МысырикӀыжь 6
6
Яхэнэрэ шъхьэр
1Зиусхьаным Мосэ къыриӀожьыгъ: «Джы Сэ фирхьауным есшӀэщтыр о къэплъэгъущт, СкӀуачӀэкӀэ ащ цӀыфхэр къытӀупщыщтых, СкӀуачӀэкӀэ ахэр ихэгъэгуи ащ къырифыщтых».
Тхьэм Мосэ икӀэрыкӀэу зэригъэгъуазэрэр
2Тхьэм Мосэ къыриӀуагъ: «Сэры Зиусхьаныр. 3Ибрахьими, Исхьакъи, Якъуби Сэ лъэкӀыныгъэ пстэури зиӀэ Тхьэу сакъыфэлъэгъуагъ, ау „Зиусхьаныр“ СцӀэу ахэм зязгъэшӀагъэп. 4Хымэу зыщыпсэущтыгъэхэ КъэнаӀан хэгъэгур ястынэу Сэ ахэм Ӏуагъэ адэсшӀыгъ. 5Джащ фэдэу мысырхэм агъэпщылӀырэ израиль цӀыфхэм ятхьаусыхэ макъэ Сэ зэхэсхыгъ, Ӏуагъэу адэсшӀыгъагъэри Сыгу къэкӀыжьыгъ. 6Арышъ, израиль цӀыфхэм моущтэу яӀу: „Сэры Зиусхьаныр, мысырхэм ябжь шъутесхыжьыщт, СкӀуачӀэкӀэ лъэшэу згъэпщынэхэзэ, шъхьафит шъусшӀыжьыщт. 7Сэ СицӀыф лъэпкъ шъусшӀынышъ, шъуи Тхьэу сыщытыщт. Сэ Сызэрэ Зиусхьанри, шъуи Тхьэу сызэрэщытри, Мысырым ибжь зэрэшъутесхыжьыгъэри къэшъушӀэщт. 8СӀэ къэсӀэти, гущыӀэ пытэкӀэ Ибрахьими, Исхьакъи, Якъуби ястынэу зыфэсӀогъэ хэгъэгум шъуисщэщт, ӀахьышӀоу ар къышъостыщт. Сэры Зиусхьаныр“». 9Тхьэм къыриӀуагъэхэр Мосэ израиль цӀыфхэм къафиӀотэжьыгъ, ау агухэр зэрэкӀодыгъэхэмрэ Ӏоф хьылъэмрэ къахэкӀэу ащ едэӀугъэхэп.
10Ащ нэужым Зиусхьаным Мосэ къыриӀуагъ: 11«Мысырым ипачъыхьэу фирхьауным дэжь кӀуи, израиль цӀыфхэр ихэгъэгу къыригъэкӀынхэу еӀу». 12Зиусхьаным ыпашъхьэ Мосэ къыщиӀуагъ: «Мары, израиль цӀыфхэр къысэдэӀухэрэп, адэ сыдэущтэу фирхьауныр сэ къысэдэӀуна? Сэ сыжашӀоп». 13Ау Зиусхьаныр Моси Хьаруни къадэгущыӀэщтыгъ, израиль цӀыфхэр Мысыр хэгъэгум къыращыжьынхэм пае израиль цӀыфхэми Мысырым ипачъыхьэу фирхьаунми афэгъэхьыгъэу унашъо къафишӀызэ, къариӀощтыгъ.
Мосэрэ Хьарунэрэ къызтекӀыгъэхэр
14Мосэрэ Хьарунэрэ къызтекӀыгъэ лӀакъохэр мыхэр арых:
Якъубэ ищыпэлъфэу Рубэн ыкъохэр: Хъанох, Палыу, Хъэцрон, Къармый аӀоу; ахэр ары Рубэн къытекӀыгъэ унагъохэр.
15ЩымӀон ыкъохэр: Емуэл, Ямин, Ӏохад, Яхын, Цохар, къэнаӀан бзылъфыгъэм къыфилъфыгъэу Шаул. Ахэр ары ЩымӀон къытекӀыгъэ унагъохэр.
16Мары Лэуй ыкъохэм анахьыжъым къыщегъэжьагъэу анахьыкӀэм нэсэу ацӀэхэр: Гъэрщэн, Къахат, Мэрарый. Лэуй ыгъэшӀагъэр илъэсишъэрэ щэкӀырэ блырэ.
17Гъэрщэн ыкъохэр: Лыбный, ЩымӀый, яунагъохэр акӀыгъухэу.
18Къахат ыкъохэр: Ӏамрам, Ицхар, Хъэурэн, Узиэл. Къахат ыгъэшӀагъэр илъэсишъэрэ щэкӀырэ щырэ.
19Мэрарый ыкъохэр: Махълый, Мушый. Ахэр ары Лэуй ыкъохэм анахьыжъым къыщегъэжьагъэу анахьыкӀэм нэсэу къатекӀыгъэ унагъохэр.
20Ӏамрам ятэшыпхъоу Иокъэбэдэ шъузкӀэ ышти, ащ Хьарунэрэ Мосэрэ къыфилъфыгъэх. Ӏамрам къыгъэшӀагъэр илъэсишъэрэ щэкӀырэ блырэ. 21Ицхар ыкъохэр: Къорахъ, Нэфэг, Зыкърый. 22Ӏузыел ыкъохэр: Мыщаел, Елцэфан, Ситрый. 23Хьарунэ шъузкӀэ ыштагъ Ӏаминадау ыпхъоу, Нахъшон ышыпхъу ЕлыщэбаӀ, ащ къыфилъфыгъэх Нэдэб, Абихъыу, ЕлыӀазар, Итамар. 24Къорахъ ыкъохэр: Асир, Елкъан, Абыесаф: ахэр ары Къорахъ къытекӀыгъэ унагъохэр. 25Хьарунэ ыкъо ЕлыӀазар шъузкӀэ ыштагъ Путиел ыпхъумэ ащыщ горэ, ащ къыфилъфыгъ Пинхъас. Мыхэр ары Лэуй лӀакъом щыщ унагъохэр къызтекӀыгъэхэр.
26А Хьарунэрэ Мосэрэ дэдэхэр ары Зиусхьаным зэриӀуагъэхэр: «Израиль цӀыфхэр дзэр зэрагъэуцурэм фэдэу зэхэтхэу Мысыр хэгъэгум къишъущыжьых». 27Ахэр ары Мысыр хэгъэгум израиль цӀыфхэр къыращыжьынхэу Мысырым ипачъыхьэу фирхьауным езыӀуагъэхэр; ахэр Мосэрэ Хьарунэрэ. 28Зиусхьаныр Мысыр хэгъэгум Мосэ къыщыдэгущыӀэ зэхъум, 29Зиусхьаным Мосэ мырэущтэу къыриӀощтыгъ: «Сэры Зиусхьаныр! Сэ къыуасӀорэр зэкӀэ Мысырым ипачъыхьэу фирхьауным еӀожь». 30Ау Мосэ Зиусхьаным риӀуагъ: «Мары, сэ сыжашӀоп, адэ сыдэущтэу сэ фирхьауныр къысэдэӀущта?»
Currently Selected:
МысырикӀыжь 6: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 6
6
Яхэнэрэ шъхьэр
1Зиусхьаным Мосэ къыриӀожьыгъ: «Джы Сэ фирхьауным есшӀэщтыр о къэплъэгъущт, СкӀуачӀэкӀэ ащ цӀыфхэр къытӀупщыщтых, СкӀуачӀэкӀэ ахэр ихэгъэгуи ащ къырифыщтых».
Тхьэм Мосэ икӀэрыкӀэу зэригъэгъуазэрэр
2Тхьэм Мосэ къыриӀуагъ: «Сэры Зиусхьаныр. 3Ибрахьими, Исхьакъи, Якъуби Сэ лъэкӀыныгъэ пстэури зиӀэ Тхьэу сакъыфэлъэгъуагъ, ау „Зиусхьаныр“ СцӀэу ахэм зязгъэшӀагъэп. 4Хымэу зыщыпсэущтыгъэхэ КъэнаӀан хэгъэгур ястынэу Сэ ахэм Ӏуагъэ адэсшӀыгъ. 5Джащ фэдэу мысырхэм агъэпщылӀырэ израиль цӀыфхэм ятхьаусыхэ макъэ Сэ зэхэсхыгъ, Ӏуагъэу адэсшӀыгъагъэри Сыгу къэкӀыжьыгъ. 6Арышъ, израиль цӀыфхэм моущтэу яӀу: „Сэры Зиусхьаныр, мысырхэм ябжь шъутесхыжьыщт, СкӀуачӀэкӀэ лъэшэу згъэпщынэхэзэ, шъхьафит шъусшӀыжьыщт. 7Сэ СицӀыф лъэпкъ шъусшӀынышъ, шъуи Тхьэу сыщытыщт. Сэ Сызэрэ Зиусхьанри, шъуи Тхьэу сызэрэщытри, Мысырым ибжь зэрэшъутесхыжьыгъэри къэшъушӀэщт. 8СӀэ къэсӀэти, гущыӀэ пытэкӀэ Ибрахьими, Исхьакъи, Якъуби ястынэу зыфэсӀогъэ хэгъэгум шъуисщэщт, ӀахьышӀоу ар къышъостыщт. Сэры Зиусхьаныр“». 9Тхьэм къыриӀуагъэхэр Мосэ израиль цӀыфхэм къафиӀотэжьыгъ, ау агухэр зэрэкӀодыгъэхэмрэ Ӏоф хьылъэмрэ къахэкӀэу ащ едэӀугъэхэп.
10Ащ нэужым Зиусхьаным Мосэ къыриӀуагъ: 11«Мысырым ипачъыхьэу фирхьауным дэжь кӀуи, израиль цӀыфхэр ихэгъэгу къыригъэкӀынхэу еӀу». 12Зиусхьаным ыпашъхьэ Мосэ къыщиӀуагъ: «Мары, израиль цӀыфхэр къысэдэӀухэрэп, адэ сыдэущтэу фирхьауныр сэ къысэдэӀуна? Сэ сыжашӀоп». 13Ау Зиусхьаныр Моси Хьаруни къадэгущыӀэщтыгъ, израиль цӀыфхэр Мысыр хэгъэгум къыращыжьынхэм пае израиль цӀыфхэми Мысырым ипачъыхьэу фирхьаунми афэгъэхьыгъэу унашъо къафишӀызэ, къариӀощтыгъ.
Мосэрэ Хьарунэрэ къызтекӀыгъэхэр
14Мосэрэ Хьарунэрэ къызтекӀыгъэ лӀакъохэр мыхэр арых:
Якъубэ ищыпэлъфэу Рубэн ыкъохэр: Хъанох, Палыу, Хъэцрон, Къармый аӀоу; ахэр ары Рубэн къытекӀыгъэ унагъохэр.
15ЩымӀон ыкъохэр: Емуэл, Ямин, Ӏохад, Яхын, Цохар, къэнаӀан бзылъфыгъэм къыфилъфыгъэу Шаул. Ахэр ары ЩымӀон къытекӀыгъэ унагъохэр.
16Мары Лэуй ыкъохэм анахьыжъым къыщегъэжьагъэу анахьыкӀэм нэсэу ацӀэхэр: Гъэрщэн, Къахат, Мэрарый. Лэуй ыгъэшӀагъэр илъэсишъэрэ щэкӀырэ блырэ.
17Гъэрщэн ыкъохэр: Лыбный, ЩымӀый, яунагъохэр акӀыгъухэу.
18Къахат ыкъохэр: Ӏамрам, Ицхар, Хъэурэн, Узиэл. Къахат ыгъэшӀагъэр илъэсишъэрэ щэкӀырэ щырэ.
19Мэрарый ыкъохэр: Махълый, Мушый. Ахэр ары Лэуй ыкъохэм анахьыжъым къыщегъэжьагъэу анахьыкӀэм нэсэу къатекӀыгъэ унагъохэр.
20Ӏамрам ятэшыпхъоу Иокъэбэдэ шъузкӀэ ышти, ащ Хьарунэрэ Мосэрэ къыфилъфыгъэх. Ӏамрам къыгъэшӀагъэр илъэсишъэрэ щэкӀырэ блырэ. 21Ицхар ыкъохэр: Къорахъ, Нэфэг, Зыкърый. 22Ӏузыел ыкъохэр: Мыщаел, Елцэфан, Ситрый. 23Хьарунэ шъузкӀэ ыштагъ Ӏаминадау ыпхъоу, Нахъшон ышыпхъу ЕлыщэбаӀ, ащ къыфилъфыгъэх Нэдэб, Абихъыу, ЕлыӀазар, Итамар. 24Къорахъ ыкъохэр: Асир, Елкъан, Абыесаф: ахэр ары Къорахъ къытекӀыгъэ унагъохэр. 25Хьарунэ ыкъо ЕлыӀазар шъузкӀэ ыштагъ Путиел ыпхъумэ ащыщ горэ, ащ къыфилъфыгъ Пинхъас. Мыхэр ары Лэуй лӀакъом щыщ унагъохэр къызтекӀыгъэхэр.
26А Хьарунэрэ Мосэрэ дэдэхэр ары Зиусхьаным зэриӀуагъэхэр: «Израиль цӀыфхэр дзэр зэрагъэуцурэм фэдэу зэхэтхэу Мысыр хэгъэгум къишъущыжьых». 27Ахэр ары Мысыр хэгъэгум израиль цӀыфхэр къыращыжьынхэу Мысырым ипачъыхьэу фирхьауным езыӀуагъэхэр; ахэр Мосэрэ Хьарунэрэ. 28Зиусхьаныр Мысыр хэгъэгум Мосэ къыщыдэгущыӀэ зэхъум, 29Зиусхьаным Мосэ мырэущтэу къыриӀощтыгъ: «Сэры Зиусхьаныр! Сэ къыуасӀорэр зэкӀэ Мысырым ипачъыхьэу фирхьауным еӀожь». 30Ау Мосэ Зиусхьаным риӀуагъ: «Мары, сэ сыжашӀоп, адэ сыдэущтэу сэ фирхьауныр къысэдэӀущта?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023