Гъуазэхэр 18
18
ЯпшӀыкӀуенэрэ шъхьэр
Данхэр чӀыгукӀэм зэкӀохэм Михэ итхьэлъэӀупӀэ зэрэзэрапхъуагъэр
1А уахътэм Израилым пачъыхьэ иӀагъэп. Дан лӀакъом Израилым ичӀыгу щыщ Ӏахьэ унае джыри иӀагъэпти, щыпсэунэу зэрытӀысхьан чӀыпӀэ лъыхъущтыгъэ. 2Арыти, Дан лӀакъом зэкӀэм зэолӀ нэбгыритф, ЦорэӀрэ Ащтаулрэ ащыпсэухэу лӀыблэнитф къахахи, чӀыналъэр къаплъыхьанэу, зыфэдэр къызэрагъэшӀэнэу атӀупщыгъэх. Ахэм араӀуагъ:
– ШъукӀуи, чӀыналъэр зыфэдэр къызэжъугъашӀ.
А нэбгыритфыр Ефраим къушъхьалъэм къызэсхэм, Михэ иунэ къыщыуцухи, ащ чэщыр щырахыгъ. 3Унэм пэблагъэ къызэхъухэм кӀалэм игущыӀакӀэкӀэ, ежьхэм афэдэу Израилым икъыблэ зэрэщыщыр къашӀагъ. Арыти, кӀохи, кӀалэм кӀэрыхьэхи еупчӀыгъэх:
– Хэта о мыщ укъэзыщагъэр? Сыда мыщ щыпшӀэри, мыщ узкӀыщыӀэри?
4Михэ къыфишӀагъэр ащ ахэм афиӀуати, къыпигъэхъожьыгъ:
– Сэ ащ къурмэнышӀэу сиштагъ.
5Арыти, адрэхэр лэуим елъэӀугъэх:
– Тхьэм тфеупчӀба, гъогу тыкъызфытехьэгъэ Ӏофым шӀуагъэ къытфыхэкӀыщтмэ.
6КъурмэнышӀым ахэм ариӀожьыгъ:
– Гъогу мафэ шъутехь. Шъуигъогу шъутетыфэ Зиусхьаным ынаӀэ къышъутетыщт.
7Арыти, а лӀитфыр ягъогу техьажьхи, Лаиш къалэ кӀуагъэх. ЦӀыфхэр цыдонхэм яхабзэ тетхэу, гугъуемылӀхэу, егъэзыгъэ хэмытхэу, мамырэу зэрэпсэухэрэр ахэм ащ къыщалъэгъугъ. Ежьхэр цыдонхэм апэчыжьэу псэущтыгъэх, къотэгъуи яӀагъэп#18:7 Е: «Сирием готыгъэхэп». Джащ фэд 18:28..
8Ащ ыуж лӀитфыр ЦорэӀрэ Ащтаулрэ занэсыжьхэм, ялъэпкъэгъухэр къяупчӀыгъэх:
– Сыд фэдэ къэбара къытфэшъухьыгъэр?
9Адрэхэм джэуап къатыжьыгъ:
– ЗытэжъугъэӀати, татежъугъэбан! ЧӀыгоу тэ къэтлъэгъугъэр чӀыгу дэгъу. Зыпари шъушӀэн шъугу хэлъыба? Лъэтемытэу, шъукӀуи а чӀыгур шъуубыт. 10Ащ шъукӀомэ, гугъуемылӀ лъэпкъымрэ чӀыгу хъоо-пщаумрэ шъулъэгъущтых. Шъыпкъэ дэдэмкӀэ, Тхьэм а чӀыгу щыкӀэгъэнчъэр шъо шъуӀэ къырелъхьэ.
11Арыти, Дан лӀакъом щыщ нэбгырэ шъих заом зыфаузэнди, ЦорэӀрэ Ащтаулрэ къабгыни, гъогу техьагъэх. 12Ехъудэм ит Къыриат-ЕӀэрим зынэсхэм, пщыпӀэ щашӀи ащ къыщыуцугъэх. Джары непэ къызнэсыгъэми Къыриат-ЕӀэрим итыгъэ къохьэпӀэ лъэныкъо Мэхъанэ-ДанкӀэ#18:12 Ижъырэ джуртыбзэкӀэ: «Дан пщыпӀэр». зыкӀеджэхэрэр. 13ЕтӀанэ Ефраим къушъхьалъэм ихьэхи, Михэ иунэ нэсыгъэх.
14Адрэ нэбгыритфэу Лаиш чӀыналъэр къэзыплъыхьанэу кӀогъагъэхэм ялъэпкъэгъухэм араӀуагъ:
– ШъошӀа шъо мы унэхэм ащыщ чэтэнӀабгъуи, унэгъуатхьи, тхьэ сурэти, тхьэнэпцӀ хэгъэчъыкӀыгъи зэрилъхэр? Арышъ, джы шъо шъушӀэщтым шъуегупшыс.
15Арыти, ахэм агъази, Михэ иунэу лэуй кӀалэр зыщыпсэурэм ихьэхи, а лэуим сэлам рахыгъ. 16Ардэдэм Дан лӀакъом щыщ нэбгырэ шъихыр, заом фэхьазырхэу, уӀэшыгъэхэу къэлэпчъэӀум щызэхэтыгъэх. 17Нэбгыритфэу чӀыпӀэр къэзыплъыхьагъэхэр кӀохи, тхьэ сурэтри, чэтэнӀабгъури, унэгъуатхьэри, тхьэнэпцӀ хэгъэчъыкӀыгъэри къаштэхи къырахыгъэх. КъурмэнышӀыр ащ фэдизым нэбгырэ шъихэу, заом фэхьазырхэу, уӀэшыгъэхэу къэлэпчъэӀум щызэхэтхэм ахэтэу щытыгъ. 18КъурмэнышӀым Михэ иунэ тхьэ сурэтри, чэтэнӀабгъури, унэгъуатхьэри, тхьэнэпцӀ хэгъэчъыкӀыгъэри къызэрэрахыгъэхэр зелъэгъум ариӀуагъ:
– Сыд илӀэужыгъуа шъушӀэрэр?
19– Зэтелъхь, – къыраӀуагъ ахэм, – ужэ къызэтемых. Тэ къыддакӀуи утятэщт ыкӀи утикъурмэнышӀыщт ыкӀи. ЗылӀ иунэ ущыкъурмэнышӀыным нахьи Израилым илӀакъохэм ащыщ урикъурмэнышӀмэ нахь дэгъуба?
20КъурмэнышӀыр къэгушӀуи, чэтэнӀабгъури, унэгъуатхьэри, тхьэ сурэтри къыштэхи цӀыфхэм адежьагъ. 21Ясабыйхэри, ябылым Ӏэхъогъухэри, ямылъкухэри апэ рагъэшъхи, ежьхэри ауж итхэу гъогу техьагъэх.
22Михэ иунэ ахэр зыӀокӀотхэм, мыдрэм гъунэгъухэр къыугъоихи, данхэм акӀэлъежьагъэх. 23Ахэр данхэм якуощтыгъэхэти, адрэхэм зыкъызэрагъэзэкӀи, Михэ къыраӀуагъ:
– Сыда узыфаер? Сыд пае мощ фэдиз цӀыфыр къэуугъоигъа?
24Михэ ариӀожьыгъ:
– Ситхьэхэр, тхьэу сэ язгъэшӀыгъэхэр шъуштэхи, сикъурмэнышӀи зыдешъущажьи шъуежьэжьыгъ. Сыда джыри къысфэнэжьыгъэр? ЕтӀани шъукъысэупчӀы: «Сыда узыфаер?» шъоӀошъ.
25Данхэм ащ ипэгъокӀэу къыраӀожьыгъ:
– Зы макъэ гори къэмыгъэӀу, армырмэ тизэолӀхэр къэгубжынхэшъ, къыокӀунхэшъ, ори уиунагъуи шъуагъэкӀодыщт.
26Ар къыраӀуи, данхэр ягъогу техьажьыгъэх, Михэ ежь нахьи адрэхэр зэрэнахь лъэшхэр зелъэгъум, иунэ ыгъэзэжьыгъ.
27Джаущтэу Михэ аригъэшӀыгъэхэр аштэхи, икъурмэнышӀи зыдащи, мамырэу, гугъуемылӀэу псэурэ лъэпкъым дэжь, Лаиш, къэкӀуагъэх. Къэлэдэсхэр чатэкӀэ зэтыраукӀэхи, къалэри агъэстыгъ. 28Ахэр цыдонхэм апэчыжьэу псэущтыгъэхэти, къотэгъуи яӀагъэпти зыпари ӀэпыӀэгъу къафэхъугъэп. А къалэр Бэтрэхъоб пэмычыжьэу кӀэим итыгъ.
ЕтӀанэ данхэм къалэр икӀэрыкӀэу агъэпсыжьи, ащ щыпсэухэу аублагъ. 29ЫпэкӀэ ЛаишкӀэ заджэщтыгъэхэ къалэм Дан цӀэу фашӀыгъ. Ар зыцӀагъэр Израил (ар Якъуб ары) ыкъоу ежьхэр къызытекӀыгъэхэр ары. 30Тхьэ сурэтыр а къалэм дагъэуцуагъ, данхэр гъэрыпӀэм ефэфэхэ#18:30 Мыщ дэжьым зигугъу къыщишӀырэм ехьылӀагъэу еплъ: тхылъэу «ЯтӀонэрэ Пачъыхьэхэр» 15:29. Мосэ#18:30 НэмыкӀ Ӏэпэрытхыхэм зэрахэтыр: «Мынасэ». ыкъо Гъэршэм къытекӀыгъэ Ионэтан, етӀанэ ащ ыкъохэр къурмэнышӀэу яӀагъэх. 31Ахэм Тхьэм иунэ#18:31 ЧэтэнгъэӀэгъэ лъапӀэр ары зыфиӀорэр. Самуел пегъымбарымрэ Саул пачъыхьэмрэ яуахътэ ыпэкӀэ ар Щылэу дэтыгъ. Еплъ: тхылъэу «Ехъошуа 18:1», тхылъэу «Апэрэ Самуел» 1:3. Щылэу дэтыфэ Михэ аригъэшӀыгъэ тхьэ сурэтыр аухъумагъ.
Currently Selected:
Гъуазэхэр 18: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 18
18
ЯпшӀыкӀуенэрэ шъхьэр
Данхэр чӀыгукӀэм зэкӀохэм Михэ итхьэлъэӀупӀэ зэрэзэрапхъуагъэр
1А уахътэм Израилым пачъыхьэ иӀагъэп. Дан лӀакъом Израилым ичӀыгу щыщ Ӏахьэ унае джыри иӀагъэпти, щыпсэунэу зэрытӀысхьан чӀыпӀэ лъыхъущтыгъэ. 2Арыти, Дан лӀакъом зэкӀэм зэолӀ нэбгыритф, ЦорэӀрэ Ащтаулрэ ащыпсэухэу лӀыблэнитф къахахи, чӀыналъэр къаплъыхьанэу, зыфэдэр къызэрагъэшӀэнэу атӀупщыгъэх. Ахэм араӀуагъ:
– ШъукӀуи, чӀыналъэр зыфэдэр къызэжъугъашӀ.
А нэбгыритфыр Ефраим къушъхьалъэм къызэсхэм, Михэ иунэ къыщыуцухи, ащ чэщыр щырахыгъ. 3Унэм пэблагъэ къызэхъухэм кӀалэм игущыӀакӀэкӀэ, ежьхэм афэдэу Израилым икъыблэ зэрэщыщыр къашӀагъ. Арыти, кӀохи, кӀалэм кӀэрыхьэхи еупчӀыгъэх:
– Хэта о мыщ укъэзыщагъэр? Сыда мыщ щыпшӀэри, мыщ узкӀыщыӀэри?
4Михэ къыфишӀагъэр ащ ахэм афиӀуати, къыпигъэхъожьыгъ:
– Сэ ащ къурмэнышӀэу сиштагъ.
5Арыти, адрэхэр лэуим елъэӀугъэх:
– Тхьэм тфеупчӀба, гъогу тыкъызфытехьэгъэ Ӏофым шӀуагъэ къытфыхэкӀыщтмэ.
6КъурмэнышӀым ахэм ариӀожьыгъ:
– Гъогу мафэ шъутехь. Шъуигъогу шъутетыфэ Зиусхьаным ынаӀэ къышъутетыщт.
7Арыти, а лӀитфыр ягъогу техьажьхи, Лаиш къалэ кӀуагъэх. ЦӀыфхэр цыдонхэм яхабзэ тетхэу, гугъуемылӀхэу, егъэзыгъэ хэмытхэу, мамырэу зэрэпсэухэрэр ахэм ащ къыщалъэгъугъ. Ежьхэр цыдонхэм апэчыжьэу псэущтыгъэх, къотэгъуи яӀагъэп#18:7 Е: «Сирием готыгъэхэп». Джащ фэд 18:28..
8Ащ ыуж лӀитфыр ЦорэӀрэ Ащтаулрэ занэсыжьхэм, ялъэпкъэгъухэр къяупчӀыгъэх:
– Сыд фэдэ къэбара къытфэшъухьыгъэр?
9Адрэхэм джэуап къатыжьыгъ:
– ЗытэжъугъэӀати, татежъугъэбан! ЧӀыгоу тэ къэтлъэгъугъэр чӀыгу дэгъу. Зыпари шъушӀэн шъугу хэлъыба? Лъэтемытэу, шъукӀуи а чӀыгур шъуубыт. 10Ащ шъукӀомэ, гугъуемылӀ лъэпкъымрэ чӀыгу хъоо-пщаумрэ шъулъэгъущтых. Шъыпкъэ дэдэмкӀэ, Тхьэм а чӀыгу щыкӀэгъэнчъэр шъо шъуӀэ къырелъхьэ.
11Арыти, Дан лӀакъом щыщ нэбгырэ шъих заом зыфаузэнди, ЦорэӀрэ Ащтаулрэ къабгыни, гъогу техьагъэх. 12Ехъудэм ит Къыриат-ЕӀэрим зынэсхэм, пщыпӀэ щашӀи ащ къыщыуцугъэх. Джары непэ къызнэсыгъэми Къыриат-ЕӀэрим итыгъэ къохьэпӀэ лъэныкъо Мэхъанэ-ДанкӀэ#18:12 Ижъырэ джуртыбзэкӀэ: «Дан пщыпӀэр». зыкӀеджэхэрэр. 13ЕтӀанэ Ефраим къушъхьалъэм ихьэхи, Михэ иунэ нэсыгъэх.
14Адрэ нэбгыритфэу Лаиш чӀыналъэр къэзыплъыхьанэу кӀогъагъэхэм ялъэпкъэгъухэм араӀуагъ:
– ШъошӀа шъо мы унэхэм ащыщ чэтэнӀабгъуи, унэгъуатхьи, тхьэ сурэти, тхьэнэпцӀ хэгъэчъыкӀыгъи зэрилъхэр? Арышъ, джы шъо шъушӀэщтым шъуегупшыс.
15Арыти, ахэм агъази, Михэ иунэу лэуй кӀалэр зыщыпсэурэм ихьэхи, а лэуим сэлам рахыгъ. 16Ардэдэм Дан лӀакъом щыщ нэбгырэ шъихыр, заом фэхьазырхэу, уӀэшыгъэхэу къэлэпчъэӀум щызэхэтыгъэх. 17Нэбгыритфэу чӀыпӀэр къэзыплъыхьагъэхэр кӀохи, тхьэ сурэтри, чэтэнӀабгъури, унэгъуатхьэри, тхьэнэпцӀ хэгъэчъыкӀыгъэри къаштэхи къырахыгъэх. КъурмэнышӀыр ащ фэдизым нэбгырэ шъихэу, заом фэхьазырхэу, уӀэшыгъэхэу къэлэпчъэӀум щызэхэтхэм ахэтэу щытыгъ. 18КъурмэнышӀым Михэ иунэ тхьэ сурэтри, чэтэнӀабгъури, унэгъуатхьэри, тхьэнэпцӀ хэгъэчъыкӀыгъэри къызэрэрахыгъэхэр зелъэгъум ариӀуагъ:
– Сыд илӀэужыгъуа шъушӀэрэр?
19– Зэтелъхь, – къыраӀуагъ ахэм, – ужэ къызэтемых. Тэ къыддакӀуи утятэщт ыкӀи утикъурмэнышӀыщт ыкӀи. ЗылӀ иунэ ущыкъурмэнышӀыным нахьи Израилым илӀакъохэм ащыщ урикъурмэнышӀмэ нахь дэгъуба?
20КъурмэнышӀыр къэгушӀуи, чэтэнӀабгъури, унэгъуатхьэри, тхьэ сурэтри къыштэхи цӀыфхэм адежьагъ. 21Ясабыйхэри, ябылым Ӏэхъогъухэри, ямылъкухэри апэ рагъэшъхи, ежьхэри ауж итхэу гъогу техьагъэх.
22Михэ иунэ ахэр зыӀокӀотхэм, мыдрэм гъунэгъухэр къыугъоихи, данхэм акӀэлъежьагъэх. 23Ахэр данхэм якуощтыгъэхэти, адрэхэм зыкъызэрагъэзэкӀи, Михэ къыраӀуагъ:
– Сыда узыфаер? Сыд пае мощ фэдиз цӀыфыр къэуугъоигъа?
24Михэ ариӀожьыгъ:
– Ситхьэхэр, тхьэу сэ язгъэшӀыгъэхэр шъуштэхи, сикъурмэнышӀи зыдешъущажьи шъуежьэжьыгъ. Сыда джыри къысфэнэжьыгъэр? ЕтӀани шъукъысэупчӀы: «Сыда узыфаер?» шъоӀошъ.
25Данхэм ащ ипэгъокӀэу къыраӀожьыгъ:
– Зы макъэ гори къэмыгъэӀу, армырмэ тизэолӀхэр къэгубжынхэшъ, къыокӀунхэшъ, ори уиунагъуи шъуагъэкӀодыщт.
26Ар къыраӀуи, данхэр ягъогу техьажьыгъэх, Михэ ежь нахьи адрэхэр зэрэнахь лъэшхэр зелъэгъум, иунэ ыгъэзэжьыгъ.
27Джаущтэу Михэ аригъэшӀыгъэхэр аштэхи, икъурмэнышӀи зыдащи, мамырэу, гугъуемылӀэу псэурэ лъэпкъым дэжь, Лаиш, къэкӀуагъэх. Къэлэдэсхэр чатэкӀэ зэтыраукӀэхи, къалэри агъэстыгъ. 28Ахэр цыдонхэм апэчыжьэу псэущтыгъэхэти, къотэгъуи яӀагъэпти зыпари ӀэпыӀэгъу къафэхъугъэп. А къалэр Бэтрэхъоб пэмычыжьэу кӀэим итыгъ.
ЕтӀанэ данхэм къалэр икӀэрыкӀэу агъэпсыжьи, ащ щыпсэухэу аублагъ. 29ЫпэкӀэ ЛаишкӀэ заджэщтыгъэхэ къалэм Дан цӀэу фашӀыгъ. Ар зыцӀагъэр Израил (ар Якъуб ары) ыкъоу ежьхэр къызытекӀыгъэхэр ары. 30Тхьэ сурэтыр а къалэм дагъэуцуагъ, данхэр гъэрыпӀэм ефэфэхэ#18:30 Мыщ дэжьым зигугъу къыщишӀырэм ехьылӀагъэу еплъ: тхылъэу «ЯтӀонэрэ Пачъыхьэхэр» 15:29. Мосэ#18:30 НэмыкӀ Ӏэпэрытхыхэм зэрахэтыр: «Мынасэ». ыкъо Гъэршэм къытекӀыгъэ Ионэтан, етӀанэ ащ ыкъохэр къурмэнышӀэу яӀагъэх. 31Ахэм Тхьэм иунэ#18:31 ЧэтэнгъэӀэгъэ лъапӀэр ары зыфиӀорэр. Самуел пегъымбарымрэ Саул пачъыхьэмрэ яуахътэ ыпэкӀэ ар Щылэу дэтыгъ. Еплъ: тхылъэу «Ехъошуа 18:1», тхылъэу «Апэрэ Самуел» 1:3. Щылэу дэтыфэ Михэ аригъэшӀыгъэ тхьэ сурэтыр аухъумагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023