Nɔ, angbinga nga ino tanɨ ɨya, wa꞉ɓio-ɔɔ ndʉ mɛɛka nɔ tɔ꞉natɛtɨa? Pɔ ɓɔ, wa꞉janga-ɔɔ lɨpʉkʉ, nɔ, tɔ꞉nenjo ɛlɔ? 39Nɔ, angbinga nga ino tanɨ ɨya, ta꞉nɛna-ɔɔ nɔ kaɓu, ga pɔ aboloko, nɔ, tɛ꞉ka nɔwɛ akanga?›
40Ɨyɔ, ngama a꞊ɓutosio ɓɔ: ‹Nanenu asigio ingono ɓɔ, ngbinga muɓomu, ɨyɛ ná꞉salɨa-ɔɔ mʉngana wɔ ɓanduku ɓɔsɛmɨ ngʉɓa ɓɔta bele bele nɔgbɛ aɓɛ, ná꞉nasalɨa ɨmɨ.›
41Mbise ɔngɔ, ɨyɔ ngama a꞊sigio tɨa ʉɓa ɓa꞊ɓio sina nɔ ʉgbaa wɔ ɨkɔndɔ yɔ aɗeku ɓɔ: ‹Ʉngweni tinene nɛmɨ ta nɨngwa, inu, ngʉɓa na꞉sɨka mʉgwɛ! Seni amati ɔ dyaa ngɨyɔ mago nɔ mago. Iii! Dyaa ngɨyɛnɛnɨ, ɓa꞉ɨtambanakɨa abɨɨ, nɔ ɓamalaika ngʉɓangɔ! 42Dɔ ɨmɨ, na꞉ɓio nɔ taa, nɔ, sɔkɔmʉ nɔ́꞉nenjo idyo, nɔ, na꞉ɓio nɔ mʉsasa wɔ mipo, sɔkɔmʉ nɔ́꞉nenjo ɛkɔ. 43Nɔ, na꞉ɓio ndʉ mɛɛka ati eno, sɔkɔmʉ nɔ́꞉natɛtɨa andɛnɔ. Nɔ, angbinga ngɨa na꞉janga-ɔɔ lɨpʉkʉ, sɔkɔmʉ nɔ́꞉nenjo ɨlɔ. Nɔ, angbinga ngɨa na꞉kwiso-ɔɔ, ga pɔ na꞉ɓio aboloko, sɔkɔmʉ nɛ́꞉ka nɛmɨ akɔkanga.›
44Ɨɓɔ, ɓa꞊muɓokuo sina ɓɔ: ‹Hii Makwɔɓɨɨ! Angbinga nga ino tanɨ, ɨya wa꞉ɓio-ɔɔ nɔ taa, ga pɔ nɔ mʉsasa wɔ mipo, ga pɔ mɛɛka ati eso, ga pɔ wa꞉janga-ɔɔ lɨpʉkʉ, ga pɔ wa꞉kwiso-ɔɔ, ga pɔ ɓa꞉nafa-ɔɔ aboloko, sɔkɔmʉ tɛ꞉ka nɔwɛ asalɨa?›
45Kʉdɔ, a꞊ɓutosio ɓɔ: ‹Nanenu asigio ingono ɓɔ, angbinga muɓomu ngɨa ná꞉salɨamʉ-ɔɔ mʉngana wɔ ɓanduku ɓɔsɛmɨ ngʉɓa ɓɔta bele bele nɔgbɛ aɓɛ, ná꞉nasalɨamʉ ɨmɨ, kʉɓanɨ.›
46Ɓiga ngʉɓɔnanɨ, ɓabi sina anɨdya mʉkɔmbʉ ngʉwɔ mago nɔ mago. Yakamɛngana, ɓombi ɓɔta ngbingbii, ɓɔ꞊sa ɨɓɔ, tɨa kʉ amati ɔ uɓei ngʉwɔ mago nɔ mago.»
Currently Selected:
Matayɔ 25: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 25
25
Yeso enjo isisenio yɔ ɓoi tɛkɛɓɛ
1Ɓʉngama ngʉɓɔ akʉʉ ɔ ɓisi, ɓa꞊ɓio sina ngbanga ndʉ ɓasaɓakyɛ tɛkɛɓɛ, ʉɓa, ɓa꞉sɨka ɓatala ngʉɓeɓo, nɔ, ɓɔ꞉sa atɛtɨa gue ngɨa ɔ mʉsɨkana. 2Ananɨ ati eɓo, ɓɔkʉ ɓa꞉ɓio lijangijangi, nɔ ɓɔkʉ ngʉɓɔmɔ, ɓombi ɓɔ nɨmbɨmbɨanaka. 3Ʉɓa lijangijangi, ɓa꞉sɨka ɓatala ngʉɓeɓo ta ɓʉtʉʉ, sɔkɔmʉ ɓipotono nɔ mwana ɔ umbundo ngawɔmɔ. 4Yakamɛngana, ɓɔkʉ ngʉɓɔ nɨmbɨmbɨanaka, ɓa꞉sɨka ɓatala, ɨhɔ kʉ nɔ mambundo ngakɔmɔ amati ɔ ɓasupa. 5Ɨnadɔ, ɨyɔ gue ɔ mʉsɨkana, ɛ꞉kamʉ gagaa. Kʉdɔ, ɨjɛkɛ yɔɓupoto, ɨɓɔ ɓasaɓakyɛ, ga ɨɓɔ tɔɔ ɓɔ ɗɛsɛɛ.
6Tɨa ati ɔ ɓisi nɔ gʉndʉ, mombi mʉngana ɔ꞉tʉɓɨa ɓɔ: ‹Inu ʉɓa-a, gue ɔ mʉsɨkana ɛkɔ dɔ tɨa ɨkanɨ-e! Seni nayɔ akɔtɛtɨa!› 7Kʉdɔ, ɓasaɓakyɛ ngʉɓɔnanɨ ɓɔ꞉jʉkanaka, nɔ, ɓɔ꞉pʉnga tambanaka ɓatala ngʉɓeɓo.
8Ga lijangijangi nɔ ɓiga ngʉɓɔ nɨmbɨmbɨanaka ɓɔ: ‹Ɓatala nga ɓeso, ɓanibonio. Atinjeni ɓaka kʉɔ mwana ɔ umbundo.› 9Yakamɛngana, ɨɓɔ ɓɔ꞉ɓutosio ɓɔ: ‹Haa! Tɔninjeni umbundo ngʉwa tanawɔ aka, wangɔtʉndanamʉ ɓata! Seni pɨ akaya weno inani aɨda yɔ magabʉ.›
10Angbinga ngɨa, lijangijangi, la꞉ɓio-ɔɔ anɨsa akaya umbundo, ga gue ɔ mʉsɨkana ɓɔ buu. Ɓɔkʉ ngʉɓa ɓa꞉ɓio ɓɔndanɛ, ɓɔ꞉kumonio nɔ atɨ gue, amati ɔ ɨkáá yɔ ʉmbɔ wɔ mʉsɨkana, kʉdɔ, ɓɔ꞉dɨkpa umongu ga kpɛ.
11Mbise ɔngɔ, ɨɓɔ lijangijangi ngɨlɛnɛnɨ ɓɛ꞉ka. Ga ɨɓɔ ɓɔ: ‹Hii makweso! Hii makweso! Atɨganɨa ɓaka umongu!› 12Yakamɛngana, ɔ꞉ɓutosio ɓɔ: ‹Nanenu asigio ingono ɓɔ, nangɔmʉ ɨmɨ, nenu anɨmbɨa!›»
13Yeso ɔ꞉tɔɓusigio tɨa ɓɔ: «Inu-a! Pɛmanakɨeni pɛmanakɨanɨ! Dɔ, ɓisi ngʉɓɔnanɨ, nɔ angbinga ɔngɔ, nángɔmʉ anɨmbɨa.
Yeso enjo isisenio yɔ ɓombi ɓɔ tɛa ngʉɓa ɓa꞉ɓinjekio ɓagyɛgyɛ
(Luk 19:11-27)
14Yaka ngɨyɛ, yɔ Ɓʉngama ngʉɓa akʉʉ ɔ ɓisi, ya꞊ɓio sungo ngbanga, ndʉ ɨyɛ mombi ɔ lɨkyɛmʉ mʉngana a꞉ɓio-ɔɔ anɨsa kyɛnda. Pɛɨ ɔ kyɛnda, ɔ꞉ɓisoko ɓombi ɓɔ tɛa ngʉɓangɔ, nɔ ɔ꞉ɓinjekio lɨkyɛmʉ. 15A꞉ɓinjekio, mombi nɔ mombi, akpatanakɨa nɔ nɨmbɨmbɨanaka ngɨangɔ. Akɔ ɨyɔ pɛɨ, a꞉minjo ɓagyɛgyɛ ɓɔkʉ. Ɨya ɔ ɓepini, a꞉minjo ɓapɨnɨ. Ɔ꞉tɛnjo dɔ tɨa ɨyɔmɔ, agyɛgyɛ mʉngana#25:15 agyɛgyɛ mʉngana: pɔ ɓɔ agyɛgyɛ mʉngana ngɨananɨ a꞉ɓio adaa ɔ kaya ɓangɔmbɛ ɓɔkʉ. Mbise ɔngɔ, ɔ꞉sa kyɛnda ga ngo.
16Mombi ɔ tɛa ngɨa a꞉sɨka ɓagyɛgyɛ ɓɔkʉ, ɔ꞉sa naɓɔ agabanaka, nɔ ɛ꞉nɨanɨa ɓata nɔ ɓɔmɔ kʉ ɓɔkʉ. 17Gwa ngɨa a꞉sɨka ɓapɨnɨ, ɔ꞉sa ɨyɔ kʉɓanɨ, nɔ, ɛ꞉nɨanɨa ɓata kʉ nɔ ɓɔmɔ ɓapɨnɨ. 18Yakamɛngana, ɨya a꞉sɨka agyɛgyɛ mʉngana, ɔ꞉sa ɨyɔ anʉmba ta ɨtaka, nɔ, ɔ꞉tɔnaya agyɛgyɛ ngɨyɔ Makwangɔ inani asini.
19Ambise ɔ makwaa maja, ɨyɔ makwɔ ɔ lɨkyɛmʉ, ɔ꞉tɔa aki a꞉sa-ɛɛ. Kʉdɔ, a꞉ɓisoko ɨɓɔ ɓombi ɓɔ tɛa, dɔ, ɓɨpemekiso yaka yɔ ɓagyɛgyɛ ngʉɓangɔ. 20Mombi ɔ tɛa ngɨa a꞉sɨka ɓagyɛgyɛ ɓɔkʉ, ɔ꞉mɨsɨnganɨa, nɔ, ɔ꞉mʉpana ɓagyɛgyɛ ngaɓɔmɔ ɓata kʉ ɓɔkʉ. Ga ɨyɔ ɓɔ: ‹Makwasɛmɨ! Wa꞉nenjo pɔngɔ ɓagyɛgyɛ ɓɔkʉ. Ɨna ɓɔkʉ ngaɓɔmɔ, ʉɓa ɨmɨ, nɛ꞉nɨanɨa pɛ naɓɔ ʉɓɔ kwa!›
21Ga makwangɔ nayɔ ɓɔ: ‹Ya iɗo, wa mombi ɔ tɛa ata muɗo, nɔ ɨya, akyananakɨa mapanʉ! Wɔ꞉kɨɔ iɗo nɔgbɛ akɔ mwana ɔ yaka yɛta bele! Kʉɓanɨ, na꞊napɨa tɨa akanga yaka ɨja nɔgbɛ. Ika, tɨkwa ɨgyagya ɨhɔ!›
22Mombi ɔ tɛa ngɨa a꞉sɨka ɓagyɛgyɛ ɓapɨnɨ, ɛ꞉sɨngana tɨa kʉ ananɨ, ga ɨyɔ ɓɔ: ‹Makwasɛmɨ! Wa꞉nenjo pɔngɔ ɓagyɛgyɛ ɓapɨnɨ. Ɨna ɓapɨnɨ ngaɓɔmɔ, ʉɓa ɨmɨ, nɛ꞉nɨanɨa pɛ naɓɔ ʉɓɔ kwa!›
23Ga makwangɔ nayɔ ɓɔ: ‹Ya iɗo, wa mombi ɔ tɛa ata muɗo, nɔ ɨya, akyananakɨa mapanʉ! Wɔ꞉kɨɔ iɗo nɔgbɛ akɔ mwana ɔ yaka yɛta bele! Kʉɓanɨ, na꞊napɨa tɨa akanga yaka ɨja nɔgbɛ. Ika, tɨkwa ɨgyagya ɨhɔ!›
24Yɔ꞉tɛka dɔ tɨa gwa ngɨa a꞉sɨka agyɛgyɛ mʉngana. Ɨyɛ a꞉ɓɔya ɓɔ buu, ga ɨyɔ ɓɔ: ‹Makwasɛmɨ! Nɛ꞉mbɨa pɔngɔ ta pɛɨ, ɓɔ wa mombi ata ɓʉkaɓʉkaɨ nɔgbɛ. Wabuoko masɔɔ akɔ ɨda ngɨyɛ wɔ꞉hʉnamʉ-ɔɔ. Nɔ, wɔ꞉dyokoko lɨgbɛɨ akɔ ɨda ngɨyɛ wa꞉gbɨnyamʉ-ɔɔ pumo. 25Kʉdɔ, na꞉kwa pɨ ɨmɨ tɨa ʉɓá, nɔ꞉sa anaya agyɛgyɛ ngɨasɔɔ, aɨsɨ ɔ ɨtaka. Ɛɛ, ɨyɔ tɨa kʉ ɨya! Mʉsɨka sɨkanɨ.›
26Ga makwangɔ nayɔ ɓɔ: ‹Wa mombi ɔ tɛa ata ɓɨɓɨ, nɔ adɔɓa ɔngɔ! Sɨ wɛ꞉mbɨa pɔngɔ ɨmbɨanɨ ɓɔ nabuoko aɨda ngɨyɛ nɔ꞉hʉnamʉ-ɔɔ, nɔ, dyokoko akɔ ɨda ngɨyɛ nɔ꞉gbɨnyamʉ-ɔɔ, 27tɨa ayaka yɛmanɨ ɨyɛ, wa꞉samʉ pɔngɔ-ɔɔ anapɨa agyɛgyɛ ngɨasɛmɨ amati ɔ bakɨ? Adaa ngɨa ɓɔ nɔtɔweni, nɔ꞊sa nayɔ achwɛiso, ɨhɔ tɨa kʉ nɔ dada ɔngɔ. 28Ɨnɛɛ! Mʉhɨnɨeni agyɛgyɛ ngɨananɨ, nɔ, nɔ́minjo mombi ngɨa anaɓɔ tɛkɛɓɛ.
29Dɔ, akɔ mombi ngɨa anɔ ɨkyɛmʉ, ɓa꞊mʉmatɨa sungo yɔmɔ kʉ ananɨ akʉʉ ɔngɔ, ɛ꞊ka nɔ ikesi tɨa ɨja. Yakamɛngana, mombi ngɨa angɔmʉ nɔ ɨkyɛmʉ, ɓa꞊mʉhɨnɨa sina kʉ nɔ ɓʉbele ngʉɓa a꞊ɓio naɓɔ. 30Kʉɓanɨ, mugiseni ɨkyɛmʉ yɔ mombi ɔ tɛa ata ɓʉtʉʉ ngɨa, inani aɓei, amati ɔ umomo. Inani, ya꞊ɓio ta ndɨa, nɔ, dyana menu.›
Mʉkɔmbʉ wɔ mupipio
31Angbinga ngɨa Mwana ngɨyɔ Mombi ɛ꞊ka sina-ɔɔ, amati ɔ ʉbɨba ngʉwangɔ, ɨhɔ nɔ ɓamalaika ɓaɓomu, a꞊wolo sina aɨda yɔ Ɓʉngama ngʉɓangɔ ɓɔ ʉbɨba. 32Mababa kɔ ɓombi maɓomu, ɓa꞊mɔmanakɨa sina, ananɨ apɛɨ angɔ. Nɔ, ɔ꞊ɓʉnagbonyoko ngbanga ndʉ ɨyɛ mʉpɛmakɨa anagbonyoko-ɔɔ ɓamɛmɛ nɔ ɓakɔndɔlɔ. 33A꞊napɨa sina ɓakɔndɔlɔ nɔ ɨkɔndɔ yɔ gue ɔngɔ, nɔ ɓamɛmɛ nɔ ɨyɛ aɗeku.
34Kʉdɔ, ngama a꞊sigio sina ʉɓa ɓa꞊ɓio aɨkɔndɔ yɔ gue ɔngɔ ɓɔ: ‹Ikeni, inu, ngʉɓa Aba a꞉nukiokio! Ikeni anɨdya mʉgyɛndʉ wɔ maɓɨɨ wɔ Ɓʉngama, ʉwa ɓa꞉nɨtambanakɨa, anɨngwa ta aka ɓa꞉kɨa-ɔɔ dɔdɔ. 35Dɔ, ɨmɨ, na꞉ɓio nɔ taa, inu, nɔ́꞉nenjo idyo. Nɔ, na꞉ɓio nɔ mʉsasa wɔ mipo, nɔ́꞉nenjo mipo ɓɔ nɨmwa. Nɔ, ɨmɨ ndʉ mɛɛka ati eno, nɔ́꞉natɛtɨa. 36Nɔ, angbinga ngɨa na꞉janga-ɔɔ lɨpʉkʉ, nɔ́꞉nenjo ɛlɔ, angbinga ngɨa na꞉kwa-ɔɔ kaɓu, nɛ́꞉ka nɛmɨ asalɨa. Nɔ, angbinga ngɨa na꞉ɓio-ɔɔ aboloko, nɛ́꞉ka nɛmɨ akanga.›
37Kʉdɔ, ɨɓɔ ɓombi ɓɔta ngbingbii, ɓa꞊mutosio sina ɓɔ: ‹Ha Makwɔɓɨɨ! Angbinga nga ino tanɨ ɨya, ta꞉nɛna-ɔɔ nɔ taa, nɔ, tɔ꞉nenjo idyo? Pɔ ɓɔ nɔ mʉsasa wɔ mipo, nɔ, tɔ꞉nenjo mipo anɨmwa? 38Nɔ, angbinga nga ino tanɨ ɨya, wa꞉ɓio-ɔɔ ndʉ mɛɛka nɔ tɔ꞉natɛtɨa? Pɔ ɓɔ, wa꞉janga-ɔɔ lɨpʉkʉ, nɔ, tɔ꞉nenjo ɛlɔ? 39Nɔ, angbinga nga ino tanɨ ɨya, ta꞉nɛna-ɔɔ nɔ kaɓu, ga pɔ aboloko, nɔ, tɛ꞉ka nɔwɛ akanga?›
40Ɨyɔ, ngama a꞊ɓutosio ɓɔ: ‹Nanenu asigio ingono ɓɔ, ngbinga muɓomu, ɨyɛ ná꞉salɨa-ɔɔ mʉngana wɔ ɓanduku ɓɔsɛmɨ ngʉɓa ɓɔta bele bele nɔgbɛ aɓɛ, ná꞉nasalɨa ɨmɨ.›
41Mbise ɔngɔ, ɨyɔ ngama a꞊sigio tɨa ʉɓa ɓa꞊ɓio sina nɔ ʉgbaa wɔ ɨkɔndɔ yɔ aɗeku ɓɔ: ‹Ʉngweni tinene nɛmɨ ta nɨngwa, inu, ngʉɓa na꞉sɨka mʉgwɛ! Seni amati ɔ dyaa ngɨyɔ mago nɔ mago. Iii! Dyaa ngɨyɛnɛnɨ, ɓa꞉ɨtambanakɨa abɨɨ, nɔ ɓamalaika ngʉɓangɔ! 42Dɔ ɨmɨ, na꞉ɓio nɔ taa, nɔ, sɔkɔmʉ nɔ́꞉nenjo idyo, nɔ, na꞉ɓio nɔ mʉsasa wɔ mipo, sɔkɔmʉ nɔ́꞉nenjo ɛkɔ. 43Nɔ, na꞉ɓio ndʉ mɛɛka ati eno, sɔkɔmʉ nɔ́꞉natɛtɨa andɛnɔ. Nɔ, angbinga ngɨa na꞉janga-ɔɔ lɨpʉkʉ, sɔkɔmʉ nɔ́꞉nenjo ɨlɔ. Nɔ, angbinga ngɨa na꞉kwiso-ɔɔ, ga pɔ na꞉ɓio aboloko, sɔkɔmʉ nɛ́꞉ka nɛmɨ akɔkanga.›
44Ɨɓɔ, ɓa꞊muɓokuo sina ɓɔ: ‹Hii Makwɔɓɨɨ! Angbinga nga ino tanɨ, ɨya wa꞉ɓio-ɔɔ nɔ taa, ga pɔ nɔ mʉsasa wɔ mipo, ga pɔ mɛɛka ati eso, ga pɔ wa꞉janga-ɔɔ lɨpʉkʉ, ga pɔ wa꞉kwiso-ɔɔ, ga pɔ ɓa꞉nafa-ɔɔ aboloko, sɔkɔmʉ tɛ꞉ka nɔwɛ asalɨa?›
45Kʉdɔ, a꞊ɓutosio ɓɔ: ‹Nanenu asigio ingono ɓɔ, angbinga muɓomu ngɨa ná꞉salɨamʉ-ɔɔ mʉngana wɔ ɓanduku ɓɔsɛmɨ ngʉɓa ɓɔta bele bele nɔgbɛ aɓɛ, ná꞉nasalɨamʉ ɨmɨ, kʉɓanɨ.›
46Ɓiga ngʉɓɔnanɨ, ɓabi sina anɨdya mʉkɔmbʉ ngʉwɔ mago nɔ mago. Yakamɛngana, ɓombi ɓɔta ngbingbii, ɓɔ꞊sa ɨɓɔ, tɨa kʉ amati ɔ uɓei ngʉwɔ mago nɔ mago.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.