Апэрэ Самуел 10
10
ЯпшӀэнэрэ шъхьэр
1Ащ ыуж Самуел дагъэр зэрыт бжъэр къышти, итыр Саул ышъхьэ тырикӀи, ебэуи риӀуагъ: «Мары Зиусхьаным икӀэн, Ащ илъэпкъ пэщэныгъэ дызепхьанэу Ӏэшъхьэтетэу уегъэнафэ#10:1 Мы чӀыпӀэм мыщ фэдэ къэӀуакӀи иӀ: [Зиусхьаным иизраил лъэпкъ пачъыхьагъур дызепхьащт, цӀыфхэр къэзыуцухьэрэ пыйхэм ащыуухъумэщтых. ИкӀэн урипачъыхьэнэу укъызэрахихыгъэм ишыхьатри мары]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп.. 2Садэжь уикӀыжьэу укӀожьзэ, Бынямин чӀыгум ит псэупӀэу Цэлцахъ узынэсыжькӀэ, Рахъэл икъашъхьэ дэжь нэбгыритӀу уапэ къыщифэщт. Ахэм къэбар уагъэшӀэщт: „Узлъежьэгъэ щыдыбзхэр къагъотыжьыгъэх шъхьае, уятэ щыдыбзхэри щыгъупшэжьыгъэхэу, ‘СикӀалэ сыда икъэбарыр?’ ыӀозэ, мэгумэкӀы“. 3Ащ ыуж уапэкӀэ ебгъэхъунышъ, чӀыпӀэу Табор ит чъыгаем нэс укӀощт, ащ дэжь Тхьэм елъэӀунхэу Бэтэл кӀорэ нэбгырищыр къыщыппэгъокӀыщт: зым чыцӀищ ыӀыгъыщт, адрэм – хьалыгъу хьакушищ, ящэнэрэм санэр зэрыт нэтыр ыхьэу плъэгъущт. 4УзаӀукӀэкӀэ, ахэм шӀуфэс къыуахыщт, етӀанэ хьалыгъуитӀу къызыуаткӀэ къаӀыпхыщт. 5ЕтӀанэ Зиусхьаным и-ГъыбӀэкӀэ заджэхэрэ Ӏуашъхьэу фылист дзэ купыр къызщыуцугъэм унэсыщт. Къалэм уздахьэкӀэ, тхьэлӀыкӀоныр зипшъэрылъ цӀыф купэу, бзэпсхэр зэрыщэгъэ пхъонтэпщынэм, шъонтырыпым, къамылым къяозэ, къурмэн зыщашӀырэ лъэгапӀэм къехрэм уӀукӀэщт. Тхьэм кӀочӀэ лыеу къахилъхьагъэм зэлъиштагъэхэу, Тхьэм къыбгъодэкӀырэ псалъэхэр ахэм къашӀызэ, Ащ ищытхъу аӀуатэ. 6Джащ дэжьым Зиусхьаным и-Псэ къыпхэхьанышъ, ори ахэм урягъусэу, Тхьэм кӀочӀэ лыеу къыпхилъхьагъэм узэлъиштагъэу, Тхьэм къыбгъодэкӀырэ псалъэхэр къадэпшӀызэ, Ащ ищытхъу адэпӀотэщт, фэшъхьаф цӀыфи ухъущт. 7Ахэр къызыохъулӀахэкӀэ, угу къыуиӀорэр шӀэ, Тхьэу уигъусэм къыбдигъэхъущтышъ. 8Сэ сынэмысзэ о Гъылгъал кӀо, Зиусхьаным пае къурмэнгъэстрэ зэгурыӀоныгъэ къурмэнрэ щысшӀынхэу сэри сыкъэкӀощт. Уадэжь сыкъакӀоу пшӀэщтыр къыосэӀофэкӀэ мэфиблэ къысаж». 9Саул ыгъэзэжьыгъэу Самуел ыдэжь икӀыжьзэ, Тхьэм ащ ицӀыф гъэпсыкӀэ къызэблихъугъ, къыриӀуагъэхэри зэкӀэ а мэфэ шъыпкъэм къехъулӀагъэх. 10КъакӀохэзэ, ахэр къурмэн зыщашӀырэ лъэгапӀэм къызэсхэм, тхьэлӀыкӀоныр зипшъэрылъ цӀыф купым ӀукӀагъэх. Тхьэм и-Псэ ащ къылъыӀэси, Тхьэм кӀочӀэ лыеу къыхилъхьагъэм зэлъиштагъэу, Тхьэм къыбгъодэкӀырэ псалъэхэр къышӀхэу, Ащ ищытхъу адиӀуатэу ежьми ригъэжьагъ. 11НахьыпэкӀэ ар зышӀэщтыгъэхэу, тхьэлӀыкӀоныр зипшъэрылъ цӀыфмэ ахэтэу, Тхьэм кӀочӀэ лыеу къыхилъхьагъэм зэлъиштагъэу, Тхьэм къыбгъодэкӀырэ псалъэхэр ащ къызэришӀрэр зылъэгъухэрэм зым адрэм риӀожьщтыгъэ: «Сыда Къыщ ыкъо къыщышӀыгъэр? Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» 12Ащ дэжьым щытыгъэмэ ащыщ горэм къыӀуагъ: «Адрэмэ хэта ятэр?» Джары гущыӀэжъым хэлъэу зыкӀэхъугъэри: «Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» 13ЕтӀанэ Тхьэм къыхилъхьэгъэ кӀочӀэ лыеу зэлъызыштагъэм ар къызебгынэм, Тхьэм къыбгъодэкӀырэ псалъэхэр къызэришӀрэр, Тхьэм ищытхъоу ыӀуатэрэр зэпигъэуи, къурмэн зыщашӀырэ лъэгапӀэм дэкӀоягъ. 14Ащ ыуж Саул ятэшыр ежьми иунэӀути къяупчӀыгъ: «Тыда шъуздэкӀогъагъэр?» Арти риӀожьыгъ: «Щыдыбзхэм талъыхъунэу тыщыӀагъ, ахэр къызэтэмыгъотхэм, Самуел дэжь тыӀухьэгъагъ». 15Арти ятэшым Саул къыриӀуагъ: «Самуел къышъуиӀуагъэр къысфэӀотэжь». 16Саул ятэшым риӀуагъ: «Щыдыбзхэр къагъотыжьыгъэхэу ащ къытиӀуагъ». Ау зэрэпачъыхьэщтым ехьылӀагъэу Самуел къыриӀуагъэм икъэбар хигъэгъозагъэп.
Саул пачъыхьэу зэрэтырагъэхьагъэр
17ЕтӀанэ Зиусхьаным игухэлъ щигъэгъозэнхэм пае Самуел цӀыфхэр Мыцпэ къащызэӀуигъакӀэхи, 18израил цӀыфхэм ариӀуагъ: «Израилым и-Зиусхьанэу Тхьэм ыӀорэр мары: „Израил Мысырым къисщыжьи, мысыр цӀыфхэм шъуакъыӀэкӀэсхыжьыгъ, шъузгъэпщылӀщтыгъэ пачъыхьагъу пстэуми ягъэрыпӀэ шъукъисщыжьыгъ. 19Ау шъуи-Тхьэу тхьамыкӀэпӀэ пстэуми шъукъарызыщыжьэу, шъуигумэкӀыгъо шъушъхьащызыхрэр джы щыжъугъэзыий, Зиусхьаным шъо ешъуӀуагъ: ‘ТиӀэшъхьэтетынэу пачъыхьэ къытфытегъахь’. Арышъ, лъэпкъ-лъэпкъэу, лӀэкъо-лӀакъоу, лъэпкъэгъу-лъэпкъэгъоу Зиусхьаным ыпашъхьэ джы шъуиуцу“».
20Самуел израил лъэпкъ пстэуми къяджи, бынямин лӀакъор къахихыгъ. 21Арти бынямин лӀакъом чэзыур зынэсым, ар зэрэзэтефыгъэ зэкъошхэмкӀэ зэхэушъхьафыкӀыгъэхэу къекӀолӀэнхэу ариӀуи, матыр лъэпкъэгъур къахихыгъ. ЕтӀанэ матыр лъэпкъэгъум щыщ хъулъфыгъэхэр къызыхащхэм, Къыщ ыкъо Саул ыцӀэ къыраӀуагъ. Ащ лъыхъугъэх, ау къагъотыгъэп. 22Арти Зиусхьаным еупчӀыгъэх: «Саул къэкӀуагъэба?» Зиусхьаным къариӀожьыгъ: «Мары ар, ӀапӀэхэм захигъэбылъхьагъ». 23Лъагъачъэхи ар къащи цӀыфхэм къызахэуцом, илъэгагъэкӀэ зэрэлъэпкъэу къахэщыгъ. 24Самуел зэкӀэми къариӀуагъ: «Зиусхьаным къыхихыгъэр шъолъэгъуа? Зэрэлъэпкъэу ащ фэдэ хэтэп». Ащ дэжьым цӀыфхэр зэкӀэ къэзэрэгъэкууагъэх: «Пачъыхьэр орэпсэу!»
25ЕтӀанэ Самуел упачъыхьэным унашъоуи фитныгъэуи пылъхэр зыфэдэхэр цӀыфхэм къафиӀотагъ. КъафиӀуати, ахэр зыдитхэгъэ тхылъыр Зиусхьаным ыпашъхьэ рилъхьагъ, ащ ыуж къекӀолӀагъэхэр шъхьадж пэпчъ иунэ кӀожьынэу зэбгыритӀупщыжьыгъэх. 26Саули ядэжь, ГъыбӀэ, зегъэзэжьым, Тхьэр зыгу къихьэгъэ лӀэхъупхъэхэу къыхихыгъэхэр игъусэхэу кӀожьыгъэх. 27Ары шъхьае зэӀышӀэкӀо цӀыфхэм аӀощтыгъэ: «Ара тыкъэзыухъумэщтыр?» Джаущтэу пхъэтэпэмыхь ашӀыгъ, шӀухьафтынхэри фахьыгъэхэп; ау адрэм зыпари ымылъэгъурэм фэдэу зишӀщтыгъэ.
Currently Selected:
Апэрэ Самуел 10: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 10
10
ЯпшӀэнэрэ шъхьэр
1Ащ ыуж Самуел дагъэр зэрыт бжъэр къышти, итыр Саул ышъхьэ тырикӀи, ебэуи риӀуагъ: «Мары Зиусхьаным икӀэн, Ащ илъэпкъ пэщэныгъэ дызепхьанэу Ӏэшъхьэтетэу уегъэнафэ#10:1 Мы чӀыпӀэм мыщ фэдэ къэӀуакӀи иӀ: [Зиусхьаным иизраил лъэпкъ пачъыхьагъур дызепхьащт, цӀыфхэр къэзыуцухьэрэ пыйхэм ащыуухъумэщтых. ИкӀэн урипачъыхьэнэу укъызэрахихыгъэм ишыхьатри мары]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп.. 2Садэжь уикӀыжьэу укӀожьзэ, Бынямин чӀыгум ит псэупӀэу Цэлцахъ узынэсыжькӀэ, Рахъэл икъашъхьэ дэжь нэбгыритӀу уапэ къыщифэщт. Ахэм къэбар уагъэшӀэщт: „Узлъежьэгъэ щыдыбзхэр къагъотыжьыгъэх шъхьае, уятэ щыдыбзхэри щыгъупшэжьыгъэхэу, ‘СикӀалэ сыда икъэбарыр?’ ыӀозэ, мэгумэкӀы“. 3Ащ ыуж уапэкӀэ ебгъэхъунышъ, чӀыпӀэу Табор ит чъыгаем нэс укӀощт, ащ дэжь Тхьэм елъэӀунхэу Бэтэл кӀорэ нэбгырищыр къыщыппэгъокӀыщт: зым чыцӀищ ыӀыгъыщт, адрэм – хьалыгъу хьакушищ, ящэнэрэм санэр зэрыт нэтыр ыхьэу плъэгъущт. 4УзаӀукӀэкӀэ, ахэм шӀуфэс къыуахыщт, етӀанэ хьалыгъуитӀу къызыуаткӀэ къаӀыпхыщт. 5ЕтӀанэ Зиусхьаным и-ГъыбӀэкӀэ заджэхэрэ Ӏуашъхьэу фылист дзэ купыр къызщыуцугъэм унэсыщт. Къалэм уздахьэкӀэ, тхьэлӀыкӀоныр зипшъэрылъ цӀыф купэу, бзэпсхэр зэрыщэгъэ пхъонтэпщынэм, шъонтырыпым, къамылым къяозэ, къурмэн зыщашӀырэ лъэгапӀэм къехрэм уӀукӀэщт. Тхьэм кӀочӀэ лыеу къахилъхьагъэм зэлъиштагъэхэу, Тхьэм къыбгъодэкӀырэ псалъэхэр ахэм къашӀызэ, Ащ ищытхъу аӀуатэ. 6Джащ дэжьым Зиусхьаным и-Псэ къыпхэхьанышъ, ори ахэм урягъусэу, Тхьэм кӀочӀэ лыеу къыпхилъхьагъэм узэлъиштагъэу, Тхьэм къыбгъодэкӀырэ псалъэхэр къадэпшӀызэ, Ащ ищытхъу адэпӀотэщт, фэшъхьаф цӀыфи ухъущт. 7Ахэр къызыохъулӀахэкӀэ, угу къыуиӀорэр шӀэ, Тхьэу уигъусэм къыбдигъэхъущтышъ. 8Сэ сынэмысзэ о Гъылгъал кӀо, Зиусхьаным пае къурмэнгъэстрэ зэгурыӀоныгъэ къурмэнрэ щысшӀынхэу сэри сыкъэкӀощт. Уадэжь сыкъакӀоу пшӀэщтыр къыосэӀофэкӀэ мэфиблэ къысаж». 9Саул ыгъэзэжьыгъэу Самуел ыдэжь икӀыжьзэ, Тхьэм ащ ицӀыф гъэпсыкӀэ къызэблихъугъ, къыриӀуагъэхэри зэкӀэ а мэфэ шъыпкъэм къехъулӀагъэх. 10КъакӀохэзэ, ахэр къурмэн зыщашӀырэ лъэгапӀэм къызэсхэм, тхьэлӀыкӀоныр зипшъэрылъ цӀыф купым ӀукӀагъэх. Тхьэм и-Псэ ащ къылъыӀэси, Тхьэм кӀочӀэ лыеу къыхилъхьагъэм зэлъиштагъэу, Тхьэм къыбгъодэкӀырэ псалъэхэр къышӀхэу, Ащ ищытхъу адиӀуатэу ежьми ригъэжьагъ. 11НахьыпэкӀэ ар зышӀэщтыгъэхэу, тхьэлӀыкӀоныр зипшъэрылъ цӀыфмэ ахэтэу, Тхьэм кӀочӀэ лыеу къыхилъхьагъэм зэлъиштагъэу, Тхьэм къыбгъодэкӀырэ псалъэхэр ащ къызэришӀрэр зылъэгъухэрэм зым адрэм риӀожьщтыгъэ: «Сыда Къыщ ыкъо къыщышӀыгъэр? Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» 12Ащ дэжьым щытыгъэмэ ащыщ горэм къыӀуагъ: «Адрэмэ хэта ятэр?» Джары гущыӀэжъым хэлъэу зыкӀэхъугъэри: «Адэ Саул тхьэлӀыкӀоныр зипшъэрылъ цӀыфхэм джы ащыщ хъугъа?» 13ЕтӀанэ Тхьэм къыхилъхьэгъэ кӀочӀэ лыеу зэлъызыштагъэм ар къызебгынэм, Тхьэм къыбгъодэкӀырэ псалъэхэр къызэришӀрэр, Тхьэм ищытхъоу ыӀуатэрэр зэпигъэуи, къурмэн зыщашӀырэ лъэгапӀэм дэкӀоягъ. 14Ащ ыуж Саул ятэшыр ежьми иунэӀути къяупчӀыгъ: «Тыда шъуздэкӀогъагъэр?» Арти риӀожьыгъ: «Щыдыбзхэм талъыхъунэу тыщыӀагъ, ахэр къызэтэмыгъотхэм, Самуел дэжь тыӀухьэгъагъ». 15Арти ятэшым Саул къыриӀуагъ: «Самуел къышъуиӀуагъэр къысфэӀотэжь». 16Саул ятэшым риӀуагъ: «Щыдыбзхэр къагъотыжьыгъэхэу ащ къытиӀуагъ». Ау зэрэпачъыхьэщтым ехьылӀагъэу Самуел къыриӀуагъэм икъэбар хигъэгъозагъэп.
Саул пачъыхьэу зэрэтырагъэхьагъэр
17ЕтӀанэ Зиусхьаным игухэлъ щигъэгъозэнхэм пае Самуел цӀыфхэр Мыцпэ къащызэӀуигъакӀэхи, 18израил цӀыфхэм ариӀуагъ: «Израилым и-Зиусхьанэу Тхьэм ыӀорэр мары: „Израил Мысырым къисщыжьи, мысыр цӀыфхэм шъуакъыӀэкӀэсхыжьыгъ, шъузгъэпщылӀщтыгъэ пачъыхьагъу пстэуми ягъэрыпӀэ шъукъисщыжьыгъ. 19Ау шъуи-Тхьэу тхьамыкӀэпӀэ пстэуми шъукъарызыщыжьэу, шъуигумэкӀыгъо шъушъхьащызыхрэр джы щыжъугъэзыий, Зиусхьаным шъо ешъуӀуагъ: ‘ТиӀэшъхьэтетынэу пачъыхьэ къытфытегъахь’. Арышъ, лъэпкъ-лъэпкъэу, лӀэкъо-лӀакъоу, лъэпкъэгъу-лъэпкъэгъоу Зиусхьаным ыпашъхьэ джы шъуиуцу“».
20Самуел израил лъэпкъ пстэуми къяджи, бынямин лӀакъор къахихыгъ. 21Арти бынямин лӀакъом чэзыур зынэсым, ар зэрэзэтефыгъэ зэкъошхэмкӀэ зэхэушъхьафыкӀыгъэхэу къекӀолӀэнхэу ариӀуи, матыр лъэпкъэгъур къахихыгъ. ЕтӀанэ матыр лъэпкъэгъум щыщ хъулъфыгъэхэр къызыхащхэм, Къыщ ыкъо Саул ыцӀэ къыраӀуагъ. Ащ лъыхъугъэх, ау къагъотыгъэп. 22Арти Зиусхьаным еупчӀыгъэх: «Саул къэкӀуагъэба?» Зиусхьаным къариӀожьыгъ: «Мары ар, ӀапӀэхэм захигъэбылъхьагъ». 23Лъагъачъэхи ар къащи цӀыфхэм къызахэуцом, илъэгагъэкӀэ зэрэлъэпкъэу къахэщыгъ. 24Самуел зэкӀэми къариӀуагъ: «Зиусхьаным къыхихыгъэр шъолъэгъуа? Зэрэлъэпкъэу ащ фэдэ хэтэп». Ащ дэжьым цӀыфхэр зэкӀэ къэзэрэгъэкууагъэх: «Пачъыхьэр орэпсэу!»
25ЕтӀанэ Самуел упачъыхьэным унашъоуи фитныгъэуи пылъхэр зыфэдэхэр цӀыфхэм къафиӀотагъ. КъафиӀуати, ахэр зыдитхэгъэ тхылъыр Зиусхьаным ыпашъхьэ рилъхьагъ, ащ ыуж къекӀолӀагъэхэр шъхьадж пэпчъ иунэ кӀожьынэу зэбгыритӀупщыжьыгъэх. 26Саули ядэжь, ГъыбӀэ, зегъэзэжьым, Тхьэр зыгу къихьэгъэ лӀэхъупхъэхэу къыхихыгъэхэр игъусэхэу кӀожьыгъэх. 27Ары шъхьае зэӀышӀэкӀо цӀыфхэм аӀощтыгъэ: «Ара тыкъэзыухъумэщтыр?» Джаущтэу пхъэтэпэмыхь ашӀыгъ, шӀухьафтынхэри фахьыгъэхэп; ау адрэм зыпари ымылъэгъурэм фэдэу зишӀщтыгъэ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023