Апэрэ Самуел 27
27
ЯтӀокӀэнэрэ блырэ шъхьэр
Даут Гъат ипачъыхьэ зэрэфэлэжьагъэр
1Ащ ыуж Даут ыгукӀэ зэриӀожьыгъ: «Зэгорэм Саул секӀодылӀэщт шъыпкъ, арэу зыхъукӀэ, сэркӀэ нахьышӀур фылист чӀыгур къэсыбгынэныр ары. Саул етӀанэ сауж икӀыжьыщт, ащ нахьыбэри Израилым ыкъопэ пстэумэ къащыслъыхъужьыщтэп, сэри ащ сыӀэпыкӀыжьын». 2ЕтӀанэ Даут зиӀэти, игъусэгъэ хъулъфыгъэ шъихыр кӀыгъоу Гъат ипачъыхьэу МэӀох ыкъо Ахыщ дэжь кӀуагъэ. 3Даути ащ идзэкӀолӀхэри, хэти иунагъо кӀыгъоу, Даут ишъузитӀуи – ИзрыӀэлым щыщэу АхъынэӀамрэ Нэбал игощагъэу, Къармэл щыщэу, шъузабэу къэнэгъэ Абигаилрэ игъусэхэу, Ахыщ дэжь щыӀэхэу, Гъат щыпсэущтыгъэх. 4Даут Гъат зэрэкӀожьыгъэм икъэбар Саул къылъыӀэсыгъэти, нахьыбэрэ ар ащ лъыхъужьыгъэп.
5Ащ ыуж Даут Ахыщ риӀуагъ: «НэшӀукӀэ укъысэплъымэ, къэлэ цӀыкӀумэ ащыщ горэм чӀыпӀэ къыщысэти, ащ сыщыпсэущт, сыд пае уиӀумэт уигъусэу пачъыхьэр зыдэс къалэм къыбдыдэсын фая?» 6Арти Ахыщ ащ Цыкълагъ къыритыгъ, джащ къыхэкӀэуи Цыкълагъ Ехъудэм ипачъыхьэмэ къафэнагъэу джыри аӀэ илъ. 7Даут фылист хэгъэгум зэпстэумкӀи зэрисыгъэр илъэсрэ мэзиплӀырэ.
8ЕтӀанэ Даут ицӀыфхэр игъусэхэу къежьэхэти, къалэу Сур, Мысыр хэгъэгум анэсэу бэшӀагъэу ащыпсэущтыгъэ гъышыур, гъызыр, Ӏамалэкъ лъэпкъхэм атебанэщтыгъэх. 9Даут а хэгъэгур зэрипхъощтыгъэ, хъулъфыгъи бзылъфыгъи псэоу къыгъанэщтыгъэп, мэлхэр, цухэр, щыдхэр, махъшэхэр, щыгъынхэр къатыриххэти, Ахыщ дэжь къыгъэзэжьщтыгъэ. 10«Хэта джы шъузтебэнэгъагъэр?» ыӀоу Ахыщ Даут зеупчӀыкӀэ, Даут къыриӀожьыщтыгъ: «Зэм – Ехъудэм икъыблэ лъэныкъу, етӀанэ – ерахъмыел лъэпкъыр зыщыпсэурэ чӀыпӀэм икъыблэ лъэныкъу, ящэнэрэм – къэн лъэпкъыр зыщыпсэурэ чӀыпӀэм икъыблэ лъэныкъу». 11Гъат къыздимыщэнхэм пае Даут хъулъфыгъи бзылъфыгъи псэоу къыгъанэщтыгъэп. Ар егупшысщтыгъэ: «„Джары Даут зэрызекӀуагъэр“ аӀозэ, ахэм таӀотэн алъэкӀыщт». Фылист хэгъэгум есыфэ Даут ышӀагъэхэр джары. 12«Ежь къызхэкӀыгъэ израил лъэпкъым ар фэлъэгъужьырэпышъ, егъашӀэм сэ сичырэщт» зэриӀожьзэ, джаущтэу Ахыщ Даут цыхьэ фишӀыгъ.
Currently Selected:
Апэрэ Самуел 27: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 27
27
ЯтӀокӀэнэрэ блырэ шъхьэр
Даут Гъат ипачъыхьэ зэрэфэлэжьагъэр
1Ащ ыуж Даут ыгукӀэ зэриӀожьыгъ: «Зэгорэм Саул секӀодылӀэщт шъыпкъ, арэу зыхъукӀэ, сэркӀэ нахьышӀур фылист чӀыгур къэсыбгынэныр ары. Саул етӀанэ сауж икӀыжьыщт, ащ нахьыбэри Израилым ыкъопэ пстэумэ къащыслъыхъужьыщтэп, сэри ащ сыӀэпыкӀыжьын». 2ЕтӀанэ Даут зиӀэти, игъусэгъэ хъулъфыгъэ шъихыр кӀыгъоу Гъат ипачъыхьэу МэӀох ыкъо Ахыщ дэжь кӀуагъэ. 3Даути ащ идзэкӀолӀхэри, хэти иунагъо кӀыгъоу, Даут ишъузитӀуи – ИзрыӀэлым щыщэу АхъынэӀамрэ Нэбал игощагъэу, Къармэл щыщэу, шъузабэу къэнэгъэ Абигаилрэ игъусэхэу, Ахыщ дэжь щыӀэхэу, Гъат щыпсэущтыгъэх. 4Даут Гъат зэрэкӀожьыгъэм икъэбар Саул къылъыӀэсыгъэти, нахьыбэрэ ар ащ лъыхъужьыгъэп.
5Ащ ыуж Даут Ахыщ риӀуагъ: «НэшӀукӀэ укъысэплъымэ, къэлэ цӀыкӀумэ ащыщ горэм чӀыпӀэ къыщысэти, ащ сыщыпсэущт, сыд пае уиӀумэт уигъусэу пачъыхьэр зыдэс къалэм къыбдыдэсын фая?» 6Арти Ахыщ ащ Цыкълагъ къыритыгъ, джащ къыхэкӀэуи Цыкълагъ Ехъудэм ипачъыхьэмэ къафэнагъэу джыри аӀэ илъ. 7Даут фылист хэгъэгум зэпстэумкӀи зэрисыгъэр илъэсрэ мэзиплӀырэ.
8ЕтӀанэ Даут ицӀыфхэр игъусэхэу къежьэхэти, къалэу Сур, Мысыр хэгъэгум анэсэу бэшӀагъэу ащыпсэущтыгъэ гъышыур, гъызыр, Ӏамалэкъ лъэпкъхэм атебанэщтыгъэх. 9Даут а хэгъэгур зэрипхъощтыгъэ, хъулъфыгъи бзылъфыгъи псэоу къыгъанэщтыгъэп, мэлхэр, цухэр, щыдхэр, махъшэхэр, щыгъынхэр къатыриххэти, Ахыщ дэжь къыгъэзэжьщтыгъэ. 10«Хэта джы шъузтебэнэгъагъэр?» ыӀоу Ахыщ Даут зеупчӀыкӀэ, Даут къыриӀожьыщтыгъ: «Зэм – Ехъудэм икъыблэ лъэныкъу, етӀанэ – ерахъмыел лъэпкъыр зыщыпсэурэ чӀыпӀэм икъыблэ лъэныкъу, ящэнэрэм – къэн лъэпкъыр зыщыпсэурэ чӀыпӀэм икъыблэ лъэныкъу». 11Гъат къыздимыщэнхэм пае Даут хъулъфыгъи бзылъфыгъи псэоу къыгъанэщтыгъэп. Ар егупшысщтыгъэ: «„Джары Даут зэрызекӀуагъэр“ аӀозэ, ахэм таӀотэн алъэкӀыщт». Фылист хэгъэгум есыфэ Даут ышӀагъэхэр джары. 12«Ежь къызхэкӀыгъэ израил лъэпкъым ар фэлъэгъужьырэпышъ, егъашӀэм сэ сичырэщт» зэриӀожьзэ, джаущтэу Ахыщ Даут цыхьэ фишӀыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023