Хэбзэ тхыжьыгъэр 10
10
ЯпшӀэнэрэ шъхьэр
Мосэ кӀэу мыжъобгъуитӀу зэригъэхьазырыгъэр
1Мосэ игущыӀэ лъигъэкӀуати къыӀуагъ: «Мэфэ тӀокӀитӀу зытешӀэм Зиусхьаным къысиӀуагъ: „Ыпэрэмэ афэдэу мыжъобгъуитӀу къыхэуӀучӀыкӀи Садэжь къушъхьэм къыдэкӀуай. ЕтӀани пхъонтэр пхъэм хэшӀыкӀ. 2Джа пкъутэгъэ мыжъобгъуитӀум атетыгъэ гущыӀэхэр къатестхэжьыщтых. ЕтӀанэ о ахэр пхъонтэрым дэплъхьажьыщтых“. 3Акацэ чъыгым пхъонтэр хэсшӀыкӀи, ыпэрэмэ афэдэу мыжъобгъуитӀу згъэхьазыри, ахэр сӀыгъэу къушъхьэм сыдэкӀоягъ. 4Зиусхьаным, ыпэрэм фэдэу, джа шъукъызщызэӀукӀэгъэгъэ мафэм къушъхьэр зыхэтыгъэ машӀом шъощ пае къыхиӀукӀыгъэ унэшъуипшӀыр а мыжъобгъуитӀум къатыритхагъ. Зиусхьаным а мыжъобгъуитӀур къыситыгъ. 5ЕтӀанэ къэзгъэзэжьи къушъхьэм сыкъехыжьыгъ, Зиусхьаным унашъо къызэрэсфишӀыгъэм тетэу сшӀыгъэ мыжъобгъуитӀур пхъонтэрым дэслъхьагъэх, джыдэдэми ахэр ащ дэлъых».
Хьарунэ зэрэлӀагъэмрэ лэуйхэм япшъэрылъхэмрэ
6Израил цӀыфхэм ЯӀакъан къытекӀыгъэ лъэпкъым ипсынэхэр къызэранэкӀхи, Мэзэр чӀыпӀэм нэс кӀуагъэх. Хьарунэ ащ щылӀи щагъэтӀылъыжьыгъ, ыкъоу ЕлыӀазар ятэ къурмэнышӀым иӀоф кӀэнэу къыфэнагъ. 7Ащ къыӀукӀыжьхи кӀохэзэ, Гъудгъод чӀыпӀэм нэсыгъэх, етӀанэ псыхъохэр бэу зыдэщыӀэ чӀыпӀэу Иотбат кӀуагъэх. 8А уахътэм Зиусхьаным Ежь дашӀыгъэ зэзэгъыныгъэр зытет мыжъобгъуитӀур зыдэлъ пхъонтэр лъапӀэр къырахьакӀынэу, Зиусхьаным ыпашъхьэ итынхэу, фэлэжьэнхэу, Ежь ыцӀэкӀэ цӀыфхэм афэлъэӀонхэу Лэуй ыкъохэр ахиушъхьафыкӀыгъэх. Джы къызнэсыгъэми ахэм джары зэрашӀырэр. 9Джары лэуйхэм адрэ лӀакъохэм афэдэу афыхахыгъэу яунэе чӀыгу Ӏахьи кӀэни зыкӀямыӀэр; шъуи Зиусхьанэу Тхьэм къызэрариӀуагъэм фэдэу, Зиусхьаныр ары ахэм яунэе Ӏахьэр.
10Мосэ етӀанэ къыӀуагъ: «Апэрэм фэдэу къушъхьэм чэщ-зымэфэ тӀокӀитӀо сыкъэтыгъ. Зиусхьаныр мызэгъогуми къысэдэӀуи, шъуигъэкӀодыным фыкӀэгъожьыгъ. 11„КӀо, – къысиӀуагъ Зиусхьаным, – ятэхэм къястынэу гущыӀэ пытэ зыфэсшӀыгъэ чӀыгур зэряунэенэу аубытыным пае, цӀыфхэр гъогум тещэх“.
Тхьэм щынагъо зэрэфыуиӀэщтыр
12Арышъ, израил лъэпкъыр, сыда шъуи Зиусхьанэу Тхьэр зыфаер шъуи Зиусхьанэу Тхьэм щынагъо фышъуиӀэу зэрэжъугъэлъэпӀэным, Ащ игъогухэм ренэу шъузэрарыкӀоным, Ар шӀу зэрэшъулъэгъуным, шъугурэ шъупсэрэкӀэ шъуфэщагъэу шъузэрэфэлэжьэным, 13шъуиӀофхэр зэрэдэгъунхэу Зиусхьаным иунашъохэу, ишапхъэхэу непэ шъузыфэзгъасэхэрэр зэрэжъугъэцэкӀэным анэмыкӀэу? 14Мары шъуи Зиусхьанэу Тхьэм ыӀэ илъых уашъори, ошъо къатхэри, чӀыгури, ащ тет пстэури. 15Ау щытми, Зиусхьаным шъуятэжъхэр шӀу ылъэгъухи, шъо, ахэм къахэкӀыгъэхэм, нэмыкӀ цӀыф лъэпкъ пстэуми шъукъахихыгъ, джы къызнэсыгъэми джары зэрэщытыр. 16Арышъ, шъугурэ шъупсэрэкӀэ зэрэщытэу Зиусхьаным зыфэжъугъаз#10:16 Ижъырэ джуртыбзэкӀэ тхыгъэ Ӏэпэрытхым зэрэхэтыр: «гум ыӀэпакӀэ пыупкӀыныр». Еплъ тхылъэу «УблапӀэ», 17:10-11., ащ нахьыбэри зышъумыгъэкъаигъ. 17Шъуи Зиусхьанэу Тхьэр – ар тхьэмэ я Тхьэжьэу, зиусхьанмэ я Зиусхьаныжьэу, Тхьэ инышхоу, кӀочӀэшхоу, щынэгъошхо зыфыряӀэу, зэфагъэ зыхэлъэу, шӀухьафтынхэр къаӀызымыхырэ Тхьэу щытба! 18Ар ибэхэмрэ шъузабэхэмрэ адэӀэпыӀэ, хымэ цӀыф лъэпкъмэ ащыщхэм афэгумэкӀы, ахэр егъашхэх, ефапэх. 19Шъори Мысыр хэгъэгум хэхэсэу шъуисыгъэшъ, хэхэсхэр шӀу зэжъугъэлъэгъу. 20Шъуи Зиусхьанэу Тхьэм щынагъо фышъуиӀэу жъугъэлъапӀэ, Ащ шъугукӀэ шъуепкӀылӀагъэу шъуфэлажь. Ащ шъуфэшъыпкъ, Ащ ыцӀэкӀэ тхьэлъанэ шъушӀы. 21Ащ шъущытхъуныр ифэшъуаш; Ар шъуи Тхьэу, шъуинэрылъэгъоу шъощ пае шӀэгъошӀэгъэшхохэмрэ шӀэгъошӀэгъэ щынагъохэмрэ зыгъэхъагъэр ары. 22Шъуятэжъхэу Мысырым ихьэгъагъэхэр нэбгырэ тӀокӀищырэ пшӀырэ хъущтыгъэх, джы шъуи Зиусхьанэу Тхьэм шъуигъэбэгъуагъ, ошъогу жъуагъохэм афэдэу бэ шъохъу».
Currently Selected:
Хэбзэ тхыжьыгъэр 10: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 10
10
ЯпшӀэнэрэ шъхьэр
Мосэ кӀэу мыжъобгъуитӀу зэригъэхьазырыгъэр
1Мосэ игущыӀэ лъигъэкӀуати къыӀуагъ: «Мэфэ тӀокӀитӀу зытешӀэм Зиусхьаным къысиӀуагъ: „Ыпэрэмэ афэдэу мыжъобгъуитӀу къыхэуӀучӀыкӀи Садэжь къушъхьэм къыдэкӀуай. ЕтӀани пхъонтэр пхъэм хэшӀыкӀ. 2Джа пкъутэгъэ мыжъобгъуитӀум атетыгъэ гущыӀэхэр къатестхэжьыщтых. ЕтӀанэ о ахэр пхъонтэрым дэплъхьажьыщтых“. 3Акацэ чъыгым пхъонтэр хэсшӀыкӀи, ыпэрэмэ афэдэу мыжъобгъуитӀу згъэхьазыри, ахэр сӀыгъэу къушъхьэм сыдэкӀоягъ. 4Зиусхьаным, ыпэрэм фэдэу, джа шъукъызщызэӀукӀэгъэгъэ мафэм къушъхьэр зыхэтыгъэ машӀом шъощ пае къыхиӀукӀыгъэ унэшъуипшӀыр а мыжъобгъуитӀум къатыритхагъ. Зиусхьаным а мыжъобгъуитӀур къыситыгъ. 5ЕтӀанэ къэзгъэзэжьи къушъхьэм сыкъехыжьыгъ, Зиусхьаным унашъо къызэрэсфишӀыгъэм тетэу сшӀыгъэ мыжъобгъуитӀур пхъонтэрым дэслъхьагъэх, джыдэдэми ахэр ащ дэлъых».
Хьарунэ зэрэлӀагъэмрэ лэуйхэм япшъэрылъхэмрэ
6Израил цӀыфхэм ЯӀакъан къытекӀыгъэ лъэпкъым ипсынэхэр къызэранэкӀхи, Мэзэр чӀыпӀэм нэс кӀуагъэх. Хьарунэ ащ щылӀи щагъэтӀылъыжьыгъ, ыкъоу ЕлыӀазар ятэ къурмэнышӀым иӀоф кӀэнэу къыфэнагъ. 7Ащ къыӀукӀыжьхи кӀохэзэ, Гъудгъод чӀыпӀэм нэсыгъэх, етӀанэ псыхъохэр бэу зыдэщыӀэ чӀыпӀэу Иотбат кӀуагъэх. 8А уахътэм Зиусхьаным Ежь дашӀыгъэ зэзэгъыныгъэр зытет мыжъобгъуитӀур зыдэлъ пхъонтэр лъапӀэр къырахьакӀынэу, Зиусхьаным ыпашъхьэ итынхэу, фэлэжьэнхэу, Ежь ыцӀэкӀэ цӀыфхэм афэлъэӀонхэу Лэуй ыкъохэр ахиушъхьафыкӀыгъэх. Джы къызнэсыгъэми ахэм джары зэрашӀырэр. 9Джары лэуйхэм адрэ лӀакъохэм афэдэу афыхахыгъэу яунэе чӀыгу Ӏахьи кӀэни зыкӀямыӀэр; шъуи Зиусхьанэу Тхьэм къызэрариӀуагъэм фэдэу, Зиусхьаныр ары ахэм яунэе Ӏахьэр.
10Мосэ етӀанэ къыӀуагъ: «Апэрэм фэдэу къушъхьэм чэщ-зымэфэ тӀокӀитӀо сыкъэтыгъ. Зиусхьаныр мызэгъогуми къысэдэӀуи, шъуигъэкӀодыным фыкӀэгъожьыгъ. 11„КӀо, – къысиӀуагъ Зиусхьаным, – ятэхэм къястынэу гущыӀэ пытэ зыфэсшӀыгъэ чӀыгур зэряунэенэу аубытыным пае, цӀыфхэр гъогум тещэх“.
Тхьэм щынагъо зэрэфыуиӀэщтыр
12Арышъ, израил лъэпкъыр, сыда шъуи Зиусхьанэу Тхьэр зыфаер шъуи Зиусхьанэу Тхьэм щынагъо фышъуиӀэу зэрэжъугъэлъэпӀэным, Ащ игъогухэм ренэу шъузэрарыкӀоным, Ар шӀу зэрэшъулъэгъуным, шъугурэ шъупсэрэкӀэ шъуфэщагъэу шъузэрэфэлэжьэным, 13шъуиӀофхэр зэрэдэгъунхэу Зиусхьаным иунашъохэу, ишапхъэхэу непэ шъузыфэзгъасэхэрэр зэрэжъугъэцэкӀэным анэмыкӀэу? 14Мары шъуи Зиусхьанэу Тхьэм ыӀэ илъых уашъори, ошъо къатхэри, чӀыгури, ащ тет пстэури. 15Ау щытми, Зиусхьаным шъуятэжъхэр шӀу ылъэгъухи, шъо, ахэм къахэкӀыгъэхэм, нэмыкӀ цӀыф лъэпкъ пстэуми шъукъахихыгъ, джы къызнэсыгъэми джары зэрэщытыр. 16Арышъ, шъугурэ шъупсэрэкӀэ зэрэщытэу Зиусхьаным зыфэжъугъаз#10:16 Ижъырэ джуртыбзэкӀэ тхыгъэ Ӏэпэрытхым зэрэхэтыр: «гум ыӀэпакӀэ пыупкӀыныр». Еплъ тхылъэу «УблапӀэ», 17:10-11., ащ нахьыбэри зышъумыгъэкъаигъ. 17Шъуи Зиусхьанэу Тхьэр – ар тхьэмэ я Тхьэжьэу, зиусхьанмэ я Зиусхьаныжьэу, Тхьэ инышхоу, кӀочӀэшхоу, щынэгъошхо зыфыряӀэу, зэфагъэ зыхэлъэу, шӀухьафтынхэр къаӀызымыхырэ Тхьэу щытба! 18Ар ибэхэмрэ шъузабэхэмрэ адэӀэпыӀэ, хымэ цӀыф лъэпкъмэ ащыщхэм афэгумэкӀы, ахэр егъашхэх, ефапэх. 19Шъори Мысыр хэгъэгум хэхэсэу шъуисыгъэшъ, хэхэсхэр шӀу зэжъугъэлъэгъу. 20Шъуи Зиусхьанэу Тхьэм щынагъо фышъуиӀэу жъугъэлъапӀэ, Ащ шъугукӀэ шъуепкӀылӀагъэу шъуфэлажь. Ащ шъуфэшъыпкъ, Ащ ыцӀэкӀэ тхьэлъанэ шъушӀы. 21Ащ шъущытхъуныр ифэшъуаш; Ар шъуи Тхьэу, шъуинэрылъэгъоу шъощ пае шӀэгъошӀэгъэшхохэмрэ шӀэгъошӀэгъэ щынагъохэмрэ зыгъэхъагъэр ары. 22Шъуятэжъхэу Мысырым ихьэгъагъэхэр нэбгырэ тӀокӀищырэ пшӀырэ хъущтыгъэх, джы шъуи Зиусхьанэу Тхьэм шъуигъэбэгъуагъ, ошъогу жъуагъохэм афэдэу бэ шъохъу».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023