Хэбзэ тхыжьыгъэр 32
32
ЯщэкӀэнэрэ тӀурэ шъхьэр
Мосэ иорэд
1«КъэдаӀу, уашъор, сыкъэгущыӀэщтышъ,
къызэхэх, чӀыгур, псалъэ къэсшӀыщтышъ.
2Ощхэу къещхырэр зэрэчъэу, сипсалъэ орэчъэ,
сигущыӀэхэр осэпсэу къерэхых,
къэкӀырэ шхъуантӀэхэр зыгъэшъокӀырэ ощх быбэу,
къэкӀынэу ежьэгъакӀэхэм къатещхэрэ ощхэу.
3Зиусхьаным ыцӀэшхо къэсӀон,
ти Тхьэ илъэрыхьыгъэ щытхъур фэшъушӀ!
4Ар – тикъушъхьэ цэкӀэ лъаг,
Ащ иӀофхэр щыкӀэгъэнчъэх,
Ащ игъогухэр – хьыкум зэпэщэчыгъ.
Тхьэр – фэшъыпкъэныгъ,
мытэрэзыр Ащ ышӀэрэп, зафэ, шъыпкъэ закӀ.
5Ау мы лъэпкъыр псэкӀодышӀ, пцӀыус,
шъурибыныным ифитыныгъэ къэжъулэжьыгъэпышъ,
шъуиукӀытэгъошху.
Ау зыгу зэшӀодзэгъэ лъэпкъэу,
шъом икӀыгъэ лъэпкъэу шъо шъущыт.
6Ара адэ Зиусхьаным ихьакъ шъо шъузэрэпэгъокӀырэр,
зигулъытэ макӀэу, акъылъынчъэ лъэпкъ?
Ар о Уятэба, Ащ укъыгъэшӀыгъэба,
Арба узыгъэпсыгъэр, укъэзыгъэшӀыгъэр.
7Пэсэрэ зэманхэр шъугу къэжъугъэкӀыжь,
щымыӀэжь лӀэужхэм шъуягупшыс.
ШъуяупчӀ шъуятэмэ, ахэм къышъуаӀощт,
шъуяупчӀ нахьыжъ упчӀэжьэгъухэм,
ахэм къышъуфаӀотэщт.
8ЗэкӀэмэ анахь Иным
цӀыф лъэпкъхэм якӀэн афигощ зэхъум,
цӀыфы зыцӀэр зэкӀэ зызэхеушъхьафыкӀым,
Ащ Тхьэм ыкъохэм#32:8 Ижъырэ джуртыбзэкӀэ тхыгъэ Ӏэпэрытхым мы чӀыпӀэм зэрэщыхэтыр: «Израил ыкъохэм». НэмыкӀ ижъырэ Ӏэпэрытхымэ янахьыбэ мыр зэрахэтыр: «Тхьэм ыкъохэм». япчъагъэ елъытыгъэу
чӀыгур къатыригощагъ.
9Зиусхьаным иӀахьэр Ежь илъэпкъыба,
Якъубэ къыхэкӀыгъэхэр
Ащ иунэе Ӏахьэ мыгощба!
10Шъоф нэкӀыбзэм ар Ащ къыщигъотыгъ,
шъоф зэгъокӀэу, хьэкӀэ-къуакӀэхэр зыщыбыухэрэм,
Къыухъумагъ, фэгумэкӀыгъ,
нэпшъашъэм фэдэу къыфэсакъыгъ.
11Бгъэжъым инабгъо къызэриухъумэу,
ищырхэр къыгъэгъунэхэу,
ашъхьагъ зэритым,
ытэмэ зэкӀэхыгъэхэм атыригъэтӀысхьэхэмэ зэрихьыхэу,
12Зиусхьан закъом
израил цӀыф лъэпкъыр къырищэкӀыгъ;
нэмыкӀ тхьэ гори Ащ игъусагъэп.
13ЧӀыпӀэ хэӀэтыкӀыгъэхэр псэупӀэу фыхихыгъ,
чӀыгум къытырэр гъомлапхъэ фишӀыгъ.
Бжьэхэм къушъхьэ зэгокӀыгъэхэм
ащагъэтӀылъырэ шъоур,
мыжъолъэ чӀыпӀэм къыщыкӀырэ зэйтын чъыгым
хахырэ дагъэр ышхынхэу ащ къыритыгъ.
14Чэмыщэм хахыгъэ щхыури,
мэл-пчэн Ӏэхъогъухэм ящи,
шъынэу, пчэнэу зишӀугъохэри,
Бащаным щагъэхъурэ тӀыхэм анахьышӀухэри,
анахь лэжьыгъэшӀури ащ къыритыгъэх.
Сэнашъхьэм илъыпсэу санэми ар ригъэшъуагъ#32:14 Ижъырэ джуртыбзэкӀэ тхыгъэ Ӏэпэрытхым зэрэхэтыр: «шъуригъэшъуагъ»..
15Мо Израилэу плъэгъурэр#32:15 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Ешурун». Ащ къикӀырэр: «Шъыпкъагъэ зыхэлъ». Израил гъэшӀуабзэкӀэ джары зэреджэщтыгъэхэр. ишӀугъо, къаигъэ, пщэр хъугъэба,
зэхэпстыхьагъэба, шэм зэлъикӀугъэба.
КъэзыгъэшӀыгъэ Тхьэр къыбгынагъ,
Ар икъэгъэнэжьыпӀэ пытапӀэу зэрэщытзи,
ӀэкӀыб ышӀыгъ.
16ТхьэнэпцӀыхэмкӀэ Ащ ыгу къызщагъэкӀыгъ,
емыкӀушхоу ашӀэхэрэмкӀэ агъэгубжыгъ.
17Тхьэу щымыт джынапцӀэхэм къурмэнхэр афашӀыгъэх,
амышӀэщтыгъэхэу, бэмышӀэу зызфагъэзэгъэ тхьэхэм,
шъуятэжъхэр зыщымыщынэщтыгъэ тхьэхэм.
18Шъукъэзыгъэхъугъэу,
шъуи КъэгъэнэжьыпӀэу ПытапӀэр къэшъубгыни,
шъукъэзыгъэшӀыгъэ Зиусхьаныр зыщыжъугъэгъупшагъ.
19Ар Зиусхьаным къызелъэгъум,
ӀэкӀыб шъукъишӀыгъ,
Ащ ыкъохэмрэ ыпхъухэмрэ, къышъуфэгубжыгъэти.
20„Сынэгу къыкӀэзгъэплъэнхэп, – Ащ ыӀуагъ, –
сеплъын къяхъулӀэщтым;
цӀыф щыкӀыгъэх ахэр,
фэшъыпкъэныгъэр зымышӀэрэ быных.
21Тхьэу щымыт пстэумкӀэ ахэм Сэ сызэщафыгъ,
тхьэнэпцӀ емыкӀушхохэмкӀэ сагъэгубжыгъ.
ЛъэпкъкӀэ зигугъу пшӀынэу щымытхэмкӀэ
хьагъу-шъугъу Сэ языгъэшӀынышъ,
шӀэныгъэ зимыӀэ лъэпкъхэмкӀэ згъэгубжыщтых.
22Хьадрыхэ лъачӀэм нэсэу,
мэшӀошхоу сигубж къызэкӀэнагъ.
ЧӀыгури ащ къыщыкӀыхэри а машӀом ыстыщтых,
къушъхьэмэ алъапсэхэри ыжъэщтых.
23ТхьамыкӀагъохэр ахэм Сэ къафэзгъэсыщт,
сищэбзащэхэр атесыухэщт.
24Езыгъэтэкъоххэрэ гъаблэр къафэзгъэкӀощт,
хьадэгъумкӀэ зэпэкӀэзгъэкӀыщтхэ,
зэрылӀыкӀыщтхэ зэпахырэ узыр къахэстӀупщыхьащт.
Псэушъхьэ Ӏэлхэмрэ
щэнаут зыхэлъ блэу зепшэхэмрэ къатезгъэбэнэщтых.
25Унэм имысхэр чатэхэмкӀэ аукӀыщтых,
унэм исхэр гукӀодыгъом илӀыкӀыщтых.
КӀэлакӀэхэри, пшъашъэхэри,
сабыйхэри, нэжъ-Ӏужъхэри кӀодыщтых.
26Сэ къэсӀоныгъи: ‘Истэкъухьащтых ахэр,
цӀыфы зыцӀэхэм агу къэмыкӀыжьынхэу згъэкӀодыщтых’.
27Шъхьае япыйхэр гушӀонхэба,
нэкъокъогъухэм зыкъашӀошӀыжьэу аӀонба:
‘ТӀэ ипытагъ ахэр зышӀагъэр,
Зиусхьаныр арэп а зэкӀэ зыгъэхъагъэр’“.
28Зиакъыл чӀэзынагъэу,
зэхэшӀыкӀ зимыӀэ цӀыф лъэпкъ ар.
29Ахэр Ӏушэу щытыгъэхэгущэмэ,
ар зэхашӀыкӀынэу, кӀэух афэхъун ылъэкӀыщтыр
къагурыӀонэу щытыгъэхэмэ!
30Сыдэущтэу зы пыим нэбгырэ миныр къырифыжьэшъущтыгъа
е пыитӀум нэбгырэ минипшӀым къыкӀарагъэӀажьышъущтыгъа
я Къушъхьэ цэкӀэ лъагэ ахэр къымыбгынэгъагъэхэмэ,
Зиусхьаным ахэр Ӏэрылъхьэ афимышӀыгъагъэхэмэ.
31Пыйхэм якъушъхьэ цэкӀэ лъагэ
тэ ти Къушъхьэ цэкӀэ лъагэ фэдэу лъэшэпи:
типый дэдэхэри ащ еуцолӀэжьхэри.
32Ахэм ясэнашъхьэ Сэдом бжалэм къыпыкӀыгъ,
Ӏаморэ#32:32 Ижъырэ къалэхэу Сэдомрэ Ӏаморэрэ ащыпсэущтыгъэ цӀыфхэм емыкӀушхохэр ашӀэщтыгъ. игубгъохэм къащыкӀыгъ;
ахэм къапыкӀэрэр щэнаут закӀ,
ясэнэшъхьэ Ӏэрамхэр дыджых.
33Ахэм ясанэ щэнаут закӀ,
щэнаут зыхэлъ блэм къыпфихьырэ хьадэгъу.
34„Джары Сэ садэжь щызэӀугъэкӀагъэр,
сишъэфыпӀэхэм язгъэкӀугъэр.
35ШӀэжьын Ӏофыр Сэ къысфэгъэзагъ,
яфэшъуашэри ястыжьыщт.
Къэсыщт уахътэ – алъакъохэр кӀэцӀэнлъыщтых;
якӀодыгъо мафэ къэсы пэт,
яӀофи шӀэхэу Ӏуагъэ хъущт“.
36Зиусхьаным Ежь илъэпкъ иӀоф зэхифыщт,
иӀумэтхэми ыгу ягъущт,
кӀуачӀэ зэрахэмылъыжьыр, цӀыф лъэрыхьи тхьамыкӀи
зэрахэмытыжьыр къызилъэгъукӀэ.
37Джащыгъум Ар къэупчӀэщт:
„Тыдэ щыӀэха адэ ахэм ятхьэхэр,
якъушъхьэ цэкӀэ лъагэу зыщыгугъыщтыгъэхэр;
38шъуикъурмэнхэм къатешъухыгъэ шэр зэжъугъэшхыгъэу,
шъуисанэ ежъугъэшъогъэ тхьэхэр?
ЗыкъарэӀэт ахэм къыжъудэӀэпыӀэнхэу!
Шъукъарэухъум!
39Джы зэжъугъашӀэ: Сэ закъор ары Тхьэр#32:39 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Сэры, Арыр Сэры»., Ар Сэры!
Сэщ нэмыкӀ тхьэ зыпари щыӀэп.
СэгъалӀэх Сэ, къэсэгъэхъужьых,
сэуӀэх, сэгъэхъужьых,
нэмыкӀ горэми хэти Сэ сӀэкӀихыщтэп.
40СӀэ къэсэӀэтышъ,
сызэрэщыӀэр егъашӀэм гущыӀэ пытэкӀэ къэсэӀо:
41Сичэтэ зэпэлыдыжь кӀэзгъэлъыкӀынышъ,
хьыкум сшӀынэу къэсӀэтыщт.
Къыспэуцужьхэрэм сыгу атезгъэпщэхэщт,
сызыфэмылъэгъухэрэми яфэшъуашэр язгъэгъотыщт.
42Сищэбзащэ лъыкӀэ зезгъэгъэшъокӀыщт,
Сичатэ зезгъэгъэшхэкӀыщт:
фэхыгъэхэмрэ гъэры хъугъэхэмрэ алъыкӀэ,
пыйхэм япащэмэ ашъхьэу пызгъэлъэтыгъэхэмкӀэ“».
43Мосэ къыӀуагъ:
«Шъущытхъу Зиусхьаным, цӀыф лъэпкъхэр,
Ащ илъэпкъ шъуригъусэу,
иӀумэтхэм алъ ышӀэжьыщт,
ипыйхэм Ащ ыгу атыригъэпщэхэщт,
Ежь ичӀыгуи ицӀыф лъэпкъи ыукъэбзыжьыщтых».
44Мосэ Ныун ыкъо Ехъошуа игъусэу къакӀуи, а орэдым хэлъ гущыӀэхэр цӀыфхэм къафиӀуагъ.
Мосэ цӀыфхэм аужырэу зэряушъыижьыгъэр
45Мосэ а гущыӀэхэр зэрэизраил лъэпкъэу къызыфеӀом, 46къыхигъэхъожьыгъ: «Тхьэм мы и Хабзэ итхагъэр зэкӀэ егугъухэзэ агъэцэкӀэнэу шъуикӀалэхэр зэрэфэжъугъэсэнхэу непэ къышъосӀогъэ гущыӀэхэр зэкӀэ шъугумэ арышъуубыт. 47ШъоркӀэ ахэр гущыӀэ къодыехэп, ахэр шъуищыӀэныгъэ ылъапс. Ахэм шъуарыгъуазэмэ, шъуиунэеным пае шъуубытынэу Иордан шъузфызэпырыкӀырэ чӀыгум бэрэ шъущыпсэущт».
Тхьэм Мосэ къыфишӀыгъэ аужырэ унашъор
48А мэфэ дэдэм Зиусхьаным Мосэ къыриӀуагъ: 49«Ерыхъэу пэчӀынатӀэу Моабым ит Ӏабарим къушъхьэ зэхэтхэм ащыщ Нэу къушъхьэм дэкӀуаи, израил цӀыфмэ яунэенэу къястырэ КъэнаӀан чӀыгур къызэпэплъыхь. 50Джа къушъхьэм ущылӀэнышъ, пшы Хьарунэ Хъор къушъхьэм щылӀи, ыпсэ ицӀыф лъэпкъ зэрэхэхьажьыгъэм фэдэу, о упси уилъэпкъ хэхьажьыщт. 51Шъоф нэкӀэу Цын къыхиубытэрэ Къадэщ чӀыпӀэм пэгъунэгъоу Мэрыбэ ипсыхэм адэжь израил цӀыфхэм янэрылъэгъоу къышъосӀуагъэр зэрэщышъумыгъэцэкӀагъэм, Сэ силъэпӀагъэ израилхэм азыфагу къызэрэщышъумыгъэлъэгъуагъэм пае джаущтэу хъущт. 52Джащ пае израил лъэпкъым къестырэ чӀыгур чыжьэкӀэ плъэгъущт нахь, ащ уихьащтэп».
Currently Selected:
Хэбзэ тхыжьыгъэр 32: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 32
32
ЯщэкӀэнэрэ тӀурэ шъхьэр
Мосэ иорэд
1«КъэдаӀу, уашъор, сыкъэгущыӀэщтышъ,
къызэхэх, чӀыгур, псалъэ къэсшӀыщтышъ.
2Ощхэу къещхырэр зэрэчъэу, сипсалъэ орэчъэ,
сигущыӀэхэр осэпсэу къерэхых,
къэкӀырэ шхъуантӀэхэр зыгъэшъокӀырэ ощх быбэу,
къэкӀынэу ежьэгъакӀэхэм къатещхэрэ ощхэу.
3Зиусхьаным ыцӀэшхо къэсӀон,
ти Тхьэ илъэрыхьыгъэ щытхъур фэшъушӀ!
4Ар – тикъушъхьэ цэкӀэ лъаг,
Ащ иӀофхэр щыкӀэгъэнчъэх,
Ащ игъогухэр – хьыкум зэпэщэчыгъ.
Тхьэр – фэшъыпкъэныгъ,
мытэрэзыр Ащ ышӀэрэп, зафэ, шъыпкъэ закӀ.
5Ау мы лъэпкъыр псэкӀодышӀ, пцӀыус,
шъурибыныным ифитыныгъэ къэжъулэжьыгъэпышъ,
шъуиукӀытэгъошху.
Ау зыгу зэшӀодзэгъэ лъэпкъэу,
шъом икӀыгъэ лъэпкъэу шъо шъущыт.
6Ара адэ Зиусхьаным ихьакъ шъо шъузэрэпэгъокӀырэр,
зигулъытэ макӀэу, акъылъынчъэ лъэпкъ?
Ар о Уятэба, Ащ укъыгъэшӀыгъэба,
Арба узыгъэпсыгъэр, укъэзыгъэшӀыгъэр.
7Пэсэрэ зэманхэр шъугу къэжъугъэкӀыжь,
щымыӀэжь лӀэужхэм шъуягупшыс.
ШъуяупчӀ шъуятэмэ, ахэм къышъуаӀощт,
шъуяупчӀ нахьыжъ упчӀэжьэгъухэм,
ахэм къышъуфаӀотэщт.
8ЗэкӀэмэ анахь Иным
цӀыф лъэпкъхэм якӀэн афигощ зэхъум,
цӀыфы зыцӀэр зэкӀэ зызэхеушъхьафыкӀым,
Ащ Тхьэм ыкъохэм#32:8 Ижъырэ джуртыбзэкӀэ тхыгъэ Ӏэпэрытхым мы чӀыпӀэм зэрэщыхэтыр: «Израил ыкъохэм». НэмыкӀ ижъырэ Ӏэпэрытхымэ янахьыбэ мыр зэрахэтыр: «Тхьэм ыкъохэм». япчъагъэ елъытыгъэу
чӀыгур къатыригощагъ.
9Зиусхьаным иӀахьэр Ежь илъэпкъыба,
Якъубэ къыхэкӀыгъэхэр
Ащ иунэе Ӏахьэ мыгощба!
10Шъоф нэкӀыбзэм ар Ащ къыщигъотыгъ,
шъоф зэгъокӀэу, хьэкӀэ-къуакӀэхэр зыщыбыухэрэм,
Къыухъумагъ, фэгумэкӀыгъ,
нэпшъашъэм фэдэу къыфэсакъыгъ.
11Бгъэжъым инабгъо къызэриухъумэу,
ищырхэр къыгъэгъунэхэу,
ашъхьагъ зэритым,
ытэмэ зэкӀэхыгъэхэм атыригъэтӀысхьэхэмэ зэрихьыхэу,
12Зиусхьан закъом
израил цӀыф лъэпкъыр къырищэкӀыгъ;
нэмыкӀ тхьэ гори Ащ игъусагъэп.
13ЧӀыпӀэ хэӀэтыкӀыгъэхэр псэупӀэу фыхихыгъ,
чӀыгум къытырэр гъомлапхъэ фишӀыгъ.
Бжьэхэм къушъхьэ зэгокӀыгъэхэм
ащагъэтӀылъырэ шъоур,
мыжъолъэ чӀыпӀэм къыщыкӀырэ зэйтын чъыгым
хахырэ дагъэр ышхынхэу ащ къыритыгъ.
14Чэмыщэм хахыгъэ щхыури,
мэл-пчэн Ӏэхъогъухэм ящи,
шъынэу, пчэнэу зишӀугъохэри,
Бащаным щагъэхъурэ тӀыхэм анахьышӀухэри,
анахь лэжьыгъэшӀури ащ къыритыгъэх.
Сэнашъхьэм илъыпсэу санэми ар ригъэшъуагъ#32:14 Ижъырэ джуртыбзэкӀэ тхыгъэ Ӏэпэрытхым зэрэхэтыр: «шъуригъэшъуагъ»..
15Мо Израилэу плъэгъурэр#32:15 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Ешурун». Ащ къикӀырэр: «Шъыпкъагъэ зыхэлъ». Израил гъэшӀуабзэкӀэ джары зэреджэщтыгъэхэр. ишӀугъо, къаигъэ, пщэр хъугъэба,
зэхэпстыхьагъэба, шэм зэлъикӀугъэба.
КъэзыгъэшӀыгъэ Тхьэр къыбгынагъ,
Ар икъэгъэнэжьыпӀэ пытапӀэу зэрэщытзи,
ӀэкӀыб ышӀыгъ.
16ТхьэнэпцӀыхэмкӀэ Ащ ыгу къызщагъэкӀыгъ,
емыкӀушхоу ашӀэхэрэмкӀэ агъэгубжыгъ.
17Тхьэу щымыт джынапцӀэхэм къурмэнхэр афашӀыгъэх,
амышӀэщтыгъэхэу, бэмышӀэу зызфагъэзэгъэ тхьэхэм,
шъуятэжъхэр зыщымыщынэщтыгъэ тхьэхэм.
18Шъукъэзыгъэхъугъэу,
шъуи КъэгъэнэжьыпӀэу ПытапӀэр къэшъубгыни,
шъукъэзыгъэшӀыгъэ Зиусхьаныр зыщыжъугъэгъупшагъ.
19Ар Зиусхьаным къызелъэгъум,
ӀэкӀыб шъукъишӀыгъ,
Ащ ыкъохэмрэ ыпхъухэмрэ, къышъуфэгубжыгъэти.
20„Сынэгу къыкӀэзгъэплъэнхэп, – Ащ ыӀуагъ, –
сеплъын къяхъулӀэщтым;
цӀыф щыкӀыгъэх ахэр,
фэшъыпкъэныгъэр зымышӀэрэ быных.
21Тхьэу щымыт пстэумкӀэ ахэм Сэ сызэщафыгъ,
тхьэнэпцӀ емыкӀушхохэмкӀэ сагъэгубжыгъ.
ЛъэпкъкӀэ зигугъу пшӀынэу щымытхэмкӀэ
хьагъу-шъугъу Сэ языгъэшӀынышъ,
шӀэныгъэ зимыӀэ лъэпкъхэмкӀэ згъэгубжыщтых.
22Хьадрыхэ лъачӀэм нэсэу,
мэшӀошхоу сигубж къызэкӀэнагъ.
ЧӀыгури ащ къыщыкӀыхэри а машӀом ыстыщтых,
къушъхьэмэ алъапсэхэри ыжъэщтых.
23ТхьамыкӀагъохэр ахэм Сэ къафэзгъэсыщт,
сищэбзащэхэр атесыухэщт.
24Езыгъэтэкъоххэрэ гъаблэр къафэзгъэкӀощт,
хьадэгъумкӀэ зэпэкӀэзгъэкӀыщтхэ,
зэрылӀыкӀыщтхэ зэпахырэ узыр къахэстӀупщыхьащт.
Псэушъхьэ Ӏэлхэмрэ
щэнаут зыхэлъ блэу зепшэхэмрэ къатезгъэбэнэщтых.
25Унэм имысхэр чатэхэмкӀэ аукӀыщтых,
унэм исхэр гукӀодыгъом илӀыкӀыщтых.
КӀэлакӀэхэри, пшъашъэхэри,
сабыйхэри, нэжъ-Ӏужъхэри кӀодыщтых.
26Сэ къэсӀоныгъи: ‘Истэкъухьащтых ахэр,
цӀыфы зыцӀэхэм агу къэмыкӀыжьынхэу згъэкӀодыщтых’.
27Шъхьае япыйхэр гушӀонхэба,
нэкъокъогъухэм зыкъашӀошӀыжьэу аӀонба:
‘ТӀэ ипытагъ ахэр зышӀагъэр,
Зиусхьаныр арэп а зэкӀэ зыгъэхъагъэр’“.
28Зиакъыл чӀэзынагъэу,
зэхэшӀыкӀ зимыӀэ цӀыф лъэпкъ ар.
29Ахэр Ӏушэу щытыгъэхэгущэмэ,
ар зэхашӀыкӀынэу, кӀэух афэхъун ылъэкӀыщтыр
къагурыӀонэу щытыгъэхэмэ!
30Сыдэущтэу зы пыим нэбгырэ миныр къырифыжьэшъущтыгъа
е пыитӀум нэбгырэ минипшӀым къыкӀарагъэӀажьышъущтыгъа
я Къушъхьэ цэкӀэ лъагэ ахэр къымыбгынэгъагъэхэмэ,
Зиусхьаным ахэр Ӏэрылъхьэ афимышӀыгъагъэхэмэ.
31Пыйхэм якъушъхьэ цэкӀэ лъагэ
тэ ти Къушъхьэ цэкӀэ лъагэ фэдэу лъэшэпи:
типый дэдэхэри ащ еуцолӀэжьхэри.
32Ахэм ясэнашъхьэ Сэдом бжалэм къыпыкӀыгъ,
Ӏаморэ#32:32 Ижъырэ къалэхэу Сэдомрэ Ӏаморэрэ ащыпсэущтыгъэ цӀыфхэм емыкӀушхохэр ашӀэщтыгъ. игубгъохэм къащыкӀыгъ;
ахэм къапыкӀэрэр щэнаут закӀ,
ясэнэшъхьэ Ӏэрамхэр дыджых.
33Ахэм ясанэ щэнаут закӀ,
щэнаут зыхэлъ блэм къыпфихьырэ хьадэгъу.
34„Джары Сэ садэжь щызэӀугъэкӀагъэр,
сишъэфыпӀэхэм язгъэкӀугъэр.
35ШӀэжьын Ӏофыр Сэ къысфэгъэзагъ,
яфэшъуашэри ястыжьыщт.
Къэсыщт уахътэ – алъакъохэр кӀэцӀэнлъыщтых;
якӀодыгъо мафэ къэсы пэт,
яӀофи шӀэхэу Ӏуагъэ хъущт“.
36Зиусхьаным Ежь илъэпкъ иӀоф зэхифыщт,
иӀумэтхэми ыгу ягъущт,
кӀуачӀэ зэрахэмылъыжьыр, цӀыф лъэрыхьи тхьамыкӀи
зэрахэмытыжьыр къызилъэгъукӀэ.
37Джащыгъум Ар къэупчӀэщт:
„Тыдэ щыӀэха адэ ахэм ятхьэхэр,
якъушъхьэ цэкӀэ лъагэу зыщыгугъыщтыгъэхэр;
38шъуикъурмэнхэм къатешъухыгъэ шэр зэжъугъэшхыгъэу,
шъуисанэ ежъугъэшъогъэ тхьэхэр?
ЗыкъарэӀэт ахэм къыжъудэӀэпыӀэнхэу!
Шъукъарэухъум!
39Джы зэжъугъашӀэ: Сэ закъор ары Тхьэр#32:39 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Сэры, Арыр Сэры»., Ар Сэры!
Сэщ нэмыкӀ тхьэ зыпари щыӀэп.
СэгъалӀэх Сэ, къэсэгъэхъужьых,
сэуӀэх, сэгъэхъужьых,
нэмыкӀ горэми хэти Сэ сӀэкӀихыщтэп.
40СӀэ къэсэӀэтышъ,
сызэрэщыӀэр егъашӀэм гущыӀэ пытэкӀэ къэсэӀо:
41Сичэтэ зэпэлыдыжь кӀэзгъэлъыкӀынышъ,
хьыкум сшӀынэу къэсӀэтыщт.
Къыспэуцужьхэрэм сыгу атезгъэпщэхэщт,
сызыфэмылъэгъухэрэми яфэшъуашэр язгъэгъотыщт.
42Сищэбзащэ лъыкӀэ зезгъэгъэшъокӀыщт,
Сичатэ зезгъэгъэшхэкӀыщт:
фэхыгъэхэмрэ гъэры хъугъэхэмрэ алъыкӀэ,
пыйхэм япащэмэ ашъхьэу пызгъэлъэтыгъэхэмкӀэ“».
43Мосэ къыӀуагъ:
«Шъущытхъу Зиусхьаным, цӀыф лъэпкъхэр,
Ащ илъэпкъ шъуригъусэу,
иӀумэтхэм алъ ышӀэжьыщт,
ипыйхэм Ащ ыгу атыригъэпщэхэщт,
Ежь ичӀыгуи ицӀыф лъэпкъи ыукъэбзыжьыщтых».
44Мосэ Ныун ыкъо Ехъошуа игъусэу къакӀуи, а орэдым хэлъ гущыӀэхэр цӀыфхэм къафиӀуагъ.
Мосэ цӀыфхэм аужырэу зэряушъыижьыгъэр
45Мосэ а гущыӀэхэр зэрэизраил лъэпкъэу къызыфеӀом, 46къыхигъэхъожьыгъ: «Тхьэм мы и Хабзэ итхагъэр зэкӀэ егугъухэзэ агъэцэкӀэнэу шъуикӀалэхэр зэрэфэжъугъэсэнхэу непэ къышъосӀогъэ гущыӀэхэр зэкӀэ шъугумэ арышъуубыт. 47ШъоркӀэ ахэр гущыӀэ къодыехэп, ахэр шъуищыӀэныгъэ ылъапс. Ахэм шъуарыгъуазэмэ, шъуиунэеным пае шъуубытынэу Иордан шъузфызэпырыкӀырэ чӀыгум бэрэ шъущыпсэущт».
Тхьэм Мосэ къыфишӀыгъэ аужырэ унашъор
48А мэфэ дэдэм Зиусхьаным Мосэ къыриӀуагъ: 49«Ерыхъэу пэчӀынатӀэу Моабым ит Ӏабарим къушъхьэ зэхэтхэм ащыщ Нэу къушъхьэм дэкӀуаи, израил цӀыфмэ яунэенэу къястырэ КъэнаӀан чӀыгур къызэпэплъыхь. 50Джа къушъхьэм ущылӀэнышъ, пшы Хьарунэ Хъор къушъхьэм щылӀи, ыпсэ ицӀыф лъэпкъ зэрэхэхьажьыгъэм фэдэу, о упси уилъэпкъ хэхьажьыщт. 51Шъоф нэкӀэу Цын къыхиубытэрэ Къадэщ чӀыпӀэм пэгъунэгъоу Мэрыбэ ипсыхэм адэжь израил цӀыфхэм янэрылъэгъоу къышъосӀуагъэр зэрэщышъумыгъэцэкӀагъэм, Сэ силъэпӀагъэ израилхэм азыфагу къызэрэщышъумыгъэлъэгъуагъэм пае джаущтэу хъущт. 52Джащ пае израил лъэпкъым къестырэ чӀыгур чыжьэкӀэ плъэгъущт нахь, ащ уихьащтэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023