Хэбзэ тхыжьыгъэр 28
28
ЯтӀокӀэнэрэ ирэ шъхьэр
ДаӀорэм шӀоу къыдэхъущтхэр
1Мосэ израил лъэпкъым риӀуагъ: «Уи Зиусхьанэу Тхьэм уедэӀоу, непэ унашъоу къыпфэсшӀыхэрэр зэкӀэ дэх имыӀэу бгъэцакӀэмэ, уи Зиусхьанэу Тхьэм дунаим тет цӀыф лъэпкъ пстэуми уакъыхиӀэтыкӀыщт. 2Уи Зиусхьанэу Тхьэм уедэӀумэ, мы нэшӀущыфэныгъэхэр зэкӀэ уиӀэщт.
3АщыуиӀэщт нэшӀущыфэныгъэ къалэхэми губгъохэми.
4УиӀэщт нэшӀущыфэныгъэ бынэу къыпхэкӀыхэрэмкӀи, блэжьырэ чӀыгумкӀи, уибылымхэмкӀи, уицухэмкӀи, уимэл-пчэн ӀэхъогъухэмкӀи.
5ЯӀэщт нэшӀущыфэныгъэ уиматэхэми уилъэтэнылъэхэми.
6ЯӀэщт нэшӀущыфэныгъэ уикъэгъэзэжьыни уидэкӀыни.
7ЗыкъыппэзыӀэтырэ уипыйхэр Зиусхьаным уапашъхьэ щызэхигъэтэкъощтых. Ахэр зы гъогукӀэ къыокӀущтых, ау гъогуиблыкӀэ ашъхьэхэр Ӏуахыжьыщтых.
8Зиусхьаным ынэшӀу къащыфэщт уиконхэми зэкӀэ уиӀофхэми. Уи Зиусхьанэу Тхьэм ынэшӀу къыщыпщыфэщт уиунэенэу къыуитырэ чӀыгум.
9Уи Зиусхьанэу Тхьэм иунашъохэр бгъэцакӀэу, Ащ игъогухэм уатетмэ, гущыӀэ пытэ къызэрэбдишӀыгъэу, Зиусхьаным Ежь иунэе лъэпкъ лъапӀэу уишӀыщт. 10Джащыгъум дунаим тет цӀыф лъэпкъ пстэуми Зиусхьаным ыцӀэкӀэ къызэрэоджагъэхэр къалъэгъущт, къыпщыщынэхэуи хъущт. 11Зиусхьаным уиунэенэу уятэжъхэм гущыӀэ пытэ къызыфадишӀыгъэ чӀыгум шӀугъэ пстэури щыуигъэгъотыщт: уикӀалэхэми, уибылымхэми, блэжьырэ чӀыгуми. 12УичӀыгу игъом ощх къытыригъэщхэнэу, зэкӀэ пшӀэрэм ынэшӀу къызэращыфэнэу Зиусхьаным имылъку гъэтӀылъыпӀэу щыт уашъор къыпфызэӀуихыщт. ЦӀыф лъэпкъыбэмэ чӀыфэхэр яптыщт, ау о чӀыфэ къаӀыпхыщтэп. 13Зиусхьаным апшъэ уигъэуцущт нахь, ауж уишӀыщтэп, уахэӀэтыкӀыгъэщт нахь, ачӀэгъ ущыӀэщтэп, уи Зиусхьанэу Тхьэм иунашъохэу непэ къыуасӀохэрэр уафэсакъэу, уадэмыхэу бгъэцакӀэмэ, 14унашъоу непэ къыуасӀорэмэ ащыщ горэми джабгъумкӀи сэмэгумкӀи удэмыхымэ, нэмыкӀ тхьэхэм ауж уихьэу, бгъэлъапӀэхэу ахэм шъхьащэ афэмышӀымэ.
УмыдэӀоным къыкӀэлъыкӀощт бгыбзэхэр
15Ау уи Зиусхьанэу Тхьэм уемыдэӀоу, Ащ иунашъоу, ишапхъэу непэ къыуасӀохэрэр зэкӀэ уафэсакъэу умыгъэцакӀэхэ зыхъукӀэ, мы бгыбзэхэр къыптефэнхэшъ, ахэм уахэтыщт.
16Ащыптелъыщт бгыбзэр къалэхэми губгъохэми.
17Ателъыщт бгыбзэр уиматэхэми уилъэтэнылъэхэми.
18Птелъыщт бгыбзэр бынэу къыпхэкӀыхэрэмкӀи, блэжьырэ чӀыгумкӀи, уибылымхэмкӀи, уицухэмкӀи, уимэл-пчэн ӀэхъогъухэмкӀи.
19Ателъыщт бгыбзэр уикъэгъэзэжьыни уидэкӀыни.
20Зиусхьаныр къэубгынэу, Ащ узыбгъодэкӀыкӀэ, Ащ бгыбзэрэ гузэжъогъушхорэ къыпфигъэкӀощт, сыдрэ Ӏоф уфежьагъэми, омыкӀодыфэ пшӀэрэр къыбдигъэхъущтэп, джа бзэджагъэу пшӀагъэм пае псынкӀэу уигъэкӀодыпэщт. 21Уиунэенэу уубытытыщт чӀыгум Зиусхьаным утыремыгъэкӀодыкӀыпэфэ, емынэ шӀуцӀэр къыпфигъэкӀощт. 22Зиусхьаным жъэгъэузыр, плъыр-стыр узыр, техьагъу узыр, жъоркъыр, огъур, жьыбгъэ стырыр, лэжьыгъэр зыгъэкӀодырэ узыр къыпфигъэкӀощтых. УямыкӀодыпэфэ ахэм укъабгынэщтэп. 23Уашъхьагъ ит уашъор джэрзым, узытет чӀыгур гъучӀым афэдэ хъущтых. 24Зиусхьаным уихэгъэгу ощхым ычӀыпӀэ сапэр къыщыригъэтэкъохыщт, омыкӀодыпэфэ, сапэр уашъом къетэкъохыщт.
25Зиусхьаным пыйхэр къыптыригъэкӀощтых. Зы гъогукӀэ ахэм уякӀущт, ау гъогуиблыкӀэ ахэм пшъхьэ къакӀэлъырыпхыжьыщт, къыохъулӀагъэм дунаим тет цӀыф пстэумэ агучӀэ ригъэзыщт. 26ЗэкӀэ ошъогу бзыухэмрэ чӀыгум тет хьэкӀэ-къуакӀэхэмрэ уихьадэхэр ашхыжьыщтых, ахэр акӀэлъырызыфын гори щыӀэщтэп. 27Зиусхьаным мысыр щын узыр, бэгу узыр, кӀышъо уз бзаджэр, шъохъу-тӀэхъу узыр зыбгъэхъужьын умылъэкӀынэу къыпфигъэкӀощтых. 28Зиусхьаным зэкӀокӀыныгъэр къыпфигъэкӀощт, нэшъу уишӀыщт, пшъхьэ зэӀигъэхьащт. 29Мэфэ щэджагъом, шӀункӀым хэт нэшъум фэдэу, уӀэбэ-лъабэу узекӀощт. Узпылъ Ӏофхэр къыбдэхъущтхэп. Мафэ къэс къыптебанэхэзэ, уахъункӀэщт, зыгори къыбдеӀэщтэп. 30Шъуз къэпщэщт, ау нэмыкӀыр ащ кӀыгъущт, унэ пшӀыщт, ау ащ ущыпсэущтэп. Сэнашъхьэ бгъэтӀысыщт, ау къыпыкӀагъэр уугъоижьыщтэп. 31Уибыгъу плъэгъузэ аукӀыщт, ау ащ ыл щыщ пшхыщтэп. Уищыд птырахынышъ, къыуатыжьыщтэп. Уимэл-пчэнхэр уипыймэ аратыщтых, ау зыгори къыбдеӀэщтэп.
32Пкъохэмрэ ппхъухэмрэ нэмыкӀ лъэпкъ ратыщтых, ау зыгорэ пшӀэн пфэмылъэкӀэу, ахэр къэкӀожьынхэм мафэ къэс упаплъэзэ, унэхэр игъукӀыщтых. 33УичӀыгу къипхыжьырэ лэжьыгъэмрэ кӀуачӀэкӀэ зэбгъэгъотыгъэмрэ умышӀэщтыгъэ цӀыф лъэпкъым ышхыжьыщтых, о мафэ къэс уегъэзыгъэщт, хьэзаб уагъэщэчыщт. 34Плъэгъурэм пшъхьэ зэрифэкӀыщт. 35Зиусхьаным плъэгуанджэхэри, плъапшъэхэри щын уз Ӏаем зэлъыригъэкӀущтых, плъэгупашъомэ къащегъэжьагъэу пшъхьашыгу нэсэу зымыгъэхъужьышъунэу ащ узэлъыригъэубытыщт.
36Зиусхьаным ори уашъхьагъ итынэу тебгъэхьащт пачъыхьэми цӀыф лъэпкъэу ори уятэжъхэми шъумышӀэщтыгъэм гъэрэу шъуафаригъэщэщт. Пхъэмрэ мыжъомрэ ахэшӀыкӀыгъэ нэмыкӀ тхьэхэм джащ шъхьащэ ащыфэпшӀыщт. 37КъэбаркӀэ къызэфаӀотэжьырэ щысэ дэеу, Зиусхьаным зыдэжь уифыщт цӀыф лъэпкъ пстэуми агучӀэ ригъэзэу, урякӀэнэкӀалъэу ущытыщт.
38Чылапхъэ бэу чӀыгум хэплъхьащт, ау лэжьыгъэр мацӀэм ышхынышъ, уугъоижьыщтыр макӀэ. 39Сэнашъхьэр бгъэтӀысынышъ, удэлэжьэщт, ау ар хьамлыу шхафэ хъунышъ, уугъоижьыщтэп, санэми уешъощтэп. 40Узыщыпсэурэ чӀыпӀэм зэфэдэкӀэ зэйтын чъыгхэр къыщыкӀыщтых, ау къапыкӀагъэр къыпытэкъужьынышъ, дагъэ зыщыпфэщтэп. 41Къохэри пхъухэри къыпфэхъущтых, ау гъэрэу Ӏуащынхэшъ, къыпфэнэщтхэп. 42Уичъыгхэри уичӀыгу лэжьыгъэхэри мацӀэм ыгъэкӀодыщтых.
43Хымэ цӀыф лъэпкъ къыхэкӀыгъэу къыпхэсыр ощ нахь лъэрыхьэ хъу зэпытыщт, о нахьи нахь уекӀотэх зэпытыщт. 44Ащ о чӀыфэ къыуитыщт, ау о ащ чӀыфэ ептыщтэп. Ар сыдырэмкӀи уапэ итыщт, о ащ ыуж уитыщт.
45Джа бгыбзэхэр зэкӀэ къыпфэкӀощтых. Уи Зиусхьанэу Тхьэм иунашъохэмрэ ишапхъэхэмрэ бгъэцэкӀагъэхэпышъ, омыкӀодыпэфэ ахэм уахэтыщт, къыптефэщтых. 46А зэпстэур оркӀи къыпхэкӀыщтхэмкӀи егъэшӀэрэ гъэунэфыпӀэхэу, шӀэгъошӀагъэхэу щытыщт. 47ЗыщыуишӀугъом учэфэу, угушӀоу уи Зиусхьанэу Тхьэм уфэлэжьагъэпышъ, 48гъаблэм ухэтэу, упсыфалӀэу, упцӀанэу, усэдэкъэхэдз тхьамыкӀэу Зиусхьаным къыппэшӀуигъэкӀощт пыим уфэпщылӀыщт. Ащ уемыгъэкӀодыфэ гъучӀым хэшӀыкӀыгъэ бжьыр ппшъэ дигъэлъыщт.
49Зиусхьаным зыбзэ умышӀэрэ цӀыф лъэпкъыр чыжьэу, чӀыгум ыгъунэ, къырищынышъ, бгъэжъым фэдэу къыптыригъэбыбэщт. 50А цӀыф лъэпкъыр гукӀэгъунчъ, жъым шъхьэкӀэфэныгъэ фишӀырэп, кӀэлакӀэмэ шъхьас афыриӀэп. 51Ащ уемыгъэкӀодыфэ уибылымхэм къакӀахъори уигубгъомэ къарыпхыжьыри ышхыщт. УицӀыф лъэпкъ зэрэщытэу емыгъэкӀодыфэ лэжьыгъи, сэнэ кӀэфыгъакӀи, дагъи, уибылым, мэл-пчэн Ӏэхъогъухэм къакӀэхъощтхэри птырихыщтых. 52А цӀыф лъэпкъым уичӀыгу ит къалэхэр зэкӀэ къыдзыхьанхэшъ, о узыщыгугъырэ дэпкъ лъэгэ гъэпытагъэхэр зэхигъэтэкъощт. Уи Зиусхьанэу Тхьэм уиунэенэу къыуитырэ чӀыгум тыдэкӀи ит къалэхэр зэкӀэ ащ къыдзыхьэхэзэ ышӀыщт. 53Пыим укъызэридзыхьагъэм къыхэкӀэу къинышхо ухэтэу уисабыйхэр, уи Зиусхьанэу Тхьэм къыуитыгъэ пкъохэмрэ ппхъухэмрэ, пшхыжьыщтых. 54Уихъулъфыгъэхэм анахь гукӀэгъушӀыщтыгъэр, хьалэлыщтыгъэр ыши, ишъуз кӀаси, псэоу къэнэжьыгъэ исабыйхэми нэжъыкӀэ яплъыщт, 55илъфыгъэу ежь ышхыжьырэм щыщ ахэм аӀуигъэфэщтэп. Пыим укъызэридзыхьагъэм, зэкӀэ уикъалэхэм хэкӀыпӀэнчъэ тхьамыкӀагъом узэращыхигъэфагъэм, нэмыкӀ ышхын зэримыӀэм джары ащ ригъэшӀэщтыр. 56Уибзылъфыгъэхэм анахь гукӀэгъушӀыщтыгъэр, хьалэлыщтыгъэр, лъапцӀэу чӀыгум темыуцощтыгъэр илӀ кӀаси, ыкъуи, ыпхъуи нэжъыкӀэ яплъыщт, 57къыдэхыжьыщт лъфалъэри къыфэхъущт сабыйхэри гъэбылъыгъэкӀэ ежь ышхыжьыщтых. Пыим укъызэридзыхьагъэм, зэкӀэ уикъалэхэм хэкӀыпӀэнчъэ тхьамыкӀагъом узэращыхидзагъэм, нэмыкӀ ышхын зэримыӀэм джары ащ ригъэшӀэщтыр.
58Тхьэм мы и Хэбзэ тхыгъэ хэт гущыӀэхэр зэкӀэ уафэсакъызэ умыгъэцакӀэу, уи Зиусхьанэу Тхьэм ыцӀэу щытхъушхо зыпылъыр щынагъо фыуиӀэу умыгъэлъапӀэмэ, 59Зиусхьаным ори къыпхэкӀыщтхэми гуих тхьамыкӀэгъошхохэмрэ гъэхъужьыгъое уз хьылъэхэмрэ къышъуфигъэкӀощтых. 60Ащ узщыщынэщтыгъэ мысыр узхэр зэкӀэ къыпфигъэкӀонхэшъ, ахэр къыппыпкӀэщт. 61Тхьэм мы и Хэбзэ тхыгъэ хэмыт узхэри тхьамыкӀагъохэри Зиусхьаным уемыгъэкӀодыфэ къыпфигъэкӀощтых.
62Шъуи Зиусхьанэу Тхьэм шъуедэӀугъэпышъ, шъо, израил цӀыфхэу, ошъогу жъуагъохэм афэдэу бэ хъущтыгъэхэр, макӀэу шъукъэнэщт. 63Зиусхьаныр шӀур къышъуфишӀэзэ, шъуипчъагъэ хигъахъозэ зэрэгушӀощтыгъэм фэдэу, шъуигъэкӀодэу, шъузэтыриукӀэ зыхъукӀэ, гушӀощт. Шъуиунэенэу шъуубытыщт чӀыгум лъэпсэкӀод шъущишӀыщт.
64Джащыгъум Зиусхьаным чӀыгум изы гъунэ щегъэжьагъэу адрэм нэсэу цӀыф лъэпкъ пстэумэ уащыхитэкъощт. Ори уятэжъхэми шъумышӀэщтыгъэхэ нэмыкӀ тхьэхэу пхъэмрэ мыжъомрэ ахэшӀыкӀыгъэхэм джащ шъхьащэ ащыфэшъушӀыщт. 65А цӀыф лъэпкъхэм уахэгупсэфыхьащтэп, лъэкъотегъэуцопӀэ гупсэф бгъотыщтэп. Зиусхьаным ащ угу щыпигъэсысыхьащт, гукӀаемкӀэ унэхэр ригъэгъукӀыщтых, упсэ уригъэджэгужьыщт. 66Упсэ ренэу урыджэгужьыщт, укъэнэжьыщтмэ умышӀэу, чэщи мафи щынэгъошхомрэ гумэкӀ зэпымыумрэ уахэтыщт. 67Щынэгъошхоу угу зэлъызыкӀущтымрэ унэхэмкӀэ плъэгъурэмрэ къахэкӀэу пчэдыжьырэ пӀощт: „А ей-гущ, мыр пчыхьагъэмэ!“, пчыхьэрэ: „А ей-гущ, мыр пчэдыжьыгъэмэ!“ 68Зиусхьаным Мысырым уигъэгъэзэжьыщт, ныбжьи умылъэгъужьыхэнэу зыфиӀогъэ гъогумкӀэ къухьэхэмкӀэ уаригъэщэжьыщт. Джащ шъо зэкӀэми, хъулъфыгъэхэми бзылъфыгъэхэми, шъуипыйхэм пщылӀэу зяшъущэнэу шъущыфежьэщт, ау зыгорэми шъуищэфыщтэп».
Currently Selected:
Хэбзэ тхыжьыгъэр 28: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 28
28
ЯтӀокӀэнэрэ ирэ шъхьэр
ДаӀорэм шӀоу къыдэхъущтхэр
1Мосэ израил лъэпкъым риӀуагъ: «Уи Зиусхьанэу Тхьэм уедэӀоу, непэ унашъоу къыпфэсшӀыхэрэр зэкӀэ дэх имыӀэу бгъэцакӀэмэ, уи Зиусхьанэу Тхьэм дунаим тет цӀыф лъэпкъ пстэуми уакъыхиӀэтыкӀыщт. 2Уи Зиусхьанэу Тхьэм уедэӀумэ, мы нэшӀущыфэныгъэхэр зэкӀэ уиӀэщт.
3АщыуиӀэщт нэшӀущыфэныгъэ къалэхэми губгъохэми.
4УиӀэщт нэшӀущыфэныгъэ бынэу къыпхэкӀыхэрэмкӀи, блэжьырэ чӀыгумкӀи, уибылымхэмкӀи, уицухэмкӀи, уимэл-пчэн ӀэхъогъухэмкӀи.
5ЯӀэщт нэшӀущыфэныгъэ уиматэхэми уилъэтэнылъэхэми.
6ЯӀэщт нэшӀущыфэныгъэ уикъэгъэзэжьыни уидэкӀыни.
7ЗыкъыппэзыӀэтырэ уипыйхэр Зиусхьаным уапашъхьэ щызэхигъэтэкъощтых. Ахэр зы гъогукӀэ къыокӀущтых, ау гъогуиблыкӀэ ашъхьэхэр Ӏуахыжьыщтых.
8Зиусхьаным ынэшӀу къащыфэщт уиконхэми зэкӀэ уиӀофхэми. Уи Зиусхьанэу Тхьэм ынэшӀу къыщыпщыфэщт уиунэенэу къыуитырэ чӀыгум.
9Уи Зиусхьанэу Тхьэм иунашъохэр бгъэцакӀэу, Ащ игъогухэм уатетмэ, гущыӀэ пытэ къызэрэбдишӀыгъэу, Зиусхьаным Ежь иунэе лъэпкъ лъапӀэу уишӀыщт. 10Джащыгъум дунаим тет цӀыф лъэпкъ пстэуми Зиусхьаным ыцӀэкӀэ къызэрэоджагъэхэр къалъэгъущт, къыпщыщынэхэуи хъущт. 11Зиусхьаным уиунэенэу уятэжъхэм гущыӀэ пытэ къызыфадишӀыгъэ чӀыгум шӀугъэ пстэури щыуигъэгъотыщт: уикӀалэхэми, уибылымхэми, блэжьырэ чӀыгуми. 12УичӀыгу игъом ощх къытыригъэщхэнэу, зэкӀэ пшӀэрэм ынэшӀу къызэращыфэнэу Зиусхьаным имылъку гъэтӀылъыпӀэу щыт уашъор къыпфызэӀуихыщт. ЦӀыф лъэпкъыбэмэ чӀыфэхэр яптыщт, ау о чӀыфэ къаӀыпхыщтэп. 13Зиусхьаным апшъэ уигъэуцущт нахь, ауж уишӀыщтэп, уахэӀэтыкӀыгъэщт нахь, ачӀэгъ ущыӀэщтэп, уи Зиусхьанэу Тхьэм иунашъохэу непэ къыуасӀохэрэр уафэсакъэу, уадэмыхэу бгъэцакӀэмэ, 14унашъоу непэ къыуасӀорэмэ ащыщ горэми джабгъумкӀи сэмэгумкӀи удэмыхымэ, нэмыкӀ тхьэхэм ауж уихьэу, бгъэлъапӀэхэу ахэм шъхьащэ афэмышӀымэ.
УмыдэӀоным къыкӀэлъыкӀощт бгыбзэхэр
15Ау уи Зиусхьанэу Тхьэм уемыдэӀоу, Ащ иунашъоу, ишапхъэу непэ къыуасӀохэрэр зэкӀэ уафэсакъэу умыгъэцакӀэхэ зыхъукӀэ, мы бгыбзэхэр къыптефэнхэшъ, ахэм уахэтыщт.
16Ащыптелъыщт бгыбзэр къалэхэми губгъохэми.
17Ателъыщт бгыбзэр уиматэхэми уилъэтэнылъэхэми.
18Птелъыщт бгыбзэр бынэу къыпхэкӀыхэрэмкӀи, блэжьырэ чӀыгумкӀи, уибылымхэмкӀи, уицухэмкӀи, уимэл-пчэн ӀэхъогъухэмкӀи.
19Ателъыщт бгыбзэр уикъэгъэзэжьыни уидэкӀыни.
20Зиусхьаныр къэубгынэу, Ащ узыбгъодэкӀыкӀэ, Ащ бгыбзэрэ гузэжъогъушхорэ къыпфигъэкӀощт, сыдрэ Ӏоф уфежьагъэми, омыкӀодыфэ пшӀэрэр къыбдигъэхъущтэп, джа бзэджагъэу пшӀагъэм пае псынкӀэу уигъэкӀодыпэщт. 21Уиунэенэу уубытытыщт чӀыгум Зиусхьаным утыремыгъэкӀодыкӀыпэфэ, емынэ шӀуцӀэр къыпфигъэкӀощт. 22Зиусхьаным жъэгъэузыр, плъыр-стыр узыр, техьагъу узыр, жъоркъыр, огъур, жьыбгъэ стырыр, лэжьыгъэр зыгъэкӀодырэ узыр къыпфигъэкӀощтых. УямыкӀодыпэфэ ахэм укъабгынэщтэп. 23Уашъхьагъ ит уашъор джэрзым, узытет чӀыгур гъучӀым афэдэ хъущтых. 24Зиусхьаным уихэгъэгу ощхым ычӀыпӀэ сапэр къыщыригъэтэкъохыщт, омыкӀодыпэфэ, сапэр уашъом къетэкъохыщт.
25Зиусхьаным пыйхэр къыптыригъэкӀощтых. Зы гъогукӀэ ахэм уякӀущт, ау гъогуиблыкӀэ ахэм пшъхьэ къакӀэлъырыпхыжьыщт, къыохъулӀагъэм дунаим тет цӀыф пстэумэ агучӀэ ригъэзыщт. 26ЗэкӀэ ошъогу бзыухэмрэ чӀыгум тет хьэкӀэ-къуакӀэхэмрэ уихьадэхэр ашхыжьыщтых, ахэр акӀэлъырызыфын гори щыӀэщтэп. 27Зиусхьаным мысыр щын узыр, бэгу узыр, кӀышъо уз бзаджэр, шъохъу-тӀэхъу узыр зыбгъэхъужьын умылъэкӀынэу къыпфигъэкӀощтых. 28Зиусхьаным зэкӀокӀыныгъэр къыпфигъэкӀощт, нэшъу уишӀыщт, пшъхьэ зэӀигъэхьащт. 29Мэфэ щэджагъом, шӀункӀым хэт нэшъум фэдэу, уӀэбэ-лъабэу узекӀощт. Узпылъ Ӏофхэр къыбдэхъущтхэп. Мафэ къэс къыптебанэхэзэ, уахъункӀэщт, зыгори къыбдеӀэщтэп. 30Шъуз къэпщэщт, ау нэмыкӀыр ащ кӀыгъущт, унэ пшӀыщт, ау ащ ущыпсэущтэп. Сэнашъхьэ бгъэтӀысыщт, ау къыпыкӀагъэр уугъоижьыщтэп. 31Уибыгъу плъэгъузэ аукӀыщт, ау ащ ыл щыщ пшхыщтэп. Уищыд птырахынышъ, къыуатыжьыщтэп. Уимэл-пчэнхэр уипыймэ аратыщтых, ау зыгори къыбдеӀэщтэп.
32Пкъохэмрэ ппхъухэмрэ нэмыкӀ лъэпкъ ратыщтых, ау зыгорэ пшӀэн пфэмылъэкӀэу, ахэр къэкӀожьынхэм мафэ къэс упаплъэзэ, унэхэр игъукӀыщтых. 33УичӀыгу къипхыжьырэ лэжьыгъэмрэ кӀуачӀэкӀэ зэбгъэгъотыгъэмрэ умышӀэщтыгъэ цӀыф лъэпкъым ышхыжьыщтых, о мафэ къэс уегъэзыгъэщт, хьэзаб уагъэщэчыщт. 34Плъэгъурэм пшъхьэ зэрифэкӀыщт. 35Зиусхьаным плъэгуанджэхэри, плъапшъэхэри щын уз Ӏаем зэлъыригъэкӀущтых, плъэгупашъомэ къащегъэжьагъэу пшъхьашыгу нэсэу зымыгъэхъужьышъунэу ащ узэлъыригъэубытыщт.
36Зиусхьаным ори уашъхьагъ итынэу тебгъэхьащт пачъыхьэми цӀыф лъэпкъэу ори уятэжъхэми шъумышӀэщтыгъэм гъэрэу шъуафаригъэщэщт. Пхъэмрэ мыжъомрэ ахэшӀыкӀыгъэ нэмыкӀ тхьэхэм джащ шъхьащэ ащыфэпшӀыщт. 37КъэбаркӀэ къызэфаӀотэжьырэ щысэ дэеу, Зиусхьаным зыдэжь уифыщт цӀыф лъэпкъ пстэуми агучӀэ ригъэзэу, урякӀэнэкӀалъэу ущытыщт.
38Чылапхъэ бэу чӀыгум хэплъхьащт, ау лэжьыгъэр мацӀэм ышхынышъ, уугъоижьыщтыр макӀэ. 39Сэнашъхьэр бгъэтӀысынышъ, удэлэжьэщт, ау ар хьамлыу шхафэ хъунышъ, уугъоижьыщтэп, санэми уешъощтэп. 40Узыщыпсэурэ чӀыпӀэм зэфэдэкӀэ зэйтын чъыгхэр къыщыкӀыщтых, ау къапыкӀагъэр къыпытэкъужьынышъ, дагъэ зыщыпфэщтэп. 41Къохэри пхъухэри къыпфэхъущтых, ау гъэрэу Ӏуащынхэшъ, къыпфэнэщтхэп. 42Уичъыгхэри уичӀыгу лэжьыгъэхэри мацӀэм ыгъэкӀодыщтых.
43Хымэ цӀыф лъэпкъ къыхэкӀыгъэу къыпхэсыр ощ нахь лъэрыхьэ хъу зэпытыщт, о нахьи нахь уекӀотэх зэпытыщт. 44Ащ о чӀыфэ къыуитыщт, ау о ащ чӀыфэ ептыщтэп. Ар сыдырэмкӀи уапэ итыщт, о ащ ыуж уитыщт.
45Джа бгыбзэхэр зэкӀэ къыпфэкӀощтых. Уи Зиусхьанэу Тхьэм иунашъохэмрэ ишапхъэхэмрэ бгъэцэкӀагъэхэпышъ, омыкӀодыпэфэ ахэм уахэтыщт, къыптефэщтых. 46А зэпстэур оркӀи къыпхэкӀыщтхэмкӀи егъэшӀэрэ гъэунэфыпӀэхэу, шӀэгъошӀагъэхэу щытыщт. 47ЗыщыуишӀугъом учэфэу, угушӀоу уи Зиусхьанэу Тхьэм уфэлэжьагъэпышъ, 48гъаблэм ухэтэу, упсыфалӀэу, упцӀанэу, усэдэкъэхэдз тхьамыкӀэу Зиусхьаным къыппэшӀуигъэкӀощт пыим уфэпщылӀыщт. Ащ уемыгъэкӀодыфэ гъучӀым хэшӀыкӀыгъэ бжьыр ппшъэ дигъэлъыщт.
49Зиусхьаным зыбзэ умышӀэрэ цӀыф лъэпкъыр чыжьэу, чӀыгум ыгъунэ, къырищынышъ, бгъэжъым фэдэу къыптыригъэбыбэщт. 50А цӀыф лъэпкъыр гукӀэгъунчъ, жъым шъхьэкӀэфэныгъэ фишӀырэп, кӀэлакӀэмэ шъхьас афыриӀэп. 51Ащ уемыгъэкӀодыфэ уибылымхэм къакӀахъори уигубгъомэ къарыпхыжьыри ышхыщт. УицӀыф лъэпкъ зэрэщытэу емыгъэкӀодыфэ лэжьыгъи, сэнэ кӀэфыгъакӀи, дагъи, уибылым, мэл-пчэн Ӏэхъогъухэм къакӀэхъощтхэри птырихыщтых. 52А цӀыф лъэпкъым уичӀыгу ит къалэхэр зэкӀэ къыдзыхьанхэшъ, о узыщыгугъырэ дэпкъ лъэгэ гъэпытагъэхэр зэхигъэтэкъощт. Уи Зиусхьанэу Тхьэм уиунэенэу къыуитырэ чӀыгум тыдэкӀи ит къалэхэр зэкӀэ ащ къыдзыхьэхэзэ ышӀыщт. 53Пыим укъызэридзыхьагъэм къыхэкӀэу къинышхо ухэтэу уисабыйхэр, уи Зиусхьанэу Тхьэм къыуитыгъэ пкъохэмрэ ппхъухэмрэ, пшхыжьыщтых. 54Уихъулъфыгъэхэм анахь гукӀэгъушӀыщтыгъэр, хьалэлыщтыгъэр ыши, ишъуз кӀаси, псэоу къэнэжьыгъэ исабыйхэми нэжъыкӀэ яплъыщт, 55илъфыгъэу ежь ышхыжьырэм щыщ ахэм аӀуигъэфэщтэп. Пыим укъызэридзыхьагъэм, зэкӀэ уикъалэхэм хэкӀыпӀэнчъэ тхьамыкӀагъом узэращыхигъэфагъэм, нэмыкӀ ышхын зэримыӀэм джары ащ ригъэшӀэщтыр. 56Уибзылъфыгъэхэм анахь гукӀэгъушӀыщтыгъэр, хьалэлыщтыгъэр, лъапцӀэу чӀыгум темыуцощтыгъэр илӀ кӀаси, ыкъуи, ыпхъуи нэжъыкӀэ яплъыщт, 57къыдэхыжьыщт лъфалъэри къыфэхъущт сабыйхэри гъэбылъыгъэкӀэ ежь ышхыжьыщтых. Пыим укъызэридзыхьагъэм, зэкӀэ уикъалэхэм хэкӀыпӀэнчъэ тхьамыкӀагъом узэращыхидзагъэм, нэмыкӀ ышхын зэримыӀэм джары ащ ригъэшӀэщтыр.
58Тхьэм мы и Хэбзэ тхыгъэ хэт гущыӀэхэр зэкӀэ уафэсакъызэ умыгъэцакӀэу, уи Зиусхьанэу Тхьэм ыцӀэу щытхъушхо зыпылъыр щынагъо фыуиӀэу умыгъэлъапӀэмэ, 59Зиусхьаным ори къыпхэкӀыщтхэми гуих тхьамыкӀэгъошхохэмрэ гъэхъужьыгъое уз хьылъэхэмрэ къышъуфигъэкӀощтых. 60Ащ узщыщынэщтыгъэ мысыр узхэр зэкӀэ къыпфигъэкӀонхэшъ, ахэр къыппыпкӀэщт. 61Тхьэм мы и Хэбзэ тхыгъэ хэмыт узхэри тхьамыкӀагъохэри Зиусхьаным уемыгъэкӀодыфэ къыпфигъэкӀощтых.
62Шъуи Зиусхьанэу Тхьэм шъуедэӀугъэпышъ, шъо, израил цӀыфхэу, ошъогу жъуагъохэм афэдэу бэ хъущтыгъэхэр, макӀэу шъукъэнэщт. 63Зиусхьаныр шӀур къышъуфишӀэзэ, шъуипчъагъэ хигъахъозэ зэрэгушӀощтыгъэм фэдэу, шъуигъэкӀодэу, шъузэтыриукӀэ зыхъукӀэ, гушӀощт. Шъуиунэенэу шъуубытыщт чӀыгум лъэпсэкӀод шъущишӀыщт.
64Джащыгъум Зиусхьаным чӀыгум изы гъунэ щегъэжьагъэу адрэм нэсэу цӀыф лъэпкъ пстэумэ уащыхитэкъощт. Ори уятэжъхэми шъумышӀэщтыгъэхэ нэмыкӀ тхьэхэу пхъэмрэ мыжъомрэ ахэшӀыкӀыгъэхэм джащ шъхьащэ ащыфэшъушӀыщт. 65А цӀыф лъэпкъхэм уахэгупсэфыхьащтэп, лъэкъотегъэуцопӀэ гупсэф бгъотыщтэп. Зиусхьаным ащ угу щыпигъэсысыхьащт, гукӀаемкӀэ унэхэр ригъэгъукӀыщтых, упсэ уригъэджэгужьыщт. 66Упсэ ренэу урыджэгужьыщт, укъэнэжьыщтмэ умышӀэу, чэщи мафи щынэгъошхомрэ гумэкӀ зэпымыумрэ уахэтыщт. 67Щынэгъошхоу угу зэлъызыкӀущтымрэ унэхэмкӀэ плъэгъурэмрэ къахэкӀэу пчэдыжьырэ пӀощт: „А ей-гущ, мыр пчыхьагъэмэ!“, пчыхьэрэ: „А ей-гущ, мыр пчэдыжьыгъэмэ!“ 68Зиусхьаным Мысырым уигъэгъэзэжьыщт, ныбжьи умылъэгъужьыхэнэу зыфиӀогъэ гъогумкӀэ къухьэхэмкӀэ уаригъэщэжьыщт. Джащ шъо зэкӀэми, хъулъфыгъэхэми бзылъфыгъэхэми, шъуипыйхэм пщылӀэу зяшъущэнэу шъущыфежьэщт, ау зыгорэми шъуищэфыщтэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023