МысырикӀыжь 15
15
ЯпшӀыкӀутфэнэрэ шъхьэр
Шъхьафитныгъэр зыгъотыжьыгъэ цӀыфхэм ящытхъу орэд
1Джащыгъум Моси израиль цӀыфхэми Зиусхьаным мы орэдыр къыфаӀуагъ:
Зиусхьаным орэд къыфэсӀощт,
ЗэкӀэми апшъэ щыӀэм,
шыхэри ахэм атесхэри хым чӀезгъэхьагъэхэм.
2Зиусхьаныр ары кӀуачӀэ къысэзытырэр,
Ары сиорэд зэхьылӀагъэр;
си КъэгъэнэжьакӀоу Ар хъугъэ.
Ар сэ си Тхь, щытхъу фэсӀощт,
ДэсӀэтэещт лъагэу тятэмэ я Тхьэ.
3Зиусхьаныр зэолӀ,
Ащ ыцӀэр «ЕгъэшӀэрэ Зиусхьан»!
4Фирхьауным икупсынкӀэхэри идзи
Ащ хым чӀыригъэхьагъэх,
ащ ихэшыпыкӀыгъэ дзэпащэхэр
хы Къамылым ригъэтхьэлагъэх.
5Псы бэжъутэхэр ахэм къатеуагъэх,
мыжъом фэдэу куупӀэм ахэр чӀихьагъэх.
6ПӀэ джабгъу, Зиусхьан, щытхъушхо пылъ,
пӀэ джабгъу, Зиусхьан, пыир зэхигъэтэкъуагъ.
7ЗыкъыппэзыӀэтыгъэхэм уатекӀуагъ О
Уитетыгъо кӀуачӀэкӀэ.
Уигубж машӀо О яптӀупщыгъ,
ахэр фыркъом фэдэу О бгъэстыгъэх.
8О укъызепщэм псыхэр зэӀукӀотыгъэх,
хыорхэр, дэпкъым фэдэу, зандэу уцугъэх,
щызэтекъагъэх псы бэжъутэхэр хы гузэгум.
9Пыим зэриӀожьыгъ: «Салъежьэн ахэм,
сакӀэхьан, къонтхъыр згощын;
чатэр къисхынышъ, сыгужъыр атезгъэпщэхэн,
сӀэхэмкӀэ ахэр зэхэсыукӀэных».
10О Упсэ кӀуачӀэкӀэ жьыр къебгъапщи,
ахэм хыр къатебгъэуагъ:
пцашӀом фэдэу, псышхом ычӀэгъ хъугъэх ахэр.
11Хэта, Зиусхьан,
Ощ фэдэу тхьэмэ ахэтыр?
Хэта, Ощ фэдэу,
лъапӀэу, щытхъушхор зифэшъуашэу,
Ӏоф гъэшӀэгъонхэр зышӀэшъоу щыӀэр?
12О пӀэ джабгъу къэбгъэлъэгъуагъ:
Уипыйхэр чӀыгум ебгъэдырыщтых.
13О епщэжьагъ
цӀыф лъэпкъэу къэбгъэнэжьыгъэр.
УишӀулъэгъу мыкӀодыжькӀэ ар къеощэкӀы,
кӀуачӀэу О уиӀэмкӀэ
УипсэупӀэ лъапӀэ ащ феогъэузэнкӀы.
14ЦӀыф лъэпкъхэм ар зэхахышъ, мэкӀэзэзых:
фылист цӀыфхэр щынэгъошхом зэлъиштагъэх.
15Джащыгъум Едом инахьыжъ пащэхэр къэгузэжъуагъэх,
Моабмэ япащэхэр кӀэзэзыным зэлъиштэщтых,
КъэнаӀан цӀыфхэм агучӀэ изыгъ.
16ТхьамыкӀэгъошхомрэ щынэгъошхомрэ ахэр зэлъарэубытых.
О пкӀуачӀэ ахэр мыжъом фэдэу зэтырерэгъакъэх –
О УицӀыф лъэпкъ блэкӀыфэ, Зиусхьан,
цӀыф лъэпкъэу пщэфыжьыгъэр, блэкӀыфэ.
17О ахэр ипщэщтых уи Унэ лъапӀэу
уикъушъхьэ щыӀэм,
Ор-Орэу, Зиусхьан, бгъэуцугъэм!
О псэупӀэу зыфэпшӀыжьыгъэм ибгъэтӀысхьащтых, Зиусхьан.
18Зиусхьаныр пачъыхьащт
лӀэшӀэгъу зэпымычыжьхэм, егъашӀэм!
19Джаущтэу фирхьауным ишхэр икупсынкӀэхэмрэ ишыухэмрэ ягъусэхэу хым зыхэхьэхэм, Зиусхьаным хым ипсыхэр ахэм къатыригъэожьхи, израиль цӀыфхэр хы лъэчӀэ гъушъэмкӀэ зэпырыкӀыгъэх.
Марыям иорэд
20Хьарунэ ышыпхъоу Марыям тхьэлӀыкӀом шъонтрыпэр къыштагъ, зэкӀэ бзылъфыгъэхэри шъонтрыпхэр аӀыгъхэу, гушӀогъошхом хэтхэу загъэчэрэгъузэ, ыуж езэрэгъэхьагъэх. 21Марыям ахэм апашъхьэ орэдыр къыщыхидзагъ:
Зиусхьаным орэд къыфашъуӀу,
ЗэкӀэми апшъэ щыӀэм,
шыхэри ахэм атесхэри хым чӀезгъэхьагъэхэм.
Марэм ипсы дыдж
22Мосэ израиль цӀыфхэр хы Къамылым къыӀуищхи, рищэжьагъэх. Шур шъоф нэкӀым ахэр рищэхи, псы щамыгъотэу мэфищэ кӀуагъэх. 23Марэ чӀыпӀэм къэсыгъэх, ау ащ щыӀэ псыр зэрэдыджым къыхэкӀэу ешъонхэ алъэкӀыгъэп. Джары а чӀыпӀэм Марэ зыкӀыфаусыгъэри#15:23 Ижъырэ джуртыбзэмкӀэ Марэм къикӀырэр «дыджы».. 24Арыти цӀыфхэр Мосэ фэмыразэхэу, «Сыда тызэшъощтыр?» аӀозэ, гыещтыгъэх. 25Мосэ Зиусхьаным зыфигъази, лъэшэу куозэ, елъэӀугъэти, Зиусхьаным ащ чъыгыр къыригъэлъэгъугъ. Ащ икъутамэ псым зыхедзэм, псыр уешъон плъэкӀынэу дэгъу хъугъэ. А чӀыпӀэм Тхьэм унашъохэмрэ шапхъэхэмрэ цӀыф лъэпкъым къыщыритыгъэх, ащ дэжьым ахэр щиушэтыхэзэ, 26Зиусхьаным къыӀуагъ: «Зиусхьанэу шъуи Тхьэ къыӀорэм шъуедэӀоу, Ащ къекӀущтхэр шъушӀэу, иунашъомэ шъунаӀэ атежъугъэтэу, ишапхъэхэр зэкӀэ жъугъэцакӀэхэмэ, ащыгъум Мысырым къыфэзгъэкӀогъэ узхэм ащыщ гори къыжъунэзгъэсыщтэп, сыда пӀомэ Сэ Сы Зиусхьан, СышъуиӀэзэгъу!»
27Израиль цӀыфхэр Елым чӀыпӀэм нэсыгъэх, ащ псынэкӀэчъ пшӀыкӀутӀурэ хъурмэ чъыг тӀокӀищырэ пшӀырэ щыӀагъ. Джа псынэкӀэчъхэм адэжь уцупӀэ щашӀыгъ.
Currently Selected:
МысырикӀыжь 15: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 15
15
ЯпшӀыкӀутфэнэрэ шъхьэр
Шъхьафитныгъэр зыгъотыжьыгъэ цӀыфхэм ящытхъу орэд
1Джащыгъум Моси израиль цӀыфхэми Зиусхьаным мы орэдыр къыфаӀуагъ:
Зиусхьаным орэд къыфэсӀощт,
ЗэкӀэми апшъэ щыӀэм,
шыхэри ахэм атесхэри хым чӀезгъэхьагъэхэм.
2Зиусхьаныр ары кӀуачӀэ къысэзытырэр,
Ары сиорэд зэхьылӀагъэр;
си КъэгъэнэжьакӀоу Ар хъугъэ.
Ар сэ си Тхь, щытхъу фэсӀощт,
ДэсӀэтэещт лъагэу тятэмэ я Тхьэ.
3Зиусхьаныр зэолӀ,
Ащ ыцӀэр «ЕгъэшӀэрэ Зиусхьан»!
4Фирхьауным икупсынкӀэхэри идзи
Ащ хым чӀыригъэхьагъэх,
ащ ихэшыпыкӀыгъэ дзэпащэхэр
хы Къамылым ригъэтхьэлагъэх.
5Псы бэжъутэхэр ахэм къатеуагъэх,
мыжъом фэдэу куупӀэм ахэр чӀихьагъэх.
6ПӀэ джабгъу, Зиусхьан, щытхъушхо пылъ,
пӀэ джабгъу, Зиусхьан, пыир зэхигъэтэкъуагъ.
7ЗыкъыппэзыӀэтыгъэхэм уатекӀуагъ О
Уитетыгъо кӀуачӀэкӀэ.
Уигубж машӀо О яптӀупщыгъ,
ахэр фыркъом фэдэу О бгъэстыгъэх.
8О укъызепщэм псыхэр зэӀукӀотыгъэх,
хыорхэр, дэпкъым фэдэу, зандэу уцугъэх,
щызэтекъагъэх псы бэжъутэхэр хы гузэгум.
9Пыим зэриӀожьыгъ: «Салъежьэн ахэм,
сакӀэхьан, къонтхъыр згощын;
чатэр къисхынышъ, сыгужъыр атезгъэпщэхэн,
сӀэхэмкӀэ ахэр зэхэсыукӀэных».
10О Упсэ кӀуачӀэкӀэ жьыр къебгъапщи,
ахэм хыр къатебгъэуагъ:
пцашӀом фэдэу, псышхом ычӀэгъ хъугъэх ахэр.
11Хэта, Зиусхьан,
Ощ фэдэу тхьэмэ ахэтыр?
Хэта, Ощ фэдэу,
лъапӀэу, щытхъушхор зифэшъуашэу,
Ӏоф гъэшӀэгъонхэр зышӀэшъоу щыӀэр?
12О пӀэ джабгъу къэбгъэлъэгъуагъ:
Уипыйхэр чӀыгум ебгъэдырыщтых.
13О епщэжьагъ
цӀыф лъэпкъэу къэбгъэнэжьыгъэр.
УишӀулъэгъу мыкӀодыжькӀэ ар къеощэкӀы,
кӀуачӀэу О уиӀэмкӀэ
УипсэупӀэ лъапӀэ ащ феогъэузэнкӀы.
14ЦӀыф лъэпкъхэм ар зэхахышъ, мэкӀэзэзых:
фылист цӀыфхэр щынэгъошхом зэлъиштагъэх.
15Джащыгъум Едом инахьыжъ пащэхэр къэгузэжъуагъэх,
Моабмэ япащэхэр кӀэзэзыным зэлъиштэщтых,
КъэнаӀан цӀыфхэм агучӀэ изыгъ.
16ТхьамыкӀэгъошхомрэ щынэгъошхомрэ ахэр зэлъарэубытых.
О пкӀуачӀэ ахэр мыжъом фэдэу зэтырерэгъакъэх –
О УицӀыф лъэпкъ блэкӀыфэ, Зиусхьан,
цӀыф лъэпкъэу пщэфыжьыгъэр, блэкӀыфэ.
17О ахэр ипщэщтых уи Унэ лъапӀэу
уикъушъхьэ щыӀэм,
Ор-Орэу, Зиусхьан, бгъэуцугъэм!
О псэупӀэу зыфэпшӀыжьыгъэм ибгъэтӀысхьащтых, Зиусхьан.
18Зиусхьаныр пачъыхьащт
лӀэшӀэгъу зэпымычыжьхэм, егъашӀэм!
19Джаущтэу фирхьауным ишхэр икупсынкӀэхэмрэ ишыухэмрэ ягъусэхэу хым зыхэхьэхэм, Зиусхьаным хым ипсыхэр ахэм къатыригъэожьхи, израиль цӀыфхэр хы лъэчӀэ гъушъэмкӀэ зэпырыкӀыгъэх.
Марыям иорэд
20Хьарунэ ышыпхъоу Марыям тхьэлӀыкӀом шъонтрыпэр къыштагъ, зэкӀэ бзылъфыгъэхэри шъонтрыпхэр аӀыгъхэу, гушӀогъошхом хэтхэу загъэчэрэгъузэ, ыуж езэрэгъэхьагъэх. 21Марыям ахэм апашъхьэ орэдыр къыщыхидзагъ:
Зиусхьаным орэд къыфашъуӀу,
ЗэкӀэми апшъэ щыӀэм,
шыхэри ахэм атесхэри хым чӀезгъэхьагъэхэм.
Марэм ипсы дыдж
22Мосэ израиль цӀыфхэр хы Къамылым къыӀуищхи, рищэжьагъэх. Шур шъоф нэкӀым ахэр рищэхи, псы щамыгъотэу мэфищэ кӀуагъэх. 23Марэ чӀыпӀэм къэсыгъэх, ау ащ щыӀэ псыр зэрэдыджым къыхэкӀэу ешъонхэ алъэкӀыгъэп. Джары а чӀыпӀэм Марэ зыкӀыфаусыгъэри#15:23 Ижъырэ джуртыбзэмкӀэ Марэм къикӀырэр «дыджы».. 24Арыти цӀыфхэр Мосэ фэмыразэхэу, «Сыда тызэшъощтыр?» аӀозэ, гыещтыгъэх. 25Мосэ Зиусхьаным зыфигъази, лъэшэу куозэ, елъэӀугъэти, Зиусхьаным ащ чъыгыр къыригъэлъэгъугъ. Ащ икъутамэ псым зыхедзэм, псыр уешъон плъэкӀынэу дэгъу хъугъэ. А чӀыпӀэм Тхьэм унашъохэмрэ шапхъэхэмрэ цӀыф лъэпкъым къыщыритыгъэх, ащ дэжьым ахэр щиушэтыхэзэ, 26Зиусхьаным къыӀуагъ: «Зиусхьанэу шъуи Тхьэ къыӀорэм шъуедэӀоу, Ащ къекӀущтхэр шъушӀэу, иунашъомэ шъунаӀэ атежъугъэтэу, ишапхъэхэр зэкӀэ жъугъэцакӀэхэмэ, ащыгъум Мысырым къыфэзгъэкӀогъэ узхэм ащыщ гори къыжъунэзгъэсыщтэп, сыда пӀомэ Сэ Сы Зиусхьан, СышъуиӀэзэгъу!»
27Израиль цӀыфхэр Елым чӀыпӀэм нэсыгъэх, ащ псынэкӀэчъ пшӀыкӀутӀурэ хъурмэ чъыг тӀокӀищырэ пшӀырэ щыӀагъ. Джа псынэкӀэчъхэм адэжь уцупӀэ щашӀыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023