Гъуазэхэр 8
8
Яенэрэ шъхьэр
ГъыдыӀон къыдезымыгъэштагъэхэм аришӀагъэр
1Ефраимхэм ГъыдыӀон дэо лъэш къыфашӀыгъ:
– Сыда аущтэу укъызыкӀыддэзекӀуагъэр? Уязэонэу мыдианхэм узякӀум сыд пай укъызыкӀытэмыджагъэр? – АӀуи лъэшэу къыфэгубжыгъэх.
2Арыти, ГъыдыӀон:
– Сыда шъо къышъолъытыгъэмэ сэ сшӀагъэр? Сызщыщ абиӀэзэр лӀакъом, зэкӀэ сэнашъхьэу къыугъоижьыгъэм нахьи Ефраим тауж итэу къышыпыжьыгъэ сэнашъхьэр нахь дэгъуба? 3Мыдиан пщыхэу Ӏорэбрэ Зэебрэ Зиусхьаным шъо шъуӀэ къызырилъхьагъэхэкӀэ, шъо сышъуфэдэным пай сыда сэ сшӀэн слъэкӀыщтыгъэр? – ЫӀуи, джэуап аритыжьыгъ.
Аущтэу зареӀом, адрэхэм ягубж кӀосагъэ.
4Ащ ыуж ГъыдыӀони ащ игъусэгъэ зэолӀ шъищри, лъэшэу пшъыгъагъэх нахь мышӀэми, къызэтемыуцохэу, пыим илъэуж афи, Иордан псыхъоми нэсхи, зэпырыкӀыгъэх. 5Арыти, ГъыдыӀон Сукъот къалэм дэсхэм ялъэӀугъ:
– Сигъусэ зэолӀхэм хьалыгъу къяшъутба. Ахэр лъэшэу пшъыгъэх, ау сэ джыри мыдиан пачъыхьэхэу Зэбахърэ ЦалмунаӀрэ ауж сэфы.
6Ау Сукъот къалэм ипащэхэм къыраӀуагъ:
– Тэ уизэолӀхэм хьалыгъу къяттынэу, Зэбахърэ ЦалмунаӀрэ о къэуубытыгъахэха?
7Арыти, ГъыдыӀон афэгубжыгъ:
– Зиусхьаным Зэбахърэ ЦалмунаӀрэ сӀэ къырилъхьэхэу къызызгъэзэжькӀэ, а къэшъуӀуагъэм пае пырэжъые панэрэ хьакъужърэкӀэ шъукӀышъо исщыщт.
8ГъыдыӀон ащ икӀи Пэнуэл къалэм кӀуагъэ, а лъэӀу дэдэмкӀи ащ дэсхэм зафигъэзагъэти, Сукъот къэлэдэсхэм къыраӀогъэ шъыпкъэр ары ахэми джэуапэу къыратыжьыгъэр.
9Арыти:
– ТекӀоныгъэр сиеу къызызгъэзэжькӀэ, мы чэшъанэр#8:9 Ижъырэ джурт гущыӀэу «мыгъдол» апэрэ мэхьанэу иӀэр «чэшъан, плъэпӀэ лъаг». Джащ фэдэу ащ пытапӀэ е тхьэм иунэ ятӀонэрэ мэхьани иӀэн ылъэкӀыщт. ЯтӀонэрэ мэхьанэм ищысэ еплъ: 9:46-49. зэхэскъутэщт, – ыӀуи, Пэнуэл къэлэдэсхэм гущыӀэ аритыгъ.
10А уахътэм зэолӀ мин пшӀыкӀутф фэдиз ягъусэу пачъыхьэхэу Зэбахърэ ЦалмунаӀрэ Къаркъор щыӀагъэх, къокӀыпӀэ лъэпкъхэм ядзэ щыщэу ары къэнэжьыгъагъэр. Чатэр къизыхыгъэ дзэкӀолӀхэм ащыщэу заом хэкӀодагъэр нэбгырэ минишъэрэ тӀокӀрэ зэрэхъущтыгъэр. 11Къалэхэу Ныууахърэ Егъбэхрэ ятыгъэкъокӀыпӀэ лъэныкъо пхырыкӀырэ караван гъогумкӀэ ГъыдыӀон дэкӀуайи, ошӀэ-дэмышӀэу пый уцупӀэм тебани, пыидзэр зэхикъутагъ. 12Зэбахърэ ЦалмунаӀрэ кӀатхъужьыгъ. Ау ГъыдыӀон ахэм алъежьи, мыдиан пачъыхьитӀур къыубыти, ядзэхэр щынэм зэлъыригъэштагъэх.
13Хъэрэс лъэгапӀэр къыдырикӀозэ Иоащ ыкъо ГъыдыӀон заом къикӀыжьыщтыгъэ. 14Сукъот щыщ кӀэлакӀэ горэ ащ дэжьым къыубыти, ӀуупчӀыхьэзэ, къэлэ пащэу ыкӀи нахьыжъ упчӀэжьэгъухэу нэбгырэ тӀокӀищрэ пшӀыкӀублырэм ацӀэхэр къыригъэтхыгъэх. 15ЕтӀанэ ГъыдыӀон Сукъот кӀуи, ащ дэсхэм ариӀуагъ:
– Мары Зэбахърэ ЦалмунаӀрэ! Шъо «тэ уизэолӀ пшъыгъэхэм хьалыгъу къяттынэу, Зэбахърэ ЦалмунаӀрэ о къэуубытыгъахэха?» шъуӀуи шъукъыздэхьащхыгъагъэба!
16ГъыдыӀон къалэм инахьыжъ упчӀэжьэгъухэр къыубытхи, Сукъот къэлэдэсхэм янэрылъэгъоу, пырэжъые панэрэ хьакъужърэкӀэ ашъо рихыгъ. 17ЕтӀанэ Пэнуэл чэшъанэр зэхикъутагъ, къалэм дэсхэри зэтыриукӀагъэх.
18Аужыпкъэм Зэбахърэ ЦалмунаӀрэ ГъыдыӀон яупчӀыгъ:
– Табор щышъуукӀыгъэ цӀыфхэр сыд фэдагъэха?
– Ощ фэдагъэх, зэкӀэми пачъыхьэм ыкъо фэдэ теплъэ яӀагъ, – къыраӀожьыгъ.
19– Ахэр сэ сшыгъэх, сянэ икӀэлагъэх. – ЫӀуагъ ГъыдыӀон. – Зиусхьаныр зэрэщыӀэр сэӀо: тхьэрыӀо сэшӀы! Шъо ахэр псэоу къэжъугъэнэгъагъэхэмэ, сэри шъупсэ згъэгъущтгъэп.
20ЕтӀанэ ГъыдыӀон ыкъо нахьыжъэу Етэр зыфигъази, риӀуагъ:
– Еуи мыхэр укӀых!
Ау Етэр джыри ныбжьыкӀэти, мэщынэти, чатэр къырихыгъэп.
21Арыти, Зэбахърэ ЦалмунаӀрэ:
– Ор-орэу къытауи тыукӀ. ЦӀыфым итеплъэр икъарыу, – аӀуи, къыраӀуагъ.
Джащыгъум ГъыдыӀон къэтэджи, тӀури ыукӀи, мэзэныкъо теплъэ зиӀэ гъэдэхалъэхэу#8:21 Наем щызыухъумэрэ пкъыгъоу цӀыфхэм алъытэщтыгъэ. ямахъшэхэм апшъэхэм арылъыгъэхэр къарихыгъэх.
ГъыдыӀон израилхэр Тхьэм игъогу зэрэтыригъэкӀыгъэхэр
22Ащ ыуж:
– Орышъ мыдианхэм такъыӀэкӀэзыхыжьыгъэр о Ӏэшъхьэтет къытфэхъу. ЕтӀанэ Ӏэшъхьэтет къытфэрэхъух о пкъуи, пкъом ыкъожьи, – аӀуи, израилхэм ГъыдыӀон раӀуагъ.
23Ау ГъыдыӀон ар ыдагъэп:
– Сэри Ӏэшъхьэтет сышъуфэхъущтэп, скъуи Ӏэшъхьэтет шъуфэхъущтэп. Зиусхьаныр ары шъо шъузыгъэӀорышӀэщтыр.
24ЕтӀанэ ГъыдыӀон цӀыфхэм ариӀуагъ:
– ЗыкӀэ сышъолъэӀу. Шъуинэбгырэ пэпчъ къонтхъ Ӏахьэу къытефагъэм къыхерэхи, тхьакӀумпылъхьэ зырыз къысерэтба.
Пыйхэр исмахьилэ#8:24 Исмахьил – Мыдиан фэдэу, Ибрэхьимэ ыкъуагъ. Ахэм къатекӀыгъэхэ мыдианхэмрэ исмахьилхэмрэ зы лъэпкъэу алъытэх, мыдианкӀэ яджэх. (Еплъ: тхылъэу «УблапӀэ» 16:15, 25:2, 37:28). лъэпкъым щыщыгъэхэти, дышъэ тхьакӀумпылъхьэхэр апылъыгъэх.
25– Тигуапэу оттын, – аӀуи, щыгъын кӀыӀутелъыр аубгъуи, зэкӀэми якъонтхъ Ӏахьэ щыщэу дышъэ тхьакӀумпылъхьэ зырыз ащ тырадзагъ. 26Дышъэ тхьакӀумпылъхьэу ГъыдыӀон къыратыгъэхэм ауасэ зэхэубытагъэу шэкъэл минрэ шъиблырэ#8:26 Мыр килограмм тӀокӀ фэдиз горэ мэхъу. фэдиз хъугъэ. Ащ хахьэщтыгъэп мэзэныкъо теплъэ зиӀэ гъэдэхалъэхэр, пшъэрылъхэу мыдиан пачъыхьэхэм апылъыгъэхэри, плъыжь-чӀэпцӀэшъо щыгъынхэу ащыгъыгъэхэри, пшъэхъоу махъшэхэм апшъэ илъыгъэхэри. 27А дышъэм ГъыдыӀон чэтэнӀабгъу#8:27 Ижъырэ джуртыбзэкӀэ: «ефод». Зыфэдэ дэдэр гурыӀогъуай, ау шэкӀ лъапӀэм хэшӀыкӀыгъэ кӀэпхын е щыгъын кӀэракӀэу ары зэрэплъытэн плъэкӀыщтыр. ЧэтэнгъэӀэгъэ ЛъапӀэм чӀэт къурмэнышӀым щыгъыщтыгъэ, Тхьэм иӀэмыр зэригъашӀэ хъумэ ар щыгъын фэягъ. Еплъ: тхылъэу «МысырикӀыжь» 28:6-30. Загъори, тхьэ нэпцӀыхэм афэлэжьэгъэным телъытэгъэ хабз. Еплъ: мы тхылъым 17:5; 18:14, 17. хишӀыкӀи, ежь зыщыщ къалэу Ӏофрэ чӀыпӀэ щыфигъэнэфагъ. Арыти, зэкӀэ израилхэм чэтэнӀабгъум шъхьащэ фашӀынэу ащ кӀохэу рагъажьи, Зиусхьанэу я Тхьэ фэшъыпкъэжьыгъэхэп. Джащ фэдэу ГъыдыӀони ащ иунагъуи а чэтэнӀабгъур убытыпӀэ афэхъугъ.
ГъыдыӀон дунаим зэрехыжьыгъэр
28Джаущтэу израилхэр мыдианхэм атекӀуагъэхэти, адрэхэм ашъхьэ къаӀатыжьыгъэп. Ащ ыуж ГъыдыӀон къыгъэшӀэгъэ илъэс тӀокӀитӀум чӀыналъэм щымамырыгъ.
29Ащ фэдизым Иоащ ыкъоу ЕрыубэӀал, ар ГъыдыӀон ары, ядэжь кӀожьыгъэу, тӀысыжьыгъэу щысыгъ.
30ГъыдыӀон шъхьэгъусэ бэу иӀагъэти, шъэо тӀокӀищрэ пшӀырэ ащ фагъотыгъ. 31Щэхэм къалэм щыпсэущтыгъэ ишъуз гуадзэ шъао къыфилъфыгъэти, ГъыдыӀон ащ Абимэлэх#8:31 Ижъырэ джуртыбзэкӀэ: «пачъыхьэр – сят». фиусыгъ. 32Иоащ ыкъо ГъыдыӀон ныбжьышӀу иӀэу игъашӀэ зеухым, абиӀэзэр лъэпкъым ичӀыгу Ӏахьэ хахьэрэ Ӏофрэ къалэ ятэ икъэунэу итым чӀалъхьажьыгъ.
33ГъыдыӀон зэрэлӀагъэм лъыпытэу, израилхэр гъогу тэрэзым текӀыхи, БэӀал тхьэнэпцӀым шъхьащэ фашӀэу аублэжьи, Зиусхьанэу я Тхьэ фэшъыпкъэжьыгъэхэп. БэӀал-Бэрыт#8:33 Ижъырэ джуртыбзэкӀэ: «Зэзэгъыныгъэм изиусхьан». тхьэнэпцӀыр ятхьэу алъытэу рагъажьи, 34Зиусхьанэу израилым и Тхьэу къягъэтӀысэкӀыгъэ пыйхэм къаӀэкӀэзыхыжьыгъэр агу къэкӀыжьыгъэп. 35ЕрыубэӀалрэ (ГъыдыӀон джары зэреджэщтыгъэхэр) ащ иунагъорэ афэшъыпкъэжьыгъэхэп, ащ Израилым шӀоу фишӀагъэр зэкӀэ ащыгъупшэжьыгъ.
Currently Selected:
Гъуазэхэр 8: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 8
8
Яенэрэ шъхьэр
ГъыдыӀон къыдезымыгъэштагъэхэм аришӀагъэр
1Ефраимхэм ГъыдыӀон дэо лъэш къыфашӀыгъ:
– Сыда аущтэу укъызыкӀыддэзекӀуагъэр? Уязэонэу мыдианхэм узякӀум сыд пай укъызыкӀытэмыджагъэр? – АӀуи лъэшэу къыфэгубжыгъэх.
2Арыти, ГъыдыӀон:
– Сыда шъо къышъолъытыгъэмэ сэ сшӀагъэр? Сызщыщ абиӀэзэр лӀакъом, зэкӀэ сэнашъхьэу къыугъоижьыгъэм нахьи Ефраим тауж итэу къышыпыжьыгъэ сэнашъхьэр нахь дэгъуба? 3Мыдиан пщыхэу Ӏорэбрэ Зэебрэ Зиусхьаным шъо шъуӀэ къызырилъхьагъэхэкӀэ, шъо сышъуфэдэным пай сыда сэ сшӀэн слъэкӀыщтыгъэр? – ЫӀуи, джэуап аритыжьыгъ.
Аущтэу зареӀом, адрэхэм ягубж кӀосагъэ.
4Ащ ыуж ГъыдыӀони ащ игъусэгъэ зэолӀ шъищри, лъэшэу пшъыгъагъэх нахь мышӀэми, къызэтемыуцохэу, пыим илъэуж афи, Иордан псыхъоми нэсхи, зэпырыкӀыгъэх. 5Арыти, ГъыдыӀон Сукъот къалэм дэсхэм ялъэӀугъ:
– Сигъусэ зэолӀхэм хьалыгъу къяшъутба. Ахэр лъэшэу пшъыгъэх, ау сэ джыри мыдиан пачъыхьэхэу Зэбахърэ ЦалмунаӀрэ ауж сэфы.
6Ау Сукъот къалэм ипащэхэм къыраӀуагъ:
– Тэ уизэолӀхэм хьалыгъу къяттынэу, Зэбахърэ ЦалмунаӀрэ о къэуубытыгъахэха?
7Арыти, ГъыдыӀон афэгубжыгъ:
– Зиусхьаным Зэбахърэ ЦалмунаӀрэ сӀэ къырилъхьэхэу къызызгъэзэжькӀэ, а къэшъуӀуагъэм пае пырэжъые панэрэ хьакъужърэкӀэ шъукӀышъо исщыщт.
8ГъыдыӀон ащ икӀи Пэнуэл къалэм кӀуагъэ, а лъэӀу дэдэмкӀи ащ дэсхэм зафигъэзагъэти, Сукъот къэлэдэсхэм къыраӀогъэ шъыпкъэр ары ахэми джэуапэу къыратыжьыгъэр.
9Арыти:
– ТекӀоныгъэр сиеу къызызгъэзэжькӀэ, мы чэшъанэр#8:9 Ижъырэ джурт гущыӀэу «мыгъдол» апэрэ мэхьанэу иӀэр «чэшъан, плъэпӀэ лъаг». Джащ фэдэу ащ пытапӀэ е тхьэм иунэ ятӀонэрэ мэхьани иӀэн ылъэкӀыщт. ЯтӀонэрэ мэхьанэм ищысэ еплъ: 9:46-49. зэхэскъутэщт, – ыӀуи, Пэнуэл къэлэдэсхэм гущыӀэ аритыгъ.
10А уахътэм зэолӀ мин пшӀыкӀутф фэдиз ягъусэу пачъыхьэхэу Зэбахърэ ЦалмунаӀрэ Къаркъор щыӀагъэх, къокӀыпӀэ лъэпкъхэм ядзэ щыщэу ары къэнэжьыгъагъэр. Чатэр къизыхыгъэ дзэкӀолӀхэм ащыщэу заом хэкӀодагъэр нэбгырэ минишъэрэ тӀокӀрэ зэрэхъущтыгъэр. 11Къалэхэу Ныууахърэ Егъбэхрэ ятыгъэкъокӀыпӀэ лъэныкъо пхырыкӀырэ караван гъогумкӀэ ГъыдыӀон дэкӀуайи, ошӀэ-дэмышӀэу пый уцупӀэм тебани, пыидзэр зэхикъутагъ. 12Зэбахърэ ЦалмунаӀрэ кӀатхъужьыгъ. Ау ГъыдыӀон ахэм алъежьи, мыдиан пачъыхьитӀур къыубыти, ядзэхэр щынэм зэлъыригъэштагъэх.
13Хъэрэс лъэгапӀэр къыдырикӀозэ Иоащ ыкъо ГъыдыӀон заом къикӀыжьыщтыгъэ. 14Сукъот щыщ кӀэлакӀэ горэ ащ дэжьым къыубыти, ӀуупчӀыхьэзэ, къэлэ пащэу ыкӀи нахьыжъ упчӀэжьэгъухэу нэбгырэ тӀокӀищрэ пшӀыкӀублырэм ацӀэхэр къыригъэтхыгъэх. 15ЕтӀанэ ГъыдыӀон Сукъот кӀуи, ащ дэсхэм ариӀуагъ:
– Мары Зэбахърэ ЦалмунаӀрэ! Шъо «тэ уизэолӀ пшъыгъэхэм хьалыгъу къяттынэу, Зэбахърэ ЦалмунаӀрэ о къэуубытыгъахэха?» шъуӀуи шъукъыздэхьащхыгъагъэба!
16ГъыдыӀон къалэм инахьыжъ упчӀэжьэгъухэр къыубытхи, Сукъот къэлэдэсхэм янэрылъэгъоу, пырэжъые панэрэ хьакъужърэкӀэ ашъо рихыгъ. 17ЕтӀанэ Пэнуэл чэшъанэр зэхикъутагъ, къалэм дэсхэри зэтыриукӀагъэх.
18Аужыпкъэм Зэбахърэ ЦалмунаӀрэ ГъыдыӀон яупчӀыгъ:
– Табор щышъуукӀыгъэ цӀыфхэр сыд фэдагъэха?
– Ощ фэдагъэх, зэкӀэми пачъыхьэм ыкъо фэдэ теплъэ яӀагъ, – къыраӀожьыгъ.
19– Ахэр сэ сшыгъэх, сянэ икӀэлагъэх. – ЫӀуагъ ГъыдыӀон. – Зиусхьаныр зэрэщыӀэр сэӀо: тхьэрыӀо сэшӀы! Шъо ахэр псэоу къэжъугъэнэгъагъэхэмэ, сэри шъупсэ згъэгъущтгъэп.
20ЕтӀанэ ГъыдыӀон ыкъо нахьыжъэу Етэр зыфигъази, риӀуагъ:
– Еуи мыхэр укӀых!
Ау Етэр джыри ныбжьыкӀэти, мэщынэти, чатэр къырихыгъэп.
21Арыти, Зэбахърэ ЦалмунаӀрэ:
– Ор-орэу къытауи тыукӀ. ЦӀыфым итеплъэр икъарыу, – аӀуи, къыраӀуагъ.
Джащыгъум ГъыдыӀон къэтэджи, тӀури ыукӀи, мэзэныкъо теплъэ зиӀэ гъэдэхалъэхэу#8:21 Наем щызыухъумэрэ пкъыгъоу цӀыфхэм алъытэщтыгъэ. ямахъшэхэм апшъэхэм арылъыгъэхэр къарихыгъэх.
ГъыдыӀон израилхэр Тхьэм игъогу зэрэтыригъэкӀыгъэхэр
22Ащ ыуж:
– Орышъ мыдианхэм такъыӀэкӀэзыхыжьыгъэр о Ӏэшъхьэтет къытфэхъу. ЕтӀанэ Ӏэшъхьэтет къытфэрэхъух о пкъуи, пкъом ыкъожьи, – аӀуи, израилхэм ГъыдыӀон раӀуагъ.
23Ау ГъыдыӀон ар ыдагъэп:
– Сэри Ӏэшъхьэтет сышъуфэхъущтэп, скъуи Ӏэшъхьэтет шъуфэхъущтэп. Зиусхьаныр ары шъо шъузыгъэӀорышӀэщтыр.
24ЕтӀанэ ГъыдыӀон цӀыфхэм ариӀуагъ:
– ЗыкӀэ сышъолъэӀу. Шъуинэбгырэ пэпчъ къонтхъ Ӏахьэу къытефагъэм къыхерэхи, тхьакӀумпылъхьэ зырыз къысерэтба.
Пыйхэр исмахьилэ#8:24 Исмахьил – Мыдиан фэдэу, Ибрэхьимэ ыкъуагъ. Ахэм къатекӀыгъэхэ мыдианхэмрэ исмахьилхэмрэ зы лъэпкъэу алъытэх, мыдианкӀэ яджэх. (Еплъ: тхылъэу «УблапӀэ» 16:15, 25:2, 37:28). лъэпкъым щыщыгъэхэти, дышъэ тхьакӀумпылъхьэхэр апылъыгъэх.
25– Тигуапэу оттын, – аӀуи, щыгъын кӀыӀутелъыр аубгъуи, зэкӀэми якъонтхъ Ӏахьэ щыщэу дышъэ тхьакӀумпылъхьэ зырыз ащ тырадзагъ. 26Дышъэ тхьакӀумпылъхьэу ГъыдыӀон къыратыгъэхэм ауасэ зэхэубытагъэу шэкъэл минрэ шъиблырэ#8:26 Мыр килограмм тӀокӀ фэдиз горэ мэхъу. фэдиз хъугъэ. Ащ хахьэщтыгъэп мэзэныкъо теплъэ зиӀэ гъэдэхалъэхэр, пшъэрылъхэу мыдиан пачъыхьэхэм апылъыгъэхэри, плъыжь-чӀэпцӀэшъо щыгъынхэу ащыгъыгъэхэри, пшъэхъоу махъшэхэм апшъэ илъыгъэхэри. 27А дышъэм ГъыдыӀон чэтэнӀабгъу#8:27 Ижъырэ джуртыбзэкӀэ: «ефод». Зыфэдэ дэдэр гурыӀогъуай, ау шэкӀ лъапӀэм хэшӀыкӀыгъэ кӀэпхын е щыгъын кӀэракӀэу ары зэрэплъытэн плъэкӀыщтыр. ЧэтэнгъэӀэгъэ ЛъапӀэм чӀэт къурмэнышӀым щыгъыщтыгъэ, Тхьэм иӀэмыр зэригъашӀэ хъумэ ар щыгъын фэягъ. Еплъ: тхылъэу «МысырикӀыжь» 28:6-30. Загъори, тхьэ нэпцӀыхэм афэлэжьэгъэным телъытэгъэ хабз. Еплъ: мы тхылъым 17:5; 18:14, 17. хишӀыкӀи, ежь зыщыщ къалэу Ӏофрэ чӀыпӀэ щыфигъэнэфагъ. Арыти, зэкӀэ израилхэм чэтэнӀабгъум шъхьащэ фашӀынэу ащ кӀохэу рагъажьи, Зиусхьанэу я Тхьэ фэшъыпкъэжьыгъэхэп. Джащ фэдэу ГъыдыӀони ащ иунагъуи а чэтэнӀабгъур убытыпӀэ афэхъугъ.
ГъыдыӀон дунаим зэрехыжьыгъэр
28Джаущтэу израилхэр мыдианхэм атекӀуагъэхэти, адрэхэм ашъхьэ къаӀатыжьыгъэп. Ащ ыуж ГъыдыӀон къыгъэшӀэгъэ илъэс тӀокӀитӀум чӀыналъэм щымамырыгъ.
29Ащ фэдизым Иоащ ыкъоу ЕрыубэӀал, ар ГъыдыӀон ары, ядэжь кӀожьыгъэу, тӀысыжьыгъэу щысыгъ.
30ГъыдыӀон шъхьэгъусэ бэу иӀагъэти, шъэо тӀокӀищрэ пшӀырэ ащ фагъотыгъ. 31Щэхэм къалэм щыпсэущтыгъэ ишъуз гуадзэ шъао къыфилъфыгъэти, ГъыдыӀон ащ Абимэлэх#8:31 Ижъырэ джуртыбзэкӀэ: «пачъыхьэр – сят». фиусыгъ. 32Иоащ ыкъо ГъыдыӀон ныбжьышӀу иӀэу игъашӀэ зеухым, абиӀэзэр лъэпкъым ичӀыгу Ӏахьэ хахьэрэ Ӏофрэ къалэ ятэ икъэунэу итым чӀалъхьажьыгъ.
33ГъыдыӀон зэрэлӀагъэм лъыпытэу, израилхэр гъогу тэрэзым текӀыхи, БэӀал тхьэнэпцӀым шъхьащэ фашӀэу аублэжьи, Зиусхьанэу я Тхьэ фэшъыпкъэжьыгъэхэп. БэӀал-Бэрыт#8:33 Ижъырэ джуртыбзэкӀэ: «Зэзэгъыныгъэм изиусхьан». тхьэнэпцӀыр ятхьэу алъытэу рагъажьи, 34Зиусхьанэу израилым и Тхьэу къягъэтӀысэкӀыгъэ пыйхэм къаӀэкӀэзыхыжьыгъэр агу къэкӀыжьыгъэп. 35ЕрыубэӀалрэ (ГъыдыӀон джары зэреджэщтыгъэхэр) ащ иунагъорэ афэшъыпкъэжьыгъэхэп, ащ Израилым шӀоу фишӀагъэр зэкӀэ ащыгъупшэжьыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023