ЯтӀонэрэ Самуел 2
2
ЯтӀонэрэ шъхьэр
Даут Ехъудэм ипачъыхьэ зэрэхъугъэр
1А зэпстэумэ ауж Даут Зиусхьаным еупчӀыгъ: «Ехъуд хэкум икъалэмэ ащыщ горэм сыкӀомэ хъущта?» Зиусхьаным ащ къыриӀожьыгъ: «КӀо». Даут къыӀуагъ: «Тыда сыздэкӀощтыр?» Ащ къыриӀожьыгъ: «Хъэурэн». 2Арти ишъузитӀуи, ИзрыӀэлым щыщ АхъынэӀамрэ чӀыпӀэу Къармэл щыщ Нэбал игощагъэу, шъузабэу къэнэгъэ Абигаилрэ игъусэхэу Даут ащ кӀуагъэ. 3Игъусэхэри хэт иунагъуи кӀыгъоу къакӀохи, Хъэурэнрэ ащ къыпэблэгъэ къалэхэмрэ адэтӀысхьагъэх. 4Ехъуд лӀыхэр къызэӀукӀэхи, ехъуд лъэпкъым ипачъыхьанэу Даут дагъэ щафагъ. ГилыӀадым ит къалэу Яощ щыщ лӀыхэм Саул зэрагъэтӀылъыжьыгъэм икъэбар Даут къыфахьыгъ. 5Арти ГъылыӀадым ит къалэу Яощ дэсхэм адэжь лӀыкӀохэр ыгъакӀохи, Даут ахэм араригъэӀуагъ: «Шъуизиусхьанщтыгъэу Саул гукӀэгъу фэшъушӀи зэрэжъугъэтӀылъыжьыгъэм пае Зиусхьаным ынэшӀу къышъущэф, 6джы Зиусхьаныр шъоркӀэ гукӀэгъушӀэу, къышъуфэшъыпкъэу, ыпэкӀэ къызэрэшъуфыщытыгъэм фэдэу къэрэнэжь, сэри шъуизекӀуакӀэ ипэгъокӀ шӀуфашӀэ къышъоспэсыжьын; 7джы зыжъугъэпыт, лӀыгъэ къызхэжъугъаф, сыда пӀомэ шъуизиусхьанэу Саул щыӀэжьэп, сэ ехъуд лъэпкъым сырипачъыхьэнэу дагъэ сшъхьэ къыщафагъ».
Ищбощэт Израилым ипачъыхьэ зэрэхъугъэр
8Ау Нэр ыкъо, Саул идзэпащэу Абинэр, Саул икӀалэу Ищбощэт къызэригъэгъуси, Мэхъэнэим къыщагъ. 9ЕтӀанэ зэрэ-Израилэу ипачъыхьанэу тыригъэхьагъ. ЧӀыпӀэхэу ГъылыӀадыр, Ашыурыр, ИзрыӀэлыр, ефраим, бынямин лъэпкъхэр а пачъыхьагъум къыхиубытэщтыгъэх. 10Саул ыкъо Ищбощэт Израилым ипачъыхьанэу зытехьэм илъэс тӀокӀитӀу ыныбжьыгъэр, пачъыхьагъум зэрэтетыгъэр илъэситӀу. Даут игъусагъэр ехъуд лъэпкъыр ары. 11Ехъуд лъэпкъым ипачъыхьэу Даут зэпстэумкӀи Хъэурэн зэрэдэсыгъэр илъэсиблрэ мэзихрэ.
Саулрэ Даутрэ ялӀакъохэр зэрэзэшӀонагъэхэр
12Нэр ыкъо Абинэр, Саул ыкъо Ищбощэт идзэкӀолӀхэр зэгъусэхэу Мэхъэнэим къикӀхи ГъыбӀон къалэм къэкӀуагъэх. 13Цырыуй икӀалэу Иоаб Даут идзэкӀолӀхэр кӀыгъухэу ахэм апэуцужьынхэу къежьэхи, ГъыбӀон псыуцупӀэм дэжь щызэӀукӀагъэх. Зы купыр зы нэпкъым къыщыуцугъ, ятӀонэрэ купым адрэ нэпкъыр уцупӀэкӀэ къыхихыгъ. 14Ащ ыуж Абинэр Иоаб риӀуагъ: «КӀэлэ заулэ къыхэрэкӀи, тапашъхьэ щызэрэзаох». Иоаб къыриӀожьыгъ: «КъыхэрэкӀых». 15Арти бгъуитӀумкӀи дзэкӀолӀ заулэ къахэкӀотыгъ, Саул ыкъо Ищбощэт игъусэмэ быняминэу нэбгырэ пшӀыкӀутӀу, Даут игъусэхэми джащ фэдиз къызхагъэкӀыгъ. 16Ахэр зэжэхэбанэхи, ашъхьэхэр шӀозэрэубытыкӀхэмэ, чатэхэмкӀэ зэхэпыджэжьхэмэ зэрэукӀыжьхэзэ, а чӀыпӀэм щыхэзэрэгъэфагъэх. Ащ пае а чӀыпӀэм ГъыбӀон дэжь щыӀэ Хъэлкъат-ХаццуримкӀэ, Чатэмэ яшъофкӀэ еджагъэх. 17А мафэм зэо пхъашэ щыӀагъ, Даут идзэкӀолӀхэр Абинэррэ темыр Израилым щыщ дзэкӀолӀэу ащ игъусагъэхэмрэ атекӀуагъэх.
18Цырыуй ыкъуищи: Иоаби, Абищаи, Ӏасаели ахэм ахэтыгъэх. Ӏасаел къушъхьэпчэн Ӏэлым фэдэу лъэпсынкӀэу щытыгъ. 19Арти Ӏасаел Абинэр рифыжьи, илъэужхэм занкӀэу атетэу, кӀэкӀэу ыуж ихьагъ. 20Чъэхэзэ Абинэр къызэплъэкӀи къеупчӀыгъ: «Ора ар, Ӏасаел?» Мыдрэм ащ риӀожьыгъ: «Сэры». 21Абинэр ащ къыриӀуагъ: «Сэ сауж икӀи, дзэкӀолӀ ныбжьыкӀэмэ ащыщ горэм ыуж ихьи, иӀэшэ-шъуашэхэр къыпыхых». Ау Ӏасаел ащ ыуж икӀыгъэп. 22Джыри икӀэрыкӀэу Абинэр Ӏасаел къыриӀуагъ: «Сауж икӀ, сыд пае усэонышъ, ухэзгъэфэн фая? Пшэу Иоаб ыпашъхьэ етӀанэ сыдэущтэу сихьажьыщта?» 23Адрэр ыуж икӀынэу фэягъэпти, Абинэр зыкъызэригъэзэкӀи пчыпыджынымкӀэ ыныбэ къыхэпыджагъ; пчыпыджыныр пхырыкӀыпи, ащ дэжьым ар къыщызэхафи, а чӀыпӀэм ыпсэ щыхэкӀыгъ. ЫужкӀэ Ӏасаел зыщыфэхыгъэу, ыпсэ зыщыхэкӀыгъэ чӀыпӀэм блэкӀырэ пстэури къыщызэтеуцощтыгъэх.
24Ау Иоабрэ Абищайрэ Абинэр лъежьагъэх. Ыуж итэу кӀохэзэ, ГъыбӀон шъофнэкӀым екӀурэ гъогур Ӏуашъхьэу Гъыяхъ зыщебгъукӀорэм дэжь пэчӀынэтӀэ Ӏуашъхьэу Аммэ зынэсхэм, тыгъэр къохьэгъэхагъ. 25Арти быняминхэр Абинэр купэу къезэрэугъоилӀэхи, зэонхэу загъэхьазыри, Ӏуашъхьэ горэм ышыгу зыщагъэпытагъ. 26ЕтӀанэ Абинэр Иоаб къеджи къыриӀуагъ: «Икъущтба чатэкӀэ лъэу дгъэчъагъэр? Хьауми заом тхьамыкӀагъо къызэрэздихьырэм ущыгъуазэба? Акъошхэм ащ нахьыбэрэ ямызэожьынхэу уицӀыфхэм ямыӀоу джыри бэ тебгъэшӀэщта?» 27Иоаб ащ къыриӀожьыгъ: «Тхьэр зэрэщыӀэр сэӀо! Ар джы къэмыӀогъагъэмэ, цӀыфхэм пчэдыжь нэс акъошхэм ялъэуж афыщтыгъэ». 28Ащ ыуж Иоаб гъоупщынэм къызепщэм, дзэкӀолӀхэр зэкӀэ къызэтеуцуагъэх, ащ нахьыбэри израил цӀыфхэм ауж итыжьыгъэхэп; заор щагъэтыжьыгъ.
29Абинэррэ игъусэгъэ дзэкӀолӀхэмрэ а чэщым ренэу Иордан кӀэим рыкӀуагъэх, етӀанэ Иордан зэпырыкӀхи, пчэдыжьым къыщегъэжьагъэу щэджагъом нэс гъогу тетыгъэхэ нэуж Мэхъэнэим нэсыгъэх. 30Иоаб Абинэр ыуж икӀыжьи къэуцужьыгъ, дзэкӀолӀхэр зэкӀэ къызызэӀуегъакӀэхэм, Даут идзэкӀолӀмэ Ӏасаел нэмыкӀэу нэбгырэ пшӀыкӀубгъу ахэтыжьыгъэп. 31Даут идзэкӀолӀхэм быняминхэри Абинэр игъусагъэмэ ащыщхэри нэбгырэ шъищрэ тӀокӀищрэ хъоу зэхаукӀагъэх. 32ЕтӀанэ Ӏасаел ятэ зыщагъэтӀылъыжьыгъэ чӀыпӀэу Бэтлэхъэм дэтым щагъэтӀылъыжьыгъ. Иоабрэ игъусэ дзэкӀолӀхэмрэ чэщ ренэм кӀохи, нэфшъагъом Хъэурэн нэсыгъэх.
Currently Selected:
ЯтӀонэрэ Самуел 2: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
ЯтӀонэрэ Самуел 2
2
ЯтӀонэрэ шъхьэр
Даут Ехъудэм ипачъыхьэ зэрэхъугъэр
1А зэпстэумэ ауж Даут Зиусхьаным еупчӀыгъ: «Ехъуд хэкум икъалэмэ ащыщ горэм сыкӀомэ хъущта?» Зиусхьаным ащ къыриӀожьыгъ: «КӀо». Даут къыӀуагъ: «Тыда сыздэкӀощтыр?» Ащ къыриӀожьыгъ: «Хъэурэн». 2Арти ишъузитӀуи, ИзрыӀэлым щыщ АхъынэӀамрэ чӀыпӀэу Къармэл щыщ Нэбал игощагъэу, шъузабэу къэнэгъэ Абигаилрэ игъусэхэу Даут ащ кӀуагъэ. 3Игъусэхэри хэт иунагъуи кӀыгъоу къакӀохи, Хъэурэнрэ ащ къыпэблэгъэ къалэхэмрэ адэтӀысхьагъэх. 4Ехъуд лӀыхэр къызэӀукӀэхи, ехъуд лъэпкъым ипачъыхьанэу Даут дагъэ щафагъ. ГилыӀадым ит къалэу Яощ щыщ лӀыхэм Саул зэрагъэтӀылъыжьыгъэм икъэбар Даут къыфахьыгъ. 5Арти ГъылыӀадым ит къалэу Яощ дэсхэм адэжь лӀыкӀохэр ыгъакӀохи, Даут ахэм араригъэӀуагъ: «Шъуизиусхьанщтыгъэу Саул гукӀэгъу фэшъушӀи зэрэжъугъэтӀылъыжьыгъэм пае Зиусхьаным ынэшӀу къышъущэф, 6джы Зиусхьаныр шъоркӀэ гукӀэгъушӀэу, къышъуфэшъыпкъэу, ыпэкӀэ къызэрэшъуфыщытыгъэм фэдэу къэрэнэжь, сэри шъуизекӀуакӀэ ипэгъокӀ шӀуфашӀэ къышъоспэсыжьын; 7джы зыжъугъэпыт, лӀыгъэ къызхэжъугъаф, сыда пӀомэ шъуизиусхьанэу Саул щыӀэжьэп, сэ ехъуд лъэпкъым сырипачъыхьэнэу дагъэ сшъхьэ къыщафагъ».
Ищбощэт Израилым ипачъыхьэ зэрэхъугъэр
8Ау Нэр ыкъо, Саул идзэпащэу Абинэр, Саул икӀалэу Ищбощэт къызэригъэгъуси, Мэхъэнэим къыщагъ. 9ЕтӀанэ зэрэ-Израилэу ипачъыхьанэу тыригъэхьагъ. ЧӀыпӀэхэу ГъылыӀадыр, Ашыурыр, ИзрыӀэлыр, ефраим, бынямин лъэпкъхэр а пачъыхьагъум къыхиубытэщтыгъэх. 10Саул ыкъо Ищбощэт Израилым ипачъыхьанэу зытехьэм илъэс тӀокӀитӀу ыныбжьыгъэр, пачъыхьагъум зэрэтетыгъэр илъэситӀу. Даут игъусагъэр ехъуд лъэпкъыр ары. 11Ехъуд лъэпкъым ипачъыхьэу Даут зэпстэумкӀи Хъэурэн зэрэдэсыгъэр илъэсиблрэ мэзихрэ.
Саулрэ Даутрэ ялӀакъохэр зэрэзэшӀонагъэхэр
12Нэр ыкъо Абинэр, Саул ыкъо Ищбощэт идзэкӀолӀхэр зэгъусэхэу Мэхъэнэим къикӀхи ГъыбӀон къалэм къэкӀуагъэх. 13Цырыуй икӀалэу Иоаб Даут идзэкӀолӀхэр кӀыгъухэу ахэм апэуцужьынхэу къежьэхи, ГъыбӀон псыуцупӀэм дэжь щызэӀукӀагъэх. Зы купыр зы нэпкъым къыщыуцугъ, ятӀонэрэ купым адрэ нэпкъыр уцупӀэкӀэ къыхихыгъ. 14Ащ ыуж Абинэр Иоаб риӀуагъ: «КӀэлэ заулэ къыхэрэкӀи, тапашъхьэ щызэрэзаох». Иоаб къыриӀожьыгъ: «КъыхэрэкӀых». 15Арти бгъуитӀумкӀи дзэкӀолӀ заулэ къахэкӀотыгъ, Саул ыкъо Ищбощэт игъусэмэ быняминэу нэбгырэ пшӀыкӀутӀу, Даут игъусэхэми джащ фэдиз къызхагъэкӀыгъ. 16Ахэр зэжэхэбанэхи, ашъхьэхэр шӀозэрэубытыкӀхэмэ, чатэхэмкӀэ зэхэпыджэжьхэмэ зэрэукӀыжьхэзэ, а чӀыпӀэм щыхэзэрэгъэфагъэх. Ащ пае а чӀыпӀэм ГъыбӀон дэжь щыӀэ Хъэлкъат-ХаццуримкӀэ, Чатэмэ яшъофкӀэ еджагъэх. 17А мафэм зэо пхъашэ щыӀагъ, Даут идзэкӀолӀхэр Абинэррэ темыр Израилым щыщ дзэкӀолӀэу ащ игъусагъэхэмрэ атекӀуагъэх.
18Цырыуй ыкъуищи: Иоаби, Абищаи, Ӏасаели ахэм ахэтыгъэх. Ӏасаел къушъхьэпчэн Ӏэлым фэдэу лъэпсынкӀэу щытыгъ. 19Арти Ӏасаел Абинэр рифыжьи, илъэужхэм занкӀэу атетэу, кӀэкӀэу ыуж ихьагъ. 20Чъэхэзэ Абинэр къызэплъэкӀи къеупчӀыгъ: «Ора ар, Ӏасаел?» Мыдрэм ащ риӀожьыгъ: «Сэры». 21Абинэр ащ къыриӀуагъ: «Сэ сауж икӀи, дзэкӀолӀ ныбжьыкӀэмэ ащыщ горэм ыуж ихьи, иӀэшэ-шъуашэхэр къыпыхых». Ау Ӏасаел ащ ыуж икӀыгъэп. 22Джыри икӀэрыкӀэу Абинэр Ӏасаел къыриӀуагъ: «Сауж икӀ, сыд пае усэонышъ, ухэзгъэфэн фая? Пшэу Иоаб ыпашъхьэ етӀанэ сыдэущтэу сихьажьыщта?» 23Адрэр ыуж икӀынэу фэягъэпти, Абинэр зыкъызэригъэзэкӀи пчыпыджынымкӀэ ыныбэ къыхэпыджагъ; пчыпыджыныр пхырыкӀыпи, ащ дэжьым ар къыщызэхафи, а чӀыпӀэм ыпсэ щыхэкӀыгъ. ЫужкӀэ Ӏасаел зыщыфэхыгъэу, ыпсэ зыщыхэкӀыгъэ чӀыпӀэм блэкӀырэ пстэури къыщызэтеуцощтыгъэх.
24Ау Иоабрэ Абищайрэ Абинэр лъежьагъэх. Ыуж итэу кӀохэзэ, ГъыбӀон шъофнэкӀым екӀурэ гъогур Ӏуашъхьэу Гъыяхъ зыщебгъукӀорэм дэжь пэчӀынэтӀэ Ӏуашъхьэу Аммэ зынэсхэм, тыгъэр къохьэгъэхагъ. 25Арти быняминхэр Абинэр купэу къезэрэугъоилӀэхи, зэонхэу загъэхьазыри, Ӏуашъхьэ горэм ышыгу зыщагъэпытагъ. 26ЕтӀанэ Абинэр Иоаб къеджи къыриӀуагъ: «Икъущтба чатэкӀэ лъэу дгъэчъагъэр? Хьауми заом тхьамыкӀагъо къызэрэздихьырэм ущыгъуазэба? Акъошхэм ащ нахьыбэрэ ямызэожьынхэу уицӀыфхэм ямыӀоу джыри бэ тебгъэшӀэщта?» 27Иоаб ащ къыриӀожьыгъ: «Тхьэр зэрэщыӀэр сэӀо! Ар джы къэмыӀогъагъэмэ, цӀыфхэм пчэдыжь нэс акъошхэм ялъэуж афыщтыгъэ». 28Ащ ыуж Иоаб гъоупщынэм къызепщэм, дзэкӀолӀхэр зэкӀэ къызэтеуцуагъэх, ащ нахьыбэри израил цӀыфхэм ауж итыжьыгъэхэп; заор щагъэтыжьыгъ.
29Абинэррэ игъусэгъэ дзэкӀолӀхэмрэ а чэщым ренэу Иордан кӀэим рыкӀуагъэх, етӀанэ Иордан зэпырыкӀхи, пчэдыжьым къыщегъэжьагъэу щэджагъом нэс гъогу тетыгъэхэ нэуж Мэхъэнэим нэсыгъэх. 30Иоаб Абинэр ыуж икӀыжьи къэуцужьыгъ, дзэкӀолӀхэр зэкӀэ къызызэӀуегъакӀэхэм, Даут идзэкӀолӀмэ Ӏасаел нэмыкӀэу нэбгырэ пшӀыкӀубгъу ахэтыжьыгъэп. 31Даут идзэкӀолӀхэм быняминхэри Абинэр игъусагъэмэ ащыщхэри нэбгырэ шъищрэ тӀокӀищрэ хъоу зэхаукӀагъэх. 32ЕтӀанэ Ӏасаел ятэ зыщагъэтӀылъыжьыгъэ чӀыпӀэу Бэтлэхъэм дэтым щагъэтӀылъыжьыгъ. Иоабрэ игъусэ дзэкӀолӀхэмрэ чэщ ренэм кӀохи, нэфшъагъом Хъэурэн нэсыгъэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023