Хэбзэ тхыжьыгъэр 30
30
ЯщэкӀэнэрэ шъхьэр
Зиусхьаным къызыфэбгъэзэжьыкӀэ
1Мосэ ипсалъэ лъигъэкӀуати ариӀуагъ: «Шъуи Зиусхьанэу Тхьэм шъузыхитэкъощт нэмыкӀ цӀыф лъэпкъхэм шъуахэсэу, мы къышъосӀогъэ нэшӀущыфэныгъэхэмрэ бгыбзэхэмрэ зэкӀэ къышъуфэсыхэу, ахэм шъугукӀэ шъуязэгъэу, 2шъори шъуикӀалэхэми шъуи Зиусхьанэу Тхьэм зыфэжъугъэзэжьэу, непэ унашъо къызэрэшъуфэсшӀырэм фэдэу, шъугукӀи шъупсэкӀи Ащ шъуедэӀу зыхъукӀэ, 3шъуи Зиусхьанэу Тхьэм къышъуитыгъэгъэ шӀугъэхэр шъуигъэгъотыжьынхэшъ#30:3 Мыщ фэдэ мэхьани иӀэн ылъэкӀыщт: «шъуилъэпкъэгъоу гъэрхэр къаригъэтӀупщыжьыщтых»., гукӀэгъу къышъуфишӀынышъ, Ащ шъузыхитэкъогъэ цӀыф лъэпкъ пстэуми шъукъахищыжьынышъ, икӀэрыкӀэу шъукъыугъоижьыщт. 4Уашъом ыгъунэ нэсэу чӀым шъущитэкъухьагъэми, шъуи Зиусхьанэу Тхьэм ащ шъукъырищыжьынышъ, къышъуигъэгъэзэжьыщт. 5Шъуи Зиусхьанэу Тхьэм шъуятэжъхэм яунаеу щытыгъэ чӀыгум шъурищэжьынышъ, ар шъуиунэенэу шъуубытыжьыщт. Шъуятэжъхэм анахьи нахь шъуишӀугъоуи пчъагъэмкӀэ шъунахьыбэуи Ащ шъуишӀыщт. 6Шъуи Зиусхьанэу Тхьэм шъугурэ шъупсэкӀэрэ зэрэщытэу зешъутыным, шъузэрэщыӀэным пае, шъуи Зиусхьанэу Тхьэм шъори къышъухэкӀыщтхэми шъугухэр зэблихъущтых#30:6 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Шъугухэм аӀэпакӀэхэр пиупкӀыщтых». Еплъ тхылъэу «УблапӀэ», 17:10-11.. 7Шъуи Зиусхьанэу Тхьэм шъузыфэмылъэгъухэу, къин шъозыгъэлъэгъурэ шъуипыймэ мы бгыбзэхэр къатыригъэфэщт. 8Шъо Зиусхьаным ыӀорэм шъуедэӀоу, Ащ иунашъоу непэ къышъуасӀохэрэр зэкӀэ жъугъэцакӀэу шъухъужьыщт. 9Шъуи Зиусхьанэу Тхьэм зэкӀэ шъушӀэрэм ынэшӀу къащыфэщт, кӀалэхэр бэу къышъуфэхъущт, шъуибылымхэри шъуилэжьыгъэхэри бэгъощтых. Зиусхьаныр шъуятэжъмэ апае зэрэгушӀощтыгъэм фэдэу, шӀур къышъуфишӀэзэ, шъощ пае джыри гушӀощт, 10шъуи Зиусхьанэу Тхьэм шъуедэӀоу, Ащ иунашъоу, ишапхъэу и Хэбзэ тхыгъэ итхэр жъугъэцакӀэмэ, шъуи Зиусхьанэу Тхьэм шъугукӀи шъупсэкӀи зыфэжъугъазэмэ.
11Непэ унашъоу къышъуфэсшӀыхэрэр шъоркӀэ къиныщтхэп, жъугъэцэкӀэни шъулъэкӀыщт. 12„Хэта адэ уашъом дэкӀоенышъ, ахэр зэрэдгъэцэкӀэнэу къытфезыхьыхыщтри къытэзыӀожьыщтри?“ шъуӀозэ, шъукӀэупчӀэнэу, ахэр уашъом щыӀэхэп. 13„Хэта адэ хым зэпырыкӀынышъ, ахэр зэрэдгъэцэкӀэнэу къытфэзыхьыщтри къытэзыӀожьыщтри?“ шъуӀозэ, шъукӀэупчӀэнэу, ахэр хы кӀыбым щыӀэхэп. 14А унашъохэр шъо къышъупэблэгъабзэх: зэрэжъугъэцэкӀэнэу ахэр шъубзэгумэ ателъба, шъугумэ арылъба!
ЩыӀэныгъэмрэ лӀэныгъэмрэ уахэдэныр
15Шъусакъ, е щыӀэныгъэмрэ шӀугъэмрэ, е лӀэныгъэмрэ тхьамыкӀагъомрэ шъуахэдэнэу непэ фит шъусэшӀы. 16Шъуи Зиусхьанэу Тхьэр шӀу шъулъэгъунэу, ащ илъагъохэм шъуатетынэу, иунашъохэр, ишапхъэхэр, ихабзэхэр жъугъэцэкӀэнэу непэ сэ унашъо къышъуфэсэшӀы. Джащыгъум шъущыӀэщт, шъубэгъощт, шъуиунэенэу шъуубытыщт чӀыгоу шъуздакӀорэм шъуи Зиусхьанэу Тхьэм ынэшӀу къыщышъущыфэщт. 17Ау шъугухэмкӀэ Ащ пэчыжьэ зышъушӀэу, шъуемыдэӀоу, нэмыкӀ тхьэхэм шъхьащэ афэшъушӀыным, шъуафэлэжьэным зыздяжъугъэхьыхыкӀэ, 18джащыгъум, непэ къышъосэӀо, Ӏо хэмылъэу шъукӀодыщт. Иордан шъузэпырыкӀынышъ, шъуиунэенэу шъуубытыщт чӀыгоу шъузэрыхьащтым бэрэ шъущыпсэущтэп. 19Мы уашъори мы чӀыгури непэ сишыхьатых – щыӀэныгъэмрэ лӀэныгъэмрэ, нэшӀущыфэныгъэхэмрэ тхьамыкӀагъохэмрэ шъуахэдэнэу непэ къышъосӀуагъ. ЩыӀэныгъэр къыхэшъух шъори къышъухэкӀыщтхэми шъущыӀэнэу, 20шъуи Зиусхьанэу Тхьэр шӀу шъулъэгъунэу, Ащ къыӀорэм шъуедэӀунэу, шъугукӀи шъуепкӀылӀэгъэнэу щыӀэныгъэм шъухад. Зиусхьанэу Тхьэр ары шъуищыӀэныгъэ ылъапсэр, шъуятэжъхэу Ибрахьимэ, Исхьакъ, Якъубэ къаритынэу Зиусхьаным гущыӀэ пытэ зыфишӀыгъэ чӀыгум Ащ илъэсыбэрэ шъущигъэпсэущт».
Currently Selected:
Хэбзэ тхыжьыгъэр 30: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 30
30
ЯщэкӀэнэрэ шъхьэр
Зиусхьаным къызыфэбгъэзэжьыкӀэ
1Мосэ ипсалъэ лъигъэкӀуати ариӀуагъ: «Шъуи Зиусхьанэу Тхьэм шъузыхитэкъощт нэмыкӀ цӀыф лъэпкъхэм шъуахэсэу, мы къышъосӀогъэ нэшӀущыфэныгъэхэмрэ бгыбзэхэмрэ зэкӀэ къышъуфэсыхэу, ахэм шъугукӀэ шъуязэгъэу, 2шъори шъуикӀалэхэми шъуи Зиусхьанэу Тхьэм зыфэжъугъэзэжьэу, непэ унашъо къызэрэшъуфэсшӀырэм фэдэу, шъугукӀи шъупсэкӀи Ащ шъуедэӀу зыхъукӀэ, 3шъуи Зиусхьанэу Тхьэм къышъуитыгъэгъэ шӀугъэхэр шъуигъэгъотыжьынхэшъ#30:3 Мыщ фэдэ мэхьани иӀэн ылъэкӀыщт: «шъуилъэпкъэгъоу гъэрхэр къаригъэтӀупщыжьыщтых»., гукӀэгъу къышъуфишӀынышъ, Ащ шъузыхитэкъогъэ цӀыф лъэпкъ пстэуми шъукъахищыжьынышъ, икӀэрыкӀэу шъукъыугъоижьыщт. 4Уашъом ыгъунэ нэсэу чӀым шъущитэкъухьагъэми, шъуи Зиусхьанэу Тхьэм ащ шъукъырищыжьынышъ, къышъуигъэгъэзэжьыщт. 5Шъуи Зиусхьанэу Тхьэм шъуятэжъхэм яунаеу щытыгъэ чӀыгум шъурищэжьынышъ, ар шъуиунэенэу шъуубытыжьыщт. Шъуятэжъхэм анахьи нахь шъуишӀугъоуи пчъагъэмкӀэ шъунахьыбэуи Ащ шъуишӀыщт. 6Шъуи Зиусхьанэу Тхьэм шъугурэ шъупсэкӀэрэ зэрэщытэу зешъутыным, шъузэрэщыӀэным пае, шъуи Зиусхьанэу Тхьэм шъори къышъухэкӀыщтхэми шъугухэр зэблихъущтых#30:6 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Шъугухэм аӀэпакӀэхэр пиупкӀыщтых». Еплъ тхылъэу «УблапӀэ», 17:10-11.. 7Шъуи Зиусхьанэу Тхьэм шъузыфэмылъэгъухэу, къин шъозыгъэлъэгъурэ шъуипыймэ мы бгыбзэхэр къатыригъэфэщт. 8Шъо Зиусхьаным ыӀорэм шъуедэӀоу, Ащ иунашъоу непэ къышъуасӀохэрэр зэкӀэ жъугъэцакӀэу шъухъужьыщт. 9Шъуи Зиусхьанэу Тхьэм зэкӀэ шъушӀэрэм ынэшӀу къащыфэщт, кӀалэхэр бэу къышъуфэхъущт, шъуибылымхэри шъуилэжьыгъэхэри бэгъощтых. Зиусхьаныр шъуятэжъмэ апае зэрэгушӀощтыгъэм фэдэу, шӀур къышъуфишӀэзэ, шъощ пае джыри гушӀощт, 10шъуи Зиусхьанэу Тхьэм шъуедэӀоу, Ащ иунашъоу, ишапхъэу и Хэбзэ тхыгъэ итхэр жъугъэцакӀэмэ, шъуи Зиусхьанэу Тхьэм шъугукӀи шъупсэкӀи зыфэжъугъазэмэ.
11Непэ унашъоу къышъуфэсшӀыхэрэр шъоркӀэ къиныщтхэп, жъугъэцэкӀэни шъулъэкӀыщт. 12„Хэта адэ уашъом дэкӀоенышъ, ахэр зэрэдгъэцэкӀэнэу къытфезыхьыхыщтри къытэзыӀожьыщтри?“ шъуӀозэ, шъукӀэупчӀэнэу, ахэр уашъом щыӀэхэп. 13„Хэта адэ хым зэпырыкӀынышъ, ахэр зэрэдгъэцэкӀэнэу къытфэзыхьыщтри къытэзыӀожьыщтри?“ шъуӀозэ, шъукӀэупчӀэнэу, ахэр хы кӀыбым щыӀэхэп. 14А унашъохэр шъо къышъупэблэгъабзэх: зэрэжъугъэцэкӀэнэу ахэр шъубзэгумэ ателъба, шъугумэ арылъба!
ЩыӀэныгъэмрэ лӀэныгъэмрэ уахэдэныр
15Шъусакъ, е щыӀэныгъэмрэ шӀугъэмрэ, е лӀэныгъэмрэ тхьамыкӀагъомрэ шъуахэдэнэу непэ фит шъусэшӀы. 16Шъуи Зиусхьанэу Тхьэр шӀу шъулъэгъунэу, ащ илъагъохэм шъуатетынэу, иунашъохэр, ишапхъэхэр, ихабзэхэр жъугъэцэкӀэнэу непэ сэ унашъо къышъуфэсэшӀы. Джащыгъум шъущыӀэщт, шъубэгъощт, шъуиунэенэу шъуубытыщт чӀыгоу шъуздакӀорэм шъуи Зиусхьанэу Тхьэм ынэшӀу къыщышъущыфэщт. 17Ау шъугухэмкӀэ Ащ пэчыжьэ зышъушӀэу, шъуемыдэӀоу, нэмыкӀ тхьэхэм шъхьащэ афэшъушӀыным, шъуафэлэжьэным зыздяжъугъэхьыхыкӀэ, 18джащыгъум, непэ къышъосэӀо, Ӏо хэмылъэу шъукӀодыщт. Иордан шъузэпырыкӀынышъ, шъуиунэенэу шъуубытыщт чӀыгоу шъузэрыхьащтым бэрэ шъущыпсэущтэп. 19Мы уашъори мы чӀыгури непэ сишыхьатых – щыӀэныгъэмрэ лӀэныгъэмрэ, нэшӀущыфэныгъэхэмрэ тхьамыкӀагъохэмрэ шъуахэдэнэу непэ къышъосӀуагъ. ЩыӀэныгъэр къыхэшъух шъори къышъухэкӀыщтхэми шъущыӀэнэу, 20шъуи Зиусхьанэу Тхьэр шӀу шъулъэгъунэу, Ащ къыӀорэм шъуедэӀунэу, шъугукӀи шъуепкӀылӀэгъэнэу щыӀэныгъэм шъухад. Зиусхьанэу Тхьэр ары шъуищыӀэныгъэ ылъапсэр, шъуятэжъхэу Ибрахьимэ, Исхьакъ, Якъубэ къаритынэу Зиусхьаным гущыӀэ пытэ зыфишӀыгъэ чӀыгум Ащ илъэсыбэрэ шъущигъэпсэущт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023