УблапӀэ 45
45
ЯтӀокӀитӀонэрэ тфырэ шъхьэр
Юсыф ыкъошхэм зыкъызэраригъэшӀагъэр
1Юсыф цӀыфхэм апашъхьэ ащ нахьыбэрэ зыщищэӀэжьын ымылъэкӀэу къэкууагъ: «ЗэкӀэ санэӀу ишъущых!» Юсыф ышымэ анэмыкӀ зи щытыжьыгъэп, ышыхэм зыкъызарегъэшӀэжьым. 2Ар мэкъэ ӀэтыгъэкӀэ къэгъыгъэти, игъы макъэ мысыр цӀыфхэми зэхахыгъэ, фирхьауным иуни къэбарыр нэсыгъ. 3«Сэры Юсыфыр, – ариӀуагъ ащ ышымэ, – джыри псэоу щыӀа сятэ?» Ау ащ ышымэ джэуап къыратыжьын амылъэкӀэу, къыгъэм фэдэу щытыгъэх.
4«Адэ шъукъысэкӀуалӀэба», – Юсыф ышыхэм ариӀуагъ. Ышыхэр къекӀолӀагъэх. «Сэ сы Юсыф, – къыӀуагъ ащ, – шъо шъушэу Мысырым щяжъугъэщагъэр ары. 5Ау мыщ сызэрэщышъущагъэм пае джы къин зэшъумыгъэлъэгъужь, зышъумыукӀыжь. Тхьэм сэ мыщ сыкъигъэкӀуагъ цӀыфхэр къэзгъэнэжьынхэу. 6Мары чӀыгум илъэситӀу хъугъэу щыгъабл, джыри илъэситфэ жъонхи лэжьыгъэ Ӏуахыжьыни алъэкӀыщтэп. 7Тхьэм сэ шъуапэ ситэу мыщ сыкъигъэкӀуагъ, шъуилӀакъо чӀыгум къытыригъэнэнэу, шъуищыӀэныгъи Ӏоф шӀэгъошхокӀэ къыгъэнэжьынэу. 8Шъорэп мыщ сыкъэзгъэкӀуагъэр, фирхьауным сырятэу, ащ иунэ Ӏофхэр зэкӀэ зесхьанхэуи сытезгъэуцогъэ Тхьэу, зэкӀэ Мысыр хэгъэгум сыриӀэшъхьэтетэу зышӀыгъэр ары нахь.
9ПсынкӀэу сятэ дэжь жъугъэзэжьи, ешъуӀу ащ: „Пкъоу Юсыф мырэущтэу еӀо: ‘Тхьэм сэ Ӏэшъхьэтетэу зэкӀэ Мысыр хэгъэгум сыфишӀыгъ; садэжь къакӀо бэ темыгъашӀэу. 10О Гощэн хэкум ущыпсэущт; сэ укъыспэблэгъэщт; ори, о пкъохэри, пкъомэ акъожьхэри, мэл пчэнхэри, былым пӀашъэхэри, зэкӀэ уиӀэри къыспэблэгъэщт. 11Ори, уиунагъуи, уибылымхэми фэныкъуагъэ горэ ямыӀэнэу сэ уищыӀакӀэ згъэпсыщт, сыда пӀомэ гъаблэр джыри илъэситфэ щыӀэщт’“.
12ШъунитӀукӀэ шъолъэгъу шъори, сшэу Бинямин ынитӀукӀи – сэры къыжъудэгущыӀэрэр! 13Мысырым зэкӀэ щытхъоу щысиӀэр тятэ ешъуӀотэжь. ЗэкӀэ шъулъэгъугъэр ешъуӀотэжьи, псынкӀэу тятэ мыщ къашъущэ!» 14Ышэу Бинямин ыпшъэ зыридзи, ар гъыгъэ, Бинямини ащ ыпшъэ илъэу гъыщтыгъэ. 15ЗэкӀэ ышымэ къябэугъ, ӀаплӀ къарищэкӀызэ, гъыгъэ. ЕтӀанэ ащ дэгущыӀэнхэу ышыхэм аублагъ.
16Юсыф ышхэр къызэрэкӀуагъэхэм икъэбар фирхьауным иунэ нэсыгъ. Фирхьауными ащ иӀумэтхэми ар ягопагъ. 17Фирхьауным Юсыф къыриӀуагъ: «ЯӀу пшымэ: шъуищыдхэм атешъулъхьи, КъэнаӀан хэгъэгум шъукӀожь. 18Шъуяти шъуибынхэри къыздашъущэхэри, садэжь шъукъакӀох; Мысырым анахь дэгъоу илъыр зэкӀэ шъостынышъ, тихэгъэгу игъэбэжъукӀэ зыжъугъэтхъэжь. 19Джыри япӀонэу къыпфэсэгъэпытэ: Мысыр чӀыгум ку псынкӀэу итхэр ясабыйхэми яшъузхэми апае арэштэхи, шъуяти къыздарэщ. 20ШъуиӀапӀэу къэнэщтым шъугу фэрэмыгъу, сыда пӀомэ Мысыр хэгъэгум инахьышӀур къышъостыщт».
21Аущтэуи Исраил ыкъохэм ашӀыгъ. Юсыф, фирхьауным иунашъо тетэу, ахэмэ ку псынкӀэхэр къаритыгъэх, гъогу гъомыли къаритыгъ, 22шъхьаджи щыгъыныкӀэ ритыгъ. Бинямин тыжьын ахъщэ шъищырэ, зэблихъунэу щыгъын штэгъуитфырэ къыритыгъ. 23Джащ фэдэу Мысырым ианахьышӀухэр атепхагъэхэу щыдипшӀырэ, лэжьыгъи, хьалыгъуи, ятэ игъогу гъомылэщтыри атепхагъэхэу щыдыбзэу пшӀырэ ятэ фаригъэщагъэх. 24Ащ ыуж ышыхэр къытӀупщыжьхи, ахэр къызежьэжьхэм, Юсыф ышмэ къариӀуагъ: «Гъогум шъущызэщымыхь!»
25Мысырым къикӀыжьхи, КъэнаӀан хэгъэгум, ежьхэм ятэу Якъубэ дэжь къэкӀожьыгъэх. 26«Юсыф псэоу щыӀ, – раӀуагъ ятэ, – джы ар Мысыр хэгъэгум зэрэпсэоу иӀэшъхьэтет». Ау Якъубэ зэрмыр хъугъэ: къаӀорэр ышӀошъ хъугъэп. 27Ау Юсыф къариӀогъэгъэ гущыӀэ пстэури къызыфаӀотэжьым, ежь ащэным пае Юсыф къафигъэкӀогъэ ку псынкӀэхэри зелъэгъухэм, ыгу зыкъыӀэтыжьи, 28Исраил къыӀуагъ: «Дэгъу! Джыри скъо Юсыф псэоу щыӀ! СыкӀонышъ, ар сымылӀэжьызэ зэзгъэлъэгъужьыщт».
Currently Selected:
УблапӀэ 45: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 45
45
ЯтӀокӀитӀонэрэ тфырэ шъхьэр
Юсыф ыкъошхэм зыкъызэраригъэшӀагъэр
1Юсыф цӀыфхэм апашъхьэ ащ нахьыбэрэ зыщищэӀэжьын ымылъэкӀэу къэкууагъ: «ЗэкӀэ санэӀу ишъущых!» Юсыф ышымэ анэмыкӀ зи щытыжьыгъэп, ышыхэм зыкъызарегъэшӀэжьым. 2Ар мэкъэ ӀэтыгъэкӀэ къэгъыгъэти, игъы макъэ мысыр цӀыфхэми зэхахыгъэ, фирхьауным иуни къэбарыр нэсыгъ. 3«Сэры Юсыфыр, – ариӀуагъ ащ ышымэ, – джыри псэоу щыӀа сятэ?» Ау ащ ышымэ джэуап къыратыжьын амылъэкӀэу, къыгъэм фэдэу щытыгъэх.
4«Адэ шъукъысэкӀуалӀэба», – Юсыф ышыхэм ариӀуагъ. Ышыхэр къекӀолӀагъэх. «Сэ сы Юсыф, – къыӀуагъ ащ, – шъо шъушэу Мысырым щяжъугъэщагъэр ары. 5Ау мыщ сызэрэщышъущагъэм пае джы къин зэшъумыгъэлъэгъужь, зышъумыукӀыжь. Тхьэм сэ мыщ сыкъигъэкӀуагъ цӀыфхэр къэзгъэнэжьынхэу. 6Мары чӀыгум илъэситӀу хъугъэу щыгъабл, джыри илъэситфэ жъонхи лэжьыгъэ Ӏуахыжьыни алъэкӀыщтэп. 7Тхьэм сэ шъуапэ ситэу мыщ сыкъигъэкӀуагъ, шъуилӀакъо чӀыгум къытыригъэнэнэу, шъуищыӀэныгъи Ӏоф шӀэгъошхокӀэ къыгъэнэжьынэу. 8Шъорэп мыщ сыкъэзгъэкӀуагъэр, фирхьауным сырятэу, ащ иунэ Ӏофхэр зэкӀэ зесхьанхэуи сытезгъэуцогъэ Тхьэу, зэкӀэ Мысыр хэгъэгум сыриӀэшъхьэтетэу зышӀыгъэр ары нахь.
9ПсынкӀэу сятэ дэжь жъугъэзэжьи, ешъуӀу ащ: „Пкъоу Юсыф мырэущтэу еӀо: ‘Тхьэм сэ Ӏэшъхьэтетэу зэкӀэ Мысыр хэгъэгум сыфишӀыгъ; садэжь къакӀо бэ темыгъашӀэу. 10О Гощэн хэкум ущыпсэущт; сэ укъыспэблэгъэщт; ори, о пкъохэри, пкъомэ акъожьхэри, мэл пчэнхэри, былым пӀашъэхэри, зэкӀэ уиӀэри къыспэблэгъэщт. 11Ори, уиунагъуи, уибылымхэми фэныкъуагъэ горэ ямыӀэнэу сэ уищыӀакӀэ згъэпсыщт, сыда пӀомэ гъаблэр джыри илъэситфэ щыӀэщт’“.
12ШъунитӀукӀэ шъолъэгъу шъори, сшэу Бинямин ынитӀукӀи – сэры къыжъудэгущыӀэрэр! 13Мысырым зэкӀэ щытхъоу щысиӀэр тятэ ешъуӀотэжь. ЗэкӀэ шъулъэгъугъэр ешъуӀотэжьи, псынкӀэу тятэ мыщ къашъущэ!» 14Ышэу Бинямин ыпшъэ зыридзи, ар гъыгъэ, Бинямини ащ ыпшъэ илъэу гъыщтыгъэ. 15ЗэкӀэ ышымэ къябэугъ, ӀаплӀ къарищэкӀызэ, гъыгъэ. ЕтӀанэ ащ дэгущыӀэнхэу ышыхэм аублагъ.
16Юсыф ышхэр къызэрэкӀуагъэхэм икъэбар фирхьауным иунэ нэсыгъ. Фирхьауными ащ иӀумэтхэми ар ягопагъ. 17Фирхьауным Юсыф къыриӀуагъ: «ЯӀу пшымэ: шъуищыдхэм атешъулъхьи, КъэнаӀан хэгъэгум шъукӀожь. 18Шъуяти шъуибынхэри къыздашъущэхэри, садэжь шъукъакӀох; Мысырым анахь дэгъоу илъыр зэкӀэ шъостынышъ, тихэгъэгу игъэбэжъукӀэ зыжъугъэтхъэжь. 19Джыри япӀонэу къыпфэсэгъэпытэ: Мысыр чӀыгум ку псынкӀэу итхэр ясабыйхэми яшъузхэми апае арэштэхи, шъуяти къыздарэщ. 20ШъуиӀапӀэу къэнэщтым шъугу фэрэмыгъу, сыда пӀомэ Мысыр хэгъэгум инахьышӀур къышъостыщт».
21Аущтэуи Исраил ыкъохэм ашӀыгъ. Юсыф, фирхьауным иунашъо тетэу, ахэмэ ку псынкӀэхэр къаритыгъэх, гъогу гъомыли къаритыгъ, 22шъхьаджи щыгъыныкӀэ ритыгъ. Бинямин тыжьын ахъщэ шъищырэ, зэблихъунэу щыгъын штэгъуитфырэ къыритыгъ. 23Джащ фэдэу Мысырым ианахьышӀухэр атепхагъэхэу щыдипшӀырэ, лэжьыгъи, хьалыгъуи, ятэ игъогу гъомылэщтыри атепхагъэхэу щыдыбзэу пшӀырэ ятэ фаригъэщагъэх. 24Ащ ыуж ышыхэр къытӀупщыжьхи, ахэр къызежьэжьхэм, Юсыф ышмэ къариӀуагъ: «Гъогум шъущызэщымыхь!»
25Мысырым къикӀыжьхи, КъэнаӀан хэгъэгум, ежьхэм ятэу Якъубэ дэжь къэкӀожьыгъэх. 26«Юсыф псэоу щыӀ, – раӀуагъ ятэ, – джы ар Мысыр хэгъэгум зэрэпсэоу иӀэшъхьэтет». Ау Якъубэ зэрмыр хъугъэ: къаӀорэр ышӀошъ хъугъэп. 27Ау Юсыф къариӀогъэгъэ гущыӀэ пстэури къызыфаӀотэжьым, ежь ащэным пае Юсыф къафигъэкӀогъэ ку псынкӀэхэри зелъэгъухэм, ыгу зыкъыӀэтыжьи, 28Исраил къыӀуагъ: «Дэгъу! Джыри скъо Юсыф псэоу щыӀ! СыкӀонышъ, ар сымылӀэжьызэ зэзгъэлъэгъужьыщт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023