Ехъошуа 1
1
Апэрэ шъхьэр
Ехъошуа КъэнаӀаныр ыубытынэу Зиусхьаным унашъо къызэрэфишӀырэр
1Тхьэу Зиусхьаным#1:1 Адыгэ гущыӀэу «Зиусхьан»-м мэхьанэу иӀэм зикъэӀуакӀэ зэфэмыдэ джурт гущыӀитӀумэ къарыкӀырэр къеты. Апэрэр – «Яхве» зыфиӀорэмкӀэ Тхьэм ыцӀэ къыраӀо, ащ мэхьанэу иӀэмэ ащыщ: «ЕгъашӀэм ЩыӀэ Зэпытыр». ЯтӀонэрэр – «Адонай», Тхьэр зэрэлъэрыхьэр, Ар зэрэфэшӀыгъэр ары мэхьанэу иӀэр. иӀумэтэу Мосэ зэлӀэм ыуж, Мосэ ӀэпыӀэгъоу иӀэгъэ Ныун ыкъо Ехъошуа Ар къеджи, къыриӀуагъ:
2– СиӀумэтэу Мосэ лӀагъэ. Арышъ, кӀуи израил цӀыфхэр Иордан псыхъом зэпырыщыхи – чӀыгоу мы лъэпкъым Сэ къестырэм ищэх. 3Мосэ зэрэзгъэгугъагъэу, сыд фэдэ чӀыпӀэ шъулъакъо теуцоми, ар Сэ шъо къышъостыщт. 4КъыблэмкӀэ шъофнэкӀым щегъэжьагъэу темырымкӀэ щыӀэ Ливан къушъхьэхэм анэсэу, тыгъэкъокӀыпӀэмкӀэ Ефрат псыхъошхом (хьатхэм ячӀыгуи къыхиубытэу) щегъэжьагъэу тыгъэкъохьапӀэм щыӀэ Хышхом#1:4 Мыщ дэжьым зигугъу къыщишӀырэр Средиземнэ хыр ары. Мы тхылъым инэмыкӀ чӀыпӀэхэми зэращыхэтыр джащ фэд. нэс шъуичӀыгу зыщиубгъущт. 5ГъашӀэу уиӀэм зы мэфэ закъуи хэти о къыппэуцужьын ылъэкӀыщтэп. Мосэ Сэ сызэригъусагъэм фэдэу ори сыуигъусэщт. Сэ усыбгынэщтэп ыкӀи, укъэзгъэнэщтэп ыкӀи.
6Пытагъи лӀыгъи къызыхэгъаф, шъуятэжъхэм къястынэу сӀуи, гущыӀэ пытэ къызфястыгъэгъэ чӀыгум цӀыфхэр о ипщэщтхэшъ: 7пытагъи лӀыгъэшхуи зыхэгъэлъ. Сэ сиӀумэтэу Мосэ къыуитыгъэ Хабзэр зэрэпсэоу, кӀэзыгъэ фэмышӀэу, гъэцакӀэ. Тыдэ укӀуагъэми, тыдэкӀи гъэхъагъэ зэрэщыпшӀынэу ащ джабгъумкӀи сэмэгумкӀи удэмых. 8Тхьэм и Хэбзэ тхыгъэ хэт гущыӀэхэр ренэу пӀупэ терэлъых. Ащ итхагъэр кӀэзыгъэнчъэу зэрэбгъэцэкӀэнэу мафи чэщи ахэмэ ягупшыс. Джащыгъум тэрэзэуи узекӀощт, уигъогухэми гъэхъагъэхэр ащыпшӀыщтых. 9Арышъ, Сэ мыщ фэдэ унашъо къыпфэсэшӀы: пытагъи лӀыгъи зыхэгъэлъ. Тыдэ укӀуагъэми Зиусхьанэу уи Тхьэ ренэу уигъусэщтышъ, умыщын, угуи умыгъэкӀоды.
10Арыти, лъэпкъым иӀэшъхьэтетхэм Ехъошуа унашъо афишӀыгъ:
11– УцупӀэр къэшъукӀухьи, цӀыфхэм яшъуӀу: «Мэфищ зытешӀэрэм ыуж, мы Иордан псыхъом шъузэпырыкӀынышъ, Зиусхьанэу шъуи Тхьэ шъуиенэу къышъуитырэ чӀыгум шъуубытынэу шъуихьащтышъ, гъомлапхъэ жъугъэхьазыр».
12Ау Рубэнрэ Гъадрэ ялӀакъохэмрэ Мынасэ лӀакъом ызыныкъомрэ Ехъошуа ариӀуагъ:
13– Зиусхьаным иӀумэтэу Мосэ унашъо къышъуфишӀыгъэр зыщышъумыгъэгъупш: «Зиусхьанэу шъуи Тхьэ мы чӀыгур шъо къышъуити, шъуигъэгупсэфыгъ». 14-15Мосэ мыдыкӀэ къышъуитыгъэ чӀыгоу, Иордан псыхъом итыгъэкъокӀыпӀэ щыӀэм, шъуишъхьэгъусэхэри, шъуикӀалэхэри, шъуибылымхэри къерэнэх. Ау Зиусхьаным ахэр шъощ фэдэу егъэгупсэфыфэхэ, Зиусхьанэу шъуи Тхьэм къаритырэ чӀыгур ахэми амыубытыфэ, шъо, зэкӀэ зэон зылъэкӀыщтхэм, ӀашэкӀэ зызэтежъугъэпсыхьи, шъукъошхэм апэ шъуитэу псыхъом шъузэпырыкӀи, ӀэпыӀэгъу шъуафэхъу. Ащ ыуж Зиусхьаным иӀумэтэу Мосэ къышъуитыгъэ чӀыгоу Иордан псыхъом итыгъэкъокӀыпӀэ щыӀэм жъугъэзэжьи, ащ шъуитӀысхьажь.
16Ахэм Ехъошуа джэуап ратыжьыгъ:
– Унашъоу къытфэпшӀырэр зэкӀэ дгъэцэкӀэщт, тыздэбгъакӀорэми тыкӀощт. 17Зиусхьанэу уи Тхьэ Мосэ зэригъусагъэм фэдэу ори уерэгъусэ къодыйи, Мосэ тызэредэӀущтыгъэм фэдэу ори тыодэӀущт. 18Хэтми о уиунашъо пэшӀуекӀорэр, уигущыӀэ, ар сыд фэдэми, зымыгъэцакӀэрэр тыукӀыщт. Сыд хъугъэми пытагъэрэ лӀыгъэрэ о зыхэгъэлъи!
Currently Selected:
Ехъошуа 1: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
