Ехъошуа 10
10
ЯпшӀэнэрэ шъхьэр
ГъыбӀон дэсхэр израилхэм къызэраухъумагъэхэр
1Ехъошуа Ӏай къалэр зэриштагъэр, лъэпсэкӀод зэришӀыгъэр, ащ ипачъыхьи Ерыхъэу пачъыхьэм ришӀэгъэ дэдэр зэрэришӀагъэр, ГъыбӀон дэсхэм израилхэм мамыр зэзэгъыныгъэ адашӀыгъэу зэрахэсхэр Ерусэлэм ипачъыхьэу Адоный-Цэдэкъ зэхихыгъ. 2ГъыбӀон адрэ пачъыхьэгъухэм якъэлашъхьэмэ афэдэу иныгъэти, а пачъыхьэри ицӀыфхэри лъэшэу къэщынагъэх. ГъыбӀон къалэр Ӏай къалэм нахьи нахь иныгъ, къэлэдэсхэм зэкӀэми лӀыгъэ ахэлъыгъ. 3Ерусэлэм ипачъыхьэу Адоный-Цэдэкъ лӀыкӀохэр афигъакӀохи Хъэурэн пачъыхьэу Хохэм, Ярмут пачъыхьэу Пырам, Лахыщ пачъыхьэу ЯфиаӀ, Ӏэгълон пачъыхьэу Дэбир къэбар афаригъэхьыгъ:
4– Ехъошуарэ израилхэмрэ мамыр зэзэгъыныгъэ гъыбӀонхэм адашӀыгъ. Арышъ шъукъакӀуи, шъукъыздеӀи, къалэм тытежъугъау.
5Арыти, амэр пачъыхьитфыр – Ерусэлэм, Хъэурэн, Ярмут, Лахыщ, Ӏэгълон япачъыхьэхэр зэгохьагъэх. ЗэкӀэ ядзэхэр ягъусэхэу ахэр къыдэкӀыхи, ГъыбӀон дэжь къыщыуцугъэх, ащ теонхэу загъэхьазырыгъ.
6Джащыгъум Ехъошуа дэжь, Гъылгъал уцупӀэм, гъыбӀонхэм лӀыкӀохэр агъэкӀуагъэх:
– УипщылӀхэм пӀэ къытфэщэй! ПсынкӀэу къытфакӀуи, тыкъэгъэнэжь, ӀэпыӀэгъу къытфэхъу! Къушъхьалъэм ис амэр пачъыхьэхэр къыттеонхэу зэгохьагъэх!
7Арыти, Ехъошуа идзэрэ ианахь зэолӀышӀухэмрэ зэкӀэ игъусэхэу Гъылгъал къыдэкӀыгъэх. 8Джащыгъум Зиусхьаным Ехъошуа къыриӀуагъ:
– Уащымыщын ахэм. Сэ ахэр о пӀэ къислъхьагъэх. Ахэм ащыщ гори къыппэуцужьын ылъэкӀыщтэп.
9Ехъошуа Гъылгъал къызыдэкӀым ыуж чэщ реным кӀуагъэти, ошӀэ-дэмышӀэу ипыйхэм къажэхэхьагъ. 10Зиусхьаным израилхэм апашъхьэ пыйхэм агухэм щтэшхор къыригъэхьагъэти, ГъыбӀон дэжь ахэр щызэхакъутэхи, текӀоныгъэшхо къыщыдахыгъ. ЕтӀанэ израилхэм пыир рафыжьи, Бэтхъорэн дэкӀоерэ гъогумкӀэ къалэхэу Ӏазэкърэ Макъэдрэ анэсыфэхэ утын рахызэ, афыгъ.
11Амэрхэм израилхэм ашъхьэ акӀарахыжьызэ, Бэтхъорэн чапэм тетхэу Ӏазэкъ къалэм чъэжьхэ зэхъум, Зиусхьаным ошъогум мыжъо ошъушхо къыригъэхыгъ. Джащыгъум израилхэм ячатэхэм якӀодылӀагъэм нахьи ошъуцэ инхэм цӀыфэу аукӀыгъэр нахьыб. 12А мафэу Зиусхьаным амэрхэр израилхэм аӀэ къызыщырилъхьагъэхэм, Ехъошуа зэкӀэ израилхэм апашъхьэ итэу ыӀуагъ:
– Тыгъэр, ГъыбӀон къышъхьащыуцу,
Мазэр, Аялэун кӀэим къышъхьарыт!
13Тыгъэри къэуцуи, мазэри зы чӀыпӀэ итыгъ
Лъэпкъым пыир зэхеукӀэфэ, –
джары Яшар тхылъым#10:13 Ижъырэ тхыгъэмэ ащыщэу «Яшар итхылъ» джы щыӀэжьэп. Яшарым имэхьанэр цӀыф заф. Еплъ: тхылъэу «ЯтӀонэрэ Самуел» 1:18. зэритхагъэр. Мэфэ реным тыгъэр къохьапӀэм ехыным дэмыгузажъоу ошъогум итыгъ. 14ЫпэкӀи ыужкӀи ащ фэдэ мафэ зыпарэкӀи къыхэкӀыгъэп – Зиусхьаныр цӀыфым зыщедэӀугъэ мафэ. Зиусхьаныр Израилым фэзэуагъэба!
15Ащ ыуж Ехъошуа израилхэр зэкӀэ игъусэхэу Гъылгъал уцупӀэм ыгъэзэжьыгъ.
Амэр пачъыхьитфыр зэраукӀыгъэр
16Адрэ пачъыхьитфым кӀатхъужьи, къалэу Макъэд дэжь гъочӀэгъым зыщагъэбылъыгъ. 17Ахэр къызэрагъотыгъэхэр Ехъошуа къызыраӀом, 18ащ ыӀуагъ:
– ГъочӀэгъ чӀэхьэгъум мыжъошхохэр Ӏужъугъауи, къэрэгъули Ӏужъугъэуцу. 19Ау шъо шъукъэмыуцу! Ахэр Зиусхьанэу шъуи Тхьэ шъо шъуӀэ къырилъхьагъэхэшъ, ауж шъуфы, акӀыбыкӀэ шъукъикӀызэ, шъуатеозэ якъалэхэм анэшъумыгъэсыжьых.
20Псэоу тӀэкӀу нахь къэмынэу Ехъошуарэ израилхэмрэ пыир зэхакъутагъ, къэнагъэу якъэлэ-пытапӀэхэм анэсыжьыгъэри ащ нахьи нахь мэкӀэжьыгъ. 21Ащ ыуж дзэм бырсыр къыхэмыхьэу, Ехъошуа дэжь Макъэд уцупӀэм, къыгъэзэжьыгъ. Израилхэм апэшӀуекӀоуи зыми гущыӀэ къышӀыным тегушхожьыгъэп.
22Ащыгъум Ехъошуа ыӀуагъ:
– ГъочӀэгъуӀур къыӀушъухи, пачъыхьитфыр къычӀэшъущи, къысфашъущэх.
23Арыти, гъочӀэгъым пачъыхьитфыр къыфычӀащыгъ – Ерусэлэм, Хъэурэн, Ярмут, Лахыщ, Ӏэгълон япачъыхьэхэр. 24А пачъыхьитфыр Ехъошуа къызыфащэхэм, зэкӀэ израилхэм къяджи, дзэпащэхэм ариӀуагъ:
– ШъуакӀэрыхьи, мы пачъыхьэхэм апшъэхэм шъулъакъохэр атежъугъэуцох.
Ахэр акӀэрыхьэхи, пачъыхьэхэм апшъэхэм алъакъохэр атырагъэуцуагъэх.
25ЕтӀани Ехъошуа:
– Шъумыщын, шъугуи шъумыгъэкӀод! Пытагъи лӀыгъи зыхэжъугъэлъ! Шъузэзэонэу щыт пыйхэм зэкӀэми джары Зиусхьаныр зэрадэзекӀощтыр, – ыӀуи ариӀуагъ.
26Ащ ыуж Ехъошуа еуи, пачъыхьэхэр аригъэукӀыхи, чъыгитфым паригъэлъагъэх. Ащ пчыхьашъхьэ охъуфэ ахэр апагъэлъыгъэх. 27Тыгъэкъохьагъум Ехъошуа унашъо ышӀи, хьадэхэр чъыгхэм къапаригъэхыжьхи, зызщагъэбылъыгъэгъэ гъочӀэгъым чӀаригъэдзэжьыгъэх. ГъочӀэгъ чӀэхьагъум мыжъошхохэр Ӏуаригъэгъэуагъэх. А мыжъохэр непэ къызнэсыгъэми ащ зэрэӀулъых.
28А мэфэ дэдэм Ехъошуа Макъэд къалэр ыштагъ. Пачъыхьэри къэлэдэсхэри чатэкӀэ зэхиукӀэхи, зэкӀэри лъэпсэкӀод ышӀыгъэх. Зы нэбгыри псэоу къыгъэнагъэп. Ерыхъэу пачъыхьэм ришӀэгъэ дэдэр Макъэд пачъыхьэми ришӀагъ.
Къыблэ къалэхэр зэраштагъэхэр
29Ащ ыуж Ехъошуа зэкӀэ израилхэр игъусэу Макъэд икӀи Лыбнэ кӀуи, ащ теуагъ. 30Арыти, Зиусхьаным къалэри ащ ипачъыхьи израилхэм аӀэ къырилъхьагъэх. Къалэри, ащ зэкӀэ дэсыгъэхэри Ехъошуа чатэкӀэ зэхиукӀагъэх, зы нэбгыри псэоу къыгъэнагъэп. Ерыхъэу пачъыхьэм ришӀэгъэ дэдэр а къалэм ипачъыхьи ришӀагъ.
31Ащ ыуж Ехъошуа зэкӀэ израилхэр игъусэхэу Лыбнэ икӀи Лахыщ кӀуагъэ. Къалэм дэжь дзэ уцупӀэ щишӀи, теуагъ. 32Зиусхьаным Лахыщ ахэм аӀэ къырилъхьагъ, Ехъошуаи къалэр ятӀонэрэ мафэм ыштагъ. Къалэри ащ зэкӀэ дэсыгъэхэри Лыбнэ зэрэщишӀыгъэм фэдэу Ехъошуа чатэкӀэ зэхиукӀагъэх. 33А уахътэм Гъэзэр пачъыхьэу Хъорам Лахыщ къалэм къыдэӀэпыӀэнэу къэкӀуагъэти, Ехъошуа ащи езауи, ежьыри ыукӀи, идзи зэхикъути, зы нэбгыри псэоу къыгъэнагъэп.
34Ащ ыуж Ехъошуа зэкӀэ израилхэр игъусэхэу Лахыщ икӀи Ӏэгълон кӀуагъэ. Къалэм дэжь дзэ уцупӀэ щишӀи, теуагъ. 35А мэфэ дэдэм къалэр ашти, зэкӀэ псэ зыпытэу дэсыгъэхэр чатэкӀэ зэтыраукӀагъэх. Лахыщ зэрэщишӀыгъэм фэдэу лъэпсэкӀод ышӀыгъ.
36Ащ ыуж Ехъошуа зэкӀэ израилхэр игъусэхэу Ӏэгълон икӀи Хъэурэн кӀуи, ащ теуагъ. 37Къалэр ашти, ицӀыфхэри, ипачъыхьи, зэкӀэ псэ зыпытэу дэсыгъэхэри, хэгъуашъхьэм ит псэупӀэхэм ащыпсэухэри чатэкӀэ зэтыраукӀагъэх. Зы нэбгыри псэоу къагъэнагъэп. Ӏэгълон зэрэщишӀыгъэм фэдэу къалэри ащ дэсыгъэхэри Ехъошуа лъэпсэкӀод ышӀыгъэх.
38Ащ ыуж Ехъошуа зэкӀэ израилхэр игъусэхэу Дэбир зыфигъази, ащ теуагъ. 39Къалэр ашти, ащ ипачъыхьи хэгъуашъхьэм итыгъэ псэупӀэхэм адэсыгъэхэри чатэкӀэ зэтыраукӀагъэх. Къэлэдэсхэр зэкӀэ лъэпсэкӀод ашӀыгъэх, зы нэбгыри псэоу къагъэнагъэп. Хъэурэн къалэм, Лыбнэ къалэмрэ ащ ипачыхьэрэ аришӀэгъэ дэдэр Ехъошуа Дэбир къалэми ришӀагъ.
40Джаущтэу а чӀыгур зэкӀэ – къушъхьалъэхэмрэ къыблэ лъэныкъом щыӀэ шъофнэкӀымрэ, тыгъэкъохьэпӀэ лъэныкъомкӀэ щыӀэ къушъхьэ лъапэхэмрэ къушъхьэ чапэхэмрэ, ахэм арысыгъэ пачъыхьэхэмрэ Ехъошуа заокӀэ къызӀэкӀигъэхьагъэх. Зы нэбгыри псэоу къыгъэнагъэп. ЗэкӀэ псэ зыпытэу адэсыгъэхэр, Зиусхьанэу Израилым и Тхьэ унашъо къызэришӀыгъэу, лъэпсэкӀод ышӀыгъэх. 41Къадэщ-Барнэ щегъэжьагъэу Ӏазэ нэс, Гощэн#10:41 Мыр Мысырым щыӀэ Гощэн хэбгъэкӀуакӀэ хъущтэп. Еплъ: тхылъэу «УблапӀэ» 47:27. чӀыгур зэрэпсэоу ГъыбӀон нэс Ехъошуа заокӀэ къызӀэкӀигъэхьагъ. 42Зиусхьанэу Израилым и Тхьэ Израилым фэбэнагъэти, а пачъыхьэхэм зэкӀэми Ехъошуа зы зекӀо заокӀэ атекӀуагъ, ячӀыгухэри ыубытыгъэх.
43Ащ ыуж Ехъошуа израилхэр зэкӀэ игъусэхэу Гъылгъал уцупӀэм ыгъэзэжьыгъ.
Currently Selected:
Ехъошуа 10: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 10
10
ЯпшӀэнэрэ шъхьэр
ГъыбӀон дэсхэр израилхэм къызэраухъумагъэхэр
1Ехъошуа Ӏай къалэр зэриштагъэр, лъэпсэкӀод зэришӀыгъэр, ащ ипачъыхьи Ерыхъэу пачъыхьэм ришӀэгъэ дэдэр зэрэришӀагъэр, ГъыбӀон дэсхэм израилхэм мамыр зэзэгъыныгъэ адашӀыгъэу зэрахэсхэр Ерусэлэм ипачъыхьэу Адоный-Цэдэкъ зэхихыгъ. 2ГъыбӀон адрэ пачъыхьэгъухэм якъэлашъхьэмэ афэдэу иныгъэти, а пачъыхьэри ицӀыфхэри лъэшэу къэщынагъэх. ГъыбӀон къалэр Ӏай къалэм нахьи нахь иныгъ, къэлэдэсхэм зэкӀэми лӀыгъэ ахэлъыгъ. 3Ерусэлэм ипачъыхьэу Адоный-Цэдэкъ лӀыкӀохэр афигъакӀохи Хъэурэн пачъыхьэу Хохэм, Ярмут пачъыхьэу Пырам, Лахыщ пачъыхьэу ЯфиаӀ, Ӏэгълон пачъыхьэу Дэбир къэбар афаригъэхьыгъ:
4– Ехъошуарэ израилхэмрэ мамыр зэзэгъыныгъэ гъыбӀонхэм адашӀыгъ. Арышъ шъукъакӀуи, шъукъыздеӀи, къалэм тытежъугъау.
5Арыти, амэр пачъыхьитфыр – Ерусэлэм, Хъэурэн, Ярмут, Лахыщ, Ӏэгълон япачъыхьэхэр зэгохьагъэх. ЗэкӀэ ядзэхэр ягъусэхэу ахэр къыдэкӀыхи, ГъыбӀон дэжь къыщыуцугъэх, ащ теонхэу загъэхьазырыгъ.
6Джащыгъум Ехъошуа дэжь, Гъылгъал уцупӀэм, гъыбӀонхэм лӀыкӀохэр агъэкӀуагъэх:
– УипщылӀхэм пӀэ къытфэщэй! ПсынкӀэу къытфакӀуи, тыкъэгъэнэжь, ӀэпыӀэгъу къытфэхъу! Къушъхьалъэм ис амэр пачъыхьэхэр къыттеонхэу зэгохьагъэх!
7Арыти, Ехъошуа идзэрэ ианахь зэолӀышӀухэмрэ зэкӀэ игъусэхэу Гъылгъал къыдэкӀыгъэх. 8Джащыгъум Зиусхьаным Ехъошуа къыриӀуагъ:
– Уащымыщын ахэм. Сэ ахэр о пӀэ къислъхьагъэх. Ахэм ащыщ гори къыппэуцужьын ылъэкӀыщтэп.
9Ехъошуа Гъылгъал къызыдэкӀым ыуж чэщ реным кӀуагъэти, ошӀэ-дэмышӀэу ипыйхэм къажэхэхьагъ. 10Зиусхьаным израилхэм апашъхьэ пыйхэм агухэм щтэшхор къыригъэхьагъэти, ГъыбӀон дэжь ахэр щызэхакъутэхи, текӀоныгъэшхо къыщыдахыгъ. ЕтӀанэ израилхэм пыир рафыжьи, Бэтхъорэн дэкӀоерэ гъогумкӀэ къалэхэу Ӏазэкърэ Макъэдрэ анэсыфэхэ утын рахызэ, афыгъ.
11Амэрхэм израилхэм ашъхьэ акӀарахыжьызэ, Бэтхъорэн чапэм тетхэу Ӏазэкъ къалэм чъэжьхэ зэхъум, Зиусхьаным ошъогум мыжъо ошъушхо къыригъэхыгъ. Джащыгъум израилхэм ячатэхэм якӀодылӀагъэм нахьи ошъуцэ инхэм цӀыфэу аукӀыгъэр нахьыб. 12А мафэу Зиусхьаным амэрхэр израилхэм аӀэ къызыщырилъхьагъэхэм, Ехъошуа зэкӀэ израилхэм апашъхьэ итэу ыӀуагъ:
– Тыгъэр, ГъыбӀон къышъхьащыуцу,
Мазэр, Аялэун кӀэим къышъхьарыт!
13Тыгъэри къэуцуи, мазэри зы чӀыпӀэ итыгъ
Лъэпкъым пыир зэхеукӀэфэ, –
джары Яшар тхылъым#10:13 Ижъырэ тхыгъэмэ ащыщэу «Яшар итхылъ» джы щыӀэжьэп. Яшарым имэхьанэр цӀыф заф. Еплъ: тхылъэу «ЯтӀонэрэ Самуел» 1:18. зэритхагъэр. Мэфэ реным тыгъэр къохьапӀэм ехыным дэмыгузажъоу ошъогум итыгъ. 14ЫпэкӀи ыужкӀи ащ фэдэ мафэ зыпарэкӀи къыхэкӀыгъэп – Зиусхьаныр цӀыфым зыщедэӀугъэ мафэ. Зиусхьаныр Израилым фэзэуагъэба!
15Ащ ыуж Ехъошуа израилхэр зэкӀэ игъусэхэу Гъылгъал уцупӀэм ыгъэзэжьыгъ.
Амэр пачъыхьитфыр зэраукӀыгъэр
16Адрэ пачъыхьитфым кӀатхъужьи, къалэу Макъэд дэжь гъочӀэгъым зыщагъэбылъыгъ. 17Ахэр къызэрагъотыгъэхэр Ехъошуа къызыраӀом, 18ащ ыӀуагъ:
– ГъочӀэгъ чӀэхьэгъум мыжъошхохэр Ӏужъугъауи, къэрэгъули Ӏужъугъэуцу. 19Ау шъо шъукъэмыуцу! Ахэр Зиусхьанэу шъуи Тхьэ шъо шъуӀэ къырилъхьагъэхэшъ, ауж шъуфы, акӀыбыкӀэ шъукъикӀызэ, шъуатеозэ якъалэхэм анэшъумыгъэсыжьых.
20Псэоу тӀэкӀу нахь къэмынэу Ехъошуарэ израилхэмрэ пыир зэхакъутагъ, къэнагъэу якъэлэ-пытапӀэхэм анэсыжьыгъэри ащ нахьи нахь мэкӀэжьыгъ. 21Ащ ыуж дзэм бырсыр къыхэмыхьэу, Ехъошуа дэжь Макъэд уцупӀэм, къыгъэзэжьыгъ. Израилхэм апэшӀуекӀоуи зыми гущыӀэ къышӀыным тегушхожьыгъэп.
22Ащыгъум Ехъошуа ыӀуагъ:
– ГъочӀэгъуӀур къыӀушъухи, пачъыхьитфыр къычӀэшъущи, къысфашъущэх.
23Арыти, гъочӀэгъым пачъыхьитфыр къыфычӀащыгъ – Ерусэлэм, Хъэурэн, Ярмут, Лахыщ, Ӏэгълон япачъыхьэхэр. 24А пачъыхьитфыр Ехъошуа къызыфащэхэм, зэкӀэ израилхэм къяджи, дзэпащэхэм ариӀуагъ:
– ШъуакӀэрыхьи, мы пачъыхьэхэм апшъэхэм шъулъакъохэр атежъугъэуцох.
Ахэр акӀэрыхьэхи, пачъыхьэхэм апшъэхэм алъакъохэр атырагъэуцуагъэх.
25ЕтӀани Ехъошуа:
– Шъумыщын, шъугуи шъумыгъэкӀод! Пытагъи лӀыгъи зыхэжъугъэлъ! Шъузэзэонэу щыт пыйхэм зэкӀэми джары Зиусхьаныр зэрадэзекӀощтыр, – ыӀуи ариӀуагъ.
26Ащ ыуж Ехъошуа еуи, пачъыхьэхэр аригъэукӀыхи, чъыгитфым паригъэлъагъэх. Ащ пчыхьашъхьэ охъуфэ ахэр апагъэлъыгъэх. 27Тыгъэкъохьагъум Ехъошуа унашъо ышӀи, хьадэхэр чъыгхэм къапаригъэхыжьхи, зызщагъэбылъыгъэгъэ гъочӀэгъым чӀаригъэдзэжьыгъэх. ГъочӀэгъ чӀэхьагъум мыжъошхохэр Ӏуаригъэгъэуагъэх. А мыжъохэр непэ къызнэсыгъэми ащ зэрэӀулъых.
28А мэфэ дэдэм Ехъошуа Макъэд къалэр ыштагъ. Пачъыхьэри къэлэдэсхэри чатэкӀэ зэхиукӀэхи, зэкӀэри лъэпсэкӀод ышӀыгъэх. Зы нэбгыри псэоу къыгъэнагъэп. Ерыхъэу пачъыхьэм ришӀэгъэ дэдэр Макъэд пачъыхьэми ришӀагъ.
Къыблэ къалэхэр зэраштагъэхэр
29Ащ ыуж Ехъошуа зэкӀэ израилхэр игъусэу Макъэд икӀи Лыбнэ кӀуи, ащ теуагъ. 30Арыти, Зиусхьаным къалэри ащ ипачъыхьи израилхэм аӀэ къырилъхьагъэх. Къалэри, ащ зэкӀэ дэсыгъэхэри Ехъошуа чатэкӀэ зэхиукӀагъэх, зы нэбгыри псэоу къыгъэнагъэп. Ерыхъэу пачъыхьэм ришӀэгъэ дэдэр а къалэм ипачъыхьи ришӀагъ.
31Ащ ыуж Ехъошуа зэкӀэ израилхэр игъусэхэу Лыбнэ икӀи Лахыщ кӀуагъэ. Къалэм дэжь дзэ уцупӀэ щишӀи, теуагъ. 32Зиусхьаным Лахыщ ахэм аӀэ къырилъхьагъ, Ехъошуаи къалэр ятӀонэрэ мафэм ыштагъ. Къалэри ащ зэкӀэ дэсыгъэхэри Лыбнэ зэрэщишӀыгъэм фэдэу Ехъошуа чатэкӀэ зэхиукӀагъэх. 33А уахътэм Гъэзэр пачъыхьэу Хъорам Лахыщ къалэм къыдэӀэпыӀэнэу къэкӀуагъэти, Ехъошуа ащи езауи, ежьыри ыукӀи, идзи зэхикъути, зы нэбгыри псэоу къыгъэнагъэп.
34Ащ ыуж Ехъошуа зэкӀэ израилхэр игъусэхэу Лахыщ икӀи Ӏэгълон кӀуагъэ. Къалэм дэжь дзэ уцупӀэ щишӀи, теуагъ. 35А мэфэ дэдэм къалэр ашти, зэкӀэ псэ зыпытэу дэсыгъэхэр чатэкӀэ зэтыраукӀагъэх. Лахыщ зэрэщишӀыгъэм фэдэу лъэпсэкӀод ышӀыгъ.
36Ащ ыуж Ехъошуа зэкӀэ израилхэр игъусэхэу Ӏэгълон икӀи Хъэурэн кӀуи, ащ теуагъ. 37Къалэр ашти, ицӀыфхэри, ипачъыхьи, зэкӀэ псэ зыпытэу дэсыгъэхэри, хэгъуашъхьэм ит псэупӀэхэм ащыпсэухэри чатэкӀэ зэтыраукӀагъэх. Зы нэбгыри псэоу къагъэнагъэп. Ӏэгълон зэрэщишӀыгъэм фэдэу къалэри ащ дэсыгъэхэри Ехъошуа лъэпсэкӀод ышӀыгъэх.
38Ащ ыуж Ехъошуа зэкӀэ израилхэр игъусэхэу Дэбир зыфигъази, ащ теуагъ. 39Къалэр ашти, ащ ипачъыхьи хэгъуашъхьэм итыгъэ псэупӀэхэм адэсыгъэхэри чатэкӀэ зэтыраукӀагъэх. Къэлэдэсхэр зэкӀэ лъэпсэкӀод ашӀыгъэх, зы нэбгыри псэоу къагъэнагъэп. Хъэурэн къалэм, Лыбнэ къалэмрэ ащ ипачыхьэрэ аришӀэгъэ дэдэр Ехъошуа Дэбир къалэми ришӀагъ.
40Джаущтэу а чӀыгур зэкӀэ – къушъхьалъэхэмрэ къыблэ лъэныкъом щыӀэ шъофнэкӀымрэ, тыгъэкъохьэпӀэ лъэныкъомкӀэ щыӀэ къушъхьэ лъапэхэмрэ къушъхьэ чапэхэмрэ, ахэм арысыгъэ пачъыхьэхэмрэ Ехъошуа заокӀэ къызӀэкӀигъэхьагъэх. Зы нэбгыри псэоу къыгъэнагъэп. ЗэкӀэ псэ зыпытэу адэсыгъэхэр, Зиусхьанэу Израилым и Тхьэ унашъо къызэришӀыгъэу, лъэпсэкӀод ышӀыгъэх. 41Къадэщ-Барнэ щегъэжьагъэу Ӏазэ нэс, Гощэн#10:41 Мыр Мысырым щыӀэ Гощэн хэбгъэкӀуакӀэ хъущтэп. Еплъ: тхылъэу «УблапӀэ» 47:27. чӀыгур зэрэпсэоу ГъыбӀон нэс Ехъошуа заокӀэ къызӀэкӀигъэхьагъ. 42Зиусхьанэу Израилым и Тхьэ Израилым фэбэнагъэти, а пачъыхьэхэм зэкӀэми Ехъошуа зы зекӀо заокӀэ атекӀуагъ, ячӀыгухэри ыубытыгъэх.
43Ащ ыуж Ехъошуа израилхэр зэкӀэ игъусэхэу Гъылгъал уцупӀэм ыгъэзэжьыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023