Ехъошуа 8
8
Яенэрэ шъхьэр
Ӏай къалэр зэраштагъэмрэ зэрэзэхакъутагъэмрэ
1ЕтӀанэ Зиусхьаным Ехъошуа къыриӀуагъ:
– Умыщын, угуи умыгъэкӀод. Дзэр зэрэпсэоу ещажьи, кӀуи, Ӏай къалэм теу. Сэ о пӀэ къислъхьагъэба Ӏай ипачъыхьи, ащ зэкӀэ ицӀыфхэри, икъали, ичӀыгуи. 2Ерыхъэу къалэмрэ ащ ипачъыхьэрэ япшӀагъэр Ӏай къалэмрэ ащ ипачъыхьэрэ яшӀ, ау къонтхъымрэ былымхэмрэ шъо шъуштэнхэшъ, зэфэжъугощынхэ шъуфит. Джы къэлэ кӀыбым шъуакъыщыпэтӀыс.
3Ехъошуа дзэр зэрэпсэоу Ӏай къалэм езэонэу къыӀатыгъ. ДзэкӀолӀ анахь дэгъухэу нэбгырэ мин щэкӀ къахихи, ахэр чэщэу ыгъэкӀуагъэх, 4унашъо афишӀи, ариӀуагъ:
– Мары шъо къэлэ кӀыбым шъуакъыщыпэтӀысыщт. Чыжьащэу шъуӀумыкӀ. ЗэкӀэми шъухьазырэу шъущыт. 5Сэри зэкӀэ сигъусэхэми къалэм текӀущт. КъытпекӀонхэу къызыдэкӀыхэкӀэ, нахьыпэм фэдэу зыкъыкӀэттхъужьыщт. 6Ахэр къызытлъежьэхэкӀэ, къалэм Ӏутщыщтых. Джащыгъум: «Нахьыпэм фэдэу ахэм зыкӀатхъужьы», аӀощт. Арышъ, тэ къызыкӀэттхъужькӀэ, 7шъо тӀысыпӀэм шъукъикӀи, къалэр шъуштэ. Зиусхьанэу, шъуи Тхьэ, ар шъо шъуӀэ къырилъхьащт. 8Къалэр зышъуштэкӀэ, машӀо ешъудз. Зиусхьаным унашъоу къышъуфишӀыгъэр зэкӀэ жъугъэцакӀэ. Джары сэ унашъоу къышъуфэсшӀырэр!
9Джаущтэу Ехъошуа ахэр ытӀупщыгъэх. Арыти, ахэр кӀохи, Ӏай къалэ къаухьи, Бэтэлрэ Ӏайрэ азыфагу, Ӏай къалэм итыгъэкъохьэпӀэ лъэныкъо зыщаушъэфыгъ. Ехъошуа пӀомэ, зэолӀхэм ягъусэу чэщыр рихыгъ. 10Пчэдыжьым Ехъошуа жьэу къэтэджи, дзэр къыплъыхьагъ. ЕтӀанэ ежьыри израилхэм янахьыжъ упчӀэжьэгъухэри дзэм ыпэ итхэу Ӏай къалэм ежьагъэх. 11Къалэм пэблагъэ зэхъухэм, ахэр ащ ыпашъхьэ къыщыуцухи, Ӏай къалэм итемыр лъэныкъо, ежьхэмрэ къалэмрэ азыфагу кӀэир илъэу, уцупӀэ щагъэпсыгъ. 12Ехъошуа нэбгырэ минитф фэдиз къалэм итыгъэкъохьэпӀэ лъэныкъокӀэ Бэтэлрэ Ӏайрэ азыфагу дигъэтӀысхьагъэх. 13Ащ идзэ инахьыбэр къалэм итемыр лъэныкъо щыӀагъ, пэтӀысыгъэхэр къохьэпӀэ лъэныкъом къыщыуцугъагъэх.
А чэщым Ехъошуа кӀэим дэхьагъ. 14Ӏай къалэм ипачъыхьэ ар зелъэгъум, ежьыри изэолӀхэри пчэдыжьым жьэу къэтэджхи, израилхэм къязэонхэу гуӀэнкӀэ къыдэкӀхи, Иордан кӀэим къекӀолӀагъэх. Къэлэ кӀыбым зэолӀхэр къызэрэщыпэтӀысыгъэхэр ащ ышӀэщтыгъэп. 15Ехъошуарэ зэкӀэ израилхэмрэ пыир къатекӀуагъэ фэдэу зашӀи, шъофнэкӀымкӀэ ечъэжьагъэх. 16Арыти, адрэхэр къалэм къыдэнэжьыгъэ цӀыфхэм зэкӀэм къяджэхи, Ехъошуа кӀэлъежьэхи, къалэм чыжьэу ӀукӀыгъэх. 17Ӏайи Бэтэли зы зэолӀ къадэмынэу, зэкӀэ израилхэм алъежьагъэх. Ахэр израилхэм залъечъажьэхэм къалэм икъэлапчъэхэр емыгъэтыгъэу къагъэнагъэх. 18Ащ ыуж Зиусхьаным Ехъошуа къыриӀуагъ:
– Пчыпыджынэу пӀыгъыр, Ӏай дэжькӀэ щэйи, Сэ къалэр пӀэ къислъхьащт.
Ехъошуа ипчыпыджын Ӏай къалэм ылъэныкъокӀэ зещэим, 19къэлэ кӀыбым къащыпэтӀысыгъэ зэолӀхэм зыкъаӀэти, ыпэкӀэ илъыгъэх. Ахэр къалэм дахьэхи, ашти, ардэдэми машӀо кӀадзэжьыгъ.
20Ӏай зэолӀхэр къызызэплъэкӀыхэм Ӏугъор къалэм къышъхьащихэу, ошъогум дэкӀуаеу алъэгъугъ. Ау ахэм зыдэчъэжьын яӀагъэп, израилхэу шъофнэкӀымкӀэ ечъэжьэгъагъэхэм къытырагъази, къалъежьагъэхэм апежьагъэх. 21Ехъошуарэ зэкӀэ израилхэмрэ къащыпагъэтӀысыгъэхэм къалэр зэраштагъэр, ащ Ӏугъор къызэрэдихырэр залъэгъум, къытырагъэзэжьи, Ӏай къэлэдэсхэм атеуагъэх. 22Къалэр зыштагъэхэри къыдэкӀхи, Ӏай изэолӀхэм къапэгъокӀыгъэх. Джаущтэу ахэр лъэныкъуитӀумкӀи израилхэм азыфагу дэубытагъэхэу хъугъэх. Израилхэм зыпари псэоу къагъэнагъэп, зыпарэми зыкӀитхъужьын ылъэкӀыгъэп. 23Ау Ӏай къалэм ипачъыхьэ псэоу къаубыти, Ехъошуа дэжь къащагъ.
24Израилхэм алъежьэгъэгъэ къэлэдэсхэу губгъомрэ шъофнэкӀымрэ нэс зыфыгъэхэр зы нэбгыри къамыгъанэу чатэкӀэ заукӀхэм, къагъэзэжьи Ӏай къалэм къыдэнагъэхэр зэкӀэ зэтыраукӀагъэх. 25А мафэм Ӏай къалэм дэсыгъэхэр зэкӀэ – хъулъфыгъэуи орэхъу, бзылъфыгъэуи орэхъу нэбгырэ мин пшӀыкӀутӀу аукӀыгъ. 26Ӏай къэлэдэсхэр зэкӀэ зэтырамыукӀэфэхэ пчыпыджыныр зыӀыгъ Ӏэр Ехъошуа къыритӀупщэхыгъэп. 27Зиусхьаным Ехъошуа унашъо къызэрэфишӀыгъэм фэдэу былымхэри къонтхъыри израилхэм аштагъэх.
28Джаущтэу Ехъошуа Ӏай къалэр ыгъэсти, хэкужъэу къыгъэнагъ. Непэ къызнэсыгъэми ар чӀыпӀэ нэкӀэу зэрэщыт. 29Ӏай пачъыхьэр пӀомэ, ар чъыгым паригъалъи, пчыхьашъхьэ охъуфэ пигъэлъыгъ. Тыгъэ къохьэгъум Ехъошуа унашъо ышӀи, пачъыхьэм ихьадэ чъыгым къыпаригъэхыжьи, къалэм идэхьэгъу дэжь къэлапчъэхэм аӀуаригъэдзэжьыгъ. ЦӀыфхэм ащ мыжъо тыратэкъуагъ. Джы къызынэсыгъэми ар хэӀэтыкӀыгъэу зэрэщыт.
Ӏэбал къушъхьэм зэзэгъыныгъэр зэрэщагъэкӀэжьыгъэр
30-31Зиусхьаным иӀумэтэу Мосэ израилхэм унашъо къызэрафишӀыгъагъэм фэдэу Ехъошуа къушъхьэу Ӏэбал Зиусхьанэу, Израилым и Тхьэ къурмэншӀыпӀэ щыфишӀыгъ. Мосэ и Хабзэ зэрыт тхылъым зэритхагъэм фэдэу – амыуӀучӀыгъэ мыжъохэу, гъучӀ Ӏэмэ-псымэкӀэ зыдэмылэжьэжьыгъэхэм ахэшӀыкӀыгъэ къурмэншӀыпӀэу ар ыгъэпсыгъ. Ащ къурмэнгъэстрэ мамыр къурмэнрэ Зиусхьаным щыфашӀыгъэх. 32Джащ дэжьым израилхэм апашъхьэ Ехъошуа Мосэ ытхыгъэ Хабзэм къытыритхыкӀыжьи, икӀэрыкӀэу мыжъохэм атыритхагъ. 33ЗэкӀэ израилхэр – хымэ лъэпкъ щыщхэри ежь израилхэм къатекӀыгъэхэри, янахьыжъ упчӀэжьэгъухэри, яӀэшъхьэтетхэри, яхьыкумышӀхэри зэгъусэхэу – Зиусхьаным ипхъонтэ лъапӀэ ыбгъуитӀукӀэ щытыгъэх лэуй-къурмэнышӀэу ар зыхьыщтыгъэхэм апашъхьэ итхэу. Лъэпкъым ызыныкъо Гъэрызым къушъхьэм пэчӀынатӀэу щытыгъ, адрэр – Ӏэбал къушъхьэм. Джащ фэдэу зэхэтхэу израил лъэпкъым нэшӀущыфэныгъэхэр фаӀонхэу ары Зиусхьаным иӀумэтэу Мосэ ыпэкӀэ унашъоу къышӀыгъагъэр.
34Ащ ыуж Хэбзэ тхылъым зэритхагъэм фэдэ къабзэу Ехъошуа Хабзэм ит гущыӀэхэм зэкӀэми ымакъэ Ӏоу къяджагъ – нэшӀущыфэныгъэхэми нэлатхэми. 35Мосэ унашъоу ышӀыгъэхэм зэрэизраил лъэпкъэу, зэӀукӀэм къекӀолӀэгъэ пстэуми – бзылъфыгъэхэри, сабыйхэри, хымэ лъэпкъмэ ащыщхэу ахэсхэри зэрахэтыжьэу – Ехъошуа зы гущыӀи кӀимыгъэзэу къафеджагъ.
Currently Selected:
Ехъошуа 8: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 8
8
Яенэрэ шъхьэр
Ӏай къалэр зэраштагъэмрэ зэрэзэхакъутагъэмрэ
1ЕтӀанэ Зиусхьаным Ехъошуа къыриӀуагъ:
– Умыщын, угуи умыгъэкӀод. Дзэр зэрэпсэоу ещажьи, кӀуи, Ӏай къалэм теу. Сэ о пӀэ къислъхьагъэба Ӏай ипачъыхьи, ащ зэкӀэ ицӀыфхэри, икъали, ичӀыгуи. 2Ерыхъэу къалэмрэ ащ ипачъыхьэрэ япшӀагъэр Ӏай къалэмрэ ащ ипачъыхьэрэ яшӀ, ау къонтхъымрэ былымхэмрэ шъо шъуштэнхэшъ, зэфэжъугощынхэ шъуфит. Джы къэлэ кӀыбым шъуакъыщыпэтӀыс.
3Ехъошуа дзэр зэрэпсэоу Ӏай къалэм езэонэу къыӀатыгъ. ДзэкӀолӀ анахь дэгъухэу нэбгырэ мин щэкӀ къахихи, ахэр чэщэу ыгъэкӀуагъэх, 4унашъо афишӀи, ариӀуагъ:
– Мары шъо къэлэ кӀыбым шъуакъыщыпэтӀысыщт. Чыжьащэу шъуӀумыкӀ. ЗэкӀэми шъухьазырэу шъущыт. 5Сэри зэкӀэ сигъусэхэми къалэм текӀущт. КъытпекӀонхэу къызыдэкӀыхэкӀэ, нахьыпэм фэдэу зыкъыкӀэттхъужьыщт. 6Ахэр къызытлъежьэхэкӀэ, къалэм Ӏутщыщтых. Джащыгъум: «Нахьыпэм фэдэу ахэм зыкӀатхъужьы», аӀощт. Арышъ, тэ къызыкӀэттхъужькӀэ, 7шъо тӀысыпӀэм шъукъикӀи, къалэр шъуштэ. Зиусхьанэу, шъуи Тхьэ, ар шъо шъуӀэ къырилъхьащт. 8Къалэр зышъуштэкӀэ, машӀо ешъудз. Зиусхьаным унашъоу къышъуфишӀыгъэр зэкӀэ жъугъэцакӀэ. Джары сэ унашъоу къышъуфэсшӀырэр!
9Джаущтэу Ехъошуа ахэр ытӀупщыгъэх. Арыти, ахэр кӀохи, Ӏай къалэ къаухьи, Бэтэлрэ Ӏайрэ азыфагу, Ӏай къалэм итыгъэкъохьэпӀэ лъэныкъо зыщаушъэфыгъ. Ехъошуа пӀомэ, зэолӀхэм ягъусэу чэщыр рихыгъ. 10Пчэдыжьым Ехъошуа жьэу къэтэджи, дзэр къыплъыхьагъ. ЕтӀанэ ежьыри израилхэм янахьыжъ упчӀэжьэгъухэри дзэм ыпэ итхэу Ӏай къалэм ежьагъэх. 11Къалэм пэблагъэ зэхъухэм, ахэр ащ ыпашъхьэ къыщыуцухи, Ӏай къалэм итемыр лъэныкъо, ежьхэмрэ къалэмрэ азыфагу кӀэир илъэу, уцупӀэ щагъэпсыгъ. 12Ехъошуа нэбгырэ минитф фэдиз къалэм итыгъэкъохьэпӀэ лъэныкъокӀэ Бэтэлрэ Ӏайрэ азыфагу дигъэтӀысхьагъэх. 13Ащ идзэ инахьыбэр къалэм итемыр лъэныкъо щыӀагъ, пэтӀысыгъэхэр къохьэпӀэ лъэныкъом къыщыуцугъагъэх.
А чэщым Ехъошуа кӀэим дэхьагъ. 14Ӏай къалэм ипачъыхьэ ар зелъэгъум, ежьыри изэолӀхэри пчэдыжьым жьэу къэтэджхи, израилхэм къязэонхэу гуӀэнкӀэ къыдэкӀхи, Иордан кӀэим къекӀолӀагъэх. Къэлэ кӀыбым зэолӀхэр къызэрэщыпэтӀысыгъэхэр ащ ышӀэщтыгъэп. 15Ехъошуарэ зэкӀэ израилхэмрэ пыир къатекӀуагъэ фэдэу зашӀи, шъофнэкӀымкӀэ ечъэжьагъэх. 16Арыти, адрэхэр къалэм къыдэнэжьыгъэ цӀыфхэм зэкӀэм къяджэхи, Ехъошуа кӀэлъежьэхи, къалэм чыжьэу ӀукӀыгъэх. 17Ӏайи Бэтэли зы зэолӀ къадэмынэу, зэкӀэ израилхэм алъежьагъэх. Ахэр израилхэм залъечъажьэхэм къалэм икъэлапчъэхэр емыгъэтыгъэу къагъэнагъэх. 18Ащ ыуж Зиусхьаным Ехъошуа къыриӀуагъ:
– Пчыпыджынэу пӀыгъыр, Ӏай дэжькӀэ щэйи, Сэ къалэр пӀэ къислъхьащт.
Ехъошуа ипчыпыджын Ӏай къалэм ылъэныкъокӀэ зещэим, 19къэлэ кӀыбым къащыпэтӀысыгъэ зэолӀхэм зыкъаӀэти, ыпэкӀэ илъыгъэх. Ахэр къалэм дахьэхи, ашти, ардэдэми машӀо кӀадзэжьыгъ.
20Ӏай зэолӀхэр къызызэплъэкӀыхэм Ӏугъор къалэм къышъхьащихэу, ошъогум дэкӀуаеу алъэгъугъ. Ау ахэм зыдэчъэжьын яӀагъэп, израилхэу шъофнэкӀымкӀэ ечъэжьэгъагъэхэм къытырагъази, къалъежьагъэхэм апежьагъэх. 21Ехъошуарэ зэкӀэ израилхэмрэ къащыпагъэтӀысыгъэхэм къалэр зэраштагъэр, ащ Ӏугъор къызэрэдихырэр залъэгъум, къытырагъэзэжьи, Ӏай къэлэдэсхэм атеуагъэх. 22Къалэр зыштагъэхэри къыдэкӀхи, Ӏай изэолӀхэм къапэгъокӀыгъэх. Джаущтэу ахэр лъэныкъуитӀумкӀи израилхэм азыфагу дэубытагъэхэу хъугъэх. Израилхэм зыпари псэоу къагъэнагъэп, зыпарэми зыкӀитхъужьын ылъэкӀыгъэп. 23Ау Ӏай къалэм ипачъыхьэ псэоу къаубыти, Ехъошуа дэжь къащагъ.
24Израилхэм алъежьэгъэгъэ къэлэдэсхэу губгъомрэ шъофнэкӀымрэ нэс зыфыгъэхэр зы нэбгыри къамыгъанэу чатэкӀэ заукӀхэм, къагъэзэжьи Ӏай къалэм къыдэнагъэхэр зэкӀэ зэтыраукӀагъэх. 25А мафэм Ӏай къалэм дэсыгъэхэр зэкӀэ – хъулъфыгъэуи орэхъу, бзылъфыгъэуи орэхъу нэбгырэ мин пшӀыкӀутӀу аукӀыгъ. 26Ӏай къэлэдэсхэр зэкӀэ зэтырамыукӀэфэхэ пчыпыджыныр зыӀыгъ Ӏэр Ехъошуа къыритӀупщэхыгъэп. 27Зиусхьаным Ехъошуа унашъо къызэрэфишӀыгъэм фэдэу былымхэри къонтхъыри израилхэм аштагъэх.
28Джаущтэу Ехъошуа Ӏай къалэр ыгъэсти, хэкужъэу къыгъэнагъ. Непэ къызнэсыгъэми ар чӀыпӀэ нэкӀэу зэрэщыт. 29Ӏай пачъыхьэр пӀомэ, ар чъыгым паригъалъи, пчыхьашъхьэ охъуфэ пигъэлъыгъ. Тыгъэ къохьэгъум Ехъошуа унашъо ышӀи, пачъыхьэм ихьадэ чъыгым къыпаригъэхыжьи, къалэм идэхьэгъу дэжь къэлапчъэхэм аӀуаригъэдзэжьыгъ. ЦӀыфхэм ащ мыжъо тыратэкъуагъ. Джы къызынэсыгъэми ар хэӀэтыкӀыгъэу зэрэщыт.
Ӏэбал къушъхьэм зэзэгъыныгъэр зэрэщагъэкӀэжьыгъэр
30-31Зиусхьаным иӀумэтэу Мосэ израилхэм унашъо къызэрафишӀыгъагъэм фэдэу Ехъошуа къушъхьэу Ӏэбал Зиусхьанэу, Израилым и Тхьэ къурмэншӀыпӀэ щыфишӀыгъ. Мосэ и Хабзэ зэрыт тхылъым зэритхагъэм фэдэу – амыуӀучӀыгъэ мыжъохэу, гъучӀ Ӏэмэ-псымэкӀэ зыдэмылэжьэжьыгъэхэм ахэшӀыкӀыгъэ къурмэншӀыпӀэу ар ыгъэпсыгъ. Ащ къурмэнгъэстрэ мамыр къурмэнрэ Зиусхьаным щыфашӀыгъэх. 32Джащ дэжьым израилхэм апашъхьэ Ехъошуа Мосэ ытхыгъэ Хабзэм къытыритхыкӀыжьи, икӀэрыкӀэу мыжъохэм атыритхагъ. 33ЗэкӀэ израилхэр – хымэ лъэпкъ щыщхэри ежь израилхэм къатекӀыгъэхэри, янахьыжъ упчӀэжьэгъухэри, яӀэшъхьэтетхэри, яхьыкумышӀхэри зэгъусэхэу – Зиусхьаным ипхъонтэ лъапӀэ ыбгъуитӀукӀэ щытыгъэх лэуй-къурмэнышӀэу ар зыхьыщтыгъэхэм апашъхьэ итхэу. Лъэпкъым ызыныкъо Гъэрызым къушъхьэм пэчӀынатӀэу щытыгъ, адрэр – Ӏэбал къушъхьэм. Джащ фэдэу зэхэтхэу израил лъэпкъым нэшӀущыфэныгъэхэр фаӀонхэу ары Зиусхьаным иӀумэтэу Мосэ ыпэкӀэ унашъоу къышӀыгъагъэр.
34Ащ ыуж Хэбзэ тхылъым зэритхагъэм фэдэ къабзэу Ехъошуа Хабзэм ит гущыӀэхэм зэкӀэми ымакъэ Ӏоу къяджагъ – нэшӀущыфэныгъэхэми нэлатхэми. 35Мосэ унашъоу ышӀыгъэхэм зэрэизраил лъэпкъэу, зэӀукӀэм къекӀолӀэгъэ пстэуми – бзылъфыгъэхэри, сабыйхэри, хымэ лъэпкъмэ ащыщхэу ахэсхэри зэрахэтыжьэу – Ехъошуа зы гущыӀи кӀимыгъэзэу къафеджагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023