Matayɔ 23
23
Yeso ɔpanɨɔ akʉʉ ɔ ɓapananakɨa ɓɔ mapanʉ nɔ Ɓafalisayɔ
(Mlk 12:38-40; Luk 11:39-44,46-52; 20:45-47)
1Kʉdɔ, Yeso a꞉sigio ambaja wɔ ɓombi, ɨhɔ nɔ ɓakpata ngʉɓangɔ ɓɔ: 2«Ɓapananakɨa ɓɔ mapanʉ, nɔ Ɓafalisayɔ, tɛa ngɨyeɓo, ya panɨa ɓombi mapanʉ ngʉkɔ Musa. 3Ʉkeni mapanʉ ngʉkeɓo ʉkanɨ, nɔ, nɔ́kʉkyananakɨa.
Yakamɛngana, nátɨkpatakamʉ mʉkyananakɨa ngʉweɓo. Dɔ, yaka ngɨyɛ ɓanenu apanɨa, ɨɓɔ ɓakwɔɓɔngɔ ɓangɔmʉ akɨa. 4Ɓamayakɨa ɓombi litumo lɨta ɓuto ɓuto, nɔ, ɓɔɓutumbiso ɨlɔ amapaka. Yakamɛngana, ɨɓɔ ɓakwɔɓɔngɔ, ɓangɔmʉ adaa ngɨa ɓalɨpoto-ɔɔ gʉtʉ ta nɔ kpɛngbɛ.
5Yaka iɓomu ngɨyɛ ɓakɨa, ya ingainga ta akʉʉ ɔ panana apɛɨ ɔ ɓombi. Ɓanamanganaka magbaa kʉ lɨpʉkʉ a ɨtʉkʉ, ga pɔ amakamba, ʉka, ɓatɛndakɨa-ɔɔ migenge nganangana ngɨyɔ Ɨsaʉ yɔ Asɔɓɨɨ. Ɓɔkɨa ɓangbaya ɓɔ ɓakoti ngʉɓeɓo ɓata ɓata, akɔpananiso ɓɔ Asɔɓɨɨ a꞉ɓʉchwa. 6Akɔ ɓisi ɓɔ ʉmbɔ wɔta ʉja, ɓakʉnda nɔgbɛ awolo nɔ ʉbɨba akɔ mawolo ngʉkɔ pɛɨ. Nɔ, ɓɔwoloko akɔ ʉka, kɔta manjanja, amati ɔ lɨkáá lɔ nɨta ngɨleɓo. 7Ɨɓɔ, ɓakʉnda nɔgbɛ ɓɔ ɓɨɓuɓokuo nɔ ʉbɨba asɔkɔ. Nɔ, ɓɔɓio naɓɔ anɨsoko ɓɔ ‹Mʉpananakɨa!›.
8Yakamɛngana, inu, nátɨbayamʉ ɓɔ ɓiɓio nenu akɔɓokuo ɓɔ ‹Mʉpananakɨa!›. Dɔ inu, nánɔ Mʉpananakɨa ta mʉngana. Nɔ, ná ɓaɓomu ta ɓanduku. 9Nɔ, yatiɓiomʉ nɔ mombi ngɨa amati ɔ dɔdɔ aka, ɨya námisoko ɓɔ ‹Aba!› Dɔ, nánɔ Atɔ eno ta mʉngana, ɨya a akʉʉ ɔ ɓisi. 10Nɔ, nátɨbayamʉ ɓɔ ɓinisoko ɓɔ ‹Ngama!› Dɔ, ngama ngɨyeno ya ta Klisito nangana.
11Mutatamusie ati eno, iɓio mombi ɔ tɛa eno. 12Nɔ, ndʉ mombi asɨkana ndʉ mombi ata mʉja, Asɔɓɨɨ a꞊mudiso nɔ mʉdʉʉ. Yakamɛngana, mombi ngɨa adisoniso nɔ mʉdʉʉ, Asɔɓɨɨ a꞊mʉtʉmba nɔ ɨkʉʉ.
13Ikoko akɔ inu, ɓapananakɨa ɓɔ mapanʉ, nɔ Ɓafalisayɔ ɓombi ɓɔ pɛtanaka! Inu, nádikpakɨa ɓombi umongu ngʉwɔ kumonio amati ɔ Ɓʉngama ngʉɓɔ akʉʉ ɔ ɓisi! Inu ɓakwɔɓɔngɔ, nangɔkumonio kʉɓanɨ, nɔ ɓombi ngʉɓa ɓaɓio ahata akumonio, nangɔmʉ naɓo asɨa akumonio kʉɓanɨ.
14[Ikoko nɔ inu ɓapananakɨa ɓɔ mapanʉ, nɔ Ɓafalisayɔ, ɓombi ɓɔ pɛtanaka! Nákyɔhɨnɨa ɓawoko lɨkyɛmʉ ngɨleɓo ta liɓomu. Nɔ, ɨngbaa akɔpanana, nɨta ngɨyeno yɔɓio ɨta ɨta. Kʉɓanɨ, ɓa꞊kio sina mʉkɔmbʉ ngʉweno ɓʉkaɨ nɔgbɛ.]
15Ikoko nenu ɓapananakɨa ɓɔ mapanʉ, nɔ Ɓafalisayɔ, ɓombi ɓɔ pɛtanaka! Nákyɔsa nɔgbɛ amati ɔ lɨkʉmbʉ lɛta ɗu ɗu ɗu, gʉtʉ ta amati ɔ ipuu yɛta ɨja, dɔ, nɨ́nɨnɨa nɔ mombi mʉngana, ɨya, abaya ɨtandɛ ngɨyeno. Nɔ, angbinga ngɨa nɛ́nɨanɨa-ɔɔ nayɔ, nɔ́mʉnataniso mombi ɔ nɨsa adyaa machaa kapɛnɨ, nenu achana.
16Ikoko akɔ inu ɓombi ɓɔ mamɔmɔ, ga ɓangama! Inu ngʉɓa, nákyɔsugo ga mombi ɔkieni silika akɔ ino yɔ ɨkáá yɔ Asɔɓɨɨ, ɨyɛnɛnɨ yangɔmʉ nɔ yaka. Yakamɛngana, ndʉ akio silika akɔ ino yɔ ɔlɔ ngɨa ɓa꞉muɓoso inani aɨkáá yɔ Asɔɓɨɨ, yɔsisekio ɓɔ ɨkyananakɨa silika ngɨananɨ angɔ kyananakɨanɨ. 17Inu lijangi, nɔ ɓombi ɓɔ mamɔmɔ! Tɨa ɨmanɨ ya nɔ ɨjangɨa nɔgbɛ, achana mangɛ? Ga pɔ ɔlɔ ngɨa a inani aɨkáá yɔ Asɔɓɨɨ, ga pɔ ɨkáá ingainga, ɨyɛ yakɨa ɓɔ ɔlɔ iɓio tu?
18Nákyɔsugo kʉ ɓɔ: ‹Ndʉ mombi akio silika akɔ ino yɔ gbɔ́gbɔ ɔ mutebii, ɨyɛnɛnɨ yangɔmʉ ɨkyɛmʉ. Yakamɛngana, ndʉ akio akɔ ino yɔ apɛpɛ ingainga ngɨa ananɨ akʉʉ ɔ gbɔ́gbɔ, yɔsisekio ɓɔ ɨkyananakɨa silika ngɨananɨ angɔ kyananakɨanɨ.› 19Inu, ɓombi ɓɔ mamɔmɔ! Ɨmanɨ yanɔ ɨjangɨa achana mangɛ? Ga mutebii, ga pɔ gbɔ́gbɔ ɔ mutebii ngɨa akɨa ɓɔ mutebii wiɓio tu. 20Kʉɓanɨ, mombi ngɨa akɔkio silika akɔ ino yɔ gbɔ́gbɔ ɔ mutebii, akɔkio tɨa kʉ akɔ ino yɔ ɨkyɛmʉ iɓomu ngɨyɛ, ya ananɨ akʉʉ ɔngɔ.
21Mombi ngɨa akɔkio silika akɔ ino yɔ ɨkáá yɔ Asɔɓɨɨ, a kʉ akɔkio akɔ ino yɔ Asɔɓɨɨ ingainga, ɨya, a inani amati ɔngɔ. 22Nɔ, angbinga ngɨa mombi ɔkio-ɔɔ silika akɔ ino yɔ ɓisi, ɔkio tɨa kʉ akɔ ino yɔ kiti ɔ Ɓʉngama ngʉɓa Asɔɓɨɨ, nɔ, ɓata tɨa kʉ akɔ ino yɔ mombi ngɨa, aɓawele ananɨ akʉʉ ɔngɔ.
23Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Náninjo Asɔɓɨɨ mʉngana wɔ tɛkɛɓɛ ɔ ɓana ɓɔ lɨgbɛɨ lɨta mvo tɨpɨ. Yakamɛngana, nɔsɨa yaka ngɨyɛ, yanɔ ɨjangɨa nɔgbɛ amati ɔ mapanʉ. Ɨnadɔ, yaka ngɨyɛ nɔ́kwananɔ pɛngɛ kɨa, ya ɓio ngbingbii anɨnɨa ɓombi ikoko, nɔ ingono. Yakamɛngana, sɔkɔmʉ nɔ́ɓʉsaa ɨyɛmɔ kʉɓanɨ. 24Inu, ɓombi ɓɔ mamɔmɔ, ga ɓangama! Náchwʉchwakiso ɓasuu amati ɔ mipo kɔta mamwɛ, yakamɛngana, nɔ́mio nama ata mʉja ndʉ ngamɨa ta mio!
25Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Nákyɔjaɓa inu, ʉpata, nɔ sanɨ ɔ papa ta aɓei ɔngɔ. Yakamɛngana, amati ɔngɔ, ta lɨkyɛmʉ lɔ ndiɓo, nɔ mʉsasa wɔta ɓɨɓɨ uhue ɓɔ kyɛɛ. 26Mombi ɔ mamɔmɔ, ga Mʉfalisayɔ! Jaɓa-sɨ ʉpata amati ɔngɔ, kʉdɔ, ɓei ɔngɔ a꞊jaɓanɨa tɨa kʉ iɗo ɓɔ ngwa!
27Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Ná ndʉ manjaʉ ngʉka ɓakʉɗɛa nɔ mʉngbɔndɔ wɔta tu, Ambenigɔ ɓɔ pe, inani amati ɔngɔ, ta maho kɔ mɨnda, ɨhɔ nɔ migbo yɔ mʉsʉgʉ di di di, ihue ɓɔ kyɛɛ. 28Inu, na ngbanga ta ɓanɨ, amesu kɔ ɓombi, nɛ́nɨa ndʉ ɓombi ɓɔ ingono. Yakamɛngana, amati eno, náɓahuwe nɔ pɛtanaka, ɨhɔ kʉ nɔ ɓʉɓɨɓɨ.
29Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Nákyotuɓoko manjaʉ kɔ magbɛ, nɔ, ʉka kɔ ɓombi ɓɔta ngbingbii apɛɨ ɔ Asɔɓɨɨ, nɔ́kʉtambanaka iɗo ɓɔ ngwa. 30Nɔ́ɓio asugo ɓɔ: ‹Tɔ꞉ɓieni jɛnɛ akɔ angbinga ngɨa ɓakuku ngʉɓeso ɓa꞉njɨlakiso-ɔɔ menike kɔ magbɛ, ambɔ isu, ta꞉ɓiomʉ amati ɔ idimi yɔngɔ, naɓɔ amaa.› 31Inu, ingainga nákyɔɓɛndana ɨgʉngʉ, ga ná ɓanɔnɔ ɓɔ ɓague ngʉɓɔnanɨ ɓa꞉maa magbɛ! 32Kʉɓanɨ, yaka ngɨyɛ ɓatʉngwanʉ ɓeno ɓa꞉pʉnga, tɨa inu, ɨsɨnganakiseni, nɔ, nɔɨpipiso!
33Inu, ná ɓɨɓɨ ndʉ ɓasɨɨ! Mʉkɔmbʉ ngʉwɔ nɨsa amati ɔ dyaa yɔ mago nɔ mago, náʉhɛngʉa-sɨ nɔ ɨngbaa nga yɛno tanɨ? 34Kʉɓanɨ, pɛmanɨeni, ná꞊nɨtʉmɨa sʉo magbɛ, nɔ ɓombi ɓɔ nɨmbɨmbɨanaka, nɔ ɓapananakɨa ɓɔ mapanʉ. Ɓɔmɔ ati eɓo, ná꞊ɓʉmaa, nɔ, naɓɔ aɓakaka akʉʉ ɔ mʉsalaba. Nɔ, ɓɔmɔ ɓata nɔ́꞊ɓʉɓɛnda pimbo amatɨ ɔ lɨkáá lɔ nɨta ngɨleno, nɔ, nɔ́ɓʉkpʉngbʉa amati ɔ ɓagʉlʉ ta ɓaɓomu. 35Kʉdɔ, inu ingainga akɛ, nápakaa mʉkɔmbʉ wɔ menike kɔ ɓombi ɓaɓomu ngʉɓa ɓa꞉ɓʉmaa akɔ dɔdɔ, ta ɓʉtʉʉ, anɨngwa akɔ Abɛlɨ, akɔɓɔya akɔ Jakalɨa, mwana ɔ Balakɨa, ɨya, ná꞉mʉwa#23:35 ná꞉mʉwa: amati ɔ Mabii kɔta Tu, Abɛlɨ a ndʉ mutebii wɔ mombi ngɨa ɓa꞉mʉwa apɛɨ, nɔ, ɨya ɓa꞉mʉwa amupipio ɓɔ gbu, ya꞉ɓio ɨgbɛ Jakalɨa, popoko Mʉkp 4:8; 2Mas 24:20-22 amati ɔ ɨkáá yɔ Asɔɓɨɨ, akʉʉ ɔ gbɔ́gbɔ ɔ mutebii. 36Nanenu asigio ingono ɓɔ, mʉkɔmbʉ wɔ yaka ngɨyɛnɛnɨ iɓomu, wɔmanɔ nenu anɨkwɨa tɨta inu!
Yeso anɨdya ikoko akʉʉ ɔ Yelusalɛma
(Luk 13:34-35)
37Hii Yelusalɛma, hii Yelusalɛma! Ʉwɛ ngɨa wamaa magbɛ! Nɔ, angbinga ngɨa ɓanɨtʉmɨa-ɔɔ ɓatitima, nɔ́ɓʉmaa, kʉ nɔ ɓɛnda nɔ makopi. Ɨnadɔ, ɨmɨ, na꞉kanio kanioni nenu akɔmɔmaka, ngbanga ndʉ ɨyɛ kɔɓɔ amɔmaka-ɔɔ ɓana ɓangɔ amati ɔ mapapandʉa ngʉkangɔ. Yakamɛngana, nɔ́yaa ta yaa! 38Ɛɛ, pɛmanɨeni dɔ! Ɨkʉmbʉ ngɨyeno yɔmanɔ anɨka tɨta maɓɨɨ. 39Nanenu asigio ɓɔ, anɨngwa ɨtakɨtakɨ ngɨyɛ, ná꞊ngɔnɛna tii ɓata, akɔɓɔya ta angbinga ngɨa násugo-ɔɔ, ɓɔ: ‹Makwɔɓɨɨ, ɨkiokio mombi ngɨa anɨka akɔ ino ngɨangɔ ukiokioni!›»#popoko Mmb 118:26
Currently Selected:
Matayɔ 23: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 23
23
Yeso ɔpanɨɔ akʉʉ ɔ ɓapananakɨa ɓɔ mapanʉ nɔ Ɓafalisayɔ
(Mlk 12:38-40; Luk 11:39-44,46-52; 20:45-47)
1Kʉdɔ, Yeso a꞉sigio ambaja wɔ ɓombi, ɨhɔ nɔ ɓakpata ngʉɓangɔ ɓɔ: 2«Ɓapananakɨa ɓɔ mapanʉ, nɔ Ɓafalisayɔ, tɛa ngɨyeɓo, ya panɨa ɓombi mapanʉ ngʉkɔ Musa. 3Ʉkeni mapanʉ ngʉkeɓo ʉkanɨ, nɔ, nɔ́kʉkyananakɨa.
Yakamɛngana, nátɨkpatakamʉ mʉkyananakɨa ngʉweɓo. Dɔ, yaka ngɨyɛ ɓanenu apanɨa, ɨɓɔ ɓakwɔɓɔngɔ ɓangɔmʉ akɨa. 4Ɓamayakɨa ɓombi litumo lɨta ɓuto ɓuto, nɔ, ɓɔɓutumbiso ɨlɔ amapaka. Yakamɛngana, ɨɓɔ ɓakwɔɓɔngɔ, ɓangɔmʉ adaa ngɨa ɓalɨpoto-ɔɔ gʉtʉ ta nɔ kpɛngbɛ.
5Yaka iɓomu ngɨyɛ ɓakɨa, ya ingainga ta akʉʉ ɔ panana apɛɨ ɔ ɓombi. Ɓanamanganaka magbaa kʉ lɨpʉkʉ a ɨtʉkʉ, ga pɔ amakamba, ʉka, ɓatɛndakɨa-ɔɔ migenge nganangana ngɨyɔ Ɨsaʉ yɔ Asɔɓɨɨ. Ɓɔkɨa ɓangbaya ɓɔ ɓakoti ngʉɓeɓo ɓata ɓata, akɔpananiso ɓɔ Asɔɓɨɨ a꞉ɓʉchwa. 6Akɔ ɓisi ɓɔ ʉmbɔ wɔta ʉja, ɓakʉnda nɔgbɛ awolo nɔ ʉbɨba akɔ mawolo ngʉkɔ pɛɨ. Nɔ, ɓɔwoloko akɔ ʉka, kɔta manjanja, amati ɔ lɨkáá lɔ nɨta ngɨleɓo. 7Ɨɓɔ, ɓakʉnda nɔgbɛ ɓɔ ɓɨɓuɓokuo nɔ ʉbɨba asɔkɔ. Nɔ, ɓɔɓio naɓɔ anɨsoko ɓɔ ‹Mʉpananakɨa!›.
8Yakamɛngana, inu, nátɨbayamʉ ɓɔ ɓiɓio nenu akɔɓokuo ɓɔ ‹Mʉpananakɨa!›. Dɔ inu, nánɔ Mʉpananakɨa ta mʉngana. Nɔ, ná ɓaɓomu ta ɓanduku. 9Nɔ, yatiɓiomʉ nɔ mombi ngɨa amati ɔ dɔdɔ aka, ɨya námisoko ɓɔ ‹Aba!› Dɔ, nánɔ Atɔ eno ta mʉngana, ɨya a akʉʉ ɔ ɓisi. 10Nɔ, nátɨbayamʉ ɓɔ ɓinisoko ɓɔ ‹Ngama!› Dɔ, ngama ngɨyeno ya ta Klisito nangana.
11Mutatamusie ati eno, iɓio mombi ɔ tɛa eno. 12Nɔ, ndʉ mombi asɨkana ndʉ mombi ata mʉja, Asɔɓɨɨ a꞊mudiso nɔ mʉdʉʉ. Yakamɛngana, mombi ngɨa adisoniso nɔ mʉdʉʉ, Asɔɓɨɨ a꞊mʉtʉmba nɔ ɨkʉʉ.
13Ikoko akɔ inu, ɓapananakɨa ɓɔ mapanʉ, nɔ Ɓafalisayɔ ɓombi ɓɔ pɛtanaka! Inu, nádikpakɨa ɓombi umongu ngʉwɔ kumonio amati ɔ Ɓʉngama ngʉɓɔ akʉʉ ɔ ɓisi! Inu ɓakwɔɓɔngɔ, nangɔkumonio kʉɓanɨ, nɔ ɓombi ngʉɓa ɓaɓio ahata akumonio, nangɔmʉ naɓo asɨa akumonio kʉɓanɨ.
14[Ikoko nɔ inu ɓapananakɨa ɓɔ mapanʉ, nɔ Ɓafalisayɔ, ɓombi ɓɔ pɛtanaka! Nákyɔhɨnɨa ɓawoko lɨkyɛmʉ ngɨleɓo ta liɓomu. Nɔ, ɨngbaa akɔpanana, nɨta ngɨyeno yɔɓio ɨta ɨta. Kʉɓanɨ, ɓa꞊kio sina mʉkɔmbʉ ngʉweno ɓʉkaɨ nɔgbɛ.]
15Ikoko nenu ɓapananakɨa ɓɔ mapanʉ, nɔ Ɓafalisayɔ, ɓombi ɓɔ pɛtanaka! Nákyɔsa nɔgbɛ amati ɔ lɨkʉmbʉ lɛta ɗu ɗu ɗu, gʉtʉ ta amati ɔ ipuu yɛta ɨja, dɔ, nɨ́nɨnɨa nɔ mombi mʉngana, ɨya, abaya ɨtandɛ ngɨyeno. Nɔ, angbinga ngɨa nɛ́nɨanɨa-ɔɔ nayɔ, nɔ́mʉnataniso mombi ɔ nɨsa adyaa machaa kapɛnɨ, nenu achana.
16Ikoko akɔ inu ɓombi ɓɔ mamɔmɔ, ga ɓangama! Inu ngʉɓa, nákyɔsugo ga mombi ɔkieni silika akɔ ino yɔ ɨkáá yɔ Asɔɓɨɨ, ɨyɛnɛnɨ yangɔmʉ nɔ yaka. Yakamɛngana, ndʉ akio silika akɔ ino yɔ ɔlɔ ngɨa ɓa꞉muɓoso inani aɨkáá yɔ Asɔɓɨɨ, yɔsisekio ɓɔ ɨkyananakɨa silika ngɨananɨ angɔ kyananakɨanɨ. 17Inu lijangi, nɔ ɓombi ɓɔ mamɔmɔ! Tɨa ɨmanɨ ya nɔ ɨjangɨa nɔgbɛ, achana mangɛ? Ga pɔ ɔlɔ ngɨa a inani aɨkáá yɔ Asɔɓɨɨ, ga pɔ ɨkáá ingainga, ɨyɛ yakɨa ɓɔ ɔlɔ iɓio tu?
18Nákyɔsugo kʉ ɓɔ: ‹Ndʉ mombi akio silika akɔ ino yɔ gbɔ́gbɔ ɔ mutebii, ɨyɛnɛnɨ yangɔmʉ ɨkyɛmʉ. Yakamɛngana, ndʉ akio akɔ ino yɔ apɛpɛ ingainga ngɨa ananɨ akʉʉ ɔ gbɔ́gbɔ, yɔsisekio ɓɔ ɨkyananakɨa silika ngɨananɨ angɔ kyananakɨanɨ.› 19Inu, ɓombi ɓɔ mamɔmɔ! Ɨmanɨ yanɔ ɨjangɨa achana mangɛ? Ga mutebii, ga pɔ gbɔ́gbɔ ɔ mutebii ngɨa akɨa ɓɔ mutebii wiɓio tu. 20Kʉɓanɨ, mombi ngɨa akɔkio silika akɔ ino yɔ gbɔ́gbɔ ɔ mutebii, akɔkio tɨa kʉ akɔ ino yɔ ɨkyɛmʉ iɓomu ngɨyɛ, ya ananɨ akʉʉ ɔngɔ.
21Mombi ngɨa akɔkio silika akɔ ino yɔ ɨkáá yɔ Asɔɓɨɨ, a kʉ akɔkio akɔ ino yɔ Asɔɓɨɨ ingainga, ɨya, a inani amati ɔngɔ. 22Nɔ, angbinga ngɨa mombi ɔkio-ɔɔ silika akɔ ino yɔ ɓisi, ɔkio tɨa kʉ akɔ ino yɔ kiti ɔ Ɓʉngama ngʉɓa Asɔɓɨɨ, nɔ, ɓata tɨa kʉ akɔ ino yɔ mombi ngɨa, aɓawele ananɨ akʉʉ ɔngɔ.
23Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Náninjo Asɔɓɨɨ mʉngana wɔ tɛkɛɓɛ ɔ ɓana ɓɔ lɨgbɛɨ lɨta mvo tɨpɨ. Yakamɛngana, nɔsɨa yaka ngɨyɛ, yanɔ ɨjangɨa nɔgbɛ amati ɔ mapanʉ. Ɨnadɔ, yaka ngɨyɛ nɔ́kwananɔ pɛngɛ kɨa, ya ɓio ngbingbii anɨnɨa ɓombi ikoko, nɔ ingono. Yakamɛngana, sɔkɔmʉ nɔ́ɓʉsaa ɨyɛmɔ kʉɓanɨ. 24Inu, ɓombi ɓɔ mamɔmɔ, ga ɓangama! Náchwʉchwakiso ɓasuu amati ɔ mipo kɔta mamwɛ, yakamɛngana, nɔ́mio nama ata mʉja ndʉ ngamɨa ta mio!
25Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Nákyɔjaɓa inu, ʉpata, nɔ sanɨ ɔ papa ta aɓei ɔngɔ. Yakamɛngana, amati ɔngɔ, ta lɨkyɛmʉ lɔ ndiɓo, nɔ mʉsasa wɔta ɓɨɓɨ uhue ɓɔ kyɛɛ. 26Mombi ɔ mamɔmɔ, ga Mʉfalisayɔ! Jaɓa-sɨ ʉpata amati ɔngɔ, kʉdɔ, ɓei ɔngɔ a꞊jaɓanɨa tɨa kʉ iɗo ɓɔ ngwa!
27Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Ná ndʉ manjaʉ ngʉka ɓakʉɗɛa nɔ mʉngbɔndɔ wɔta tu, Ambenigɔ ɓɔ pe, inani amati ɔngɔ, ta maho kɔ mɨnda, ɨhɔ nɔ migbo yɔ mʉsʉgʉ di di di, ihue ɓɔ kyɛɛ. 28Inu, na ngbanga ta ɓanɨ, amesu kɔ ɓombi, nɛ́nɨa ndʉ ɓombi ɓɔ ingono. Yakamɛngana, amati eno, náɓahuwe nɔ pɛtanaka, ɨhɔ kʉ nɔ ɓʉɓɨɓɨ.
29Ikoko nenu, ɓapananakɨa ɓɔ mapanʉ nɔ Ɓafalisayɔ, ɓombi ɓɔ pɛtanaka! Nákyotuɓoko manjaʉ kɔ magbɛ, nɔ, ʉka kɔ ɓombi ɓɔta ngbingbii apɛɨ ɔ Asɔɓɨɨ, nɔ́kʉtambanaka iɗo ɓɔ ngwa. 30Nɔ́ɓio asugo ɓɔ: ‹Tɔ꞉ɓieni jɛnɛ akɔ angbinga ngɨa ɓakuku ngʉɓeso ɓa꞉njɨlakiso-ɔɔ menike kɔ magbɛ, ambɔ isu, ta꞉ɓiomʉ amati ɔ idimi yɔngɔ, naɓɔ amaa.› 31Inu, ingainga nákyɔɓɛndana ɨgʉngʉ, ga ná ɓanɔnɔ ɓɔ ɓague ngʉɓɔnanɨ ɓa꞉maa magbɛ! 32Kʉɓanɨ, yaka ngɨyɛ ɓatʉngwanʉ ɓeno ɓa꞉pʉnga, tɨa inu, ɨsɨnganakiseni, nɔ, nɔɨpipiso!
33Inu, ná ɓɨɓɨ ndʉ ɓasɨɨ! Mʉkɔmbʉ ngʉwɔ nɨsa amati ɔ dyaa yɔ mago nɔ mago, náʉhɛngʉa-sɨ nɔ ɨngbaa nga yɛno tanɨ? 34Kʉɓanɨ, pɛmanɨeni, ná꞊nɨtʉmɨa sʉo magbɛ, nɔ ɓombi ɓɔ nɨmbɨmbɨanaka, nɔ ɓapananakɨa ɓɔ mapanʉ. Ɓɔmɔ ati eɓo, ná꞊ɓʉmaa, nɔ, naɓɔ aɓakaka akʉʉ ɔ mʉsalaba. Nɔ, ɓɔmɔ ɓata nɔ́꞊ɓʉɓɛnda pimbo amatɨ ɔ lɨkáá lɔ nɨta ngɨleno, nɔ, nɔ́ɓʉkpʉngbʉa amati ɔ ɓagʉlʉ ta ɓaɓomu. 35Kʉdɔ, inu ingainga akɛ, nápakaa mʉkɔmbʉ wɔ menike kɔ ɓombi ɓaɓomu ngʉɓa ɓa꞉ɓʉmaa akɔ dɔdɔ, ta ɓʉtʉʉ, anɨngwa akɔ Abɛlɨ, akɔɓɔya akɔ Jakalɨa, mwana ɔ Balakɨa, ɨya, ná꞉mʉwa#23:35 ná꞉mʉwa: amati ɔ Mabii kɔta Tu, Abɛlɨ a ndʉ mutebii wɔ mombi ngɨa ɓa꞉mʉwa apɛɨ, nɔ, ɨya ɓa꞉mʉwa amupipio ɓɔ gbu, ya꞉ɓio ɨgbɛ Jakalɨa, popoko Mʉkp 4:8; 2Mas 24:20-22 amati ɔ ɨkáá yɔ Asɔɓɨɨ, akʉʉ ɔ gbɔ́gbɔ ɔ mutebii. 36Nanenu asigio ingono ɓɔ, mʉkɔmbʉ wɔ yaka ngɨyɛnɛnɨ iɓomu, wɔmanɔ nenu anɨkwɨa tɨta inu!
Yeso anɨdya ikoko akʉʉ ɔ Yelusalɛma
(Luk 13:34-35)
37Hii Yelusalɛma, hii Yelusalɛma! Ʉwɛ ngɨa wamaa magbɛ! Nɔ, angbinga ngɨa ɓanɨtʉmɨa-ɔɔ ɓatitima, nɔ́ɓʉmaa, kʉ nɔ ɓɛnda nɔ makopi. Ɨnadɔ, ɨmɨ, na꞉kanio kanioni nenu akɔmɔmaka, ngbanga ndʉ ɨyɛ kɔɓɔ amɔmaka-ɔɔ ɓana ɓangɔ amati ɔ mapapandʉa ngʉkangɔ. Yakamɛngana, nɔ́yaa ta yaa! 38Ɛɛ, pɛmanɨeni dɔ! Ɨkʉmbʉ ngɨyeno yɔmanɔ anɨka tɨta maɓɨɨ. 39Nanenu asigio ɓɔ, anɨngwa ɨtakɨtakɨ ngɨyɛ, ná꞊ngɔnɛna tii ɓata, akɔɓɔya ta angbinga ngɨa násugo-ɔɔ, ɓɔ: ‹Makwɔɓɨɨ, ɨkiokio mombi ngɨa anɨka akɔ ino ngɨangɔ ukiokioni!›»#popoko Mmb 118:26
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.