Matayɔ 12
12
Yeso amakwɔ ɔ ɓisi ɓɔ Homuo
(Mlk 2:23-28; Luk 6:1-5)
1Akɔ ɓisi ɓɔ Homuo mʉngana, atɨ Yeso nɔ ɓakpata ngʉɓangɔ, ɓa꞉ɓio achana amati ɔ ɓakʉbaa ɓɔ nganɔ. Ɨɓɔ, ɓakpata ɓa꞉ɓio anʉkana taa, kʉdɔ, ɓɔ꞉pʉnga buoko nganɔ nɔ nɨdya.
2Ati ngɨa Ɓafalisayɔ ɓɛ꞉na-ɔɔ ɓanɨ, ga ɨɓɔ nɔ Yeso ɓɔ: «Ɨna aki ɓakpata ngʉɓɔsɔɔ, ɓa-ɛɛ akɔkɨa yaka ngɨyɛ yɔsisekiomʉ kɨa akɔ ɓisi ɓɔ nuhomuo!»
3Ga Yeso naɓɔ ɓɔ: «Inu, ná꞉ngɔpopoko ndɨ sina, yaka ngɨyɛ Dawidi a꞉kɨa, akɔ angbinga ngɨa ɓa꞉ɓio-ɔɔ anʉkana taa, ɨhɔ nɔ ɓafandɔngɔ? 4Ɨyɔ, Dawidi a꞉kumonio aɨkáá yɔ Asɔɓɨɨ, ɨhɔ nɔ ɓafandɔngɔ, nɔ, ɓɔ꞉dya mɨkatɨ ngɨyɛ ɓa꞉injo akɔ Asɔɓɨɨ. Ɨnadɔ ɨɓɔ, ɓa꞉ɓiomʉ nɔ ʉpanʉ nayɔ anɨdya, dɔ, ya꞉ɓio ta ɨkyɛmʉ yɔ ɓakumukumu nangana.
5Ná꞉ngɔpopoko ndɨ sina inu, amati ɔ mapanʉ ngʉkɔ Musa ɓɔ, ɓakumukumu ngʉɓa ɓakyɔkɨa tɛa amati ɔ ɨkáá yɔ Asɔɓɨɨ, ɓa꞉ɓundo mapanʉ ngʉkɔ ɓisi ɓɔ Homuo, yakamɛngana, sɔkɔmʉ ɓɔɓʉsɨka ndʉ ɓɔkɨɔ ɓʉɓʉɓɨ? 6Nanenu anʉngɨa ɓɔ, aka, yanɔ ɨkyɛmʉ ngɨyɛ, yanɔ ɨjangɨa nɔgbɛ anagaaka ɨkáá yɔ Asɔɓɨɨ!
7Amati ɔ Mabii kɔ Asɔɓɨɨ, ɓa꞉tɛndakɨa ɓɔ: ‹Ɨmɨ, nabaya nɔgbɛ mombi ngɨa ɛnɨa ɓangɛ ikoko, anagaaka ɨya, enjekio ɨyɔ ta mutebii. Inu, némbieni pɛngɛ ɨsɨ yɔ yaka ngɨyɛnɛnɨ, ambɔ ná꞉ngɔnapɨamʉ ɓombi nɔ mʉkɔmbʉ, kʉyayɛ ɓɔ, ɓɔkɨenimʉ ɨkyɛmʉ.›#popoko Isa 9:13 8Dɔ Ɨmɨ, Mwana ngɨyɔ Mombi akɛ, na makwɔ ɔ ɓisi ɓɔ nuhomuo.»
Yeso ɔheiso mombi akɔ ɓisi ɓɔ Homuo
(Mlk 3:1-6; Luk 6:6-11)
9Ɨyɛ ndʉ Yeso a꞉ngwa ananɨ, ɔ꞉tɔsa akumonio tɨa amati ɔ ɨkáá yɔ nɨta ngɨyɔ Ɓayuda. 10Inani amati, ya꞉ɓio nɔ mombi mʉngana ɨya ɨkɔndɔ ya꞉muwo. Ɓafalisayɔ ngʉɓa ɓa꞉ɓio ananɨ, ɓa꞉ɓio ahataka ɓɔ, ɓa꞉mʉnapɨa Yeso nɔ mʉkɔmbʉ nɔ ɨngbaa nga yeno tanɨ. Kʉdɔ, ga ɨɓɔ nayɔ ɓɔ: «Atɨɓɨa-sɨ ɓɔ mapanʉ ngʉkeso, katitio ndɨ kʉɔ mombi aheiso mombi ɔ kaɓu, akɔ ɓisi ɓɔ Homuo?»
11Yeso ɔ꞉ɓutosio ɓɔ: «Ati eno aka, anɨ-sɨ ɨya akɛ, ɔɓieni nɔ mukpekpe wɔ kɔndɔlɔ wangɔ ta mʉngana ɓɔ ngbe, nɔ, wɔkwa akɔ ʉpɨa akɔ ɓisi ɓɔ Homuo, angɔkwananamʉ nawɔ achweiso? 12Ɨnadɔ, mombi anɔ ɨjangɨa yɛta ɨja nɔgbɛ, anagaaka kɔndɔlɔ! Ya ɓanɨ, mapanʉ ngʉkeso kanesu atitio ɓɔ akɔ ɓisi ɓɔ Homuo, tɨkɨa ɓuɗo ta kɨanɨ.» 13Kʉdɔ, ga Yeso nɔ mombi ngɨa a꞉wo ɨkɔndɔ ɓɔ: «Ha gue yomo ɨkɔndɔ!» Ɨyɔ, ayomo ɨkɔndɔ ta yomo ɓɔ, ta gagaa ngɨananɨ, yɔ꞉mʉhɛya, nɔ, yɛ꞉ka tɨa kʉ ngbanga ndʉ ɨyɔmɔ. 14Ɓafalisayɔ ɓɔ꞉ngwa ananɨ, nɔ, ɓɔ꞉sa tɨta asingekio idimi yɔ nɨwa Yeso.
Yeso mombi ɔ tɛa ɔ Asɔɓɨɨ
15Ɨyɛ ndʉ Yeso ɔ꞉ka idimi ngɨyɛnɛnɨ, ɔ꞉ngwa ananɨ tɨta nɨngwa. Ga ambaja ata mʉja ɔ ɓombi ambise angɔ ɓɔ sioo. Kʉdɔ, ɔ꞉heiso ɓombi ɓɔ ɓakaɓu ta ɓaɓomu ɓɔ sɛ. 16Yakamɛngana, ɔ꞉ɓʉgbɛma ɓɔ, ɓatisigiomʉ mombi yaka akʉʉ angɔ. 17Yaka ngɨyɛnɛnɨ, ya꞉kɨanɨa ɓanɨ, akpatanakɨa nɔ ɨyɛ Makwɔɓɨɨ a꞉sugo jɛnɛ akɔ monu kɔ ɨgbɛ Isaya ɓɔ:
18«Ineni Mombi ɔ tɛa ngɨasɛmɨ, ɨya na꞉mʉchwa!
Mombi ɔ ɓʉkʉnda ngɨasɛmɨ, nɔ ɨgyagya ngɨyɛsɛmɨ iɓomu ya akʉʉ angɔ.
Na꞊napɨa sina Mʉtɨma ngʉwɔsɛmɨ akʉʉ angɔ.
Nɔ ɨyɔ akɛ, a꞊ɓɨakɨa sina mababa kɔ ɓombi yaka yɛta ngbingbii ngɨyɛsɛmɨ.
19Angɔɓiomʉ mombi ɔ mangoi.
Nɔ, angɔɓiomʉ mombi ɔ mʉsɨna.
Angɔɓio sina mombi ɔ nachokoo nɔ mʉgyɛndɔ.
20Ʉmbamba ngʉwa wɔta bɛngɛbɛngɛ, ɨyɔ, a꞊ngɔʉɓundomʉ sina.
Uwanga ngʉwa waɓio tinene anibonio, ɨyɔ, a꞊ngɔwibomʉ sina,
aɓɔya ta aka ɨyɔ ingainga ɛ꞊maiso sina-ɔɔ ɓʉngbingbii, anagaaka yaka iɓomu.
21Mababa kɔ ɓombi ka꞊napɨana sina mʉtɨma akɔ ino ngɨangɔ.»#popoko Isa 42:1-4
Yeso ɔtosio Ɓafalisayɔ yaka
(Mlk 3:20-30; Luk 11:14-23)
22Ananɨ, ɓɔ꞉tɔmɨkɨa Yeso nɔ mombi ɔ mʉtɨma wɔ idu mʉngana, kʉ mombi ɔ mamɔmɔ, nɔ kʉ ijangi. Yeso ɔ꞉muheiso mombi ngɨananɨ, nɔ, ɔ꞉pʉnga yaka kʉ nɔ nɨna.
23Yaka ngɨyɛnɛnɨ, yɔkyaka ɓambaja ɓɔ ɓombi ɓaɓomu nɔgbɛ. Ga ɨɓɔ ɓɔ: «Wai, sɔkɔmʉ-sɨ ta Mwana ɔ mwana wɔ ngama Dawidi ɨyakɛ?»
24Angbinga ngɨa Ɓafalisayɔ ɓɔ꞉ka-ɔɔ yaka ngɨyɛnɛnɨ, ga ɨɓɔ ɓɔ: «Gue ngɨa a꞉kwa pɛ badɨma ngɨyɔ Bɛlɛjɛbʉlɨ#12:24 Bɛlɛjɛbʉlɨ: pɔ ɓɔ ino yɔ ngama ɔ ɓabɨɨ, nɔ, achweiso mɨtɨma yɔ madu amati ɔ ɓombi, dɔ ɨyɔ, ingainga a kʉ nɔ angu ɔ ngama ɔ ɓabɨɨ.»
25Yakamɛngana, ndʉ Yeso ɛ꞉mbɨa itungwio ngɨyeɓo, ga ɨyɔ naɓɔ ɓɔ: «Ɓamɨangama ɓɔpʉngeni nagbonyonoko ati eɓo, ambɔ ɓʉngama ngʉɓeɓo ɓɔkwɔ tɨa kwanɨ. Ɓombi ɓɔ gʉlʉ, ga pɔ ɨfananja mɛngana, ɓɔpʉngeni nagbonyonoko ambɔ gʉlʉ, ga pɔ ɨfananja ngɨyeɓo, yɔpanjaɔ. 26Nɔ, ndʉ Sɨtanɨ, apʉnga ɓata chweiso kʉ mɨtɨma yɔ madu ngʉkangɔ, ambɔ amati angɔ, a tɨa kʉ mʉnagbonyonoke, nɔ ɓʉngama ngʉɓangɔ ɓɔpanjaa.
27Yɔɓieni ɓɔ, ɨmɨ nakɔchweiso mɨtɨma yɔ madu ɨngbaa akɔ angu ngɨa ɔ Bɛlɛjɛbʉlɨ, ɓana ɓeno ɓakyɔchweiso dɔ tɨa ɨɓɔ madu nɔ angu anɨ? Kʉɓanɨ, ɨɓɔ ɓakwɔɓɔngɔ ingainga, ɓɨnɨɓɨa pɨ ingono yɔ yaka! 28Yakamɛngana, ndʉ yaɓio ɓɔ ɨmɨ, nakɔchweiso mɨtɨma yɔ madu nɔ angu ɔ Mʉtɨma wɔta Tu ngʉwɔ Asɔɓɨɨ, yasugo ɓɔ Ɓʉngama ngʉɓɔ Asɔɓɨɨ, ɓɔɓɔyɔ andɛnɔ aka tɨa ɓɔyanɨ!
29Mombi nga ino tanɨ ɨyakɛ, akwanana akumonio amati ɔ ɨkáá yɔ ginda, nɔ, ɔmʉhɨnɨa lɨkyɛmʉ ngɨlangɔ, angɔmʉsangenimʉ ɓɔ kpɛkɛkpɛkɛ? Tɨa ambise ngɨananɨ, ɨyɛ, akwanana-ɔɔ tɔpa lɨkyɛmʉ amati ɔ ɨkáá ngɨangɔ!
30Mombi muɓomu ngɨa angɔmʉ ɨhɔ nɛmɨ, a mʉyaa wɔsɛmɨ. Nɔ, mombi muɓomu ngɨa angɔmʉ nɛmɨ asalɨa amɔma ɓombi atɨ Asɔɓɨɨ, ɨyɔ, anaɓɔ apanja tɨta panja. 31Ɨmɨ, nanenu asigio ɓɔ, ɓʉɓɨɓɨ ɓuɓomu ngʉɓa ɓombi ɓakɔkɨa, ɓa꞊ɓɨpaakɨa sina ɨpaakɨanɨ, yiɓio kʉndʉ lɨsɛa liɓomu ngɨlɛ, ɓasɛaka Asɔɓɨɨ. Yakamɛngana, pɛpɛ ta mombi ngɨa asɛaka Mʉtɨma wɔta Tu, ɓa꞊ngɔmɨpaakɨamʉ sina pɔ bele. 32Nɔ ɓata, mombi muɓomu ngɨa a꞊sugo yaka yɛta ɓɨɓɨ, akʉʉ asɛmɨ, Ɨmɨ, Mwana ngɨyɔ Mombi, ɛ꞊nɨanɨa nɔ nɨpaakɨa ɨnɨanɨanɨ. Yakamɛngana, mombi muɓomu ngɨa a꞊sugo yaka yɛta ɓɨɓɨ akʉʉ ɔ Mʉtɨma wɔta Tu, ɓa꞊ngɔmɨpaakɨamʉ sina ɨyɔ, anɨngwa ɨtakɨtakɨ ngɨyɛ, kʉndʉ akɔ angbinga ngɨa a꞊nɨka.»
Ɓɛmbɨa ɓʉtɨ ɨngbaa akɔ lipumo lɔngɔ
(Luk 6:43-45)
33«Ɓʉtɨ ɓɔta ɓuɗo ɓamo kʉ lipumo lɛta liɗo. Nɔ, ɓʉtɨ ɓɔta ɓɨɓɨ ɓamo ɨɓɔ kʉ lipumo lɛta ɓɨɓɨ. Dɔ, ɓɛmbɨa ɓʉtɨ ɓɔta ɓuɗo, ta akɔ lipumo lɔngɔ. 34Inu, ná anja ɔ ɓasɨɨ! Inu ingainga, nɔ́ɓieni-sɨ ɓombi ɓɔta ɓɨɓɨ, nɔ ɨngbaa nga yeno tanɨ, nákwanana-ɔɔ sugo yaka yɛta iɗo? Dɔ, yaka ngɨyɛ yachwɛa amonu kɔ mombi, yangwa ta amʉtɨma ngʉwangɔ! 35Mombi ata iɗo achweiso ɨyɔ ta yaka yɛta iɗo, ngɨyɛ yakɨa amati ɔ mʉtɨma wɔta uɗo ngʉwangɔ. Yakamɛngana, mombi ata ɓɨɓɨ achweiso ɨyɔ, kʉ yaka yɛta ɓɨɓɨ ngɨyɛ, yakɨa amati ɔ mʉtɨma ngʉwangɔ. 36Nanenu asigio ɓɔ, akɔ ɓisi ngʉɓa ɓa꞊kio sina-ɔɔ mʉkɔmbʉ, mombi nɔ mombi a꞊ngaka sina yaka yɛta ɓʉtʉʉ ɓʉtʉʉ iɓomu, ɨyɛ a꞉ngaka jɛnɛ ta iɓomu ɓɔ sɛ, apɛɨ ɔ Asɔɓɨɨ. 37Dɔ, ta monu ngʉkɔsɔɔ ka꞊naɓwanakiso sina, nɔ, kʉ monu ngʉkɔsɔɔ kɔ꞊namaya amati ɔ mʉkɔmbʉ.»
Ɓombi ɓanɨta Yeso ɓɔ ɨɓʉpana kɔkɔ
(Mlk 8:11-12; Luk 11:29-32)
38Ambise ɔngɔ, nganangana ɔ Ɓafalisayɔ, ɨhɔ nɔ ɓapananakɨa ɓɔ mapanʉ nga ɓɔmɔ, ɓɔ꞉musigio Yeso ɓɔ: «Ha Mʉpananakɨa! Tɔnɛtɔ ɓɔ atɨpana-sɨ kɔkɔ mʉngana ata mumbangɛ.»
39Yeso ɔ꞉ɓutosio ɓɔ: «Inu, ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨa mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨyɔ ɨgbɛ Yɔna. 40Ɨnadɔ, ya ngbanga ndʉ ɨyɛ Yɔna a꞉kɨa-ɔɔ makwaa kaatʉ, amati ɔ ɓʉa ɓɔ musipe wɔta ʉja, naɓutu kʉndʉ musoti. Kʉɓanɨ, Mwana ngɨyɔ Mombi, a꞊kɨa suo ɨyɔ kʉ makwaa kaatʉ#popoko Yɔna 2:1, asini ɔ ɨtaka, naɓutu kʉndʉ musoti.
41Ɓombi ɓɔ Ninawe ɓa꞉necho mʉtɨma ta angbinga ngɨa Yɔna a꞉ɓʉɓɨakɨa jɛnɛ-ɔɔ, Ɨsaʉ yɔ Asɔɓɨɨ. Ɨnadɔ aka, yanɔ mombi ata mʉja anagaaka Yɔna. Kʉɓanɨ, ɨyɛ Asɔɓɨɨ a꞊kio sina-ɔɔ mʉkɔmbʉ wɔ ɓombi, ɨɓɔ ɓombi ɓɔ Ninawe, ɓɛ꞊maa sina apɛɨ ɔ ɓombi ngʉɓɔ ɓʉɓʉnʉ, naɓɔ achɔngɨa.
42Nɔ ɓata, ta akɔ ɓisi ngʉɓɔnanɨ ɓɔ mʉkɔmbʉ, ngama ɔ ɓoi ata mʉja anɨngwa akɔ ɨkʉmbʉ yɔ Sɛba, ɛ꞊maa sina kʉɔ apɛɨ ɔ ɓombi ngʉɓɔ ɓʉɓʉnʉ, naɓɔ achɔngɨa. Dɔ, a꞉ngwa jɛnɛ ɨyɔ, ɗu nɔgbɛ, anɨka anʉka yaka yɔ nɨmbɨmbɨanaka ngɨyɔ ngama Sɔlɔmɔnɔ. Ɨnadɔ, inu, ɨmbɨeni iɗo ɓɔ aka, yanɔ mombi ata mʉja anagaaka Sɔlɔmɔnɔ!
Idu yatɔa amati ɔ mombi nɔ ɓʉkaɓʉkaɨ nɔgbɛ
(Luk 11:24-26)
43Ɨyɛ mʉtɨma wɔ idu wakyɔchwɛa amati ɔ mombi, wɔsa ayɛnganaka amukengu, ahata ʉmʉa ngʉwa wahomwono-ɔɔ. Angbinga ngɨa wajanga-ɔɔ ʉmʉa ngʉwa wahomwono-ɔɔ inani, 44kʉdɔ, wayakanaka amati angɔ ɓɔ: ‹Na꞊tɔa ta amati ɔ ɨkáá ngɨyɛ aki, na꞉chwɛa pɛ-ɛɛ.› Wɔtɔweni, wɔtɔgbʉka ɨkáá ɓʉtʉʉ, ɨbɨyakɛ, nɔ, ɨtambanakɛ iɗo, 45kʉdɔ, wabi tɨa ahata mɨtɨma yɔ madu ngayɔmɔ yɛta ɓʉkaɓʉkaɨ mɛɗɨanɛka nawɔ anagaaka. Ɨɓɔ, ɓaɓomu ɓɛka akumonio tɨa amati ɔ ɨkáá ngɨyɛnɛnɨ. Kʉdɔ, ɨyɔ mombi ngɨananɨ, ɛ꞊ka tɨa ɓɨɓɨ nɔgbɛ achana aka a꞉ɓio-ɔɔ pɛɨ. Akɔ inu, ɓombi ɓɔta ɓɨɓɨ ngʉɓɔ ɓʉɓʉnʉ, ya꞊kyananakɨa sina kʉɓanɨ.»
Ɓanduku ɓɔ Yeso
(Mlk 3:31-35; Luk 8:19-21)
46Angbinga ngɨa Yeso a꞉ɓio-sɨ-ɔɔ ta angakɨa ambaja ɔ ɓombi yaka, atɨ inye, ɨhɔ nɔ ɓamanye, ɓa꞉ɓio ɓɛmaakɛ tɨa aɓei. Ɨɓɔ, ahata ga ɓayakanaka nɔ atɨ Yeso. [ 47Kʉdɔ, ga mombi mʉngana nayɔ ɓɔ: «Atɨ anʉ, ɨhɔ nɔ ɓana ɓɔ anʉ, ʉɓa ɓa aɓei-a, ɓahata ayakanaka nɔwɛ.»] 48Yeso ɔ꞉mutosio ɓɔ: «Anɨ-sɨ akɛ a ɨnaa ngɨasɛmɨ? Nɔ, ɓana ɓɛnaa ɓa ɓaneni?» 49Kʉdɔ, a꞉yomo ɨkɔndɔ aki ɓakpata ngʉɓangɔ ɓa꞉ɓio-ɛɛ. Ga ɨyɔ ɓɔ: «Ɨnaa, nɔ ɓana ɓɛnaa, ya inu ndʉ aka ná-ɔɔ aka! 50Ya asugo ɓɔ, mombi muɓomu ngɨa, akyananakɨa ɓʉkʉnda ngʉɓɔ Aba ngɨasɛmɨ, ɨya, akʉʉ ɔ ɓisi, ɨyɔ akɛ, a mwana ɔ ɨnaa ata moi, pɔ ɨya ata gue, nɔ kʉ ɨyɔ akɛ, a ɨnaa ngɨasɛmɨ.»
Currently Selected:
Matayɔ 12: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 12
12
Yeso amakwɔ ɔ ɓisi ɓɔ Homuo
(Mlk 2:23-28; Luk 6:1-5)
1Akɔ ɓisi ɓɔ Homuo mʉngana, atɨ Yeso nɔ ɓakpata ngʉɓangɔ, ɓa꞉ɓio achana amati ɔ ɓakʉbaa ɓɔ nganɔ. Ɨɓɔ, ɓakpata ɓa꞉ɓio anʉkana taa, kʉdɔ, ɓɔ꞉pʉnga buoko nganɔ nɔ nɨdya.
2Ati ngɨa Ɓafalisayɔ ɓɛ꞉na-ɔɔ ɓanɨ, ga ɨɓɔ nɔ Yeso ɓɔ: «Ɨna aki ɓakpata ngʉɓɔsɔɔ, ɓa-ɛɛ akɔkɨa yaka ngɨyɛ yɔsisekiomʉ kɨa akɔ ɓisi ɓɔ nuhomuo!»
3Ga Yeso naɓɔ ɓɔ: «Inu, ná꞉ngɔpopoko ndɨ sina, yaka ngɨyɛ Dawidi a꞉kɨa, akɔ angbinga ngɨa ɓa꞉ɓio-ɔɔ anʉkana taa, ɨhɔ nɔ ɓafandɔngɔ? 4Ɨyɔ, Dawidi a꞉kumonio aɨkáá yɔ Asɔɓɨɨ, ɨhɔ nɔ ɓafandɔngɔ, nɔ, ɓɔ꞉dya mɨkatɨ ngɨyɛ ɓa꞉injo akɔ Asɔɓɨɨ. Ɨnadɔ ɨɓɔ, ɓa꞉ɓiomʉ nɔ ʉpanʉ nayɔ anɨdya, dɔ, ya꞉ɓio ta ɨkyɛmʉ yɔ ɓakumukumu nangana.
5Ná꞉ngɔpopoko ndɨ sina inu, amati ɔ mapanʉ ngʉkɔ Musa ɓɔ, ɓakumukumu ngʉɓa ɓakyɔkɨa tɛa amati ɔ ɨkáá yɔ Asɔɓɨɨ, ɓa꞉ɓundo mapanʉ ngʉkɔ ɓisi ɓɔ Homuo, yakamɛngana, sɔkɔmʉ ɓɔɓʉsɨka ndʉ ɓɔkɨɔ ɓʉɓʉɓɨ? 6Nanenu anʉngɨa ɓɔ, aka, yanɔ ɨkyɛmʉ ngɨyɛ, yanɔ ɨjangɨa nɔgbɛ anagaaka ɨkáá yɔ Asɔɓɨɨ!
7Amati ɔ Mabii kɔ Asɔɓɨɨ, ɓa꞉tɛndakɨa ɓɔ: ‹Ɨmɨ, nabaya nɔgbɛ mombi ngɨa ɛnɨa ɓangɛ ikoko, anagaaka ɨya, enjekio ɨyɔ ta mutebii. Inu, némbieni pɛngɛ ɨsɨ yɔ yaka ngɨyɛnɛnɨ, ambɔ ná꞉ngɔnapɨamʉ ɓombi nɔ mʉkɔmbʉ, kʉyayɛ ɓɔ, ɓɔkɨenimʉ ɨkyɛmʉ.›#popoko Isa 9:13 8Dɔ Ɨmɨ, Mwana ngɨyɔ Mombi akɛ, na makwɔ ɔ ɓisi ɓɔ nuhomuo.»
Yeso ɔheiso mombi akɔ ɓisi ɓɔ Homuo
(Mlk 3:1-6; Luk 6:6-11)
9Ɨyɛ ndʉ Yeso a꞉ngwa ananɨ, ɔ꞉tɔsa akumonio tɨa amati ɔ ɨkáá yɔ nɨta ngɨyɔ Ɓayuda. 10Inani amati, ya꞉ɓio nɔ mombi mʉngana ɨya ɨkɔndɔ ya꞉muwo. Ɓafalisayɔ ngʉɓa ɓa꞉ɓio ananɨ, ɓa꞉ɓio ahataka ɓɔ, ɓa꞉mʉnapɨa Yeso nɔ mʉkɔmbʉ nɔ ɨngbaa nga yeno tanɨ. Kʉdɔ, ga ɨɓɔ nayɔ ɓɔ: «Atɨɓɨa-sɨ ɓɔ mapanʉ ngʉkeso, katitio ndɨ kʉɔ mombi aheiso mombi ɔ kaɓu, akɔ ɓisi ɓɔ Homuo?»
11Yeso ɔ꞉ɓutosio ɓɔ: «Ati eno aka, anɨ-sɨ ɨya akɛ, ɔɓieni nɔ mukpekpe wɔ kɔndɔlɔ wangɔ ta mʉngana ɓɔ ngbe, nɔ, wɔkwa akɔ ʉpɨa akɔ ɓisi ɓɔ Homuo, angɔkwananamʉ nawɔ achweiso? 12Ɨnadɔ, mombi anɔ ɨjangɨa yɛta ɨja nɔgbɛ, anagaaka kɔndɔlɔ! Ya ɓanɨ, mapanʉ ngʉkeso kanesu atitio ɓɔ akɔ ɓisi ɓɔ Homuo, tɨkɨa ɓuɗo ta kɨanɨ.» 13Kʉdɔ, ga Yeso nɔ mombi ngɨa a꞉wo ɨkɔndɔ ɓɔ: «Ha gue yomo ɨkɔndɔ!» Ɨyɔ, ayomo ɨkɔndɔ ta yomo ɓɔ, ta gagaa ngɨananɨ, yɔ꞉mʉhɛya, nɔ, yɛ꞉ka tɨa kʉ ngbanga ndʉ ɨyɔmɔ. 14Ɓafalisayɔ ɓɔ꞉ngwa ananɨ, nɔ, ɓɔ꞉sa tɨta asingekio idimi yɔ nɨwa Yeso.
Yeso mombi ɔ tɛa ɔ Asɔɓɨɨ
15Ɨyɛ ndʉ Yeso ɔ꞉ka idimi ngɨyɛnɛnɨ, ɔ꞉ngwa ananɨ tɨta nɨngwa. Ga ambaja ata mʉja ɔ ɓombi ambise angɔ ɓɔ sioo. Kʉdɔ, ɔ꞉heiso ɓombi ɓɔ ɓakaɓu ta ɓaɓomu ɓɔ sɛ. 16Yakamɛngana, ɔ꞉ɓʉgbɛma ɓɔ, ɓatisigiomʉ mombi yaka akʉʉ angɔ. 17Yaka ngɨyɛnɛnɨ, ya꞉kɨanɨa ɓanɨ, akpatanakɨa nɔ ɨyɛ Makwɔɓɨɨ a꞉sugo jɛnɛ akɔ monu kɔ ɨgbɛ Isaya ɓɔ:
18«Ineni Mombi ɔ tɛa ngɨasɛmɨ, ɨya na꞉mʉchwa!
Mombi ɔ ɓʉkʉnda ngɨasɛmɨ, nɔ ɨgyagya ngɨyɛsɛmɨ iɓomu ya akʉʉ angɔ.
Na꞊napɨa sina Mʉtɨma ngʉwɔsɛmɨ akʉʉ angɔ.
Nɔ ɨyɔ akɛ, a꞊ɓɨakɨa sina mababa kɔ ɓombi yaka yɛta ngbingbii ngɨyɛsɛmɨ.
19Angɔɓiomʉ mombi ɔ mangoi.
Nɔ, angɔɓiomʉ mombi ɔ mʉsɨna.
Angɔɓio sina mombi ɔ nachokoo nɔ mʉgyɛndɔ.
20Ʉmbamba ngʉwa wɔta bɛngɛbɛngɛ, ɨyɔ, a꞊ngɔʉɓundomʉ sina.
Uwanga ngʉwa waɓio tinene anibonio, ɨyɔ, a꞊ngɔwibomʉ sina,
aɓɔya ta aka ɨyɔ ingainga ɛ꞊maiso sina-ɔɔ ɓʉngbingbii, anagaaka yaka iɓomu.
21Mababa kɔ ɓombi ka꞊napɨana sina mʉtɨma akɔ ino ngɨangɔ.»#popoko Isa 42:1-4
Yeso ɔtosio Ɓafalisayɔ yaka
(Mlk 3:20-30; Luk 11:14-23)
22Ananɨ, ɓɔ꞉tɔmɨkɨa Yeso nɔ mombi ɔ mʉtɨma wɔ idu mʉngana, kʉ mombi ɔ mamɔmɔ, nɔ kʉ ijangi. Yeso ɔ꞉muheiso mombi ngɨananɨ, nɔ, ɔ꞉pʉnga yaka kʉ nɔ nɨna.
23Yaka ngɨyɛnɛnɨ, yɔkyaka ɓambaja ɓɔ ɓombi ɓaɓomu nɔgbɛ. Ga ɨɓɔ ɓɔ: «Wai, sɔkɔmʉ-sɨ ta Mwana ɔ mwana wɔ ngama Dawidi ɨyakɛ?»
24Angbinga ngɨa Ɓafalisayɔ ɓɔ꞉ka-ɔɔ yaka ngɨyɛnɛnɨ, ga ɨɓɔ ɓɔ: «Gue ngɨa a꞉kwa pɛ badɨma ngɨyɔ Bɛlɛjɛbʉlɨ#12:24 Bɛlɛjɛbʉlɨ: pɔ ɓɔ ino yɔ ngama ɔ ɓabɨɨ, nɔ, achweiso mɨtɨma yɔ madu amati ɔ ɓombi, dɔ ɨyɔ, ingainga a kʉ nɔ angu ɔ ngama ɔ ɓabɨɨ.»
25Yakamɛngana, ndʉ Yeso ɛ꞉mbɨa itungwio ngɨyeɓo, ga ɨyɔ naɓɔ ɓɔ: «Ɓamɨangama ɓɔpʉngeni nagbonyonoko ati eɓo, ambɔ ɓʉngama ngʉɓeɓo ɓɔkwɔ tɨa kwanɨ. Ɓombi ɓɔ gʉlʉ, ga pɔ ɨfananja mɛngana, ɓɔpʉngeni nagbonyonoko ambɔ gʉlʉ, ga pɔ ɨfananja ngɨyeɓo, yɔpanjaɔ. 26Nɔ, ndʉ Sɨtanɨ, apʉnga ɓata chweiso kʉ mɨtɨma yɔ madu ngʉkangɔ, ambɔ amati angɔ, a tɨa kʉ mʉnagbonyonoke, nɔ ɓʉngama ngʉɓangɔ ɓɔpanjaa.
27Yɔɓieni ɓɔ, ɨmɨ nakɔchweiso mɨtɨma yɔ madu ɨngbaa akɔ angu ngɨa ɔ Bɛlɛjɛbʉlɨ, ɓana ɓeno ɓakyɔchweiso dɔ tɨa ɨɓɔ madu nɔ angu anɨ? Kʉɓanɨ, ɨɓɔ ɓakwɔɓɔngɔ ingainga, ɓɨnɨɓɨa pɨ ingono yɔ yaka! 28Yakamɛngana, ndʉ yaɓio ɓɔ ɨmɨ, nakɔchweiso mɨtɨma yɔ madu nɔ angu ɔ Mʉtɨma wɔta Tu ngʉwɔ Asɔɓɨɨ, yasugo ɓɔ Ɓʉngama ngʉɓɔ Asɔɓɨɨ, ɓɔɓɔyɔ andɛnɔ aka tɨa ɓɔyanɨ!
29Mombi nga ino tanɨ ɨyakɛ, akwanana akumonio amati ɔ ɨkáá yɔ ginda, nɔ, ɔmʉhɨnɨa lɨkyɛmʉ ngɨlangɔ, angɔmʉsangenimʉ ɓɔ kpɛkɛkpɛkɛ? Tɨa ambise ngɨananɨ, ɨyɛ, akwanana-ɔɔ tɔpa lɨkyɛmʉ amati ɔ ɨkáá ngɨangɔ!
30Mombi muɓomu ngɨa angɔmʉ ɨhɔ nɛmɨ, a mʉyaa wɔsɛmɨ. Nɔ, mombi muɓomu ngɨa angɔmʉ nɛmɨ asalɨa amɔma ɓombi atɨ Asɔɓɨɨ, ɨyɔ, anaɓɔ apanja tɨta panja. 31Ɨmɨ, nanenu asigio ɓɔ, ɓʉɓɨɓɨ ɓuɓomu ngʉɓa ɓombi ɓakɔkɨa, ɓa꞊ɓɨpaakɨa sina ɨpaakɨanɨ, yiɓio kʉndʉ lɨsɛa liɓomu ngɨlɛ, ɓasɛaka Asɔɓɨɨ. Yakamɛngana, pɛpɛ ta mombi ngɨa asɛaka Mʉtɨma wɔta Tu, ɓa꞊ngɔmɨpaakɨamʉ sina pɔ bele. 32Nɔ ɓata, mombi muɓomu ngɨa a꞊sugo yaka yɛta ɓɨɓɨ, akʉʉ asɛmɨ, Ɨmɨ, Mwana ngɨyɔ Mombi, ɛ꞊nɨanɨa nɔ nɨpaakɨa ɨnɨanɨanɨ. Yakamɛngana, mombi muɓomu ngɨa a꞊sugo yaka yɛta ɓɨɓɨ akʉʉ ɔ Mʉtɨma wɔta Tu, ɓa꞊ngɔmɨpaakɨamʉ sina ɨyɔ, anɨngwa ɨtakɨtakɨ ngɨyɛ, kʉndʉ akɔ angbinga ngɨa a꞊nɨka.»
Ɓɛmbɨa ɓʉtɨ ɨngbaa akɔ lipumo lɔngɔ
(Luk 6:43-45)
33«Ɓʉtɨ ɓɔta ɓuɗo ɓamo kʉ lipumo lɛta liɗo. Nɔ, ɓʉtɨ ɓɔta ɓɨɓɨ ɓamo ɨɓɔ kʉ lipumo lɛta ɓɨɓɨ. Dɔ, ɓɛmbɨa ɓʉtɨ ɓɔta ɓuɗo, ta akɔ lipumo lɔngɔ. 34Inu, ná anja ɔ ɓasɨɨ! Inu ingainga, nɔ́ɓieni-sɨ ɓombi ɓɔta ɓɨɓɨ, nɔ ɨngbaa nga yeno tanɨ, nákwanana-ɔɔ sugo yaka yɛta iɗo? Dɔ, yaka ngɨyɛ yachwɛa amonu kɔ mombi, yangwa ta amʉtɨma ngʉwangɔ! 35Mombi ata iɗo achweiso ɨyɔ ta yaka yɛta iɗo, ngɨyɛ yakɨa amati ɔ mʉtɨma wɔta uɗo ngʉwangɔ. Yakamɛngana, mombi ata ɓɨɓɨ achweiso ɨyɔ, kʉ yaka yɛta ɓɨɓɨ ngɨyɛ, yakɨa amati ɔ mʉtɨma ngʉwangɔ. 36Nanenu asigio ɓɔ, akɔ ɓisi ngʉɓa ɓa꞊kio sina-ɔɔ mʉkɔmbʉ, mombi nɔ mombi a꞊ngaka sina yaka yɛta ɓʉtʉʉ ɓʉtʉʉ iɓomu, ɨyɛ a꞉ngaka jɛnɛ ta iɓomu ɓɔ sɛ, apɛɨ ɔ Asɔɓɨɨ. 37Dɔ, ta monu ngʉkɔsɔɔ ka꞊naɓwanakiso sina, nɔ, kʉ monu ngʉkɔsɔɔ kɔ꞊namaya amati ɔ mʉkɔmbʉ.»
Ɓombi ɓanɨta Yeso ɓɔ ɨɓʉpana kɔkɔ
(Mlk 8:11-12; Luk 11:29-32)
38Ambise ɔngɔ, nganangana ɔ Ɓafalisayɔ, ɨhɔ nɔ ɓapananakɨa ɓɔ mapanʉ nga ɓɔmɔ, ɓɔ꞉musigio Yeso ɓɔ: «Ha Mʉpananakɨa! Tɔnɛtɔ ɓɔ atɨpana-sɨ kɔkɔ mʉngana ata mumbangɛ.»
39Yeso ɔ꞉ɓutosio ɓɔ: «Inu, ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨa mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨyɔ ɨgbɛ Yɔna. 40Ɨnadɔ, ya ngbanga ndʉ ɨyɛ Yɔna a꞉kɨa-ɔɔ makwaa kaatʉ, amati ɔ ɓʉa ɓɔ musipe wɔta ʉja, naɓutu kʉndʉ musoti. Kʉɓanɨ, Mwana ngɨyɔ Mombi, a꞊kɨa suo ɨyɔ kʉ makwaa kaatʉ#popoko Yɔna 2:1, asini ɔ ɨtaka, naɓutu kʉndʉ musoti.
41Ɓombi ɓɔ Ninawe ɓa꞉necho mʉtɨma ta angbinga ngɨa Yɔna a꞉ɓʉɓɨakɨa jɛnɛ-ɔɔ, Ɨsaʉ yɔ Asɔɓɨɨ. Ɨnadɔ aka, yanɔ mombi ata mʉja anagaaka Yɔna. Kʉɓanɨ, ɨyɛ Asɔɓɨɨ a꞊kio sina-ɔɔ mʉkɔmbʉ wɔ ɓombi, ɨɓɔ ɓombi ɓɔ Ninawe, ɓɛ꞊maa sina apɛɨ ɔ ɓombi ngʉɓɔ ɓʉɓʉnʉ, naɓɔ achɔngɨa.
42Nɔ ɓata, ta akɔ ɓisi ngʉɓɔnanɨ ɓɔ mʉkɔmbʉ, ngama ɔ ɓoi ata mʉja anɨngwa akɔ ɨkʉmbʉ yɔ Sɛba, ɛ꞊maa sina kʉɔ apɛɨ ɔ ɓombi ngʉɓɔ ɓʉɓʉnʉ, naɓɔ achɔngɨa. Dɔ, a꞉ngwa jɛnɛ ɨyɔ, ɗu nɔgbɛ, anɨka anʉka yaka yɔ nɨmbɨmbɨanaka ngɨyɔ ngama Sɔlɔmɔnɔ. Ɨnadɔ, inu, ɨmbɨeni iɗo ɓɔ aka, yanɔ mombi ata mʉja anagaaka Sɔlɔmɔnɔ!
Idu yatɔa amati ɔ mombi nɔ ɓʉkaɓʉkaɨ nɔgbɛ
(Luk 11:24-26)
43Ɨyɛ mʉtɨma wɔ idu wakyɔchwɛa amati ɔ mombi, wɔsa ayɛnganaka amukengu, ahata ʉmʉa ngʉwa wahomwono-ɔɔ. Angbinga ngɨa wajanga-ɔɔ ʉmʉa ngʉwa wahomwono-ɔɔ inani, 44kʉdɔ, wayakanaka amati angɔ ɓɔ: ‹Na꞊tɔa ta amati ɔ ɨkáá ngɨyɛ aki, na꞉chwɛa pɛ-ɛɛ.› Wɔtɔweni, wɔtɔgbʉka ɨkáá ɓʉtʉʉ, ɨbɨyakɛ, nɔ, ɨtambanakɛ iɗo, 45kʉdɔ, wabi tɨa ahata mɨtɨma yɔ madu ngayɔmɔ yɛta ɓʉkaɓʉkaɨ mɛɗɨanɛka nawɔ anagaaka. Ɨɓɔ, ɓaɓomu ɓɛka akumonio tɨa amati ɔ ɨkáá ngɨyɛnɛnɨ. Kʉdɔ, ɨyɔ mombi ngɨananɨ, ɛ꞊ka tɨa ɓɨɓɨ nɔgbɛ achana aka a꞉ɓio-ɔɔ pɛɨ. Akɔ inu, ɓombi ɓɔta ɓɨɓɨ ngʉɓɔ ɓʉɓʉnʉ, ya꞊kyananakɨa sina kʉɓanɨ.»
Ɓanduku ɓɔ Yeso
(Mlk 3:31-35; Luk 8:19-21)
46Angbinga ngɨa Yeso a꞉ɓio-sɨ-ɔɔ ta angakɨa ambaja ɔ ɓombi yaka, atɨ inye, ɨhɔ nɔ ɓamanye, ɓa꞉ɓio ɓɛmaakɛ tɨa aɓei. Ɨɓɔ, ahata ga ɓayakanaka nɔ atɨ Yeso. [ 47Kʉdɔ, ga mombi mʉngana nayɔ ɓɔ: «Atɨ anʉ, ɨhɔ nɔ ɓana ɓɔ anʉ, ʉɓa ɓa aɓei-a, ɓahata ayakanaka nɔwɛ.»] 48Yeso ɔ꞉mutosio ɓɔ: «Anɨ-sɨ akɛ a ɨnaa ngɨasɛmɨ? Nɔ, ɓana ɓɛnaa ɓa ɓaneni?» 49Kʉdɔ, a꞉yomo ɨkɔndɔ aki ɓakpata ngʉɓangɔ ɓa꞉ɓio-ɛɛ. Ga ɨyɔ ɓɔ: «Ɨnaa, nɔ ɓana ɓɛnaa, ya inu ndʉ aka ná-ɔɔ aka! 50Ya asugo ɓɔ, mombi muɓomu ngɨa, akyananakɨa ɓʉkʉnda ngʉɓɔ Aba ngɨasɛmɨ, ɨya, akʉʉ ɔ ɓisi, ɨyɔ akɛ, a mwana ɔ ɨnaa ata moi, pɔ ɨya ata gue, nɔ kʉ ɨyɔ akɛ, a ɨnaa ngɨasɛmɨ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.