МысырикӀыжь 17
17
ЯпшӀыкӀублэнэрэ шъхьэр
Тхьэм псыр къушъхьэ мыжъобгым къызэрэхигъэкӀыгъэр
1ЗэкӀэ израиль цӀыфхэр Зиусхьаным къызэрариӀуагъэм тетэу, Син шъоф нэкӀым икӀыхи, къэуцухэмэ, етӀанэ лъыкӀуатэхэзэ, Рефидим чӀыпӀэм къэсхи, уцупӀэ щашӀыгъ, ау цӀыфхэр зэшъонхэ псы щыӀагъэп. 2Арыти Мосэ агъэмысэзэ, раӀощтыгъэ: «Тешъонэу псы къытэт». Мосэ ахэм ариӀожьыгъ: «Сыда шъукъызкӀысэдаорэр? Сыда Зиусхьаныр зыкӀэшъуушэтырэр?» 3ЦӀыфхэр ащ дэжьым псы щыфалӀэщтыгъэхэти, «Сыда Мысырым тыкъызфипщыжьыгъэр, тисабыйхэри, тибылымхэри псыфалӀэм тебгъэгъэлӀэнэу ара?» – аӀозэ, Мосэ егыищтыгъэх. 4Арыти Мосэ лъэшэу куозэ, Зиусхьаным зыфигъэзагъ: «Сыда сэ мы цӀыфхэм ясшӀэщтыр? ТӀэкӀу горэ тешӀэжьмэ, мыжъорыокӀэ саукӀыщт». 5Зиусхьаным Мосэ къыриӀожьыгъ: «ЦӀыфхэм апэ ишъи, Израиль инахьыжъ упчӀэжьэгъухэм ащыщхэр зигъэгъусэхи, Нил псыхъом узэрэхэогъэ бэщыр зыдашти, кӀо. 6Сэ Хъорэб къушъхьэм дэжь, мыжъобгым уапашъхьэ сыкъыщиуцощт. О мыжъобгым уеощт, ащ псыр къыхэчъынышъ, цӀыфхэр ешъощтых». Израиль инахьыжъ упчӀэжьэгъухэм янэрылъэгъоу джаущтэу Мосэ ышӀыгъ. 7Израиль цӀыфхэм «Зиусхьаныр тэ тигъуса хьаумэ тимыгъуса?» аӀозэ, агъэмысэу, къызэредэуагъэхэми Зиусхьаныр зэраушэтыгъэми къахэкӀэу Мосэ а чӀыпӀэм МасэкӀи – ащ къикӀырэр «ушэтыпӀэ», МэрыбэкӀи – ащ къикӀырэр «гъэмысапӀэ» – еджагъ.
Ӏамэлыкъхэм зэрязэуагъэхэр
8ЕтӀанэ Ӏамэлыкъ цӀыфхэр къакӀохи, израиль цӀыфхэм Рефидим чӀыпӀэм дэжь къыщязэуагъэх. 9Мосэ Ехъошуа риӀуагъ: «ЛӀыхэр къыхэхыхи, кӀуи, Ӏамэлыкъхэм язау. Сэ неущ Ӏуашъхьэм ышыгу сытеуцощт, Тхьэм ибэщи сӀыгъыщт». 10Мосэ зэриӀуагъэу Ехъошуа ышӀыгъ, Ӏамэлыкъхэм язэонэу кӀуагъэ. Мос, Хьарун, Хъур аӀоу Ӏошъхьэ шыгум дэкӀоягъэх. 11Мосэ ыӀэхэр диӀэтаехэ зыхъукӀэ, израиль лъэпкъыр текӀощтыгъэ, ахэр къызырихьыхыжьхэкӀэ, Ӏамэлыкъ лъэпкъыр текӀощтыгъэ. 12Ау Мосэ ыӀэхэр къызэонтэгъухэм, мыжъор къашти, ар ащ тырагъэтӀысхьагъ. Хьарунэрэ Хъуррэ, зыр зы бгъумкӀэ, адрэр адрэ бгъумкӀэ щытхэу, ащ ыӀэхэр даӀыгъыгъэх. Джарэущтэу тыгъэр къохьафэ ащ ыӀэхэр дэӀэтэегъагъэх. 13Арыти Ехъошуа чатэкӀэ Ӏамэлыкъи ицӀыфхэри зэхиупкӀэтагъэх.
14Зиусхьаным Мосэ къыриӀуагъ: «Мы хъугъэр ащымыгъупшэжьыным пае, тхылъым датхи, Ӏамэлыкъхэр кӀодыкӀае зэрэсшӀыщтхэм Ехъошуа къыфедж». 15Мыщ дэжьым Мосэ къурмэншӀыпӀэ щызэтырилъхьи, «Зиусхьаныр – ситекӀоныгъэ ибыракъ» цӀэу фиусыгъ. 16«Сыда пӀомэ, – ыӀуагъ ащ, – Зиусхьаным ыцӀэкӀэ тхьэлъанэ сэшӀы: Зиусхьаныр Ӏамэлыкъ цӀыфхэм лӀэуж зэкӀэлъыкӀохэм язэощт».
Currently Selected:
МысырикӀыжь 17: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 17
17
ЯпшӀыкӀублэнэрэ шъхьэр
Тхьэм псыр къушъхьэ мыжъобгым къызэрэхигъэкӀыгъэр
1ЗэкӀэ израиль цӀыфхэр Зиусхьаным къызэрариӀуагъэм тетэу, Син шъоф нэкӀым икӀыхи, къэуцухэмэ, етӀанэ лъыкӀуатэхэзэ, Рефидим чӀыпӀэм къэсхи, уцупӀэ щашӀыгъ, ау цӀыфхэр зэшъонхэ псы щыӀагъэп. 2Арыти Мосэ агъэмысэзэ, раӀощтыгъэ: «Тешъонэу псы къытэт». Мосэ ахэм ариӀожьыгъ: «Сыда шъукъызкӀысэдаорэр? Сыда Зиусхьаныр зыкӀэшъуушэтырэр?» 3ЦӀыфхэр ащ дэжьым псы щыфалӀэщтыгъэхэти, «Сыда Мысырым тыкъызфипщыжьыгъэр, тисабыйхэри, тибылымхэри псыфалӀэм тебгъэгъэлӀэнэу ара?» – аӀозэ, Мосэ егыищтыгъэх. 4Арыти Мосэ лъэшэу куозэ, Зиусхьаным зыфигъэзагъ: «Сыда сэ мы цӀыфхэм ясшӀэщтыр? ТӀэкӀу горэ тешӀэжьмэ, мыжъорыокӀэ саукӀыщт». 5Зиусхьаным Мосэ къыриӀожьыгъ: «ЦӀыфхэм апэ ишъи, Израиль инахьыжъ упчӀэжьэгъухэм ащыщхэр зигъэгъусэхи, Нил псыхъом узэрэхэогъэ бэщыр зыдашти, кӀо. 6Сэ Хъорэб къушъхьэм дэжь, мыжъобгым уапашъхьэ сыкъыщиуцощт. О мыжъобгым уеощт, ащ псыр къыхэчъынышъ, цӀыфхэр ешъощтых». Израиль инахьыжъ упчӀэжьэгъухэм янэрылъэгъоу джаущтэу Мосэ ышӀыгъ. 7Израиль цӀыфхэм «Зиусхьаныр тэ тигъуса хьаумэ тимыгъуса?» аӀозэ, агъэмысэу, къызэредэуагъэхэми Зиусхьаныр зэраушэтыгъэми къахэкӀэу Мосэ а чӀыпӀэм МасэкӀи – ащ къикӀырэр «ушэтыпӀэ», МэрыбэкӀи – ащ къикӀырэр «гъэмысапӀэ» – еджагъ.
Ӏамэлыкъхэм зэрязэуагъэхэр
8ЕтӀанэ Ӏамэлыкъ цӀыфхэр къакӀохи, израиль цӀыфхэм Рефидим чӀыпӀэм дэжь къыщязэуагъэх. 9Мосэ Ехъошуа риӀуагъ: «ЛӀыхэр къыхэхыхи, кӀуи, Ӏамэлыкъхэм язау. Сэ неущ Ӏуашъхьэм ышыгу сытеуцощт, Тхьэм ибэщи сӀыгъыщт». 10Мосэ зэриӀуагъэу Ехъошуа ышӀыгъ, Ӏамэлыкъхэм язэонэу кӀуагъэ. Мос, Хьарун, Хъур аӀоу Ӏошъхьэ шыгум дэкӀоягъэх. 11Мосэ ыӀэхэр диӀэтаехэ зыхъукӀэ, израиль лъэпкъыр текӀощтыгъэ, ахэр къызырихьыхыжьхэкӀэ, Ӏамэлыкъ лъэпкъыр текӀощтыгъэ. 12Ау Мосэ ыӀэхэр къызэонтэгъухэм, мыжъор къашти, ар ащ тырагъэтӀысхьагъ. Хьарунэрэ Хъуррэ, зыр зы бгъумкӀэ, адрэр адрэ бгъумкӀэ щытхэу, ащ ыӀэхэр даӀыгъыгъэх. Джарэущтэу тыгъэр къохьафэ ащ ыӀэхэр дэӀэтэегъагъэх. 13Арыти Ехъошуа чатэкӀэ Ӏамэлыкъи ицӀыфхэри зэхиупкӀэтагъэх.
14Зиусхьаным Мосэ къыриӀуагъ: «Мы хъугъэр ащымыгъупшэжьыным пае, тхылъым датхи, Ӏамэлыкъхэр кӀодыкӀае зэрэсшӀыщтхэм Ехъошуа къыфедж». 15Мыщ дэжьым Мосэ къурмэншӀыпӀэ щызэтырилъхьи, «Зиусхьаныр – ситекӀоныгъэ ибыракъ» цӀэу фиусыгъ. 16«Сыда пӀомэ, – ыӀуагъ ащ, – Зиусхьаным ыцӀэкӀэ тхьэлъанэ сэшӀы: Зиусхьаныр Ӏамэлыкъ цӀыфхэм лӀэуж зэкӀэлъыкӀохэм язэощт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023