Matayɔ 2
2
Ɓombi ɓɔ nɨmbɨmbɨanaka ɓɛkɔ akɔbibiso mwana Yeso
1Yeso a꞉nɔtanɨa anɔ Bɛtɛlɛmʉ, amati ɔ ihoi yɔ Yudɛa, angbinga ngɨa ɔ ngama Hɛlɔdɛ. Mbise ɔ nɔtanɨa ngɨangɔ, ɓombi ɓɔ nɨmbɨmbɨanaka, akʉʉ ɔ yaka yɔ ndata, anɨngwa ta aki ɨpá yachwʉchwaka-ɛɛ#2:1 ɨpá yachwʉchwaka-ɛɛ: pɔ ɓɔ anɔ Mɛsɔpɔtamɨa aki ɨpá yachʉchwaka-ɛɛ wɔɓieni anɔ Yudɛa, ɓɛ꞉ka ananɨ anɔ Yelusalɛma. 2Kʉdɔ, ɓa꞉ɓokuo ɓɔ: «Mwana ngɨa ɔ꞉nɔtanɨɔ akɔɓio ngama ata mʉja ɔ Ɓayuda a tɨa gbanɨ? Tɛ꞉na pɔngɔ ʉndata ngʉwangɔ, ajɛa aki ɨpá yachʉchwaka-ɛɛ. Kʉdɔ isu, tɛ꞉kɔ tɨa kʉ nayɔ akɔbibiso.»
3Ɨyɛ ndʉ ngama Hɛlɔdɛ ɔ꞉ka yaka ngɨyɛnɛnɨ, ɔ꞉mbambanio nɔgbɛ, ɨhɔ nɔ ɓombi ɓɔ Yelusalɛma ɓaɓomu. 4Ɔ꞉ɓʉmɔma ɓangama ɓaɓomu ngʉɓɔ ɓakumukumu, nɔ ɓapananakɨa ɓɔ mapanʉ, naɓɔ aɓokuo ɓɔ yɔ꞉kwananɔ jɛnɛ ɓɔ Klisito ɨnɔtanɨa gbanɨ. 5Kʉdɔ, ɓa꞉mutosio ɓɔ: «Akɔ gʉlʉ ɔ Bɛtɛlɛmʉ, amati ɔ Yudɛa. Tanɨmbɨa, dɔ, ɨgbɛ a꞉tɛndakɨa ɓɔ:
6‹Ʉwɛ Bɛtɛlɛmʉ, amati ɔ ihoi yɔ Yudɛa,
ʉwɛ, wangɔmʉ gʉlʉ ata yaya amati ɔ ɓagʉlʉ ngʉɓɔ ihoi yɔ Yudɛa,
dɔ, amati asɔɔ ngama a꞊nɔtanɨa,
ɨya, a꞊kanga ɓombi ngʉɓɔsɛmɨ ingainga ɓɔ kpɛ, Ɓaɨsalaɛlɛ.›#popoko Mika 5:1»
7Kʉdɔ, Hɛlɔdɛ a꞉ɓisoko ɨɓɔ ɓombi ɓɔ nɨmbɨmbɨanaka ngʉɓɔnanɨ, ɨngbaa aɓaɗi, dɔ, ɓɨmʉngɨa ta ingono angbinga ngɨa, ʉndata ngʉwɔnanɨ wa꞉chwɛanɨa pɔngɔ-ɔɔ. 8Mbise ɔngɔ, ɔ꞉ɓʉtʉma anɔ Bɛtɛlɛmʉ, ga ɨyɔ naɓɔ ɓɔ: «Seni, nɔ́pemiso ta ingono, ɨsaʉ yɔ mwana ngɨananɨ. Ngbinga ngɨa námɨna-ɔɔ, nɛ́꞊ka kʉɔ nɛmɨ akɔɓɨa, dɔ, nɨsa kʉɔ ɨmɨ nayɔ akɔbibiso.»
9Ambise wɔ nʉka yaka ngɨyɛ ngama a꞉sugo, ɓɔ꞉ngwa yeɓo. Ambenigɔ ɓɔ pe, ʉndata ngʉwɔnanɨ, ɓa꞉wɨna nɔ ʉgbaa mesu aki ɨpá yachʉchwaka-ɛɛ, wɔ꞉ɓʉnatɨnganɨa tɨa apɛɨ. Ga ɨwɔ ga tɨngbɨ, inani akʉʉ ɔ ɓisi, ngbingbii ta akɔ ɨda ngɨyɛ mwana a꞉ɓio-ɔɔ. 10Ɨyɛ ndʉ ɓa꞉wɨna ɓanɨ, ɓɔ꞉kwa ɨgyagya nɔgbɛ. 11Kʉdɔ, ɓa꞉kumonio ambɛnɨ, ɓɛ꞉na mwana, ɨhɔ, nɔ inye Malɨa. Ɓɔ꞉gbʉkʉmakɨa nɔ mau, nayɔ abibiso mwana. Mbise ɔngɔ, ɓɔ꞉ɓonoko makwe ngʉkeɓo, nɔ ɓɔ꞉minjo apɛpɛ, tɨa akɔ ɔlɔ, tɨa akɔ adʉdʉ, nɔ malasɨ. 12Ambise ɔngɔ, Asɔɓɨɨ ɔ꞉tɔɓusigio ɨngbaa alɨwɔtɔ ɓɔ, ɓatɨtɔwa tii ɓata ɨngbaa atɨ Hɛlɔdɛ. Kʉdɔ, ɓa꞉tɔwa andaɓʉ tɨta nɔ ɨngbaa nga yɛmɔ kʉ di.
Atɨ Yɛjɛfʉ nɔ Malɨa ɓɔsɔ nɔ Mwana anɔ Misili
13Ɨyɛ ndʉ ɓombi ɓɔ nɨmbɨmbɨanaka ɓa꞉sa ɨɓɔ, malaika wɔ Makwɔɓɨɨ, wɔ꞉mʉchwɛanɨa Yɛjɛfʉ amati ɔ lɨwɔtɔ. Ga ɨyɔ nayɔ ɓɔ: «Ha gue! Ɔngwa ɨkʉʉ, sɨka atɨ mwana nɔ inye, wɔchwa naɓɔ bangʉ anɨsa anɔ Misili. Dɔ, Hɛlɔdɛ ahata ga amʉwa mwana ta nɨwa. Ɓieni ta inani, akɔɓɔya ta aka na꞊nisigio sina-ɔɔ ɓɔ tɔweni.»
14Kʉɓanɨ, ta naɓutu ngɨananɨ, Yɛjɛfʉ ɔ꞉jʉkana, nɔ, ɔ꞉sɨka atɨ mwana nɔ inye, nɔ, ɓɔ꞉ngwɨa kyɛnda anɨsa anɔ Misili. 15Kʉdɔ, ɓa꞉ɓio tɨta inani, akɔɓɔya ta aka Hɛlɔdɛ a꞉wo-ɔɔ. Ya꞉kyananakɨa ɓanɨ, akɔkpatanakɨa nɔ yaka ngɨyɛ Makwɔɓɨɨ a꞉ngaka jɛnɛ, ɨngbaa akɔ ɨgbɛ ngɨangɔ ɓɔ: «Nɛ꞉soko mwana ngɨasɛmɨ, anɨngwa anɔ Misili.»#popoko Ɔsɛa 11:1
Ngama Hɛlɔdɛ ɔtitio ɓɔ ɓɨmaa ɓana
16Ɨyɛ ndʉ ngama Hɛlɔdɛ ɛ꞉na ɓɔ ɓombi ɓɔ nɨmbɨmbɨanaka, ɓɔ꞉mʉpɛtɔ pɛtanɨ, ɔ꞉huo nɔ ʉnganga ɓɔ kyɛɛ. Ɔ꞉tʉma ɓasʉda ɓɔ ɓɨsa anɔ Bɛtɛlɛmʉ, nɔ akɔ ɓagʉlʉ ɓaɓomu, ngʉɓɔ amutii wɔngɔ. A꞉ɓʉtʉma akɔmaa ɓana ɓegue ɓaɓomu ngʉɓɔ mago kapɨnɨ, nɔ, ɛsɨ ɔ mago kapɨnɨ. A꞉kɨa ɓanɨ, akpatanakɨa nɔ ngbinga ngɨa ɓombi ɓɔ nɨmbɨmbɨanaka, ɓɛ꞉na-ɔɔ ʉndata. 17Kʉɓanɨ, yaka ngɨyɛ ɨgbɛ Yɛlɛmɨa a꞉sugo jɛnɛ, ɨyɛnɛnɨ, ya꞉kyananakɨa:
18«Iso yanʉkanɨa anɨngwa anɔ Lama,
ndɨa nɔ ndɨndɨanaka yɔbeluo.
Lakeli ɨyananɨ akɛ, akɔndɨa ɓana ɓangɔ,
ɔ꞉yaa tɨa kʉ ɓɔ ɓɨmʉgbɛma,
dɔ, ɓana ɓangɔ ɓɔsio sioni.»#popoko Yel 31:15
Atɨ Yɛjɛfʉ ɓɔtɔwɔ aki ɓasa-ɛɛ anɔ Misili
19Ambise ɔ ingwo yɔ Hɛlɔdɛ, malaika wɔ Makwɔɓɨɨ wɔ꞉mʉchwɛanɨa Yɛjɛfʉ akɔ lɨwɔtɔ, ɨyɔ-sɨ gbɛgbɛ ta inani anɔ Misili. 20Ga ɨyɔ nayɔ ɓɔ: «Ha gue! Ʉngwa ɨkʉʉ, sɨka atɨ inye ɔ mwana nɔ mwana angɔ, nɔ, tɔeni anɔ Ɨsalaɛlɛ, dɔ, ɓombi ngʉɓa ɓa꞉ɓio pɔngɔ asagɨa anɨwa mwana, ɓa꞉sio pɛ sioni.»
21Kʉdɔ, Yɛjɛfʉ a꞉ngwa ɨkʉʉ, ɔ꞉sɨka atɨ mwana nɔ inye, nɔ, ɓɔ꞉tɔa anɔ Ɨsalaɛlɛ. 22Yakamɛngana, Yɛjɛfʉ ɔtɔ꞉ka ɓɔ, ɓata ta Alɨkɛlaɔ, ngɨa mwana ɔ Hɛlɔdɛ akɛ, ɔ꞉dyɔ ɓʉngama anɔ Yudɛa ambise ɔ ingwo yɔ ɨsɛ. Kʉdɔ, ɨyɔ Yɛjɛfʉ, ɔ꞉kumo ɓata atɔa inani kʉ kumoni. Ambenigɔ ɓɔ pe, Asɔɓɨɨ a꞉mimbiiso yaka amatɨ ɔ lɨwɔtɔ. Kʉdɔ, ɔ꞉sa yangɔ tɨta anɔ Galilaya. 23Inani, a꞉sa awolo amati ɔ gʉlʉ ngɨyɔ Najalɛtɨ, akɔkpatanakɨa nɔ yaka ngɨyɛ magbɛ kɔ Asɔɓɨɨ ka꞉ngaka jɛnɛ ɓɔ: «Ɓa꞊misoko sina ɓɔ Mʉnajalɛtɨ.»
Currently Selected:
Matayɔ 2: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 2
2
Ɓombi ɓɔ nɨmbɨmbɨanaka ɓɛkɔ akɔbibiso mwana Yeso
1Yeso a꞉nɔtanɨa anɔ Bɛtɛlɛmʉ, amati ɔ ihoi yɔ Yudɛa, angbinga ngɨa ɔ ngama Hɛlɔdɛ. Mbise ɔ nɔtanɨa ngɨangɔ, ɓombi ɓɔ nɨmbɨmbɨanaka, akʉʉ ɔ yaka yɔ ndata, anɨngwa ta aki ɨpá yachwʉchwaka-ɛɛ#2:1 ɨpá yachwʉchwaka-ɛɛ: pɔ ɓɔ anɔ Mɛsɔpɔtamɨa aki ɨpá yachʉchwaka-ɛɛ wɔɓieni anɔ Yudɛa, ɓɛ꞉ka ananɨ anɔ Yelusalɛma. 2Kʉdɔ, ɓa꞉ɓokuo ɓɔ: «Mwana ngɨa ɔ꞉nɔtanɨɔ akɔɓio ngama ata mʉja ɔ Ɓayuda a tɨa gbanɨ? Tɛ꞉na pɔngɔ ʉndata ngʉwangɔ, ajɛa aki ɨpá yachʉchwaka-ɛɛ. Kʉdɔ isu, tɛ꞉kɔ tɨa kʉ nayɔ akɔbibiso.»
3Ɨyɛ ndʉ ngama Hɛlɔdɛ ɔ꞉ka yaka ngɨyɛnɛnɨ, ɔ꞉mbambanio nɔgbɛ, ɨhɔ nɔ ɓombi ɓɔ Yelusalɛma ɓaɓomu. 4Ɔ꞉ɓʉmɔma ɓangama ɓaɓomu ngʉɓɔ ɓakumukumu, nɔ ɓapananakɨa ɓɔ mapanʉ, naɓɔ aɓokuo ɓɔ yɔ꞉kwananɔ jɛnɛ ɓɔ Klisito ɨnɔtanɨa gbanɨ. 5Kʉdɔ, ɓa꞉mutosio ɓɔ: «Akɔ gʉlʉ ɔ Bɛtɛlɛmʉ, amati ɔ Yudɛa. Tanɨmbɨa, dɔ, ɨgbɛ a꞉tɛndakɨa ɓɔ:
6‹Ʉwɛ Bɛtɛlɛmʉ, amati ɔ ihoi yɔ Yudɛa,
ʉwɛ, wangɔmʉ gʉlʉ ata yaya amati ɔ ɓagʉlʉ ngʉɓɔ ihoi yɔ Yudɛa,
dɔ, amati asɔɔ ngama a꞊nɔtanɨa,
ɨya, a꞊kanga ɓombi ngʉɓɔsɛmɨ ingainga ɓɔ kpɛ, Ɓaɨsalaɛlɛ.›#popoko Mika 5:1»
7Kʉdɔ, Hɛlɔdɛ a꞉ɓisoko ɨɓɔ ɓombi ɓɔ nɨmbɨmbɨanaka ngʉɓɔnanɨ, ɨngbaa aɓaɗi, dɔ, ɓɨmʉngɨa ta ingono angbinga ngɨa, ʉndata ngʉwɔnanɨ wa꞉chwɛanɨa pɔngɔ-ɔɔ. 8Mbise ɔngɔ, ɔ꞉ɓʉtʉma anɔ Bɛtɛlɛmʉ, ga ɨyɔ naɓɔ ɓɔ: «Seni, nɔ́pemiso ta ingono, ɨsaʉ yɔ mwana ngɨananɨ. Ngbinga ngɨa námɨna-ɔɔ, nɛ́꞊ka kʉɔ nɛmɨ akɔɓɨa, dɔ, nɨsa kʉɔ ɨmɨ nayɔ akɔbibiso.»
9Ambise wɔ nʉka yaka ngɨyɛ ngama a꞉sugo, ɓɔ꞉ngwa yeɓo. Ambenigɔ ɓɔ pe, ʉndata ngʉwɔnanɨ, ɓa꞉wɨna nɔ ʉgbaa mesu aki ɨpá yachʉchwaka-ɛɛ, wɔ꞉ɓʉnatɨnganɨa tɨa apɛɨ. Ga ɨwɔ ga tɨngbɨ, inani akʉʉ ɔ ɓisi, ngbingbii ta akɔ ɨda ngɨyɛ mwana a꞉ɓio-ɔɔ. 10Ɨyɛ ndʉ ɓa꞉wɨna ɓanɨ, ɓɔ꞉kwa ɨgyagya nɔgbɛ. 11Kʉdɔ, ɓa꞉kumonio ambɛnɨ, ɓɛ꞉na mwana, ɨhɔ, nɔ inye Malɨa. Ɓɔ꞉gbʉkʉmakɨa nɔ mau, nayɔ abibiso mwana. Mbise ɔngɔ, ɓɔ꞉ɓonoko makwe ngʉkeɓo, nɔ ɓɔ꞉minjo apɛpɛ, tɨa akɔ ɔlɔ, tɨa akɔ adʉdʉ, nɔ malasɨ. 12Ambise ɔngɔ, Asɔɓɨɨ ɔ꞉tɔɓusigio ɨngbaa alɨwɔtɔ ɓɔ, ɓatɨtɔwa tii ɓata ɨngbaa atɨ Hɛlɔdɛ. Kʉdɔ, ɓa꞉tɔwa andaɓʉ tɨta nɔ ɨngbaa nga yɛmɔ kʉ di.
Atɨ Yɛjɛfʉ nɔ Malɨa ɓɔsɔ nɔ Mwana anɔ Misili
13Ɨyɛ ndʉ ɓombi ɓɔ nɨmbɨmbɨanaka ɓa꞉sa ɨɓɔ, malaika wɔ Makwɔɓɨɨ, wɔ꞉mʉchwɛanɨa Yɛjɛfʉ amati ɔ lɨwɔtɔ. Ga ɨyɔ nayɔ ɓɔ: «Ha gue! Ɔngwa ɨkʉʉ, sɨka atɨ mwana nɔ inye, wɔchwa naɓɔ bangʉ anɨsa anɔ Misili. Dɔ, Hɛlɔdɛ ahata ga amʉwa mwana ta nɨwa. Ɓieni ta inani, akɔɓɔya ta aka na꞊nisigio sina-ɔɔ ɓɔ tɔweni.»
14Kʉɓanɨ, ta naɓutu ngɨananɨ, Yɛjɛfʉ ɔ꞉jʉkana, nɔ, ɔ꞉sɨka atɨ mwana nɔ inye, nɔ, ɓɔ꞉ngwɨa kyɛnda anɨsa anɔ Misili. 15Kʉdɔ, ɓa꞉ɓio tɨta inani, akɔɓɔya ta aka Hɛlɔdɛ a꞉wo-ɔɔ. Ya꞉kyananakɨa ɓanɨ, akɔkpatanakɨa nɔ yaka ngɨyɛ Makwɔɓɨɨ a꞉ngaka jɛnɛ, ɨngbaa akɔ ɨgbɛ ngɨangɔ ɓɔ: «Nɛ꞉soko mwana ngɨasɛmɨ, anɨngwa anɔ Misili.»#popoko Ɔsɛa 11:1
Ngama Hɛlɔdɛ ɔtitio ɓɔ ɓɨmaa ɓana
16Ɨyɛ ndʉ ngama Hɛlɔdɛ ɛ꞉na ɓɔ ɓombi ɓɔ nɨmbɨmbɨanaka, ɓɔ꞉mʉpɛtɔ pɛtanɨ, ɔ꞉huo nɔ ʉnganga ɓɔ kyɛɛ. Ɔ꞉tʉma ɓasʉda ɓɔ ɓɨsa anɔ Bɛtɛlɛmʉ, nɔ akɔ ɓagʉlʉ ɓaɓomu, ngʉɓɔ amutii wɔngɔ. A꞉ɓʉtʉma akɔmaa ɓana ɓegue ɓaɓomu ngʉɓɔ mago kapɨnɨ, nɔ, ɛsɨ ɔ mago kapɨnɨ. A꞉kɨa ɓanɨ, akpatanakɨa nɔ ngbinga ngɨa ɓombi ɓɔ nɨmbɨmbɨanaka, ɓɛ꞉na-ɔɔ ʉndata. 17Kʉɓanɨ, yaka ngɨyɛ ɨgbɛ Yɛlɛmɨa a꞉sugo jɛnɛ, ɨyɛnɛnɨ, ya꞉kyananakɨa:
18«Iso yanʉkanɨa anɨngwa anɔ Lama,
ndɨa nɔ ndɨndɨanaka yɔbeluo.
Lakeli ɨyananɨ akɛ, akɔndɨa ɓana ɓangɔ,
ɔ꞉yaa tɨa kʉ ɓɔ ɓɨmʉgbɛma,
dɔ, ɓana ɓangɔ ɓɔsio sioni.»#popoko Yel 31:15
Atɨ Yɛjɛfʉ ɓɔtɔwɔ aki ɓasa-ɛɛ anɔ Misili
19Ambise ɔ ingwo yɔ Hɛlɔdɛ, malaika wɔ Makwɔɓɨɨ wɔ꞉mʉchwɛanɨa Yɛjɛfʉ akɔ lɨwɔtɔ, ɨyɔ-sɨ gbɛgbɛ ta inani anɔ Misili. 20Ga ɨyɔ nayɔ ɓɔ: «Ha gue! Ʉngwa ɨkʉʉ, sɨka atɨ inye ɔ mwana nɔ mwana angɔ, nɔ, tɔeni anɔ Ɨsalaɛlɛ, dɔ, ɓombi ngʉɓa ɓa꞉ɓio pɔngɔ asagɨa anɨwa mwana, ɓa꞉sio pɛ sioni.»
21Kʉdɔ, Yɛjɛfʉ a꞉ngwa ɨkʉʉ, ɔ꞉sɨka atɨ mwana nɔ inye, nɔ, ɓɔ꞉tɔa anɔ Ɨsalaɛlɛ. 22Yakamɛngana, Yɛjɛfʉ ɔtɔ꞉ka ɓɔ, ɓata ta Alɨkɛlaɔ, ngɨa mwana ɔ Hɛlɔdɛ akɛ, ɔ꞉dyɔ ɓʉngama anɔ Yudɛa ambise ɔ ingwo yɔ ɨsɛ. Kʉdɔ, ɨyɔ Yɛjɛfʉ, ɔ꞉kumo ɓata atɔa inani kʉ kumoni. Ambenigɔ ɓɔ pe, Asɔɓɨɨ a꞉mimbiiso yaka amatɨ ɔ lɨwɔtɔ. Kʉdɔ, ɔ꞉sa yangɔ tɨta anɔ Galilaya. 23Inani, a꞉sa awolo amati ɔ gʉlʉ ngɨyɔ Najalɛtɨ, akɔkpatanakɨa nɔ yaka ngɨyɛ magbɛ kɔ Asɔɓɨɨ ka꞉ngaka jɛnɛ ɓɔ: «Ɓa꞊misoko sina ɓɔ Mʉnajalɛtɨ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.