Апэрэ Самуел 12
12
ЯпшӀыкӀутӀонэрэ шъхьэр
Самуел цӀыфхэм псалъэ зэрадишӀыгъэр
1Самуел зэрэ Израилэу риӀуагъ: «ЗэкӀэми къысашъуӀорэм сыкъедэӀуи, пачъыхьэр къышъуфытезгъэхьагъ, 2мары, пачъыхьэр джы шъуапашъхьэ ит; сэ жъы сыхъугъ, сшъхьацхэри тхъуагъэх; сикӀалэхэри къышъухэтых; сикӀэлэгъум къыщегъэжьагъэу непэ къызнэсыгъэм шъуапашъхьэ ситыгъ; 3мары сыщыт, Зиусхьанри щыгъуазэу, Тхьэм къахихыгъэ пачъыхьэми шъукъызэхихэу, къашъуӀо: хэта зицу зыӀысхыгъэр, хэта зищыд зыӀысхыгъэр, хэта зыгу хэзгъэкӀыгъэри сиягъэ зэзгъэкӀыгъэри, хэта къуалъхьэ къызӀысхи, зилажьэ сыушъэфыгъэри, – ащ фэдэ къышъухэкӀмэ, Ӏысхыгъэр къестыжьыщт». 4Арти къыраӀожьыгъ: «О тыгу хэбгъэкӀыгъэп, тишъхьафитныгъи ттепхыгъэп, зыгорэми зыпари Ӏыпхыгъэп». 5ЕтӀанэ ащ ариӀуагъ: «Лажьэ гори симыӀэу къызэрэшъуӀуагъэмкӀэ мы мафэм Зиусхьаныри Тхьэихэхыри шъуишыхьатых». Адрэхэм къыраӀожьыгъ: «Ары, тӀури тишыхьат».
6Арти Самуел цӀыфхэм ариӀуагъ: «Зиусхьаныр Мосэрэ Хьарунэрэ къытезгъэхьагъэхэу, шъуятэхэр мысыр чӀыгум къизыщыжьыгъэр ары. 7Джы шъукъэуцуи, Зиусхьаным тыкъызэхихэу Зиусхьаным шъори шъуятэхэми шӀоу къышъуфишӀэгъэ пстэури шъугу къэзгъэкӀыжьзэ, сышъодэощт. 8Якъубэ Мысырым зэкӀом шъуятэхэр агурэ апсэрэ еӀэжьыгъэхэу Зиусхьаным елъэӀухэу зырагъажьэм, Зиусхьаным Мосэрэ Хьарунэрэ къафигъакӀохи, ахэм шъуятэхэр Мысырым къыращыжьхи, мы чӀыпӀэм къагъэтӀысыгъэх. 9Ау ахэм я-Зиусхьанэу Тхьэр зыщагъэгъупшагъэти, къязаощтыгъэхэм, Хъэцэр идзэпащэу Сисрэ, фылистхэми, мэуаб пачъыхьэми ахэр Ащ аригъэгъэпщылӀыгъэх. 10Арти, агурэ апсэрэ еӀэжьыпагъэхэу, ахэр Зиусхьаным елъэӀугъэх: „Тыхэукъуагъ ти-Зиусхьан къызэтэбгынэм, тхьэ нэпцӀхэу БэӀалхэмрэ Астартхэмрэ тафэӀорышӀэу зэтэублэм. Джы типыйхэм такъыӀэкӀэхыжьи, тыпфэлэжьэщт“. 11Арти Зиусхьаным ЕрыубэӀали, Баракъи, Ифтахъи, Самуели къыгъэкӀуагъэх, пыеу шъукъэзыуцухьэщтыгъэмэ шъуакъыӀэкӀихижьи, щынэгъончъэу шъущыӀагъ. 12ЕтӀанэ Ӏамон ипачъыхьэу Нэхъащ къышъозэонэу къызэрежьагъэр къызэшъолъэгъум шъукъысэлъэӀугъ: „Хьау, пачъыхьэм ыӀэмычӀэ терэлъ“, Зиусхьанэу Тхьэр шъуипачъыхьэу щыт нахь мышӀэми. 13Арышъ, мары пачъыхьэу хэжъудзыгъэр, шъузыфэягъэр: Зиусхьаным пачъыхьэр къышъуфытыригъэхьагъ. 14Зиусхьаным шъущэрэщын, шъуфэрэлажь, Зиусхьаным ыӀорэм шъуерэдэӀу, Зиусхьаным иунашъохэм шъуапэрэмыуцужь, шъори шъуипачъыхьэу зыӀэ шъуилъри шъуи-Зиусхьанэу Тхьэм ыуж шъуерэт. 15Зиусхьаным ыӀорэм шъуемыдэӀоу, Ащ иунашъохэм шъуапэуцужь зыхъукӀэ, шъуятэхэм аришӀагъэр къышъуишӀэщт, ынае къышъущыфэщт. 16Джы шъукъэуцуи, шъуинэрылъэгъоу Зиусхьаным Ӏофышхо зэрэзэшӀуихыщтым шъукъеплъ: 17коцым джы иӀухыжьыгъоба? Ау Зиусхьаным селъэӀунышъ, шыблэри къыгъэгъогъощт, ощхыри къыригъэщхыщт, пачъыхьэ къышъуфытыригъэхьанэу Зиусхьаным шъузелъэӀум лъэшэу шъузэрэхэукъуагъэр зыдышъуигъэшӀэжьыщт». 18Арти Самуел Зиусхьаным елъэӀуи, Зиусхьаным шыблэри ощхыри а мафэм къытӀупщыгъэх, цӀыфхэр Зиусхьаными Самуели лъэшэу ащыщынагъэх.
19Ащ ыуж цӀыфхэр зэкӀэ Самуел елъэӀугъэх: «Зиусхьанэу уи-Тхьэ тфелъэӀу уиӀумэтхэр ымыгъэлӀэнхэу, пачъыхьэ къытфигъэкӀонэу тызелъэӀум хэукъоныгъэу тиӀагъэхэм джыри зы ахэдгъэхъуагъэшъ ары». 20Арти Самуел цӀыфхэм ариӀожьыгъ: «А хэукъоныгъэхэр шъушӀыгъахэми, шъумыщын, ау Зиусхьаныр зыкӀи шъумыбгын, шъугукӀэ шъуфэхьалэлэу Зиусхьаным шъуфэлажь. 21ШӀуагъэ зыхэмылъ, шъукъыхэзымыщыжьыщт Ӏофмэ шъуапымылъ, ахэр зэрэбылым щыӀэп. 22ИӀорэ ишӀэрэ зэрэзэтетхэм, ыцӀэ лъагэ илъэпӀагъэ къызэриухъумэрэм ялъытыгъэу Зиусхьаным ыгъэлъэпӀэгъэ лъэпкъыр къыбгынэщтэп, сыда пӀомэ Зиусхьаным шъурилъэпкъ шӀоигъоу шъукъахихыгъ. 23Сэри джащ фэдэу Зиусхьаным ыпашъхьэ псэкӀод щысшӀэщтэп. ГъогушӀу шъузэрэтетыным шъуфэзгъэсэщт. 24Ау Зиусхьаным шъущыщын, шъыпкъагъэ фышъуиӀэуи шъугукӀи шъуфэкъабзэу шъуфэлажь, шъуинэрылъэгъугъэба гъэунэфыпӀэшхо къызэрэшъуишӀылӀагъэр. 25Армырмэ бзэджагъэхэр зызешъухьэхэкӀэ, шъори шъуипачъыхьи шъузэрзэпылъэу шъуритэкъухьащт».
Currently Selected:
Апэрэ Самуел 12: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 12
12
ЯпшӀыкӀутӀонэрэ шъхьэр
Самуел цӀыфхэм псалъэ зэрадишӀыгъэр
1Самуел зэрэ Израилэу риӀуагъ: «ЗэкӀэми къысашъуӀорэм сыкъедэӀуи, пачъыхьэр къышъуфытезгъэхьагъ, 2мары, пачъыхьэр джы шъуапашъхьэ ит; сэ жъы сыхъугъ, сшъхьацхэри тхъуагъэх; сикӀалэхэри къышъухэтых; сикӀэлэгъум къыщегъэжьагъэу непэ къызнэсыгъэм шъуапашъхьэ ситыгъ; 3мары сыщыт, Зиусхьанри щыгъуазэу, Тхьэм къахихыгъэ пачъыхьэми шъукъызэхихэу, къашъуӀо: хэта зицу зыӀысхыгъэр, хэта зищыд зыӀысхыгъэр, хэта зыгу хэзгъэкӀыгъэри сиягъэ зэзгъэкӀыгъэри, хэта къуалъхьэ къызӀысхи, зилажьэ сыушъэфыгъэри, – ащ фэдэ къышъухэкӀмэ, Ӏысхыгъэр къестыжьыщт». 4Арти къыраӀожьыгъ: «О тыгу хэбгъэкӀыгъэп, тишъхьафитныгъи ттепхыгъэп, зыгорэми зыпари Ӏыпхыгъэп». 5ЕтӀанэ ащ ариӀуагъ: «Лажьэ гори симыӀэу къызэрэшъуӀуагъэмкӀэ мы мафэм Зиусхьаныри Тхьэихэхыри шъуишыхьатых». Адрэхэм къыраӀожьыгъ: «Ары, тӀури тишыхьат».
6Арти Самуел цӀыфхэм ариӀуагъ: «Зиусхьаныр Мосэрэ Хьарунэрэ къытезгъэхьагъэхэу, шъуятэхэр мысыр чӀыгум къизыщыжьыгъэр ары. 7Джы шъукъэуцуи, Зиусхьаным тыкъызэхихэу Зиусхьаным шъори шъуятэхэми шӀоу къышъуфишӀэгъэ пстэури шъугу къэзгъэкӀыжьзэ, сышъодэощт. 8Якъубэ Мысырым зэкӀом шъуятэхэр агурэ апсэрэ еӀэжьыгъэхэу Зиусхьаным елъэӀухэу зырагъажьэм, Зиусхьаным Мосэрэ Хьарунэрэ къафигъакӀохи, ахэм шъуятэхэр Мысырым къыращыжьхи, мы чӀыпӀэм къагъэтӀысыгъэх. 9Ау ахэм я-Зиусхьанэу Тхьэр зыщагъэгъупшагъэти, къязаощтыгъэхэм, Хъэцэр идзэпащэу Сисрэ, фылистхэми, мэуаб пачъыхьэми ахэр Ащ аригъэгъэпщылӀыгъэх. 10Арти, агурэ апсэрэ еӀэжьыпагъэхэу, ахэр Зиусхьаным елъэӀугъэх: „Тыхэукъуагъ ти-Зиусхьан къызэтэбгынэм, тхьэ нэпцӀхэу БэӀалхэмрэ Астартхэмрэ тафэӀорышӀэу зэтэублэм. Джы типыйхэм такъыӀэкӀэхыжьи, тыпфэлэжьэщт“. 11Арти Зиусхьаным ЕрыубэӀали, Баракъи, Ифтахъи, Самуели къыгъэкӀуагъэх, пыеу шъукъэзыуцухьэщтыгъэмэ шъуакъыӀэкӀихижьи, щынэгъончъэу шъущыӀагъ. 12ЕтӀанэ Ӏамон ипачъыхьэу Нэхъащ къышъозэонэу къызэрежьагъэр къызэшъолъэгъум шъукъысэлъэӀугъ: „Хьау, пачъыхьэм ыӀэмычӀэ терэлъ“, Зиусхьанэу Тхьэр шъуипачъыхьэу щыт нахь мышӀэми. 13Арышъ, мары пачъыхьэу хэжъудзыгъэр, шъузыфэягъэр: Зиусхьаным пачъыхьэр къышъуфытыригъэхьагъ. 14Зиусхьаным шъущэрэщын, шъуфэрэлажь, Зиусхьаным ыӀорэм шъуерэдэӀу, Зиусхьаным иунашъохэм шъуапэрэмыуцужь, шъори шъуипачъыхьэу зыӀэ шъуилъри шъуи-Зиусхьанэу Тхьэм ыуж шъуерэт. 15Зиусхьаным ыӀорэм шъуемыдэӀоу, Ащ иунашъохэм шъуапэуцужь зыхъукӀэ, шъуятэхэм аришӀагъэр къышъуишӀэщт, ынае къышъущыфэщт. 16Джы шъукъэуцуи, шъуинэрылъэгъоу Зиусхьаным Ӏофышхо зэрэзэшӀуихыщтым шъукъеплъ: 17коцым джы иӀухыжьыгъоба? Ау Зиусхьаным селъэӀунышъ, шыблэри къыгъэгъогъощт, ощхыри къыригъэщхыщт, пачъыхьэ къышъуфытыригъэхьанэу Зиусхьаным шъузелъэӀум лъэшэу шъузэрэхэукъуагъэр зыдышъуигъэшӀэжьыщт». 18Арти Самуел Зиусхьаным елъэӀуи, Зиусхьаным шыблэри ощхыри а мафэм къытӀупщыгъэх, цӀыфхэр Зиусхьаными Самуели лъэшэу ащыщынагъэх.
19Ащ ыуж цӀыфхэр зэкӀэ Самуел елъэӀугъэх: «Зиусхьанэу уи-Тхьэ тфелъэӀу уиӀумэтхэр ымыгъэлӀэнхэу, пачъыхьэ къытфигъэкӀонэу тызелъэӀум хэукъоныгъэу тиӀагъэхэм джыри зы ахэдгъэхъуагъэшъ ары». 20Арти Самуел цӀыфхэм ариӀожьыгъ: «А хэукъоныгъэхэр шъушӀыгъахэми, шъумыщын, ау Зиусхьаныр зыкӀи шъумыбгын, шъугукӀэ шъуфэхьалэлэу Зиусхьаным шъуфэлажь. 21ШӀуагъэ зыхэмылъ, шъукъыхэзымыщыжьыщт Ӏофмэ шъуапымылъ, ахэр зэрэбылым щыӀэп. 22ИӀорэ ишӀэрэ зэрэзэтетхэм, ыцӀэ лъагэ илъэпӀагъэ къызэриухъумэрэм ялъытыгъэу Зиусхьаным ыгъэлъэпӀэгъэ лъэпкъыр къыбгынэщтэп, сыда пӀомэ Зиусхьаным шъурилъэпкъ шӀоигъоу шъукъахихыгъ. 23Сэри джащ фэдэу Зиусхьаным ыпашъхьэ псэкӀод щысшӀэщтэп. ГъогушӀу шъузэрэтетыным шъуфэзгъэсэщт. 24Ау Зиусхьаным шъущыщын, шъыпкъагъэ фышъуиӀэуи шъугукӀи шъуфэкъабзэу шъуфэлажь, шъуинэрылъэгъугъэба гъэунэфыпӀэшхо къызэрэшъуишӀылӀагъэр. 25Армырмэ бзэджагъэхэр зызешъухьэхэкӀэ, шъори шъуипачъыхьи шъузэрзэпылъэу шъуритэкъухьащт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023