Апэрэ Самуел 19
19
ЯпшӀыкӀубгъонэрэ шъхьэр
Саул Даут къаигъэ зэришӀыгъэр
1Джащ ыуж Саул ыкъо Ионэтани зэкӀэ иӀумэтхэми Даут агъэлӀэнэу ариӀощтыгъэ; ау Саул ыкъо Ионэтан Даут шӀу дэдэ ылъэгъущтыгъэ. 2Арти Ионэтан Даут риӀуагъ: «Тятэу Саул уигъэкӀод шӀоигъошъ, неущ зыфэсакъыжь, зы чӀыпӀэ шъэф горэм зыщыгъэбылъ. 3ЧӀыпӀэу шъофым зызщыбгъэбылъыгъэм тятэрэ сэррэ тызэгъусэу тыкӀонышъ, сыпфыдэгущыӀэщт, ащ ыуж къызэзгъэшӀагъэм ущызгъэгъозэщт». 4ЕтӀанэ Ионэтан ятэу Саул Даут игугъу дахэкӀэ фишӀыгъ: «Пачъыхьэм иӀумэтэу Даут ыгу рерэмыгъабгъ, сыда пӀомэ угу зэрэфыхэкӀын зыпари мыхъун ащ ышӀагъэп, ышӀэрэ пстэуми уифедэ ахэлъ шъыпкъ. 5Фылист бэнакӀом текӀоным пае ыпсэ еблэжьыгъэп, Зиусхьаными зэрэ-Израилэу къыухъумагъ; ор дэдэми уинитӀукӀэ ар плъэгъугъэти, уигушӀогъошхуагъ. Адэ сыда джы лажьи хьакъи зимыӀэм ылъ умыгъачъэмэ, Даут умыгъэкӀодмэ мыхъунэу узкӀыпыхьагъэр?» 6Арти Саул Ионэтан риӀуагъэм едэӀуи, тхьэлъанэ ышӀыгъ: «Зиусхьаныр зэрэщыӀэр сэӀо, Даут псэущт». 7Ащ ыуж Ионэтан Даут къеджи а гущыӀэ дэдэхэр риӀожьыгъэх. ЕтӀанэ Ионэтан Саул дэжь Даут къыщи, ыпэкӀэ зэрэщытыгъэу джыри фэлажьэщтыгъэ. 8ЕтӀанэ заор икӀэрыкӀэу къызежьэм, Даут фылистхэм апэуцужьи, хьалэч зэхишӀыхьэхи, кӀаригъэӀэжьыгъ.
9ИкӀэрыкӀэу Тхьэм фэӀорышӀэрэ джынапцӀэр Саул къытебэнагъ. Пчыпыджыныр ыӀыгъэу иунэ ар исыгъ. Даут ыӀапэхэр пхъонтэпщынэм ригъачъэхэзэ, ащ къыфеощтыгъэ. 10Саул пчыпыджынымкӀэ Даут дэпкъым хыригъэӀулӀэнэу фэягъ, ау Саул ар къызедзым, Даут Саул кӀэлъырылъэти, пчыпыджыныр дэпкъым хисагъ. Арти Даут а чэщым ышъхьэ рихьыжьэжьи, ыпсэ къыухъумагъ.
11Даут иунэ лъыплъэнхэм, къаубытынышъ, нэф къырамыгъэкӀэу аукӀыным пае Саул иӀофтабгэхэр Даут ядэжь ыгъэкӀуагъэх. Даут ишъхьагъусэу Михэл илӀ риӀуагъ: «Нычэпэ пшъхьэ зыщымыгъэзыекӀэ, неущ уаукӀыщт». 12Михэл ар риӀуи, Даут шъхьангъупчъэмкӀэ унэм ригъэкӀи, ар хэхьажьыгъ, псэоуи къэнэжьыгъ. 13Михэл тхьэ нэпцӀым исурэт къышти пӀэм хилъхьагъ, пчэнышъор ышъхьэ тырихъуи, ыфэпагъ. 14Саул иӀофтабгэхэр Даут къаубытынэу зегъакӀохэм, «Ар сымадж», – ыӀуи, Михэл къариӀуагъ. 15Даут къеплъынхэу Саул иӀофтабгэхэр джыри ыгъэкӀуагъэх. «СыукӀыщтышъ, пӀэм зэрэхэлъэу ар къысфэшъухь», – ариӀуагъ: 16Арти иӀофтабгэхэр зэкӀохэм тхьэ нэпцӀым исурэтэу пчэнышъор зышъхьэ телъыр пӀэм къыхагъотагъ. 17ЕтӀанэ Саул Михэл риӀуагъ: «Сыд пае сыбгъэпцӀагъа, сипый птӀупщыжьи зебгъэгъэбылъыжьыгъа?» Михэл Саул къыриӀожьыгъ: «СымытӀупщмэ сиукӀынэу къызысеӀом сигъэщынагъ».
Даут Самуел Рамэ зэрэщыӀукӀагъэр
18Даут ышъхьэ Ӏуихыжьи, Самуел дэжь, Рамэ, кӀуи, Саул къыришӀагъэр зэкӀэ фиӀотагъ. ЕтӀанэ Самуел игъусэу ежьэхи, Рамэ ичӀыпӀэу Нэуат кӀуагъэх. 19«Даут Рамэ ичӀыпӀэу Нэуат кӀуагъэ» аӀуи, Саул къэбар къыфахьыгъ. 20Арти Саул Даут къаубытынэу иӀофтабгэхэр ыгъэкӀуагъэх. Самуел зипэщэ тхьэлӀыкӀохэу Тхьэм кӀочӀэ лыеу къахилъхьагъэм зэлъиштагъэхэр, Тхьэм къыбгъодэкӀырэ псалъэхэр къэзышӀхэрэр, Ащ ищытхъу зыӀуатэхэрэр ахэм алъэгъугъ. Ардэдэм Саул иӀофтабгэхэми Тхьэм и-Псэ къахахьи, Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. 21Хъурэм икъэбар Саул зынагъэсыжьым, нэмыкӀ иӀофтабгэхэр джыри ащ ыгъэкӀуагъэх. Ау ахэри Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. ЕтӀани Саул иӀофтабгэхэр ящэнэрэу зегъакӀохэм, ахэри Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. 22Арти ежь Саул Рамэ кӀуагъэ, кӀозэ, Сэхыу дэт псынэкӀэчъышхом зынэсым кӀэупчӀагъ: «Самуелрэ Даутрэ тыда зыдэщыӀэхэр?» «Рамэ ичӀыпӀэу Нэуат щыӀэх», – аӀуи къыраӀожьыгъ. 23Ар Рамэ ичӀыпӀэу Нэуат зэкӀом, Тхьэм и-Псэ къылъыӀэси, Рамэ ичӀыпӀэу Нэуат омыкӀофэ зэримыхэбзагъэу, Тхьэм кӀочӀэ лыеу къыхилъхьагъэм зэлъишти, Тхьэм къыбгъодэкӀырэ псалъэхэр къышӀэу, Ащ ищытхъу ыӀуатэу хъугъэ. 24Ащ зитӀэкӀыгъ, Самуел ыпашъхьэ зэритзэ, Тхьэм кӀочӀэ лыеу къыхилъхьагъэм зэлъишти, Тхьэм къыбгъодэкӀырэ псалъэхэр къышӀэу, Ащ ищытхъу ыӀуатэу хъугъэ. А мафэми къыкӀэлъыкӀогъэ чэщми мыфэпагъэу ар щылъыгъ. «Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» джары зытыраӀукӀыгъэр.
Currently Selected:
Апэрэ Самуел 19: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 19
19
ЯпшӀыкӀубгъонэрэ шъхьэр
Саул Даут къаигъэ зэришӀыгъэр
1Джащ ыуж Саул ыкъо Ионэтани зэкӀэ иӀумэтхэми Даут агъэлӀэнэу ариӀощтыгъэ; ау Саул ыкъо Ионэтан Даут шӀу дэдэ ылъэгъущтыгъэ. 2Арти Ионэтан Даут риӀуагъ: «Тятэу Саул уигъэкӀод шӀоигъошъ, неущ зыфэсакъыжь, зы чӀыпӀэ шъэф горэм зыщыгъэбылъ. 3ЧӀыпӀэу шъофым зызщыбгъэбылъыгъэм тятэрэ сэррэ тызэгъусэу тыкӀонышъ, сыпфыдэгущыӀэщт, ащ ыуж къызэзгъэшӀагъэм ущызгъэгъозэщт». 4ЕтӀанэ Ионэтан ятэу Саул Даут игугъу дахэкӀэ фишӀыгъ: «Пачъыхьэм иӀумэтэу Даут ыгу рерэмыгъабгъ, сыда пӀомэ угу зэрэфыхэкӀын зыпари мыхъун ащ ышӀагъэп, ышӀэрэ пстэуми уифедэ ахэлъ шъыпкъ. 5Фылист бэнакӀом текӀоным пае ыпсэ еблэжьыгъэп, Зиусхьаными зэрэ-Израилэу къыухъумагъ; ор дэдэми уинитӀукӀэ ар плъэгъугъэти, уигушӀогъошхуагъ. Адэ сыда джы лажьи хьакъи зимыӀэм ылъ умыгъачъэмэ, Даут умыгъэкӀодмэ мыхъунэу узкӀыпыхьагъэр?» 6Арти Саул Ионэтан риӀуагъэм едэӀуи, тхьэлъанэ ышӀыгъ: «Зиусхьаныр зэрэщыӀэр сэӀо, Даут псэущт». 7Ащ ыуж Ионэтан Даут къеджи а гущыӀэ дэдэхэр риӀожьыгъэх. ЕтӀанэ Ионэтан Саул дэжь Даут къыщи, ыпэкӀэ зэрэщытыгъэу джыри фэлажьэщтыгъэ. 8ЕтӀанэ заор икӀэрыкӀэу къызежьэм, Даут фылистхэм апэуцужьи, хьалэч зэхишӀыхьэхи, кӀаригъэӀэжьыгъ.
9ИкӀэрыкӀэу Тхьэм фэӀорышӀэрэ джынапцӀэр Саул къытебэнагъ. Пчыпыджыныр ыӀыгъэу иунэ ар исыгъ. Даут ыӀапэхэр пхъонтэпщынэм ригъачъэхэзэ, ащ къыфеощтыгъэ. 10Саул пчыпыджынымкӀэ Даут дэпкъым хыригъэӀулӀэнэу фэягъ, ау Саул ар къызедзым, Даут Саул кӀэлъырылъэти, пчыпыджыныр дэпкъым хисагъ. Арти Даут а чэщым ышъхьэ рихьыжьэжьи, ыпсэ къыухъумагъ.
11Даут иунэ лъыплъэнхэм, къаубытынышъ, нэф къырамыгъэкӀэу аукӀыным пае Саул иӀофтабгэхэр Даут ядэжь ыгъэкӀуагъэх. Даут ишъхьагъусэу Михэл илӀ риӀуагъ: «Нычэпэ пшъхьэ зыщымыгъэзыекӀэ, неущ уаукӀыщт». 12Михэл ар риӀуи, Даут шъхьангъупчъэмкӀэ унэм ригъэкӀи, ар хэхьажьыгъ, псэоуи къэнэжьыгъ. 13Михэл тхьэ нэпцӀым исурэт къышти пӀэм хилъхьагъ, пчэнышъор ышъхьэ тырихъуи, ыфэпагъ. 14Саул иӀофтабгэхэр Даут къаубытынэу зегъакӀохэм, «Ар сымадж», – ыӀуи, Михэл къариӀуагъ. 15Даут къеплъынхэу Саул иӀофтабгэхэр джыри ыгъэкӀуагъэх. «СыукӀыщтышъ, пӀэм зэрэхэлъэу ар къысфэшъухь», – ариӀуагъ: 16Арти иӀофтабгэхэр зэкӀохэм тхьэ нэпцӀым исурэтэу пчэнышъор зышъхьэ телъыр пӀэм къыхагъотагъ. 17ЕтӀанэ Саул Михэл риӀуагъ: «Сыд пае сыбгъэпцӀагъа, сипый птӀупщыжьи зебгъэгъэбылъыжьыгъа?» Михэл Саул къыриӀожьыгъ: «СымытӀупщмэ сиукӀынэу къызысеӀом сигъэщынагъ».
Даут Самуел Рамэ зэрэщыӀукӀагъэр
18Даут ышъхьэ Ӏуихыжьи, Самуел дэжь, Рамэ, кӀуи, Саул къыришӀагъэр зэкӀэ фиӀотагъ. ЕтӀанэ Самуел игъусэу ежьэхи, Рамэ ичӀыпӀэу Нэуат кӀуагъэх. 19«Даут Рамэ ичӀыпӀэу Нэуат кӀуагъэ» аӀуи, Саул къэбар къыфахьыгъ. 20Арти Саул Даут къаубытынэу иӀофтабгэхэр ыгъэкӀуагъэх. Самуел зипэщэ тхьэлӀыкӀохэу Тхьэм кӀочӀэ лыеу къахилъхьагъэм зэлъиштагъэхэр, Тхьэм къыбгъодэкӀырэ псалъэхэр къэзышӀхэрэр, Ащ ищытхъу зыӀуатэхэрэр ахэм алъэгъугъ. Ардэдэм Саул иӀофтабгэхэми Тхьэм и-Псэ къахахьи, Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. 21Хъурэм икъэбар Саул зынагъэсыжьым, нэмыкӀ иӀофтабгэхэр джыри ащ ыгъэкӀуагъэх. Ау ахэри Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. ЕтӀани Саул иӀофтабгэхэр ящэнэрэу зегъакӀохэм, ахэри Тхьэм кӀочӀэ лыеу къахилъхьагъэм зэлъиштэхи, Тхьэм къыбгъодэкӀырэ псалъэхэр къашӀэу, Ащ ищытхъу аӀуатэу хъугъэх. 22Арти ежь Саул Рамэ кӀуагъэ, кӀозэ, Сэхыу дэт псынэкӀэчъышхом зынэсым кӀэупчӀагъ: «Самуелрэ Даутрэ тыда зыдэщыӀэхэр?» «Рамэ ичӀыпӀэу Нэуат щыӀэх», – аӀуи къыраӀожьыгъ. 23Ар Рамэ ичӀыпӀэу Нэуат зэкӀом, Тхьэм и-Псэ къылъыӀэси, Рамэ ичӀыпӀэу Нэуат омыкӀофэ зэримыхэбзагъэу, Тхьэм кӀочӀэ лыеу къыхилъхьагъэм зэлъишти, Тхьэм къыбгъодэкӀырэ псалъэхэр къышӀэу, Ащ ищытхъу ыӀуатэу хъугъэ. 24Ащ зитӀэкӀыгъ, Самуел ыпашъхьэ зэритзэ, Тхьэм кӀочӀэ лыеу къыхилъхьагъэм зэлъишти, Тхьэм къыбгъодэкӀырэ псалъэхэр къышӀэу, Ащ ищытхъу ыӀуатэу хъугъэ. А мафэми къыкӀэлъыкӀогъэ чэщми мыфэпагъэу ар щылъыгъ. «Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» джары зытыраӀукӀыгъэр.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023