МысырикӀыжь 24
24
ЯтӀокӀэнэрэ плӀырэ шъхьэр
Зэзэгъыныгъэ зэрэзэдашӀыгъэр
1Зиусхьаным Мосэ къыриӀуагъ: «Оры, Хьарун, Нэдэб, Абихъыу, Израиль инахьыжъ упчӀэжьэгъухэм ащыщэу нэбгырэ тӀокӀищырэ пшӀырэ уигъусэхэу Садэжь шъукъыдэкӀуайи, чыжьэкӀэ шъущытэу шъхьащэ къысфэшъушӀ. 2Мосэ изакъоу къысэрэкӀуалӀ. Адрэ игъусэхэр благъэу къысэрэмыкӀуалӀэх, нэмыкӀ цӀыфхэр ащ игъусэхэу къыдэрэмыкӀуаех». 3Арти Мосэ къэкӀожьи, Зиусхьаным зэкӀэ къыриӀуагъэхэри иунашъохэри цӀыфхэм ариӀожьыгъэх. ЦӀыфхэми ащ ипэгъокӀэу зэдырагъаштэу зы макъэкӀэ къызэдаӀуагъ: «Зиусхьаным къыӀуагъэхэр зэкӀэ дгъэцэкӀэщт».
4Мосэ Зиусхьаным игущыӀэхэр зэкӀэ ытхыгъэх. Пчэдыжьым жьэу ар къэтэджи, къушъхьэ лъапэм дэжь къурмэншӀыпӀэ щишӀыгъ, израиль лӀакъохэм япчъагъэ телъытагъэу мыжъошхо пшӀыкӀутӀуи щигъэуцугъ. 5ЕтӀанэ израиль цӀыфхэм ащыщ кӀалэхэр ащ ыӀофтэхи, ахэм Зиусхьаным пае къурмэнгъэстхэр, шкӀэхъужъхэр мамыр къурмэн ашӀыгъэх. 6Мосэ лъым ызыныкъо шыкъумэ аригъэхъуагъ, адрэ ныкъор къурмэншӀыпӀэм тыриутхагъ. 7ЕтӀанэ зэзэгъыныгъэ тхылъыр къышти, ымакъэ Ӏоу цӀыфхэм къафеджагъ. Ахэм къаӀуагъ: «Зиусхьаным къыӀуагъэхэр зэкӀэ дгъэцэкӀэщт, тыфэӀорышӀэщт». 8Мосэ лъыр зэрытыр къышти, цӀыфхэм атыриутхэзэ, къыӀуагъ: «Мы лъыр Зиусхьаным зэзэгъыныгъэу къыжъудишӀыгъэм шъузэрезэгъыгъэр къэзгъэшъыпкъэжьырэ лъыр ары».
9ЕтӀанэ Мосэ, Хьарунэ, Нэдэб, Абихъыу, Израиль инахьыжъ упчӀэжьэгъухэм ащыщэу нэбгырэ тӀокӀищырэ пшӀырэр къушъхьэм дэкӀуаехи, 10Израиль и Тхьэ ылъэгу чӀэгъ мыжъо лъэпӀэ къабзэу сапфирым ехьыщырэу, огу зэӀухыгъэм фэдэу къабзэу теуцуапӀэ щалъэгъугъ. 11Израиль цӀыф хэхыгъэмэ Тхьэр алъэгъугъ, ау щытми, къягоонэу Ащ ыӀэ къатырищэягъэп. Ахэр Тхьэм ыпашъхьэ щышхагъэх, щешъуагъэх.
12ЕтӀанэ Зиусхьаным Мосэ къыриӀуагъ: «Садэжь къушъхьэм джыри нахь лъагэу къыдэкӀуайи, щытыгу: мыжъобгъу тхыгъэхэр, цӀыфхэм ябгъэшӀэнэу Сэ къэстхыгъэ хабзэмрэ унашъохэмрэ къыостыщтых». 13Арти иӀумэт Ехъошыуа игъусэу Мосэ ежьи, Тхьэм икъушъхьэ дэкӀоягъ. 14Мосэ Израиль инахьыжъ упчӀэжьэгъухэм ариӀуагъ: «Къэтэгъэзэжьыфэ мыщ шъукъыщытаж. Мары Хьарунэрэ Хъуррэ шъуигъусэхэшъ, Ӏоф хафэрэр ахэм ярэупчӀыжь». 15ЕтӀанэ Мосэ къушъхьэм зыдэкӀуаем, къушъхьэр ошъуапщэм зэлъиубытыгъ. 16Зиусхьаным и Щытхъушхо Синай къушъхьэм къышъхьащыуцуагъ, ошъуапщэр мэфихэ ащ къеубгъохыгъагъ. Яблэнэрэ мафэм Зиусхьаныр ошъуапщэм къыхэджыкӀи, Мосэ къеджагъ. 17Израиль цӀыфхэм Зиусхьаным и Щытхъушхо укъызэмылыщт мэшӀолыгъэшхом фэдэу къушъхьэ шыгум къащыфэлъэгъуагъ. 18Мосэ ошъуапщэм хахьи, къушъхьэм дэкӀоягъ. Чэщ-мэфэ тӀокӀитӀо къушъхьэм ар къытетыгъ.
Currently Selected:
МысырикӀыжь 24: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 24
24
ЯтӀокӀэнэрэ плӀырэ шъхьэр
Зэзэгъыныгъэ зэрэзэдашӀыгъэр
1Зиусхьаным Мосэ къыриӀуагъ: «Оры, Хьарун, Нэдэб, Абихъыу, Израиль инахьыжъ упчӀэжьэгъухэм ащыщэу нэбгырэ тӀокӀищырэ пшӀырэ уигъусэхэу Садэжь шъукъыдэкӀуайи, чыжьэкӀэ шъущытэу шъхьащэ къысфэшъушӀ. 2Мосэ изакъоу къысэрэкӀуалӀ. Адрэ игъусэхэр благъэу къысэрэмыкӀуалӀэх, нэмыкӀ цӀыфхэр ащ игъусэхэу къыдэрэмыкӀуаех». 3Арти Мосэ къэкӀожьи, Зиусхьаным зэкӀэ къыриӀуагъэхэри иунашъохэри цӀыфхэм ариӀожьыгъэх. ЦӀыфхэми ащ ипэгъокӀэу зэдырагъаштэу зы макъэкӀэ къызэдаӀуагъ: «Зиусхьаным къыӀуагъэхэр зэкӀэ дгъэцэкӀэщт».
4Мосэ Зиусхьаным игущыӀэхэр зэкӀэ ытхыгъэх. Пчэдыжьым жьэу ар къэтэджи, къушъхьэ лъапэм дэжь къурмэншӀыпӀэ щишӀыгъ, израиль лӀакъохэм япчъагъэ телъытагъэу мыжъошхо пшӀыкӀутӀуи щигъэуцугъ. 5ЕтӀанэ израиль цӀыфхэм ащыщ кӀалэхэр ащ ыӀофтэхи, ахэм Зиусхьаным пае къурмэнгъэстхэр, шкӀэхъужъхэр мамыр къурмэн ашӀыгъэх. 6Мосэ лъым ызыныкъо шыкъумэ аригъэхъуагъ, адрэ ныкъор къурмэншӀыпӀэм тыриутхагъ. 7ЕтӀанэ зэзэгъыныгъэ тхылъыр къышти, ымакъэ Ӏоу цӀыфхэм къафеджагъ. Ахэм къаӀуагъ: «Зиусхьаным къыӀуагъэхэр зэкӀэ дгъэцэкӀэщт, тыфэӀорышӀэщт». 8Мосэ лъыр зэрытыр къышти, цӀыфхэм атыриутхэзэ, къыӀуагъ: «Мы лъыр Зиусхьаным зэзэгъыныгъэу къыжъудишӀыгъэм шъузэрезэгъыгъэр къэзгъэшъыпкъэжьырэ лъыр ары».
9ЕтӀанэ Мосэ, Хьарунэ, Нэдэб, Абихъыу, Израиль инахьыжъ упчӀэжьэгъухэм ащыщэу нэбгырэ тӀокӀищырэ пшӀырэр къушъхьэм дэкӀуаехи, 10Израиль и Тхьэ ылъэгу чӀэгъ мыжъо лъэпӀэ къабзэу сапфирым ехьыщырэу, огу зэӀухыгъэм фэдэу къабзэу теуцуапӀэ щалъэгъугъ. 11Израиль цӀыф хэхыгъэмэ Тхьэр алъэгъугъ, ау щытми, къягоонэу Ащ ыӀэ къатырищэягъэп. Ахэр Тхьэм ыпашъхьэ щышхагъэх, щешъуагъэх.
12ЕтӀанэ Зиусхьаным Мосэ къыриӀуагъ: «Садэжь къушъхьэм джыри нахь лъагэу къыдэкӀуайи, щытыгу: мыжъобгъу тхыгъэхэр, цӀыфхэм ябгъэшӀэнэу Сэ къэстхыгъэ хабзэмрэ унашъохэмрэ къыостыщтых». 13Арти иӀумэт Ехъошыуа игъусэу Мосэ ежьи, Тхьэм икъушъхьэ дэкӀоягъ. 14Мосэ Израиль инахьыжъ упчӀэжьэгъухэм ариӀуагъ: «Къэтэгъэзэжьыфэ мыщ шъукъыщытаж. Мары Хьарунэрэ Хъуррэ шъуигъусэхэшъ, Ӏоф хафэрэр ахэм ярэупчӀыжь». 15ЕтӀанэ Мосэ къушъхьэм зыдэкӀуаем, къушъхьэр ошъуапщэм зэлъиубытыгъ. 16Зиусхьаным и Щытхъушхо Синай къушъхьэм къышъхьащыуцуагъ, ошъуапщэр мэфихэ ащ къеубгъохыгъагъ. Яблэнэрэ мафэм Зиусхьаныр ошъуапщэм къыхэджыкӀи, Мосэ къеджагъ. 17Израиль цӀыфхэм Зиусхьаным и Щытхъушхо укъызэмылыщт мэшӀолыгъэшхом фэдэу къушъхьэ шыгум къащыфэлъэгъуагъ. 18Мосэ ошъуапщэм хахьи, къушъхьэм дэкӀоягъ. Чэщ-мэфэ тӀокӀитӀо къушъхьэм ар къытетыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023