Mʉkpanganɨa 44
44
Yɛjɛfʉ ɔnapɨɔ ɓamanye akɔ ikanio
1Yɛjɛfʉ ɔ꞉titio mombi ɔ tɛa ngɨa a꞉tɨkanga ɨkáá ngɨangɔ ɓɔ: «Husokiso ɓasakɨ ngʉɓɔ ɓombi ngʉɓa, nɔ nganɔ ɓɔ kyɛɛ kyɛɛ, akpatanakɨa nɔ angu ngɨyeɓo. Nɔ, napɨa ɓagyɛgyɛ ngʉɓɔ mombi nɔ mombi ta akɔ moni kɔ sakɨ ngɨangɔ. 2Amati ɔ sakɨ ngɨyɔ mupipekio ngʉweɓo, maya ɓagyɛgyɛ ngʉɓangɔ, ɨhɔ nɔ ɨkɔmbɛ ngɨyɛsɛmɨ, ɨyɛ ɓa꞉ɨkɨa nɔ mako kɔ dada.» Kʉdɔ, ɨyɔ mombi ɔ tɛa ngɨananɨ, a꞉kɨa ngbanga ta ndʉ aka Yɛjɛfʉ a꞉mutitio-ɔɔ.
3Ɨyɛ ɓisi ɓɔ꞉ya nekuɓa yɔngɔ, ɓɔ꞉ɓinjo kyɛnda, ɨhɔ nɔ ɓapunda ngʉɓeɓo. 4Ɨyɛ ta ɓa꞉chwɛa aɓei ɔ gʉlʉ ɓɔ, ɨɓɔ ta ɓɔ ɓa꞉ngɔsenimʉ sɨ pɔ ɗu, ga Yɛjɛfʉ nɔ mombi ngɨangɔ ɓɔ: «Akpatɨa ɓague ngʉɓa gagaa, nɔ, wɔɓufeyokeni, wɔɓuɓokuo ɓɔ: ‹Akɔ yaka yɛta iɗo ngɨyɛ ɓa꞉nɨkɨa pɛ, nɔ́꞉tosio ɓʉɓɨɓɨ dɔtanɨ? 5Inu ɓague, né꞉ɓo ɨkɔmbɛ ngɨyɛ makwasɛmɨ dɔtanɨ? Ya ɨkɔmbɛ ngɨyɛ amwakanaka-ɔɔ, nɔ, kangaka nayɔ ɓanɔkɔ. Inu, nɔ́꞉kɨɔ yaka yɛta ɓɨɓɨ!›» 6Ɔ꞉ɓufeyoko, nɔ, ɔ꞉ɓʉngakɨa yaka ngɨyɛnɛnɨ iɓomu. 7Ga ɨɓɔ nayɔ ɓɔ: «Ha makweso-ee, ɨmanɨ ɨyɛ watɨchwa nɔ yaka yɛta kisoɓa ɓanɨ? Isu, ɓabáya ɓɔsɔɔ, ta꞊ngɔkɨa sina ɨkananja yɔ yaka ndʉ ɨyɛnɛnɨ, pɔ bele! 8Isu, ta꞉tɔwa pɔngɔ nɔ ɓagyɛgyɛ ngʉɓa ta꞉ɓɨna amati ɔ ɓasakɨ ngʉɓeso, aki anɔ Kanana tɔanɨ. Yakwa tɨa tanɨ ɓɔ, isu, tɨsa ɓata aniɓo mako kɔ dada, pɔ ɔlɔ atɨ makwasɔɔ? 9Ɓeneni ɨkɔmbɛ ngɨyɛnɛnɨ, amati ɔ sakɨ ɔ mombi mʉngana ati eso aka, ɓɨwa mombi ɔngɔ ta nɨwa. Nɔ isu, tɛ꞊ka tɨa kʉ ɓabaya ɓɔsɔɔ.» 10Ga mombi ɔ tɛa ngɨananɨ naɓɔ ɓɔ: «Ya ɓanɨ, ɨtakɨtakɨ ngɨyɛ, takɨa ngbanga ta ndʉ aka nɔ꞉sugo-ɔɔ. Yakamɛngana, ta mombi ngɨa ɨkɔmbɛ ngɨyɛnɛnɨ, yɛnɨa alɨkɔndɔ langɔ, akɛ a꞊ɓio ɨyɔ, baya asɛmɨ. Inu ɓombi ngʉɓɔmɔ, nángɔɓiomʉ nɔ yaka.»
11Kʉdɔ, mombi nɔ mombi ɔ꞉diso sakɨ ngɨangɔ ta gagaa, nɔ, ɔ꞉muɓoo moni kɔngɔ, ga paa. 12Ɨyɔ gue ngɨananɨ, a꞉kpɛma ɓasakɨ ngʉɓɔnanɨ ta ɓaɓomu, anɨngwa akɔ sakɨ ngɨa wɔ mutatamusie, akɔɓɔya akɔ mupipekio weɓo. Ɓɔ꞉tɔgbʉka, ɨkɔmbɛ ngɨyɛnɛnɨ, tɨa atɨ Bɛnjamɛ. 13Kʉdɔ, ɓa꞉nachokoko lɨpʉkʉ ngɨleɓo, ɓɔ huwa huwa nɔ ikoko. Mombi nɔ mombi, ɔ꞉tʉmba ɓata sakɨ ngɨangɔ, akʉʉ ɔ punda, akɔtɔwa ɓata kʉ inani amati ɔ gʉlʉ.
Yuda ɔbayɔ aɓio baya amʉdaka wɔ manye
14Atɨ Yuda, nɔ ɓamanye ɓɔ꞉ɓɔya atɨ Yɛjɛfʉ andei, ɓɔ꞉mʉgbʉka-sɨ ɨyɔ ta ananɨ. Ɓɔ꞉gbʉkʉmakɨa ananɨ apɛɨ angɔ akɔɓɔya mesu akɔ ɨsɨ. 15Ga Yɛjɛfʉ naɓɔ ɓɔ: «Ha inu ɓague! Ɨmanɨ yɛta ɓɨɓɨ, nɔ́꞉kɨɔ ɓanɨ? Námbɨ ndɨ anɨmbɨa ɓɔ mombi ndɨ ɨmɨ aka a ta nɔ ɓanɔkɔ ɓangɔ?» 16Ga Yuda nayɔ aka ɓɔ: «Tangɔmʉ nɔ yaka ngɨyɛ tanasigio, makweso. Tasugo dɔ-sɨ ɨmanɨ? Yaka ngɨyɛ yatɨɓwanakiso, yangɔmʉ. Ya Asɔɓɨɨ akɛ, ɛ꞉nɔ ɓʉɓɨɓɨ ngʉɓeso. Ta isu tɨta ɓabaya ɓɔsɔɔ, ɨhɔ nɔ atɨ mombi ngɨa ɓɛ꞉nɔ ɨkɔmbɛ alɨkɔndɔ langɔ.» 17Ga Yɛjɛfʉ naɓɔ aka ɓɔ: «Haa! Nángɔkɨamʉ ɓanɨ pɔ bele. Ta mombi ngɨa ɓɛ꞉nɔ ɨkɔmbɛ alɨkɔndɔ langɔ akɛ, a꞊ɓio ɨyɔ baya asɛmɨ. Inu ɓombi ngʉɓɔmɔ, seni atɨ atɔ eno ta nɔ majɨɔ.»
18Kʉdɔ, Yuda a꞉mɨsɨnganɨa Yɛjɛfʉ, ga ɨyɔ nayɔ ɓɔ: «Kikiliki ngama, sɨa ɓaka gʉtʉ baya asɔɔ, anʉnga yaka apɛɨ ɔ makwangɔ. Watɨnakwɨa ɓaka kɔmʉ ʉnganga, dɔ ʉwɛ ingainga, wa ndɨ Falaɔ. 19Ngama! Wa꞉tiɓokuo pɔngɔ pɛɨ, isu ɓabaya ɓɔsɔɔ ɓɔ: ‹Ná ndɨ kʉ nɔ atɔ eno, pɔ mwana ɔ anʉ eno ngakɔmɔ a ndɨ kʉɔ?› 20Isu, ta꞉natosio pɔngɔ ɓɔ: ‹Aba ngɨyeso a tɨa mʉkʉʉ. Mupipekio ngʉwa aba a꞉mʉnɔta tɨa nɔ ɓʉkʉʉ, a-sɨ kʉ nɛgbama. Ɔ꞉tukoo tɨta ɨyɔ nangana, atɨ inye, dɔ manye, a꞉wo woni, nɔ, aba amʉkʉnda nɔgbɛ.› 21Ngama! Ʉwɛ, wa꞉tɨsigio pɔngɔ ɓɔ: ‹Anɛkieni nɔ mwana ngɨananɨ, iɗo ambɔ nɨmɨna.› 22Isu, ta꞉nasigio pɔngɔ ɓɔ: ‹Mwana ngɨananɨ angɔmʉ aka, angwa-ɔɔ anɔ ambamba angɔ, ɔngweni anɔ ambamba angɔ, ɨsɛ awo ta niwo.› 23Yakamɛngana, ʉwɛ ngama, wa꞉tisigio pɔngɔ ɓɔ: ‹Nɔ́kɔnekiyenimʉ ta nɔ atɨ mwana ɔ anʉ eno ngɨa amupipekio, na꞊tɨnɨnamʉ ɓata aka pɔ nɨna.›
24Ɨyɛ ndʉ, isu ta꞉tɔwa pɔngɔ, aki baya asɔɔ aba a-ɛɛ, tɔ꞉mʉngakɨa pɔngɔ yaka ngɨyɛnɛnɨ, wa꞉tisigio. 25Ga aba nesu ɓɔ: ‹Seni ɓata nesu akaya mwana idyo.› 26Isu ta꞉mutosio pɔngɔ ɓɔ: ‹Tangɔmʉ isu anɨsa inani. Tɔ꞊ɓieni ɨhɔ nɔ atɨ mupipekio ngʉweso, tabi bini. Ɔɓienimʉ ɨhɔ nesu, gue ngɨananɨ, atɨtɨnamʉ ɓata inani pɔ nɨna.› 27Kʉdɔ, aba a꞉ɓio nesu ɓɔ: ‹Nánɨmbɨa iɗo ɓɔ, moi asɛmɨ Lakeli, a꞉nanɔtɨa ɨmɨ ɓana ta ɓapɨnɨ. 28Mombi mʉngana ati eɓo a꞉nasɨa sɨanɨ. Nanɨna ndɨ nama ata ɓʉkaɓʉkaɨ a꞉mʉdya dyanɨ, dɔ, nɔ꞉mɨnɔmʉ jɛnɛ ɓata. 29Tɨa ɨtakɨtakɨ ngɨyɛ, nɔ́nasɨkɨeni ɓata gwa ngɨa kʉ sɨkɨanɨ, nɔ pɔ ɓɔ ɨkyɛmʉ yɛta ɓʉkaɨ yɔmʉkɨa, nabi ɨkyɛmʉ yɔ mʉkʉʉ wɔngɔ aɓʉbɨɨ, nɔɓieni amati ɔ ikoko ngɨyɛ yapipenekio.›
30Makwasɛmɨ, aba a꞉kwaa mʉtɨma akɔ mwana angɔ ngɨananɨ nɔgbɛ, yangɔmʉ adaa ngɨa natɔwa-ɔɔ sɔkɔmʉ ɨhɔ nayɔ. 31Tɔtɔwenimʉ ɨhɔ naɓɔ, aba awo tɨta niwo. Ambɔ tɔ꞊manɔ nayɔ atʉma ɨkyɛmʉ yɔ mʉkʉʉ wɔngɔ aɓʉbɨɨ, ɔɓieni amati ikoko ngɨyɛ yapipenekio. 32Nɔ ɓata, ɨmɨ na꞉musigio pɔngɔ aba kʉ ɓɔ: ‹Ɨmɨ akɛ, nɔɓɨnyanɨɔ ɓɔ yaka ngɨyɔ mwana, yɔnakangɔ ɨmɨ.› Na꞉musigio pɔngɔ kʉ ɓɔ: ‹Ndʉ ɨmɨ, nangɔnatɔyamʉ nayɔ aka, ni꞊ɓio sinani tɨta mombi ata ɓɨɓɨ apɛɨ asɔɔ.› 33Kikiliki, baya ɓaka ɓɔ ɨmɨ akɛ, nitukoo amʉdaka wɔ nɛgbama ngɨa, ndʉ baya asɔɔ. Wɔmʉsɨa ɨyɔ, ta atɔwa ɨhɔ nɔ ɓamanye. 34Ɨmɨ, na꞊tɔwa-sɨ ata aba, ineni yɔngɔ, nɛgbama ɔɓienimʉ ta ɨhɔ nɛmɨ? Pɔ bele, ɨmɨ, na꞊ngɔbimʉ anɨna ikoko ngɨyɛ aba, abikumonio amati ɔngɔ.»
Currently Selected:
Mʉkpanganɨa 44: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Mʉkpanganɨa 44
44
Yɛjɛfʉ ɔnapɨɔ ɓamanye akɔ ikanio
1Yɛjɛfʉ ɔ꞉titio mombi ɔ tɛa ngɨa a꞉tɨkanga ɨkáá ngɨangɔ ɓɔ: «Husokiso ɓasakɨ ngʉɓɔ ɓombi ngʉɓa, nɔ nganɔ ɓɔ kyɛɛ kyɛɛ, akpatanakɨa nɔ angu ngɨyeɓo. Nɔ, napɨa ɓagyɛgyɛ ngʉɓɔ mombi nɔ mombi ta akɔ moni kɔ sakɨ ngɨangɔ. 2Amati ɔ sakɨ ngɨyɔ mupipekio ngʉweɓo, maya ɓagyɛgyɛ ngʉɓangɔ, ɨhɔ nɔ ɨkɔmbɛ ngɨyɛsɛmɨ, ɨyɛ ɓa꞉ɨkɨa nɔ mako kɔ dada.» Kʉdɔ, ɨyɔ mombi ɔ tɛa ngɨananɨ, a꞉kɨa ngbanga ta ndʉ aka Yɛjɛfʉ a꞉mutitio-ɔɔ.
3Ɨyɛ ɓisi ɓɔ꞉ya nekuɓa yɔngɔ, ɓɔ꞉ɓinjo kyɛnda, ɨhɔ nɔ ɓapunda ngʉɓeɓo. 4Ɨyɛ ta ɓa꞉chwɛa aɓei ɔ gʉlʉ ɓɔ, ɨɓɔ ta ɓɔ ɓa꞉ngɔsenimʉ sɨ pɔ ɗu, ga Yɛjɛfʉ nɔ mombi ngɨangɔ ɓɔ: «Akpatɨa ɓague ngʉɓa gagaa, nɔ, wɔɓufeyokeni, wɔɓuɓokuo ɓɔ: ‹Akɔ yaka yɛta iɗo ngɨyɛ ɓa꞉nɨkɨa pɛ, nɔ́꞉tosio ɓʉɓɨɓɨ dɔtanɨ? 5Inu ɓague, né꞉ɓo ɨkɔmbɛ ngɨyɛ makwasɛmɨ dɔtanɨ? Ya ɨkɔmbɛ ngɨyɛ amwakanaka-ɔɔ, nɔ, kangaka nayɔ ɓanɔkɔ. Inu, nɔ́꞉kɨɔ yaka yɛta ɓɨɓɨ!›» 6Ɔ꞉ɓufeyoko, nɔ, ɔ꞉ɓʉngakɨa yaka ngɨyɛnɛnɨ iɓomu. 7Ga ɨɓɔ nayɔ ɓɔ: «Ha makweso-ee, ɨmanɨ ɨyɛ watɨchwa nɔ yaka yɛta kisoɓa ɓanɨ? Isu, ɓabáya ɓɔsɔɔ, ta꞊ngɔkɨa sina ɨkananja yɔ yaka ndʉ ɨyɛnɛnɨ, pɔ bele! 8Isu, ta꞉tɔwa pɔngɔ nɔ ɓagyɛgyɛ ngʉɓa ta꞉ɓɨna amati ɔ ɓasakɨ ngʉɓeso, aki anɔ Kanana tɔanɨ. Yakwa tɨa tanɨ ɓɔ, isu, tɨsa ɓata aniɓo mako kɔ dada, pɔ ɔlɔ atɨ makwasɔɔ? 9Ɓeneni ɨkɔmbɛ ngɨyɛnɛnɨ, amati ɔ sakɨ ɔ mombi mʉngana ati eso aka, ɓɨwa mombi ɔngɔ ta nɨwa. Nɔ isu, tɛ꞊ka tɨa kʉ ɓabaya ɓɔsɔɔ.» 10Ga mombi ɔ tɛa ngɨananɨ naɓɔ ɓɔ: «Ya ɓanɨ, ɨtakɨtakɨ ngɨyɛ, takɨa ngbanga ta ndʉ aka nɔ꞉sugo-ɔɔ. Yakamɛngana, ta mombi ngɨa ɨkɔmbɛ ngɨyɛnɛnɨ, yɛnɨa alɨkɔndɔ langɔ, akɛ a꞊ɓio ɨyɔ, baya asɛmɨ. Inu ɓombi ngʉɓɔmɔ, nángɔɓiomʉ nɔ yaka.»
11Kʉdɔ, mombi nɔ mombi ɔ꞉diso sakɨ ngɨangɔ ta gagaa, nɔ, ɔ꞉muɓoo moni kɔngɔ, ga paa. 12Ɨyɔ gue ngɨananɨ, a꞉kpɛma ɓasakɨ ngʉɓɔnanɨ ta ɓaɓomu, anɨngwa akɔ sakɨ ngɨa wɔ mutatamusie, akɔɓɔya akɔ mupipekio weɓo. Ɓɔ꞉tɔgbʉka, ɨkɔmbɛ ngɨyɛnɛnɨ, tɨa atɨ Bɛnjamɛ. 13Kʉdɔ, ɓa꞉nachokoko lɨpʉkʉ ngɨleɓo, ɓɔ huwa huwa nɔ ikoko. Mombi nɔ mombi, ɔ꞉tʉmba ɓata sakɨ ngɨangɔ, akʉʉ ɔ punda, akɔtɔwa ɓata kʉ inani amati ɔ gʉlʉ.
Yuda ɔbayɔ aɓio baya amʉdaka wɔ manye
14Atɨ Yuda, nɔ ɓamanye ɓɔ꞉ɓɔya atɨ Yɛjɛfʉ andei, ɓɔ꞉mʉgbʉka-sɨ ɨyɔ ta ananɨ. Ɓɔ꞉gbʉkʉmakɨa ananɨ apɛɨ angɔ akɔɓɔya mesu akɔ ɨsɨ. 15Ga Yɛjɛfʉ naɓɔ ɓɔ: «Ha inu ɓague! Ɨmanɨ yɛta ɓɨɓɨ, nɔ́꞉kɨɔ ɓanɨ? Námbɨ ndɨ anɨmbɨa ɓɔ mombi ndɨ ɨmɨ aka a ta nɔ ɓanɔkɔ ɓangɔ?» 16Ga Yuda nayɔ aka ɓɔ: «Tangɔmʉ nɔ yaka ngɨyɛ tanasigio, makweso. Tasugo dɔ-sɨ ɨmanɨ? Yaka ngɨyɛ yatɨɓwanakiso, yangɔmʉ. Ya Asɔɓɨɨ akɛ, ɛ꞉nɔ ɓʉɓɨɓɨ ngʉɓeso. Ta isu tɨta ɓabaya ɓɔsɔɔ, ɨhɔ nɔ atɨ mombi ngɨa ɓɛ꞉nɔ ɨkɔmbɛ alɨkɔndɔ langɔ.» 17Ga Yɛjɛfʉ naɓɔ aka ɓɔ: «Haa! Nángɔkɨamʉ ɓanɨ pɔ bele. Ta mombi ngɨa ɓɛ꞉nɔ ɨkɔmbɛ alɨkɔndɔ langɔ akɛ, a꞊ɓio ɨyɔ baya asɛmɨ. Inu ɓombi ngʉɓɔmɔ, seni atɨ atɔ eno ta nɔ majɨɔ.»
18Kʉdɔ, Yuda a꞉mɨsɨnganɨa Yɛjɛfʉ, ga ɨyɔ nayɔ ɓɔ: «Kikiliki ngama, sɨa ɓaka gʉtʉ baya asɔɔ, anʉnga yaka apɛɨ ɔ makwangɔ. Watɨnakwɨa ɓaka kɔmʉ ʉnganga, dɔ ʉwɛ ingainga, wa ndɨ Falaɔ. 19Ngama! Wa꞉tiɓokuo pɔngɔ pɛɨ, isu ɓabaya ɓɔsɔɔ ɓɔ: ‹Ná ndɨ kʉ nɔ atɔ eno, pɔ mwana ɔ anʉ eno ngakɔmɔ a ndɨ kʉɔ?› 20Isu, ta꞉natosio pɔngɔ ɓɔ: ‹Aba ngɨyeso a tɨa mʉkʉʉ. Mupipekio ngʉwa aba a꞉mʉnɔta tɨa nɔ ɓʉkʉʉ, a-sɨ kʉ nɛgbama. Ɔ꞉tukoo tɨta ɨyɔ nangana, atɨ inye, dɔ manye, a꞉wo woni, nɔ, aba amʉkʉnda nɔgbɛ.› 21Ngama! Ʉwɛ, wa꞉tɨsigio pɔngɔ ɓɔ: ‹Anɛkieni nɔ mwana ngɨananɨ, iɗo ambɔ nɨmɨna.› 22Isu, ta꞉nasigio pɔngɔ ɓɔ: ‹Mwana ngɨananɨ angɔmʉ aka, angwa-ɔɔ anɔ ambamba angɔ, ɔngweni anɔ ambamba angɔ, ɨsɛ awo ta niwo.› 23Yakamɛngana, ʉwɛ ngama, wa꞉tisigio pɔngɔ ɓɔ: ‹Nɔ́kɔnekiyenimʉ ta nɔ atɨ mwana ɔ anʉ eno ngɨa amupipekio, na꞊tɨnɨnamʉ ɓata aka pɔ nɨna.›
24Ɨyɛ ndʉ, isu ta꞉tɔwa pɔngɔ, aki baya asɔɔ aba a-ɛɛ, tɔ꞉mʉngakɨa pɔngɔ yaka ngɨyɛnɛnɨ, wa꞉tisigio. 25Ga aba nesu ɓɔ: ‹Seni ɓata nesu akaya mwana idyo.› 26Isu ta꞉mutosio pɔngɔ ɓɔ: ‹Tangɔmʉ isu anɨsa inani. Tɔ꞊ɓieni ɨhɔ nɔ atɨ mupipekio ngʉweso, tabi bini. Ɔɓienimʉ ɨhɔ nesu, gue ngɨananɨ, atɨtɨnamʉ ɓata inani pɔ nɨna.› 27Kʉdɔ, aba a꞉ɓio nesu ɓɔ: ‹Nánɨmbɨa iɗo ɓɔ, moi asɛmɨ Lakeli, a꞉nanɔtɨa ɨmɨ ɓana ta ɓapɨnɨ. 28Mombi mʉngana ati eɓo a꞉nasɨa sɨanɨ. Nanɨna ndɨ nama ata ɓʉkaɓʉkaɨ a꞉mʉdya dyanɨ, dɔ, nɔ꞉mɨnɔmʉ jɛnɛ ɓata. 29Tɨa ɨtakɨtakɨ ngɨyɛ, nɔ́nasɨkɨeni ɓata gwa ngɨa kʉ sɨkɨanɨ, nɔ pɔ ɓɔ ɨkyɛmʉ yɛta ɓʉkaɨ yɔmʉkɨa, nabi ɨkyɛmʉ yɔ mʉkʉʉ wɔngɔ aɓʉbɨɨ, nɔɓieni amati ɔ ikoko ngɨyɛ yapipenekio.›
30Makwasɛmɨ, aba a꞉kwaa mʉtɨma akɔ mwana angɔ ngɨananɨ nɔgbɛ, yangɔmʉ adaa ngɨa natɔwa-ɔɔ sɔkɔmʉ ɨhɔ nayɔ. 31Tɔtɔwenimʉ ɨhɔ naɓɔ, aba awo tɨta niwo. Ambɔ tɔ꞊manɔ nayɔ atʉma ɨkyɛmʉ yɔ mʉkʉʉ wɔngɔ aɓʉbɨɨ, ɔɓieni amati ikoko ngɨyɛ yapipenekio. 32Nɔ ɓata, ɨmɨ na꞉musigio pɔngɔ aba kʉ ɓɔ: ‹Ɨmɨ akɛ, nɔɓɨnyanɨɔ ɓɔ yaka ngɨyɔ mwana, yɔnakangɔ ɨmɨ.› Na꞉musigio pɔngɔ kʉ ɓɔ: ‹Ndʉ ɨmɨ, nangɔnatɔyamʉ nayɔ aka, ni꞊ɓio sinani tɨta mombi ata ɓɨɓɨ apɛɨ asɔɔ.› 33Kikiliki, baya ɓaka ɓɔ ɨmɨ akɛ, nitukoo amʉdaka wɔ nɛgbama ngɨa, ndʉ baya asɔɔ. Wɔmʉsɨa ɨyɔ, ta atɔwa ɨhɔ nɔ ɓamanye. 34Ɨmɨ, na꞊tɔwa-sɨ ata aba, ineni yɔngɔ, nɛgbama ɔɓienimʉ ta ɨhɔ nɛmɨ? Pɔ bele, ɨmɨ, na꞊ngɔbimʉ anɨna ikoko ngɨyɛ aba, abikumonio amati ɔngɔ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.