Хэбзэ тхыжьыгъэр 33
33
ЯщэкӀэнэрэ щырэ шъхьэр
Мосэ израил лӀакъохэм ынэшӀу зэращыфагъэр
1Мары Тхьэм иӀумэтэу Мосэ лӀэным ыпэкӀэ израил цӀыфхэм ынэшӀу зэращыфагъэр.
2Ащ къыӀуагъ:
«Зиусхьаныр Синай къушъхьэмкӀэ къикӀыгъ,
СэӀир къушъхьэхэмкӀэ къикӀыгъэ илъэпкъ,
тыгъэм фэдэу, ышъхьагъ къиуцуагъ;
Пэран къушъхьэмкӀэ къыдэкӀи къызэпэлыдыгъ.
ИмэлэӀичхэр бэ дэдэу къегъэуцокӀыгъэхэу,
къыблэмкӀэ Ар къикӀыгъ,
Ежь икъушъхьэ ытхыцӀэхэм къяхыгъ#33:2 Ижъырэ джуртыбзэкӀэ тхыгъэ Ӏэпэрытхым мэхьанэр щынафэп..
3ШъыпкъэмкӀэ ицӀыф лъэпкъ Ащ шӀу елъэгъу:
имэлэӀичхэр зэкӀэ Ащ ыӀэ илъых.
Ахэм зэкӀэми шъхьащэ къыфашӀы,
Ахэм Ар къяушъыи.
4Сэ къышъостыгъэ#33:4 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Мосэ къытитыгъэ». хабзэр –
Якъубэ къыхэкӀыгъэхэм ямылъку.
5Зиусхьаныр Израил#33:5 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Ешурун». Мыщ фэд я 26-рэ усэр. Ащ къикӀырэм ехьылӀагъэу еплъ мы тхылъым ия 32-рэ шъхьэ ия 15-рэ усэ. ипачъыхьэу хъугъэ,
Израилым илъэпкъхэр ягъусэхэу
лъэпкъым инахьыжъ Ӏэшъхьэтетхэр
къызэӀукӀэхэ зэхъум».
6ЕтӀанэ Мосэ къыӀуагъ:
«Рубэн илӀакъо щэрэӀ, орэмыкӀод,
ипчъагъэкӀи орэмымакӀ#33:6 Е: «орэмакӀ».».
7Мосэ Ехъудэ илӀакъо риӀолӀагъэр мары:
«Зиусхьаныр, къызэхэх Ехъудэ икуо макъэ,
илъэпкъ дэжь ар къэщэжь.
Ежь ыкӀуачӀэкӀэ ащ зыкъеухъумэжьы.
Ипыйхэм апэшӀуекӀонэу ӀэпыӀэгъу къыфэхъуба!»
8Лэуй илӀакъо пае мыщ фэдэу къыӀуагъ:
«Пхъэдз лъапӀэу туммимымрэ уримымрэ#33:8 Мы пкъыгъохэмкӀэ Тхьэм шӀоигъор зэрагъашӀэщтыгъэ.
О къыпфэшъыпкъэм ерэӀыгъых.
Зиусхьаным ар Масэ щиушэтыгъ;
Мэрыбэ ипсыхэм адэжь#33:8 Мы чӀыпӀэм зигугъу къыщишӀырэм ехьылӀагъэу еплъ тхылъэу «МысырикӀыжь», 17:1-7. къыщенэкъокъугъ.
9Ятэрэ янэрэ ащ пигъэзыкӀыгъэх.
Ышыхэр къыридзэхэрэп,
ИкӀалэхэм апылъэп.
Ахэм О къэпӀуагъэхэр агъэцакӀэ,
Уи Зэзэгъыныгъи къаухъумэ.
10Уихэбзэ гъэунэфыгъэхэр
Якъубэ илъэпкъ рагъашӀэх,
Уи Хабзэ Израил илъэпкъ фагъасэ.
Мэ ӀэшӀу зыпихырэ уц зэхэлъхэр
УикъурмэншӀыпӀэ тыралъхьэх,
Къурмэнгъэстхэр ащ щашӀых.
11УнэшӀу къыщыф, Зиусхьаныр, а лӀакъом ыкӀуачӀэ,
ЫшӀэрэр О пшӀоигъоу орэхъу.
Ащ зыкъыпэзыӀатыхэрэм абгыхэр зэпыут,
зыфэмылъэгъухэрэм зыкъарэмыӀатыжьышъу».
12Бинямин илӀакъо пае Мосэ къыӀуагъ:
«Зиусхьаным ар икӀасэшъ,
Щынэгъончъэу Ащ ыӀаплӀ илъ зэпыт.
Мэфэ реным Ащ къеухъумэба,
Зиусхьаным ыгупэ щэгупсэфыба».
13Юсыф илӀакъо пае Мосэ къыӀуагъ:
«Зиусхьаным ынэшӀу къыщэрэф ащ ичӀыгу.
Осэпсыр шӀухьафтынэу уашъом къыфырерэгъэх.
ЧӀы чӀэгъым къыкӀэчъырэ псыхэмкӀи къерэт.
14Тыгъэм нахьышӀоу къыгъэкӀырэр,
Мазэ пэпчъ лэжьыгъэшӀоу къыздихьырэр,
15ижъырэ къушъхьэтхымэ нахьышӀоу къащыкӀырэр,
егъэшӀэрэ бгыжъхэм ягъэбэжъуи къырепэсы.
16ЧӀыгум итын нахьышӀухэмрэ ащ игъэбэжъурэ
мыстырэ куандэм къыщылъэгъогъэ Тхьэм#33:16 Мыщ ехьылӀагъэу еплъ тхылъэу «МысырикӀыжь», 3:2.
ыпашъхьэ итыгъэм игукӀэгъукӀэ
Юсыф джа зэпстэур къыферэх,
зэшхэм къахахыгъагъэм.
17ИлъэшыгъэкӀэ быгъу щыпэлъфым ар пеӀэн,
Ибжъакъохэр быгъу Ӏэлым ибжъэкъуитӀу афэд.
ИлъэшыгъэкӀэ цӀыф лъэпкъхэм ар атекӀощт.
ЧӀыгумэ агъунэ щыӀэхэми анэсыщт.
А бжъакъохэр Ефраим илъфыгъэ минипшӀ пчъагъэхэмрэ
Мынасэ къыфэхъугъэ кӀэлэ минхэмрэ арых».
18Зэбулун илӀакъо пае Мосэ къыӀуагъ:
«ГушӀо, Зэбулун, гъогу узытехьэкӀэ.
УичэтэнгъэӀагъэхэм ащыгушӀу о, Иссашхар.
19Джа лӀэкъуитӀур къушъхьэм къекӀолӀэнхэу
цӀыф лъэпкъхэм къяджэнхэшъ,
хабзэм тетэу къурмэнхэр ащ щашӀыщтых.
Хым къафихьырэ шӀугъэм,
пшахъом хэгъэбылъыхьэгъэ мылъкум
ахэр рытхъэжьыщтых».
20Гъад илӀакъо пае Мосэ къыӀуагъ:
«Гъад ичӀыгу зезыгъэушъомбгъурэ Тхьэм
щытхъур фэшъуаш!
Аслъаным фэдэу Гъад ащ щэпсэу.
Зыр зэхецунтхъэ, адрэм ышъхьэ пеуты.
21Анахь чӀыгу дэгъур ежь зыфыхихыжьыгъ.
ЛӀышъхьэ пащэм иӀахьэ ащ къылэжьыгъ.
ЛӀакъохэм япащэхэр къызызэӀокӀэхэм,
ЗиусхьанымкӀэ шъыпкъэр,
Ащ ихэбзэ гъэунэфыгъэхэмкӀэ
Израил къытырилъхьагъэхэр ыгъэцэкӀагъэх».
22Дан пае ащ къыӀуагъ:
«Дан – ар аслъан ныбжьыкӀэм фэд,
Бащаным ит къушъхьэм зыкъыредзыхы».
23Нафталый пае Мосэ къыӀуагъ:
«Зиусхьаным Нафталый гукӀэгъушхо къыфешӀы,
Ащ инэшӀущыфэныгъи ренэу игъус.
КъохьапӀэ лъэныкъомкӀи къыблэмкӀи
гъэзэгъэ чӀыгухэр ащ иунаех».
24Ащэр пае мыщ фэдэу къыӀуагъ:
«Ащэр зэкӀэмэ анахьыбэу нэшӀур щэрэфагъ;
зэкъошхэм ар арэгъэлъапӀ,
зэйтын дагъэр ылъакъохэм къарерэгъэчъэх.
25Уикъэлэпчъэ пчъэдадзэхэр
гъучӀымрэ гъуаплъэмрэ ахэшӀыкӀыгъэх,
ущэӀэфэ пкӀуачӀэ изыщт.
26Израилым#33:26 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Ешурун». Мыщ ехьылӀагъэу еплъ мы шъхьэм ия 5-рэ усэ. и Тхьэ фэдэ щыӀэп,
ӀэпыӀэгъу къыпфэхъунэу уашъомкӀэ Ар къэбыбы.
Ащ итеплъэшӀу ошъуапщэхэм зэрафэӀэт.
27ЕгъашӀэм щыӀэ Тхьэр о уишъхьэегъэзыпӀ.
Ащ ыӀэхэм егъашӀэм укъырахьакӀыщт.
Пыир Ащ пкӀэлъырифыщт.
„Еуи хэгъаф!“ ыӀонышъ, унашъо къышӀыщт.
28Израилыр щынэгъончъэу псэущт,
Якъубэ къыхэкӀыгъэхэр къыщыухъумэгъэщтых
гъэбэжъур зыщыбэу, санэр зыщыкӀафэу,
осэпсышӀур уашъом къызщехырэ чӀыгум.
29Сыхьатмафэ уежьагъ о, Израил илъэпкъ!
Хэт о пфэдэр!
Зиусхьаным къыгъэнэжьыгъэ лъэпкъыр орыба!
Ар о укъэзыухъумэрэ уимэӀуба,
Ар о щытхъур къыпфэзыхьырэ уичатэба!
Уипыйхэр о къыоубзэщтых.
Ахэм акӀыбышъохэр о иуутыщт».
Currently Selected:
Хэбзэ тхыжьыгъэр 33: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
