Ехъошуа 2
2
ЯтӀонэрэ шъхьэр
Рахъабрэ джасусхэмрэ
1ЕтӀанэ Ныун ыкъо Ехъошуа, Шытым дэт дзэ уцупӀэм, джасуситӀу ригъэкӀыхи, ыгъэкӀуагъэх.
– Шъэфэу шъукӀуи а чӀыгур къэшъуплъыхь, – ыӀуагъ ащ, – анахьэу Ерыхъэу къалэм шъунаӀэ тежъугъэт.
Ерыхъэу ахэр зынэсхэм, бзылъфыгъэ хэтакӀоу Рахъаб зыцӀэм иунэ екӀуалӀэхи, чэщыр щырахынэу ащ къыщыуцугъэх.
2А къэбарыр Ерыхъэу къалэм ипачъыхьэ нагъэсыгъ:
– Израил горэхэр мы чӀыгур къаплъыхьанэу мары, пчыхьашъхьэ къэкӀуагъэх.
3Джащыгъум, Ерыхъэу пачъыхьэм ицӀыфхэр Рахъаб фигъакӀохи, иунашъо раригъэӀуагъ:
– Мы чӀыгур зэкӀэ къаплъыхьанэу къэкӀуагъэхэшъ, уиунэ къекӀолӀэгъэ цӀыфхэр къытфищых.
4Ау бзылъфыгъэм хъулъфыгъитӀур ыгъэбылъыгъэх.
– Шъыпкъэ, – ыӀуагъ ащ, – садэжь цӀыфхэр къэкӀогъагъэх, ау ахэр къыздикӀыгъэхэр сэ сшӀагъэп. 5Чэпэзэхэогъум, къэлапчъэхэр зыщырагъэтыжьыщтым, дэкӀыжьыгъэх. Зыздагъэзагъэри сшӀэрэп. ПсынкӀэу ауж шъуихьэмэ, шъуакӀэхьан.
6Ежь а хъулъфыгъитӀур унашъхьэм дищаехи, ащ тырилъхьэгъэ чэтэн щэпкъхэм ачӀэгъ чӀигъэбылъыхьэгъагъэх.
7Джасусхэм алъежьагъэхэр Иордан псыхъом екӀурэ гъогум техьэхи, зэпырыкӀыпӀэм нэс кӀуагъэх. Ахэр зэрэдэкӀыгъэхэм лъыпытэу къэлапчъэхэр рагъэтыжьыгъэх.
8Джасусхэр гъолъыжьынхэм ыпэкӀэ, бзылъфыгъэр унашъхьэм дэкӀуайи, 9ахэм ариӀуагъ:
– Зиусхьаным мы чӀыгур шъо къызэрэшъуитыгъэр сэ сэшӀэ. Щынэгъошхом тызкӀызэлъиштагъэри мы чӀыгум щыпсэухэрэр зэкӀэ лъэшэу къызкӀышъущыщынэхэри джары. 10Тэ къэбаркӀэ зэхэтхыгъэ: Мысырым шъукъикӀыжь зэхъум, шъукъызэпырыкӀын шъулъэкӀынэу хы Къамылыр шъуапашъхьэ Зиусхьаным зэрэщыригъэгъушъыкӀыгъэри Иордан псыхъом ыкӀыбкӀэ амэр пачъыхьэхэу Сыхъонрэ Ӏогърэ лъэпсэкӀод зэрэщышъушӀыгъэхэри. 11Ар зызэхэтэхым, тыгу къэкӀодыгъ. Зиусхьанэу шъуи Тхьэ ышъхьагъыкӀэ уашъоми ычӀэгъыкӀэ чӀыгуми ащыӀэ Тхьэр арышъ, къышъупэуцужьынэу тащыщ горэми гу къызыӀэпишӀыхьажьышъурэп. 12-13Арэу зыщыткӀэ, сэ гукӀэгъу къызэрэшъуфэсшӀыгъэм фэдэу сиунагъо гукӀэгъу къыфэшъушӀынэу Зиусхьаным ыпашъхьэ шъуитэу тхьэрыӀо къысфэшъушӀ. Сятэрэ сянэрэ, сшыхэмрэ сшыпхъухэмрэ, ахэм яунагъохэм зэкӀэ арысхэмрэ апсэхэр къызэрэжъугъэнэжьыщтэхэм, лӀэныгъэм тыкъызэрэӀэкӀэшъухыжьыщтым ишыхьат тамыгъэри нэрылъэгъу къысфэшъушӀ.
14– Шъо шъучӀыпӀэ тэ тпсэхэр лӀэныгъэм ӀэкӀэрэхьэх, – джасусхэм бзылъфыгъэр къагъэгугъагъ. – Ӏофэу зетфэрэм ышъхьэ хэти фимыхмэ, мы чӀыгур Зиусхьаным къызытитрэм ыуж, тэ о гукӀэгъу къыпфэтшӀыщт, шъыпкъагъи къытэбгъотылӀэщт.
15Бзылъфыгъэм иунэ къэлэсэрай дэпкъым хэтыгъэти, джащыгъум шъхьангъупчъэмкӀэ едзыхыгъэ кӀапсэмкӀэ ахэр ритӀупщэхыжьхи, 16ариӀуагъ:
– Къышъулъежьагъэхэм шъукъамыгъотыным фэшӀ бгыхэм шъуякӀуи, ахэм мэфищэ защыжъугъэбылъ. ЕтӀанэ ахэм къызагъэзэжьыкӀэ, шъори шъуигъогу шъутехьажь.
17-18Арыти:
– Мы чӀыгум тыкъызихьэкӀэ, джыдэдэм къызэрэуатӀорэм фэдэу мы шъэгъэ плъыжьыр тыкъызэрептӀупщэхыжьыгъэ шъхьангъупчъэм къыпымылъэмэ, – джасусхэм бзылъфыгъэм къыраӀуагъ, – уятэрэ уянэрэ, пшыхэр, уятэ иунагъо зэкӀэ зэрэщытэу о уиунэ къыщымыугъойхэмэ тхьэрыӀоу тэбгъэштагъэр тшъхьарэкӀыжьы. 19Хэтми уиунэ къикӀэу урамым къытехьагъэу аукӀырэм, зэраукӀыгъэр ежьым илажь#2:19 Ижъырэ джуртыбзэкӀэ тхыгъэ Ӏэпэрытхым итхагъэр: «ылъ ежь ышъхьэ тефэжьы».. АщкӀэ тэ пшъэдэкӀыжь тхьырэп. Ау уиунэ исэу хъурэм ащыщ зыгорэм ыӀэ къынэсмэ, ащ ихьадэгъукӀэ тэры мысэр. 20Зыщымыгъэгъупш: тыпӀуатэмэ, тхьэрыӀоу тэбгъэштагъэр мэкъутэ.
21– Дэгъу, – ыӀуагъ бзылъфыгъэм, – къызэрэшъуӀуагъэм тетэу орэхъу.
Ащ хъулъфыгъэхэр ригъэкӀыжьхи, ежь шъэгъэ плъыжьыр шъхьангъупчъэм пипхагъ.
22Адрэхэр ежьэжьхи, бгыхэм якӀухи, акӀэлъежьагъэхэм гъогухэр къалъыхъуфэхэ, къамыгъотыгъэхэу къагъэзэжьыфэ, мэфищэ ащ щыӀагъэх.
23Ащ ыуж хъулъфыгъитӀур ягъогу техьажьыгъэх. Ахэр бгыхэм къяхыжьхи, псыхъом зызэпырэкӀыжьхэм, Ныун ыкъо Ехъошуа дэжь кӀохи, къяхъулӀагъэр зэкӀэ фаӀотэжьыгъ.
24– Щэч хэмылъэу, мы чӀыгур зэкӀэ зэрэщытэу Зиусхьаным тӀэ къырилъхьагъ. – Ахэм Ехъошуа раӀуагъ. – Ащ щыпсэурэ цӀыфхэр зэкӀэ лъэшэу къытщэщынэх.
Currently Selected:
Ехъошуа 2: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 2
2
ЯтӀонэрэ шъхьэр
Рахъабрэ джасусхэмрэ
1ЕтӀанэ Ныун ыкъо Ехъошуа, Шытым дэт дзэ уцупӀэм, джасуситӀу ригъэкӀыхи, ыгъэкӀуагъэх.
– Шъэфэу шъукӀуи а чӀыгур къэшъуплъыхь, – ыӀуагъ ащ, – анахьэу Ерыхъэу къалэм шъунаӀэ тежъугъэт.
Ерыхъэу ахэр зынэсхэм, бзылъфыгъэ хэтакӀоу Рахъаб зыцӀэм иунэ екӀуалӀэхи, чэщыр щырахынэу ащ къыщыуцугъэх.
2А къэбарыр Ерыхъэу къалэм ипачъыхьэ нагъэсыгъ:
– Израил горэхэр мы чӀыгур къаплъыхьанэу мары, пчыхьашъхьэ къэкӀуагъэх.
3Джащыгъум, Ерыхъэу пачъыхьэм ицӀыфхэр Рахъаб фигъакӀохи, иунашъо раригъэӀуагъ:
– Мы чӀыгур зэкӀэ къаплъыхьанэу къэкӀуагъэхэшъ, уиунэ къекӀолӀэгъэ цӀыфхэр къытфищых.
4Ау бзылъфыгъэм хъулъфыгъитӀур ыгъэбылъыгъэх.
– Шъыпкъэ, – ыӀуагъ ащ, – садэжь цӀыфхэр къэкӀогъагъэх, ау ахэр къыздикӀыгъэхэр сэ сшӀагъэп. 5Чэпэзэхэогъум, къэлапчъэхэр зыщырагъэтыжьыщтым, дэкӀыжьыгъэх. Зыздагъэзагъэри сшӀэрэп. ПсынкӀэу ауж шъуихьэмэ, шъуакӀэхьан.
6Ежь а хъулъфыгъитӀур унашъхьэм дищаехи, ащ тырилъхьэгъэ чэтэн щэпкъхэм ачӀэгъ чӀигъэбылъыхьэгъагъэх.
7Джасусхэм алъежьагъэхэр Иордан псыхъом екӀурэ гъогум техьэхи, зэпырыкӀыпӀэм нэс кӀуагъэх. Ахэр зэрэдэкӀыгъэхэм лъыпытэу къэлапчъэхэр рагъэтыжьыгъэх.
8Джасусхэр гъолъыжьынхэм ыпэкӀэ, бзылъфыгъэр унашъхьэм дэкӀуайи, 9ахэм ариӀуагъ:
– Зиусхьаным мы чӀыгур шъо къызэрэшъуитыгъэр сэ сэшӀэ. Щынэгъошхом тызкӀызэлъиштагъэри мы чӀыгум щыпсэухэрэр зэкӀэ лъэшэу къызкӀышъущыщынэхэри джары. 10Тэ къэбаркӀэ зэхэтхыгъэ: Мысырым шъукъикӀыжь зэхъум, шъукъызэпырыкӀын шъулъэкӀынэу хы Къамылыр шъуапашъхьэ Зиусхьаным зэрэщыригъэгъушъыкӀыгъэри Иордан псыхъом ыкӀыбкӀэ амэр пачъыхьэхэу Сыхъонрэ Ӏогърэ лъэпсэкӀод зэрэщышъушӀыгъэхэри. 11Ар зызэхэтэхым, тыгу къэкӀодыгъ. Зиусхьанэу шъуи Тхьэ ышъхьагъыкӀэ уашъоми ычӀэгъыкӀэ чӀыгуми ащыӀэ Тхьэр арышъ, къышъупэуцужьынэу тащыщ горэми гу къызыӀэпишӀыхьажьышъурэп. 12-13Арэу зыщыткӀэ, сэ гукӀэгъу къызэрэшъуфэсшӀыгъэм фэдэу сиунагъо гукӀэгъу къыфэшъушӀынэу Зиусхьаным ыпашъхьэ шъуитэу тхьэрыӀо къысфэшъушӀ. Сятэрэ сянэрэ, сшыхэмрэ сшыпхъухэмрэ, ахэм яунагъохэм зэкӀэ арысхэмрэ апсэхэр къызэрэжъугъэнэжьыщтэхэм, лӀэныгъэм тыкъызэрэӀэкӀэшъухыжьыщтым ишыхьат тамыгъэри нэрылъэгъу къысфэшъушӀ.
14– Шъо шъучӀыпӀэ тэ тпсэхэр лӀэныгъэм ӀэкӀэрэхьэх, – джасусхэм бзылъфыгъэр къагъэгугъагъ. – Ӏофэу зетфэрэм ышъхьэ хэти фимыхмэ, мы чӀыгур Зиусхьаным къызытитрэм ыуж, тэ о гукӀэгъу къыпфэтшӀыщт, шъыпкъагъи къытэбгъотылӀэщт.
15Бзылъфыгъэм иунэ къэлэсэрай дэпкъым хэтыгъэти, джащыгъум шъхьангъупчъэмкӀэ едзыхыгъэ кӀапсэмкӀэ ахэр ритӀупщэхыжьхи, 16ариӀуагъ:
– Къышъулъежьагъэхэм шъукъамыгъотыным фэшӀ бгыхэм шъуякӀуи, ахэм мэфищэ защыжъугъэбылъ. ЕтӀанэ ахэм къызагъэзэжьыкӀэ, шъори шъуигъогу шъутехьажь.
17-18Арыти:
– Мы чӀыгум тыкъызихьэкӀэ, джыдэдэм къызэрэуатӀорэм фэдэу мы шъэгъэ плъыжьыр тыкъызэрептӀупщэхыжьыгъэ шъхьангъупчъэм къыпымылъэмэ, – джасусхэм бзылъфыгъэм къыраӀуагъ, – уятэрэ уянэрэ, пшыхэр, уятэ иунагъо зэкӀэ зэрэщытэу о уиунэ къыщымыугъойхэмэ тхьэрыӀоу тэбгъэштагъэр тшъхьарэкӀыжьы. 19Хэтми уиунэ къикӀэу урамым къытехьагъэу аукӀырэм, зэраукӀыгъэр ежьым илажь#2:19 Ижъырэ джуртыбзэкӀэ тхыгъэ Ӏэпэрытхым итхагъэр: «ылъ ежь ышъхьэ тефэжьы».. АщкӀэ тэ пшъэдэкӀыжь тхьырэп. Ау уиунэ исэу хъурэм ащыщ зыгорэм ыӀэ къынэсмэ, ащ ихьадэгъукӀэ тэры мысэр. 20Зыщымыгъэгъупш: тыпӀуатэмэ, тхьэрыӀоу тэбгъэштагъэр мэкъутэ.
21– Дэгъу, – ыӀуагъ бзылъфыгъэм, – къызэрэшъуӀуагъэм тетэу орэхъу.
Ащ хъулъфыгъэхэр ригъэкӀыжьхи, ежь шъэгъэ плъыжьыр шъхьангъупчъэм пипхагъ.
22Адрэхэр ежьэжьхи, бгыхэм якӀухи, акӀэлъежьагъэхэм гъогухэр къалъыхъуфэхэ, къамыгъотыгъэхэу къагъэзэжьыфэ, мэфищэ ащ щыӀагъэх.
23Ащ ыуж хъулъфыгъитӀур ягъогу техьажьыгъэх. Ахэр бгыхэм къяхыжьхи, псыхъом зызэпырэкӀыжьхэм, Ныун ыкъо Ехъошуа дэжь кӀохи, къяхъулӀагъэр зэкӀэ фаӀотэжьыгъ.
24– Щэч хэмылъэу, мы чӀыгур зэкӀэ зэрэщытэу Зиусхьаным тӀэ къырилъхьагъ. – Ахэм Ехъошуа раӀуагъ. – Ащ щыпсэурэ цӀыфхэр зэкӀэ лъэшэу къытщэщынэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023