Апэрэ Самуел 8
8
Яенэрэ шъхьэр
Пачъыхьэр къафытырагъэхьаным цӀыфхэр зэрэфэягъэхэр
1Самуел жъы зэхъум икӀалэхэр Израилым хьыкум щашӀынэу тыригъэхьагъэх. 2ИкӀэлэ нахьыжъ ыцӀагъэр Иоел, ятӀонэрэ кӀалэм ыцӀагъэр Абие; ахэр БэрщэбаӀ ихьыкумышӀщтыгъэх. 3Ары шъхьае кӀалэхэр тым игъогу рыкӀощтыгъэхэп, мылъкум зыдырагъэхьыхыгъэу, къуалъхьэхэр къаӀахыщтыгъэх, шъыпкъэм тетэу хьыкум ашӀщтыгъэп.
4Арти Израилым инахьыжъ упчӀэжьэгъухэр зэкӀэ къэзэрэугъойхи Самуел дэжь, Рамэ, къакӀохи 5къыраӀуагъ: «Мары жъы ухъугъ, ау уикӀалэхэр уигъогу тетхэп; адрэ лъэпкъхэм афэдэу, типэщэнэу пачъыхьэ къытфытегъахь». 6«Типэщэнэу пачъыхьэ къытфытегъахь» къызэрэраӀуагъэр ыгу рихьыгъэпти, Самуел Зиусхьаным елъэӀугъ. 7Зиусхьаным Самуел къыриӀуагъ: «ЦӀыфмэ къыуаӀорэ пстэуми едэӀу, сыда пӀомэ щагъэзыерэр сэры нахь орэп, сыряпачъыхьэным ахэр фаехэп; 8Мысырым къызщисщыжьыгъэхэ мафэм къыщегъэжьагъэу непэ къызнэсыгъэми джары ахэр зэрэзекӀохэрэр, сэ сыкъабгынэти нэмыкӀ тхьэхэм ялъэӀущтыгъэх, ори джащ фэдэу къыбдэзекӀох. 9Арышъ, ахэм къаӀорэм едэӀу, ау пачъыхьэ яӀэ зыхъукӀэ, яӀэшъхьэтет фитныгъэу иӀэщтхэр зыфэдэхэри агурыгъаӀу».
10Арти, Самуел пачъыхьэ афытыригъэхьанэу къелъэӀурэ цӀыфхэм Зиусхьаным игущыӀэхэр зэкӀэ ариӀожьи, 11къыӀуагъ: «Пащэу шъуиӀэщт пачъыхьэм ифитныгъэхэр мыщ фэдэщтых: шъуикӀалэхэр ыштэнхэшъ, зэоным фытегъэпсыхьэгъэ кухэм алъыплъэнхэу ыгъэнэфэщтых, адрэхэр ишыухэм ахигъэхьащтых, нэмыкӀхэри ику зэкӀэшӀагъэмэ апэ итхэу чъэщтых; 12зыгорэхэр нэбгырэ мин, нэбгырэ шъэныкъо хъурэ дзэ купхэм яӀэшъхьэтетыщтых; адрэхэм игубгъохэр алэжьыщтых, илэжьыгъэхэр Ӏуахыжьыщтых, Ӏэшэ-шъуашэхэмрэ зэоным фытегъэпсыхьэгъэ кухэм ящыкӀэгъэщтхэмрэ ашӀыщтых, 13шъупхъухэри ащ ыштэщтых мэ ӀэшӀухэр зыпихырэ щыфэн зэхэлъхэр агъэхьазырынхэм, пщэрыхьанхэм, хьалыгъу агъэжъэным пае; 14шъуилэжьыгъэшӀэпӀэ, шъуисэнэшъхьэлэжьыпӀэ, зэйтыншӀэпӀэ анахь дэгъухэри ащ ыштэнхэшъ, иунэӀутхэм аритыщтых; 15лэжьыгъэу хэшъулъхьагъэмрэ сэнашъхьэу шъулэжьырэмрэ азыпшӀани пичынышъ, ичырэхэмрэ иунэӀутхэмрэ аритыщтых; 16шъуипщылӀ хъулъфыгъэхэри, бзылъфыгъэхэри, шъуичэм нахь лъэпкъышӀухэри шъуищыдхэри шъуӀихынхэшъ, ежь ышъхьэ иӀофхэм апае къызфигъэфедэщтых; 17шъуимэл-пчэнхэм азыпшӀани ыштэщт, шъори ащ шъуриунэӀутыщт; 18етӀанэ шъор-шъорэу къыхэшъухыгъэ пачъыхьэм шъукъыгъэтхьаусыхэу Зиусхьаным шъузелъэӀукӀэ, зыпари къышъуфишӀэжьыщтэп».
19Самуел ариӀуагъэм цӀыфхэр къедэӀунхэу фэягъэхэп: «Хьау, – аӀуагъ, – пачъыхьэм тыфай, 20адрэ лъэпкъхэм тэри тафэдэщт: типачъыхьэ типэщэщт, тапашъхьэ итыщт, заоу ятшӀылӀэщтхэмкӀи пащэу тиӀэщт». 21Самуел цӀыфмэ къаӀорэ пстэуми едэӀуи, зэхихыгъэр Зиусхьаным фиӀотэжьыгъ. 22Зиусхьаным Самуел къыриӀуагъ: «Зэрэфаехэу пачъыхьэр афытегъахь». Ащ ыуж Самуел израил цӀыфхэм ариӀуагъ: «Джы шъхьадж икъалэ орэкӀожь».
Currently Selected:
Апэрэ Самуел 8: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 8
8
Яенэрэ шъхьэр
Пачъыхьэр къафытырагъэхьаным цӀыфхэр зэрэфэягъэхэр
1Самуел жъы зэхъум икӀалэхэр Израилым хьыкум щашӀынэу тыригъэхьагъэх. 2ИкӀэлэ нахьыжъ ыцӀагъэр Иоел, ятӀонэрэ кӀалэм ыцӀагъэр Абие; ахэр БэрщэбаӀ ихьыкумышӀщтыгъэх. 3Ары шъхьае кӀалэхэр тым игъогу рыкӀощтыгъэхэп, мылъкум зыдырагъэхьыхыгъэу, къуалъхьэхэр къаӀахыщтыгъэх, шъыпкъэм тетэу хьыкум ашӀщтыгъэп.
4Арти Израилым инахьыжъ упчӀэжьэгъухэр зэкӀэ къэзэрэугъойхи Самуел дэжь, Рамэ, къакӀохи 5къыраӀуагъ: «Мары жъы ухъугъ, ау уикӀалэхэр уигъогу тетхэп; адрэ лъэпкъхэм афэдэу, типэщэнэу пачъыхьэ къытфытегъахь». 6«Типэщэнэу пачъыхьэ къытфытегъахь» къызэрэраӀуагъэр ыгу рихьыгъэпти, Самуел Зиусхьаным елъэӀугъ. 7Зиусхьаным Самуел къыриӀуагъ: «ЦӀыфмэ къыуаӀорэ пстэуми едэӀу, сыда пӀомэ щагъэзыерэр сэры нахь орэп, сыряпачъыхьэным ахэр фаехэп; 8Мысырым къызщисщыжьыгъэхэ мафэм къыщегъэжьагъэу непэ къызнэсыгъэми джары ахэр зэрэзекӀохэрэр, сэ сыкъабгынэти нэмыкӀ тхьэхэм ялъэӀущтыгъэх, ори джащ фэдэу къыбдэзекӀох. 9Арышъ, ахэм къаӀорэм едэӀу, ау пачъыхьэ яӀэ зыхъукӀэ, яӀэшъхьэтет фитныгъэу иӀэщтхэр зыфэдэхэри агурыгъаӀу».
10Арти, Самуел пачъыхьэ афытыригъэхьанэу къелъэӀурэ цӀыфхэм Зиусхьаным игущыӀэхэр зэкӀэ ариӀожьи, 11къыӀуагъ: «Пащэу шъуиӀэщт пачъыхьэм ифитныгъэхэр мыщ фэдэщтых: шъуикӀалэхэр ыштэнхэшъ, зэоным фытегъэпсыхьэгъэ кухэм алъыплъэнхэу ыгъэнэфэщтых, адрэхэр ишыухэм ахигъэхьащтых, нэмыкӀхэри ику зэкӀэшӀагъэмэ апэ итхэу чъэщтых; 12зыгорэхэр нэбгырэ мин, нэбгырэ шъэныкъо хъурэ дзэ купхэм яӀэшъхьэтетыщтых; адрэхэм игубгъохэр алэжьыщтых, илэжьыгъэхэр Ӏуахыжьыщтых, Ӏэшэ-шъуашэхэмрэ зэоным фытегъэпсыхьэгъэ кухэм ящыкӀэгъэщтхэмрэ ашӀыщтых, 13шъупхъухэри ащ ыштэщтых мэ ӀэшӀухэр зыпихырэ щыфэн зэхэлъхэр агъэхьазырынхэм, пщэрыхьанхэм, хьалыгъу агъэжъэным пае; 14шъуилэжьыгъэшӀэпӀэ, шъуисэнэшъхьэлэжьыпӀэ, зэйтыншӀэпӀэ анахь дэгъухэри ащ ыштэнхэшъ, иунэӀутхэм аритыщтых; 15лэжьыгъэу хэшъулъхьагъэмрэ сэнашъхьэу шъулэжьырэмрэ азыпшӀани пичынышъ, ичырэхэмрэ иунэӀутхэмрэ аритыщтых; 16шъуипщылӀ хъулъфыгъэхэри, бзылъфыгъэхэри, шъуичэм нахь лъэпкъышӀухэри шъуищыдхэри шъуӀихынхэшъ, ежь ышъхьэ иӀофхэм апае къызфигъэфедэщтых; 17шъуимэл-пчэнхэм азыпшӀани ыштэщт, шъори ащ шъуриунэӀутыщт; 18етӀанэ шъор-шъорэу къыхэшъухыгъэ пачъыхьэм шъукъыгъэтхьаусыхэу Зиусхьаным шъузелъэӀукӀэ, зыпари къышъуфишӀэжьыщтэп».
19Самуел ариӀуагъэм цӀыфхэр къедэӀунхэу фэягъэхэп: «Хьау, – аӀуагъ, – пачъыхьэм тыфай, 20адрэ лъэпкъхэм тэри тафэдэщт: типачъыхьэ типэщэщт, тапашъхьэ итыщт, заоу ятшӀылӀэщтхэмкӀи пащэу тиӀэщт». 21Самуел цӀыфмэ къаӀорэ пстэуми едэӀуи, зэхихыгъэр Зиусхьаным фиӀотэжьыгъ. 22Зиусхьаным Самуел къыриӀуагъ: «Зэрэфаехэу пачъыхьэр афытегъахь». Ащ ыуж Самуел израил цӀыфхэм ариӀуагъ: «Джы шъхьадж икъалэ орэкӀожь».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023