2 Yohannis 1
1
Salaamta
1Naba tiyaako rummah kixiniyo doorimte numa kee tee cindham fanah, yotta busa makiiki laakin inkoh rumma teerhegem gantah sin kixinon, 2tayim lel nottadde sigak yaneh, umman gedda lel yakko kin rummahi sabbatah kinni.
3Abba kin Yalla kee kaa Barha kin Yeesus Masiixko nicma, raxma kee maaxiyo, rumma kee kaxanodde, nottaalih yakkoona kinon.
Rumma kee kaxanodde gerhaanam
4Abbaako kabbatne amre balih, ku cindhamko gari rummadde gerhak yaniinim ten geyemhi sabbatah, amayim mangum yi xedenishshe. 5Timxishshime numa kado lel erherhko liinuk nine tiya kibah cusub amre kolle aktubiyuk maaniyo. Amayimih lel sittiya nakxano ku essera. 6Tatiya kinni lel kaxani, kaa amrit kataak gerhnam. Tatiya kinni amri, tamaa erherhko akah toobbiiniikah kayyadde gedhdhoona. 7Mango doolab-le mari, Yeesus Masiix nabse yekkeh yemeetem aaliminnexeya, caalamalle yewciinih yanin. Tagina leti lel doolab-le tiya kee masiix-didde kinni. 8Kaamil kin casbe kabbattoona ciloh laakin, tuttukhuddumiinim taylaynimko sinne ubula. 9Acrhiyinnantiya kee Masiix aydarasadde siginnexe tiya, Yalla male. Ta aydarasadde siginnanti, Abba kee Barha inkoh le. 10Ta aydaras baahinnexe tiya sinni caredde mikabbaatina, “salaam” yakkeedo akko marhxina. 11Kayyak “salaam” ayinnanti lel kaa uma abittotudde kaalih yasheereke.
Abayshimat salaamta
12Sinalle aktube mango xaaja liyo hanuk, waraqhat kee midad atnaafaco mifarha. Amayimhi idhdhah laakin sinalle emeeteh af kee afah sinlih waanisho caaga. Amayim lel ni xeden kaamil yakko ciloh kinni.
13Doorimte ku saclahi cindham lel kolle yaysillimin.
Currently Selected:
2 Yohannis 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
2 Yohannis 1
1
Salaamta
1Naba tiyaako rummah kixiniyo doorimte numa kee tee cindham fanah, yotta busa makiiki laakin inkoh rumma teerhegem gantah sin kixinon, 2tayim lel nottadde sigak yaneh, umman gedda lel yakko kin rummahi sabbatah kinni.
3Abba kin Yalla kee kaa Barha kin Yeesus Masiixko nicma, raxma kee maaxiyo, rumma kee kaxanodde, nottaalih yakkoona kinon.
Rumma kee kaxanodde gerhaanam
4Abbaako kabbatne amre balih, ku cindhamko gari rummadde gerhak yaniinim ten geyemhi sabbatah, amayim mangum yi xedenishshe. 5Timxishshime numa kado lel erherhko liinuk nine tiya kibah cusub amre kolle aktubiyuk maaniyo. Amayimih lel sittiya nakxano ku essera. 6Tatiya kinni lel kaxani, kaa amrit kataak gerhnam. Tatiya kinni amri, tamaa erherhko akah toobbiiniikah kayyadde gedhdhoona. 7Mango doolab-le mari, Yeesus Masiix nabse yekkeh yemeetem aaliminnexeya, caalamalle yewciinih yanin. Tagina leti lel doolab-le tiya kee masiix-didde kinni. 8Kaamil kin casbe kabbattoona ciloh laakin, tuttukhuddumiinim taylaynimko sinne ubula. 9Acrhiyinnantiya kee Masiix aydarasadde siginnexe tiya, Yalla male. Ta aydarasadde siginnanti, Abba kee Barha inkoh le. 10Ta aydaras baahinnexe tiya sinni caredde mikabbaatina, “salaam” yakkeedo akko marhxina. 11Kayyak “salaam” ayinnanti lel kaa uma abittotudde kaalih yasheereke.
Abayshimat salaamta
12Sinalle aktube mango xaaja liyo hanuk, waraqhat kee midad atnaafaco mifarha. Amayimhi idhdhah laakin sinalle emeeteh af kee afah sinlih waanisho caaga. Amayim lel ni xeden kaamil yakko ciloh kinni.
13Doorimte ku saclahi cindham lel kolle yaysillimin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia