МысырикӀыжь 37
37
ЯщэкӀэнэрэ блырэ шъхьэр
Пхъонтэ лъапӀэр зэрашӀыгъэр
1Бэцалэл пхъонтэ лъапӀэр акацэ чъыгым хишӀыкӀыгъ. Ащ икӀыхьагъэ ӀэнтэгъуитӀурэ ныкъорэ#37:1 Ар сантиметри 110-рэ фэдиз хьазыр., ишъомбгъуагъи илъэгагъи зы Ӏэнтэгъурэ ныкъорэ#37:1 Ар сантиметрэ 66-рэ фэдиз хьазыр. зырыз хъущтыгъэ. 2Дышъэ къабзэр ащ къыригъэтӀылъэкӀыгъ, ыкӀоцӀи ыкӀыӀуи ар атырилъхьагъ. Ащ ышъхьагъ къыщыдекӀокӀэу дышъэм хэшӀыкӀыгъэу нэз кӀэракӀэ фишӀыгъ. 3Дышъэ хъурджэниплӀ пхъонтэ лъапӀэм пае ыгъэчъи, ар зытет лъакъохэм аригъэпытылӀагъэх: зы бгъумкӀэ хъурджэнитӀур, адрэ бгъумкӀи хъурджэнитӀур ащыӀэхэу. 4Акацэ чъыгым бэщ кӀыхьэхэр хишӀыкӀхи, дышъэр къаригъэтӀылъэкӀыгъ. 5Бэщхэр пхъуантэм ыбгъухэмкӀэ ащыӀэ хъурджанэмэ арилъхьагъэх, ахэмкӀэ пхъуантэр зепхьан плъэкӀынэу. 6Пхъонтэ лъапӀэм ишъхьатеӀуби ӀэнтэгъуитӀурэ ныкъорэ икӀыхьагъэу, ишъомбгъуагъэ зы Ӏэнтэгъурэ ныкъорэ хъоу джащ фэдэу дышъэ къабзэм хишӀыкӀыгъ. 7Дышъэм хэуӀукӀыгъэхэу къэрыубитӀу ышӀи, пхъонтэ лъапӀэм ишъхьатеӀубэ къытещхэу, ащ дыхэтхэу ахэр ышӀыгъэх: 8зы къэрыубыр зы цыпэм дыхэтэу, адрэ къэрыубыр адрэ цыпэм дыхэтэу. Ахэмрэ пхъонтэ лъапӀэм ишъхьатеӀубэрэ зэикӀэу щытыгъэх. 9Къэрыубхэм атамэхэр шъхьатеӀубэм щизэу убгъугъэхэу, агупэхэмкӀэ зэфэгъэзэгъагъэх, ахэм агупэхэр шъхьатеӀубэм къыфэгъэзэгъагъэх.
Ӏанэ лъапӀэр зэрашӀыгъэр
10Бэцалэл акацэ чъыгым Ӏанэ хишӀыкӀыгъ, икӀыхьагъэ ӀэнтэгъуитӀу#37:10 Ар сантиметрэ 88-рэ фэдиз хьазыр., ишъомбгъуагъэ зы Ӏэнтэгъу#37:10 Ар сантиметрэ 44-рэ фэдиз хьазыр., илъэгагъэ Ӏэнтэгъурэ ныкъорэ#37:10 Ар сантиметрэ 66-рэ фэдиз хьазыр. хъухэу. 11Ащ дышъэ къабзэ къыригъэтӀылъэкӀыгъ, ышъхьагъ къыщыдекӀокӀхэу, дышъэм хэшӀыкӀыгъэхэу нэз кӀэракӀэхэр тыришӀыхьагъэх. 12Ӏэгушъом щиз зилъэгэгъэ бгъухэр Ӏэнашъхьэм тегъэпытыхьагъэхэу тыригъэуцуагъэх, а бгъухэм къадаухьэу дышъэм хэшӀыкӀыгъэу нэз кӀэракӀэхэр тыришӀыхьагъэх. 13Ащ дышъэм хъурджэниплӀ хигъэткӀукӀи, хъурджанэхэр къопиплӀымэ, лъэкъуиплӀымэ ащыригъэпытылӀагъэх. 14Ӏанэр зэрахьыщт бэщхэр аращынхэу хъурджанэхэр Ӏэнашъхьэм пэблагъэу лъакъохэм аригъэпытылӀагъэх. 15Бэщхэр акацэ чъыгым хишӀыкӀхи, дышъэр къаригъэтӀылъэкӀыгъ. 16Ащ Ӏанэм тетыщт лагъэхэр, тасхэр, Ӏэгубжъэхэр, шъон къурмэныр арыбгъэхъонэу къошынхэр дышъэ къабзэм хишӀыкӀыгъэх.
Дышъэ остыгъэр зэрашӀыгъэр
17Бэцалэл дышъэ къабзэм остыгъэ хишӀыкӀыгъ. А остыгъэр дышъэм хэуӀукӀыгъагъ. Ащ ыпкъи, ыбгъухэм къахэкӀырэ къутамэхэри, къэгъэгъэ теплъэ зиӀэ Ӏэгубжъэ цӀыкӀухэри, ахэм къарыкӀырэ къэгъэгъэ тхьапэхэри зэикӀыгъэх. 18Остыгъэм ыбгъухэм къутэмих къахэкӀыщтыгъ: къутэмищыр – ащ ызыбгъу, адрэ бгъуми – къутэмищыр. 19Остыгъэм икъутамэ пэпчъ миндаль къэгъагъэм ехьщырхэу, тхьапэхэр къарыкӀыхэу Ӏэгубжъэ цӀыкӀуищ пытыгъ. 20Остыгъэм ыпкъи миндаль къэгъагъэм ехьщырхэу Ӏэгубжъэ цӀыкӀуиплӀырэ ахэм къарыкӀырэ тхьапэхэмрэ пытыгъэх. 21Апэрэ къутэмитӀур остыгъэм къызщыхэкӀыхэрэ чӀыпӀэм ычӀэгъ Ӏэгубжъэ цӀыкӀу миндаль къэгъагъэм ехьщырэу, адрэ къутэмитӀури ящэнэрэ къутэмитӀури къызщахэкӀыхэрэ чӀыпӀэмэ ачӀэгъхэм ащ фэдэхэр ачӀэтыгъэх. Къутэмихэу остыгъэм къыхэкӀыхэрэр джаущтэу гъэпсыгъагъэх. 22Миндаль къэгъагъэм ехьщыр Ӏэгубжъэ цӀыкӀухэри къутамэхэри зэикӀэу остыгъэм дыхэтхэу, дышъэ къабзэм хэуӀукӀыгъэхэу щытыгъ. 23Бэцалэл гъэстылъэу блы ышӀыгъ, ахэм акӀыгъущт Ӏадэхэри шъэгъэ стафэхэм апае къопс зиӀэ жъокулъэри дышъэ къабзэм хишӀыкӀыгъэх. 24Остыгъэми ащ дыкӀыгъоу агъэфедэрэ пстэуми зэрэзэгъусэхэу зы кыкъар#37:24 Кыкъарыр щэчэлъэ шапхъэу ижъырэ джуртхэм яӀагъ. Ащ ионтэгъугъэ килограмм 35-рэ фэдизыгъ. дышъэ къабзэу апэӀухьагъ.
МыстхъугъэстыпӀэ къурмэншӀыпӀэр зэрашӀыгъэр
25Бэцалэл мэ ӀашӀухэр къызпихрэ мыстхъухэр щагъэстынхэу къурмэншӀыпӀэр ыгъэпсыгъ. Ар плӀэмыеу, икӀыхьагъэрэ ишъомбгъуагъэрэ Ӏэнтэгъу#37:25 Зы Ӏэнтэгъур сантиметрэ 44-рэ фэдиз хьазыр. зырыз, илъэгагъэ ӀэнтэгъуитӀу#37:25 Ар сантиметрэ 88-рэ фэдиз хьазыр. хъухэу акацэ чъыгым хишӀыкӀыгъ. Бжъакъом фэдэу къыпыщхэу къуапэхэр ащ фишӀыгъэх. Ахэр къурмэншӀыпӀэм дыхэтыгъэх. 26А къурмэншӀыпӀэм ышъхьагъи, ыбгъухэри, ыкъуапэхэри зэкӀэ къызэдиубытхэу дышъэ къабзэ къыриӀулӀэкӀыгъ. Ащ ышъхьагъыкӀэ къыщыдекӀокӀэу дышъэм хэшӀыкӀыгъэу нэз кӀэракӀэ фишӀыгъ. 27Бэцалэл дышъэ хъурджэнитӀу ышӀи, нэз кӀэракӀэм ычӀэгъыкӀэ щыӀэхэу, къурмэншӀыпӀэр ахьын зыхъукӀэ, бэщхэр а хъурджанэмэ аралъхьанхэу, ыкъопитӀу ахэр ащыхигъэуцуагъэх. 28Ащ бэщхэр акацэ чъыгым хишӀыкӀхи, дышъэр къаригъэтӀылъэкӀыгъ.
Щыфэ ашӀырэ дагъэмрэ мыстхъухэмрэ зэрэзэхалъхьагъэхэр
29Бэцалэл щыфэ ашӀырэ дэгъэ лъапӀэмрэ гъэкъэбзагъэхэу, гъэлъэпӀагъэхэу мэ ӀашӀухэр къызпихрэ мыстхъухэу къурмэншӀыпӀэм щагъэстхэмрэ зэхилъхьагъэх.
Currently Selected:
МысырикӀыжь 37: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
