Galaatiya 2
2
Bawlos fartottitih kabbaatime
1 #
Fartottit hi Abittot 11:30; 15:2 Affaran kee taman iggidiyak sarrah Barnabaslih, Tiitos inneelih beyeh Yerusaalem fanah ewce. 2Aganalle ewcem waxyi sabbatah kinni. Tamaa Aki-maralle warroyshak iniyo mece ware, tamaa naba marah ulah akah warishem, foyyak arduk anniyemko hido lel foyyak erdeh anniyemko ciloh kinni. 3Laakin yottaalih yine Tiitos gantah, Giriik barha kuuk yine hanuk, askok-kalum abo manqassabinna. 4Yakko kibah, nanu Masiix kin Yeesusudde lino finja idhdhiteenih garuuza nok aboona ciloh, tamaa zirabti sacul, xololeenih ni fanadde oroben. 5Mece warehi rummi sinah dhawrhumo ciloh, tenah walaa inki gedda akah mangazzayinnino. 6#Gabbaacime Sercat 10:17 Tamaa xiyaw adde takkale mari — usun miya kinoonimidde anu macal maliyo; Yalli lel feraako fera dhaye maleya — yi fartodde walaa inkim adde moosinnooni. 7Sarreh, tamaa Bithroos askok kalum abe marah mece ware warroysho amaana kaalle akah tomxoyekah, anu lel askok kalum abinnixe marah mece ware warroysho amaana yoh tomxoyeh tanem yublin. 8Askok kalum abe marah fartotta yakko Bithroos araxah yushtuqhuleti, anu gantah Aki-marah fartotta akko yi araxah yushtuqhuleh yane. 9Tamaa camid balih kin Yacqoob, Keefa kee Yohannis lel, tamaa yoh tomxoyeh tine nicma yublin gedda, Barnabas kee yottaalih zooba yekkiinimih mizgi gaba zoobiniya nolle yoxoyin. Nanu Aki-mara fanah nadawo, usun lel tamaa askok kalum abe mara fanah yadawna gaba benne. 10Baaxentit xunsusno bisa ni esseren, tayim lel anu inneh abo akah hambereeram kinni.
Bawlos kee Bithroos sittiya wayen
11Keefa Anthaakiyalle yemeete gedda, yoshshoomeh yineyaako caddalsimo kaalle tinemhi sabbatah, nif kee nifih kaa eqheeweme. 12Amayim lel wuli xiyaw Yacqoobko farritimeenih yamiitiinimko basolle, usuk amaa Aki-maraalih beetak yine; usun yemeetin gedda laakin, “amaa askok-kalum yakkoo” yarhxe maraako mashshiiteyaako tenko barhsime. 13Barnabas gantah ten nifaaqhah yamlalawo ciloh, amaa racte Yahuud gantah nifaaqhah kaalih tanemih yimmingidin. 14Anu laakin ten abitto tamaa mece warehi rummih araxalle tanem makinam uble gedda, umbuka tenhi nifille Keefak: “Atu, Yahuuddo kito hanuk, Yahuuddo balih akkekkah, Aki-marahi tiya balih tekkeh kinni marak tanitom. Aki-mari Yahuud balih yekkiinih maroona aaginah ten qasbishak tanito?” akko erhxe.
Imaanah yatxiqqiqhiinim
15Nanu ninneh ubaakeeko Yahuud kinni kinom kibah, too Aki-mara balih “zambe-lem” makino. 16#Zaabur 143:2; Rooma 3:20,22; Efesos 2:9 Yakko kibah, xiyawti Yeesus Masiixidde leya imaanah kibah sercat yarhxem abeh miyatxiqqiqhem naarhige. Sercat yarhxem abeyaako walaa inketti yatxaqqaqho makinamhi sabbatah, nanu lel sercat yarhxem abneh akkekkah Masiixih neemeneh natxaqqaqho ciloh Masiix kin Yeesusuh neemene.
17Laakin, nanu Masiix araxah natxaqqaqho wagiinemko, ninneh gantah zambi-wannun kiinuk, amaydo, Masiix zambedde xiyaa sayisha tiya kinniho? Maale haye! 18Anu dumuseh iniyom malammih ginemko, inneh sercat yagdile tiya kiyom innelle aysibituk ane. 19Yallih farhi balih maro ciloh, sercat araxah sercatadde rabeh aniyo. 20Anu Masiixlih masqalak takarimeh rabeh aniyo. Masiix kinni yottadde marak yaneti kibah, kamboh yotta maki marak yaneti. Anu ta kado xazottaalih akah marak aniyom lel, tamaa yi kixinah, yottah arhxuk ishe yoxoye Yallih Barhah eemeneh kinni marak aniyom. 21Anu Yallih nicmak foyya akko maaba, amayim lel xaqqi sercat araxah yamiiteh yekkemko, amaydo Masiix foyyah kinni rabem.
Currently Selected:
Galaatiya 2: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
Galaatiya 2
2
Bawlos fartottitih kabbaatime
1 #
Fartottit hi Abittot 11:30; 15:2 Affaran kee taman iggidiyak sarrah Barnabaslih, Tiitos inneelih beyeh Yerusaalem fanah ewce. 2Aganalle ewcem waxyi sabbatah kinni. Tamaa Aki-maralle warroyshak iniyo mece ware, tamaa naba marah ulah akah warishem, foyyak arduk anniyemko hido lel foyyak erdeh anniyemko ciloh kinni. 3Laakin yottaalih yine Tiitos gantah, Giriik barha kuuk yine hanuk, askok-kalum abo manqassabinna. 4Yakko kibah, nanu Masiix kin Yeesusudde lino finja idhdhiteenih garuuza nok aboona ciloh, tamaa zirabti sacul, xololeenih ni fanadde oroben. 5Mece warehi rummi sinah dhawrhumo ciloh, tenah walaa inki gedda akah mangazzayinnino. 6#Gabbaacime Sercat 10:17 Tamaa xiyaw adde takkale mari — usun miya kinoonimidde anu macal maliyo; Yalli lel feraako fera dhaye maleya — yi fartodde walaa inkim adde moosinnooni. 7Sarreh, tamaa Bithroos askok kalum abe marah mece ware warroysho amaana kaalle akah tomxoyekah, anu lel askok kalum abinnixe marah mece ware warroysho amaana yoh tomxoyeh tanem yublin. 8Askok kalum abe marah fartotta yakko Bithroos araxah yushtuqhuleti, anu gantah Aki-marah fartotta akko yi araxah yushtuqhuleh yane. 9Tamaa camid balih kin Yacqoob, Keefa kee Yohannis lel, tamaa yoh tomxoyeh tine nicma yublin gedda, Barnabas kee yottaalih zooba yekkiinimih mizgi gaba zoobiniya nolle yoxoyin. Nanu Aki-mara fanah nadawo, usun lel tamaa askok kalum abe mara fanah yadawna gaba benne. 10Baaxentit xunsusno bisa ni esseren, tayim lel anu inneh abo akah hambereeram kinni.
Bawlos kee Bithroos sittiya wayen
11Keefa Anthaakiyalle yemeete gedda, yoshshoomeh yineyaako caddalsimo kaalle tinemhi sabbatah, nif kee nifih kaa eqheeweme. 12Amayim lel wuli xiyaw Yacqoobko farritimeenih yamiitiinimko basolle, usuk amaa Aki-maraalih beetak yine; usun yemeetin gedda laakin, “amaa askok-kalum yakkoo” yarhxe maraako mashshiiteyaako tenko barhsime. 13Barnabas gantah ten nifaaqhah yamlalawo ciloh, amaa racte Yahuud gantah nifaaqhah kaalih tanemih yimmingidin. 14Anu laakin ten abitto tamaa mece warehi rummih araxalle tanem makinam uble gedda, umbuka tenhi nifille Keefak: “Atu, Yahuuddo kito hanuk, Yahuuddo balih akkekkah, Aki-marahi tiya balih tekkeh kinni marak tanitom. Aki-mari Yahuud balih yekkiinih maroona aaginah ten qasbishak tanito?” akko erhxe.
Imaanah yatxiqqiqhiinim
15Nanu ninneh ubaakeeko Yahuud kinni kinom kibah, too Aki-mara balih “zambe-lem” makino. 16#Zaabur 143:2; Rooma 3:20,22; Efesos 2:9 Yakko kibah, xiyawti Yeesus Masiixidde leya imaanah kibah sercat yarhxem abeh miyatxiqqiqhem naarhige. Sercat yarhxem abeyaako walaa inketti yatxaqqaqho makinamhi sabbatah, nanu lel sercat yarhxem abneh akkekkah Masiixih neemeneh natxaqqaqho ciloh Masiix kin Yeesusuh neemene.
17Laakin, nanu Masiix araxah natxaqqaqho wagiinemko, ninneh gantah zambi-wannun kiinuk, amaydo, Masiix zambedde xiyaa sayisha tiya kinniho? Maale haye! 18Anu dumuseh iniyom malammih ginemko, inneh sercat yagdile tiya kiyom innelle aysibituk ane. 19Yallih farhi balih maro ciloh, sercat araxah sercatadde rabeh aniyo. 20Anu Masiixlih masqalak takarimeh rabeh aniyo. Masiix kinni yottadde marak yaneti kibah, kamboh yotta maki marak yaneti. Anu ta kado xazottaalih akah marak aniyom lel, tamaa yi kixinah, yottah arhxuk ishe yoxoye Yallih Barhah eemeneh kinni marak aniyom. 21Anu Yallih nicmak foyya akko maaba, amayim lel xaqqi sercat araxah yamiiteh yekkemko, amaydo Masiix foyyah kinni rabem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia